Connect with Us

“Rama gënjeu sërish”/ PD: Ja faktet sesi ndryshimet e njëanshme kushtetuese zhbëjnë marrëveshjen e 5 Qershorit

Politikë

“Rama gënjeu sërish”/ PD: Ja faktet sesi ndryshimet e njëanshme kushtetuese zhbëjnë marrëveshjen e 5 Qershorit

Publikuar

-

Partia Demokratike vijon të deklarojë se ndryshimet kushtetuese që po bëhen nga Kuvendi, zhbëjnë marrëveshjen e 5 Qershorit.

Në një deklaratë për mediat, ndërsa komentoi deklaratat e bëra sot nga kryeministri në parlament, sekretari i përgjithshëm i PD-së, gazment Bardhi tha se Rama sërish sot gënjeu.

“Edi Rama gënjeu prapë sot. Ndryshimet e tij të njëanshme kushtetuese i eliminojnë koalicionet dhe prishin Marrëveshjen e 5 Qershorit. Nuk ka asnjë mënyrë që Edi Rama të miratojë këtë Marrëveshje pa e ndryshuar, siç gënjeu edhe sot. Duke eleminuar koalicionet siç parashikohen sot me Kushtetutë dhe në Kodin Zgjedhor, Edi Rama zhbën këtë marrëveshje.

Faktet janë e zeza mbi të bardhë dhe zbulojnë gënjeshtrat banale të Edi Ramës.

Neni 68 i Kushtetutës aktualisht parashikon se:

“Kandidatët për deputetë paraqiten në nivel zone zgjedhore nga partitë politike, koalicionet zgjedhore të partive politike, si dhe nga zgjedhësit.”

Përcaktimi kushtetues nuk ka asnjë dilemë për çështjen e koalicioneve. Koalicionet lejohen nga Kushtetuta, por po ndalohen nga Edi Rama për interesin e tij personal.  Komisioni I Ligjeve e riformulon nenin 68 të Kushtetutës, si më poshtë:

“Kandidatët për deputetë paraqiten në nivel zone zgjedhore nga partitë politike ose nga zgjedhësit.”-tha Bardhi.

Më tej, ai theksoi se është fare e qartë se ndërhyrja e njëanshme në Kushtetutë prej Edi Ramës e prish Marrëvëshjen e 5 Qershorit.

“Faktet janë në draftin e dakordësuar dhe të firmosur nga palët sipas kësaj marrëveshje.

Ky draft, që Edi Rama thotë se do ta miratojë pa ndryshime, parashikon se “partitë pjesëtare të koalicionit të garojnë me lista shumemërore të veçanta”. Pra, marrëveshja, jo vetëm lejon koalicionet parazgjedhore, por u jep mundësinë partive politike brenda një koalicioni të garojnë me lista të veçanta.

Ja, ku është drafti, i dakordësuar mes palëve sipas Marrëveshjes së 5 Qershorit, ku thuhet shprehimisht se “Për partitë pjesëtare të koalicionit që garojnë me lista shumemërore të veçanta numri i kandidatëve në listën shumemërore nuk mund të jetë më i vogël se gjysma e numrit të mandateve që do të zgjidhen në zonën zgjedhore përkatëse, shtuar dy.”

LEXO EDHE:  Video-Qytetarët i “nxjerrin bojën” Ramës/ Kryeministri i vetëm në botë që prodhon filma

Me ndryshimet e njëanshme kushtetuese, Edi Rama do që ta ndryshojë këtë dakordësi dhe të detyrojë partitë të garojnë siç do ai, me një listë të përbashkët dhe jo siç vetë ka dhënë dakordësinë në Marrëveshjen e 5 qershorit.

Një tjetër nen i dakordësuar në Marrëveshjen e 5 qershorit që zhbëhet nga ndryshimet kushtetuese të Edi Ramës është neni 36.

Aty thuhet shprehimisht se “Në rastin kur është shteruar lista e kandidatëve të partisë politike, anëtare e një koalicioni, mandati i kalon partisë së koalicionit me herësin më të lartë.”

Pra, faktet tregojnë se Edi Rama ka rënë dakord dhe Partia Socialiste ka firmosur më 5 Qershor, që jo vetëm të vazhdohet me koalicionet parazgjedhore, por gjithashtu që një parti politike, pjesë e një koalicioni parazgjedhor, të paraqesë listën e vet të veçantë.

Faktet tregojnë se Edi Rama po gënjen. Ai është i tmerruar nga humbja e pushtetit dhe rotacioni i pashmangshëm.

Me prishjen e Marrëveshjes së 5 Qershorit ai po kërcënon rëndë stabilitetin e vendit dhe të ardhmen europiane të Shqipërisë. Opozita e Bashkuar mbështet plotësisht qëndrimet e qarta të Sekretarit amerikan të Shtetit, Përfaqësuesit të Lartë të Bashkimit Europian, Komisionerit për Zgjerimin dhe Bundestagut, si dhe rikonfirmon se i qëndron plotësisht kodifikimit pa asnjë ndryshim të Dakordësisë së 5 Qershorit.

Është koha që marrëveshja të miratohet pa ndryshime, siç u firmos nga Këshilli Politik me pjesëmarrjen e të gjitha palëve politike. Kjo është e vetmja gjë që duhet çuar përpara nga Partia Socialiste, duke i qëndruar dokumentit që ka nënshkruar. Çdo akt tjetër tradhëton interesin kombëtar, duke marrë peng nisjen e negociatave për anëtarësimin e Shqipërisë në Bashkimin Europian.”-u shpreh Gazment Bardhi.

Sipas tij, nëse Partia Socialiste është vërtet e interesuar për të rihapur diskutimin për çështje të tjera në lidhje me reformën zgjedhore, ajo është e obliguar nga Marrëveshja e 14 Janarit dhe nga Marrëveshja e 5 Qershorit ti parashtrojë ato për diskutime dhe vendimmarrje konsensuale në Këshillin Politik.

“Çdo diskutim i tillë, sipas Marrëveshjes, NUK mund të vonojë apo pengojë kodifikimin e Marrëveshjes së 5 Qershorit.”-deklaroi Bardhi./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

“Për të moralshmit që janë prekur nga fjalori im”/ Murrizi i nxjerr videon Ramës: Mor qen.. mor zagar…

Publikuar

-

Nga

Kryetari i Lidhjes Demokratike të Shqipërisë, Myslim Murrizi, ka dalë me një reagim në rrjetet sociale, ku i përgjigjet gjithë atyre që e kritikuan për fjalorin e rëndë që ka përdorur në komentimin e ceshtjes së patronazhistëve.

Duke ‘justifikuar’ fjalorin e tij, Murrisi ka publikuar dhe videon e kryeministrit Rama, ku fyen një qytetar me fjalor të rëndë banal.

LEXO EDHE:  Basha në panik/ Zbulohet sms-ja për strukturat

LEXO EDHE:  Tjetër goditje për arsimin shqiptar/ Oxfordi i Britanisë "shuplakë” Ramës

“Per keta mender te “ moralshem” qe me bejne derr derr me komente se qenkan “ prekur” nga fjalori im per felliqesirat patronazhist te Lindes se rilindjes

Degjoni kete komunikim mes nje qytetari emigrant dhe shefit te fuksave patronazhist km, e pastaj komentoni si te “ indijuar”./CNA.al

LEXO TE PLOTE

Politikë

“Të rinjtë do ta paketojnë 3D/ “Kryemadhi akuza Ramës

Publikuar

-

Nga

Kryetarja e LSI-së Monika Kryemadhi ka vijuar fushatën për zgjedhjet e 25 Prillit nga qyteti i Durrësit.

Kryemadhi deklaroi se Lëvizja Socialiste për Integrim synon që të jetë forcë e parë në Durrës. Ajo akuzoi kryeministri Edi Rama se bën mashtrime me 3D. Sipas saj, të rinjtë e Shqipërisë do ta paketojnë Ramën në 3D më datë 25 prill.

“Mandatet e LSI janë mandate gjaku. Rama do të paketohet 3D. Durrësi e ka mundësinë që të jetë qendër e rëndësishme ekonomike për Shqipërinë dhe rajonin. Rama bën mashtrime me 3D. Të rinjtë e Durrësit dhe të Vlorës do ta paketojnë Edi Ramën në 3D. Ashtu siç bën ai projektet e tij 3D, ashtu do ta paktojnë Ramën, për ta çuar para gjykimit dhe të Zotit lart.

Ta nxjerrim LSI-në forcë të parë në Durrës. askush të mos na mohojë që të jetojmë në Shqipëri me dinjitet dhe me punë të ndershme. Do ta çojmë deri në fund zotimin që të ndërtojmë të gjitha shtëpitë e dëmtuara nga tërmeti. Zoti e bekoftë Durrësin, rininë shqiptare dhe Shqipërinë. Votoni më 25 prill për numrin 6, për LSI-në”, deklaroi Kryemadhi./ CNA.al

LEXO TE PLOTE

Politikë

“Koha e Edi Ramës ka mbaruar”/ Basha: Lutet kot të jetë pjesë e koalicionit tonë për ndryshim

Publikuar

-

Nga

Kryetari i Partisë Demokratike Lulzim Basha vijoi fushatën nga Blinishti i Zadrimës ku deklaroi se kryeministrit Edi Rama do ti mbarojë koha në 25 Prill. Ndër të tjera kryedemokrati ju bëri thirrje banorëve që të votojnë numrin 9.

“Koha e Ramës mbaron më 25 prill. Lutet më kot që të jetë pjesë e koalicionit tonë për ndryshim. E bën sepse e ka kuptuar se më 25 prill, ai humb dhe Shqipëria fiton. Edhe një javë na ndan nga ndryshimi i vendit. Zadrima më 25 prill voton numrin 9. Zgjidhni 9 për ndryshimin e Shqipërisë. Nuk do lëmë jashtë bashkimit askënd, as socialistët e zhgënjyer. Zoti e bekoftë Zadrimën dhe Shqipërinë”, u shpreh Basha.

Basha theksoi se kryeministri lutet më kot që të jetë pjesë e koalicionit për ndryshim, duke shtuar se me ndryshimin duhet që të bashkohen edhe socialistët e zhgënjyer.

Dhe ky tani vjen vërdallë prapë pas 8 vitesh dështimesh dhe kërkon dhe 4 vite të tjera. 4 vite të tjera të cilat do të ishin shkatërrimtare për familjet tona, shkatërrimtare për Shqipërinë tonë, ndaj jeni sot këtu për ti dhënë përgjigjen e prerë. Siç ja kemi dhënë e siç do ja japim me 25 prill ku do të ndahemi njëherë e mirë.

Edi Rama koha e dështimeve të tua ka mbarua, koha e dështimit tënd ka mbaruar, koha jote mbaron më 25 prill. Më kot lutet që të jetë pjesë e bashkëqeverisjes me koalicionin tonë për ndryshim. Ju e dini pse e bën apo jo? A e dini apo jo? Sepse e ka kuptuar që në 25 prill ai humb dhe Shqipëria fiton”, shtoi Basha./CNA.al

LEXO TE PLOTE