Kronika
Të shtënat me armë në Shkodër/ Plagoset pranë banesës, drejtori i Ujësjellësit dhe djali i tij
Deteja të reja janë zbardhur nga ngjarja e pasdites së sotme në Shkodër ku u raportuan të shtëna me armë.
Mësohet se si pasojë e të shtënave me armë ka mbetur i plagosur, Drejtori i Ujësjellësit dhe Kanalizimeve, Mark Molla dhe djali i tij. Bëhet me dije se Molla dhe i biri, është plagosur afër banesës së tyre.
“Rreth orës 16:00, në lagjen “Mark Lula”, në Shkodër, shtetasi M. P., para banesës së tij, pas një konflikti për motive të dobëta me shtetasin M. M, me detyrë Drejtor i Ujësjellësit në Bashkinë Shkodër dhe djalin e tij K. M., i ka plagosur të dy me armë zjarri pistoletë. Shtetasi M. M. dhe djali i tij K. M. janë transportuar menjëherë në Spitalin Rajonal Shkodër, ku ndodhen jashtë rrezikut për jetën. Policia e Shkodrës dhe strukturat e DVP Shkodër, me marrjen e njoftimit, shkuan menjëherë në vendngjarje, duke bërë rrethimin e zonës dhe falë veprimeve të shpejta dhe profesionale bënë kapjen dhe arrestimin në flagrancë të autorit, shtetasit M. P, 43 vjeç, të cilit në momentin e kapjes shërbimet e Policisë i gjetën dhe sekuestruan edhe armën me të cilën ky shtetas plagosi shtetasit M. M. dhe K. M. Grupi hetimor ndodhet në vendngjarje dhe vijon punën për sqarimin e plotë të rrethanave të ngjarjes”, thuhet në njoftimin e policisë./CNA.al
Kronika
Ekzekutimi i Taulant Gjikajt në Vlorë/ Arrestohet biznesmeni me dy emra, shpallet në kërkim një tjetër
Policia ka dhënë njoftim zyrtar për ekzekutimin e 31-vjeçarit Taulant Gjikaj mesditën e sotme në Vlorë.
Policia njofton se ka arrestuar në kohë rekord një nga autorët e dyshuar të vrasjes së të riut.
Në pranga ka rënë 44-vjeçari Hans (Andi) Jonizaj, banues në Vlorë.
Gjithashtu, shërbimet e Policisë kanë sekuestruar në cilësinë e provës materiale automjetin tip “Ford”, me të cilin autori tentoi të largohej, si dhe një armë zjarri kallashnikov.
Vlorë/Informacion shtesë
Policia e Vlorës kap dhe arreston në kohë rekord një nga autorët e dyshuar të vrasjes së 31-vjeçarit.
Shërbimet e Komisariatit të Policisë Vlorë, në bashkëpunim me strukturat hetimore të Drejtorisë Vendore të Policisë Vlorë dhe forcat e posaçme “Shqiponjat”, pas njoftimit të marrë se në lagjen “Bashkimi”, në afërsi të Gjykatës së Apelit Vlorë, kishte të shtëna me armë zjarri, menjëherë kanë shkuar në vendngjarje.
Falë veprimeve të shpejta profesionale dhe hetimore, krehjes së zonës dhe reagimit të menjëhershëm u bë e mundur kapja dhe arrestimi i njërit prej autorëve të dyshuar të ngjarjes, shtetasi:
J., 44 vjeç, banues në Vlorë.
Gjithashtu, shërbimet e Policisë kanë sekuestruar në cilësinë e provës materiale automjetin tip “Ford”, me të cilin autori tentoi të largohej, si dhe një armë zjarri kallashnikov.
Ky shtetas, sot, rreth orës 14:20, në lagjen “Bashkimi”, Vlorë, në bashkëpunim me një shtetas tjetër, i cili është shpallur në kërkim, ka qëlluar me armë zjarri në drejtim të shtetasit T. GJ., 31 vjeç, i cili si pasojë e plagëve të marra ka ndërruar jetë.
Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e plotë të rrethanave të ngjarjes, identifikimin dhe kapjen e autorit tjetër.
Kronika
Foto/ Përplasen dy automjete në Korçë
Një tjetër aksident rrugor është regjistruar pasditen e sotme në Korçë, në unazën e qytetit.
Mësohet se dy automjete janë përplasur me njëra-tjetrën.
Si pasojë e përplasjes nuk ka të lënduar por vetën dëme materiale.
Policia ndodhet në vendngjarje për të zbardhur shkaqet e plota të aksidentit.
Kronika
Vrasja në Vlorë/ Viktima, djali i një ish-punonjësi të policisë dhe me të shkuar kriminale
Të tjera detaje kanë dalë lidhur me vrasjen e ndodhur sot në Vlorë.
Taulant Beqiraj (Gjikaj, Manaj) është viktima me tre mbiemra e atentatit të sotëm. Mësohet se Taulant Beqiraj ishte djali i një ish-punonjësi të policisë dhe ishte me të shkuar kriminale.
31 vjeçari është qëlluar me breshëri kallashnikovi nga një person i veshur me të zeza, i cili ka zbritur nga një makinë me xhama të zinj. Në këto momente viktima ka qenë duke ecur në trotuar shumë pranë një lokali, dhe pas të shtënave është shtrirë në trotuar.
Beqiraj ka qenë protagonist në një ngjarje të rëndë të ndodhur në datë 27 shkurt 2018 në qytetin e Vlorës. 8 të rinj me pistoleta dhe kallashnikov janë përplasur me armë dhe kanë qëlluar ndaj njeri-tjetrit me armë zjarri. Nga shkëmbimi i zjarrit nga dy bandat mbetën 3 persona të plagosur./CNA.al
