Connect with Us

Dënimi me vdekje në SHBA pas 17 vitesh/ Ekzekutohet i burgosuri që vrau një familje më 1996

Bota

Dënimi me vdekje në SHBA pas 17 vitesh/ Ekzekutohet i burgosuri që vrau një familje më 1996

Publikuar

-

Dënimi me vdekje në SHBA pas 17 vitesh/ Ekzekutohet i burgosuri që vrau një familje më 1996

Pas 17 vjetësh, qeveria amerikane kreu ekzekutimin e saj të parë me vdekje.

Ekzekutimi i të burgosurit Daniel Lewis Lee u krye pas vendimit të Gjykatës së Lartë të martën herët në mëngjes që rrëzonte urdhrin e një gjykate më të ulët për tre ekzekutime të planifikuara për këtë javë dhe një tjetër të caktuar për muajin e ardhshëm.

Lee u ekzekutua me një dozë qetësuesi të fuqishëm, pentobarbital, në një burg federal të shtetit Indiana, pak orë pasi gjykata shpalli vendimin.

Ai ishte shpallur fajtor për vrasjen e një familjeje prej tre anëtarësh, përfshirë një vajzë 8-vjeçare, në vitin 1996.

Lee duhej të ekzekutohej të hënën, por disa orë para se kjo të ndodhte, një gjykatës federal lëshoi një urdhër paraprak me arsyetimin se gjykatave duhet t’u lihej më shumë kohë për të shqyrtuar nëse metoda e ekzekutimit shkelte masat mbrojtëse kushtetuese kundër dënimeve mizore dhe të pazakonta.

Avokatët argumentuan se pentobarbitali mund të shkaktojë një lloj stresi të frymëmarrjes me ndjesinë e mbytjes.

Shumica e Gjykatës së Lartë (5-4) e hodhi poshtë këtë argument, duke thënë se pentobarbitali ishte miratuar nga shtetet që kryejnë ekzekutimet e tyre dhe se më shumë se 100 njerëz janë ekzekutuar me këtë mënyrë, pa ndonjë incident.

“Qeveria ka sjellë dëshmi ekspertësh, ku ka treguar se edemat pulmonare ndodhin vetëm pasi i burgosuri ka vdekur ose ka humbur plotësisht ndjenjat,” shkruhej në opinionin e shumicës. “Pala ankuese në këtë rast nuk ka treguar provat për të justifikuar ndërhyrjen në minutën e fundit nga një Gjykatë Federale.”

LEXO EDHE:  Aksidenti në Lungomare/ Shtyhet për të shtunën masa e sigurisë për shefin e hetimit

Gjyqtaret Sonia Sotomayor, Ruth Bader Ginsburg dhe Elena Kagan, u shprehën në opinionin e pakicës se shumica ishte nxituar në rishqyrtimin e çështjes.

“Vendimi i sotëm ilustron se sa të rënda mund të jenë pasojat e vendimmarrjes së tillë të përshpejtuar,” tha gjyqtarja Kagan.

Gjyqtari Stephen Breyer, të cilit iu bashkua edhe gjyqtarja Ginsburg, u shpreh se Gjykata e Lartë mund të duhet të shqyrtojë vetë kushtetutshmërinë e dënimit me vdekje.

Ekzekutimi i Wesley Ira Purkey është caktuar për ditën e mërkurë, i ndjekur nga ekzekutimi i Dustin Lee Honken të premten. Keith Dwayne Nelson është planifikuar të ekzekutohet më 28 gusht.

Që nga rivendosja e dënimit me vdekje në vitin 1988, qeveria federale kishte ekzekutuar deri tani tre persona në vitin 2003. /VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Pandemia e Covid/ Sulmohet me molotov Instituti për sëmundjet infektive në Gjermani

Publikuar

-

Nga

Ndërtesa e Institutit “Robert Koch”, në Gjermani është sulmuar me molotov duke shkaktuar dëme të konsiderueshme materiale.

Rojet e sigurisë tregojnë se arritën t’i dallonin agresorët që sulmuan institutin që këshillon qeverinë për masat e nevojshme kundër pandemisë së koronavirusit, por pa mundur t’i identifikonin. Ditët e fundit Gjermania ka shënuar një rritje të numrit të personave të infektuar me koronavirus ashtu si pjesa tjetër e Evropës.

Një pjesë e madhe e gjermanëve i kanë mbështetur masat e marra nga qeveria për të parandaluar përhapjen e pandemisë, por ka pasur dhe një pjesë tjetër që ka protestuar kundër tyre. Marshimet kanë tërhequr njerëz të ndryshëm nga ata që kundërshtojnë vaksinën deri tek ata që i konsiderojnë masat si shkelje të të drejtave të njeriut./CNA.al

LEXO TE PLOTE

Bota

U shpall organizatë kriminale/ Gjykata dërgon në burg udhëheqësit e Agimit të Artë

Publikuar

-

Nga

U shpall organizatë kriminale/ Gjykata dërgon në burg udhëheqësit e Agimit të Artë

Udhëheqësi dhe themeluesi i Partisë neo-naziste Agimi i Artë iu vetëdorëzua autoriteteve pasi një gjykatë e dënoi atë dhe zyrtarë të tjerë të lartë të kësaj partie me mbi 13 vite burg, lidhur me drejtimin e një organizate kriminale të kamufluar si parti politike.

Ky është një vendim historik që pritet të ketë ndikim tek partitë e tjera të djathta në mbarë Evropën.

Megjithatë, ndërsa trupi gjykues prej tre anëtarësh lëshonte urdhërat për fillimin e menjëhershëm të vuajtjes së dënimit të udhëheqësve të Partisë Agimi i Artë, disa prej tyre u paraqitën sfidues.

Nikos Michaloliakos, udhëheqësi i Agimit të Artë, doli nga shtëpia e tij duke u zotuar se do të kthehej së shpejti.

“Ne do të dalim të pafajshëm!”, bërtiti ai. “Jam krenar që më çojnë në burg për shkak të ideve të mia. Historia dhe populli grek do të na nxjerrë të pafajshëm”, tha ai.

Zoti Michaloliakos dhe gjashtë anëtarë të tjerë të udhëheqjes së Agimit të Artë janë ish-deputetë të parlamentit grek. Njëri prej tyre vazhdon të jetë anëtar i Parlamentit Evropian.

Ata u dënuan më herët këtë muaj me mbi 13 vite burg për drejtimin e një fushate dhjetëvjeçare dhune që kishte nën shënjestër persona nga e majta politike dhe me origjinë jo greke.

Megjithë dënimin e tyre, të pandehurit u përpoqën me ditë të tëra në gjykatë për të fituar zbutje ose falje të dënimit. Madje edhe prokuroi i çështjes rekomandoi që neonazistët të mos futeshin në burg, me argumentin se nuk kishin histori të mëparshme kriminale.

Megjithatë pas vonesash të përsëritura dhe ditësh të tëra me paraqitje argumentash, gjykatësja Maria Lepenioti urdhëroi vuajtjen e dënimit në qeli për të gjithë udhëheqjen e këtij grupimi, duke këmbëngulur që të fillonte menjëherë zbatimi i këtij urdhëri.

Policia ka nisur grumbullim e udhëheqësve të Agimit të Artë të cilët pritet që t’i apelojnë dënimet. Vendimi është historik, tha prokurori Kosta Papadakis pasi shemb misticizimin që rrethonte Agimin e Artë.

Me simbolin që i ngjan svastikas naziste dhe përshëndetjen me krahun e shtrirë që lartëson Adolf Hitlerin, Agimi i Artë është një parti neonaziste që u shfaq nga hiçi, duke fituar avantazh befasues gjatë krizës së errët ekonomike të Greqisë.

LEXO EDHE:  Zyrtarët e shëndetësisë në SHBA paralajmërojnë përhapjen e koronavirusit

LEXO EDHE:  Zyrtarët e shëndetësisë në SHBA paralajmërojnë përhapjen e koronavirusit

Nga vetëm 200 mijë vota të marra në vitin 2009, kjo parti arriti të fitojë brenda tre viteve 7 për qind të votave dhe 21 deputetë në parlament.

Ata e ruajtën pozitën e arritur deri në 2019, me 18 deputetë në parlamentin grek. Asnjë parti fashiste në Evropë nuk ka arritur avantazh të tillë në zgjedhjet e përgjithshme prej vitesh.

Ajo që e dalloi Agimin e Artë dhe që ndoshta e bëri më të rrezikshëm se të gjithë grupet e tjera naziste në Evropë, ishte se në publik shumë prej anëtarëve të saj predikonin politika të respektueshme dhe shërbimin ndaj komunitetit duke vendosur grekët të parët.

Shumë prej anëtarëve ndihmonin duke shoqëruar vajzat natën përmes kryeqytetit të vendit të përfshirë nga kriminaliteti me qëllimi për t’i mbrojtur ato. Ata u vinin në ndihmë të moshuarve dhe u sillnin ushqime e veshje personave në nevojë, përfshi dhjetëra mijëra grekëve që humbën vendet e punës për shkak të krizës financiare.

Por ata gjithashtu perceptoheshin si nazistët për të cilët flitet në librat e historisë të gjithë të motivuar nga racizmi i thellë dhe admirimi për Adolf Hitlerin, nga retorika e tij ekstremiste, tubimet me pishtarë dhe valëvitje flamujsh, rekrutimi i pareshtur i të rinjve dhe themelimi i grupeve të dhunshme që endeshin shpesh rrugëve të vendit, duke sulmuar emigrantët, sindikalistët komunistë dhe homoseksualët.
Sulmi vdekjeprurës në vitin 2013 ndaj Pavlos Fyssas detyroi më në fund autoritetet ta godasin këtë grup të dhunshëm e të burgosin udhëheqësit e tyre.

Nuk është e qartë nëse kjo parti mundet apo do të vazhdojë të jetë operative. Gjithashtu është e paqartë nëse fundi i Agimit të Artë do të largonte qasjen ekstremiste të së djathtës apo tendencat raciste ende të forta në radhët e shoqërisë greke./VOA

LEXO TE PLOTE

Bota

SHBA/ Fushata presidenciale mes pandemisë së koronavirusit

Publikuar

-

Nga

SHBA/ Fushata presidenciale mes pandemisë së koronavirusit

Shefi i stafit të Nënpresidentit Mike Pence ka rezultuar pozitiv me koronavirus. Ndërsa kanë mbetur vetëm pak ditë nga zgjedhjet e 3 nëntorit për Shtëpinë e Bardhë, zoti Pence ka vendosur të vazhdojë me fushatën tejet intensive.

Kandidatët për president po zhvillojnë tubime elektorale për të tërhequr votuesit në shtetet e pavendosura.

Ndërkohë të dhënat më të fundit flasin për një shpërthim tjetër të mundshëm të koronavirusit në Shtëpinë e Bardhë. Mësohet se Marc Short, shefi i stafit të Nënpresidentit Mike Pence dhe të paktën një punonjës tjetër në zyrën e tij janë prekur nga COVID-19.

“E mora vesh lajmin. Ai ndodhet në karantinë. Do të bëhet mirë”, tha Presidenti Trump për median pas një tubimi të zhvilluar të shtunën.

Njoftimet bëjnë të ditur se Nënpresidenti Pence dhe bashkëshortja e tij kanë rezultuar negativë. Zoti Pence do të vazhdojnë me planet e fushatës, duke bërë tubime të dielën në Karolinën e Veriut, pavarësisht se ishte në kontakt të ngushtë me zotin Short.

Gjatë një tubimi të shtunën në Uiskonsin, Presidenti Trump përsëriti mesazhin se vendi po e kapërcen situatën.

LEXO EDHE:  Al-Kaeda merr përgjegjësinë për sulmin në bazën amerikane

LEXO EDHE:  “Këto janë të patolerueshme”/ Edvin Kulluri “ultimatum” qeverisë

“Kemi testimet më të mira në botë. Media e rreme e përdor këtë si mjet. Ka rënë vdekshmëria pasi është bërë një punë e madhe. Ajo që kanë bërë mjekët tanë është e pabesueshme”, tha Presidenti Trump.

Në Pensilvani, kandidati demokrat Joe Biden kritikoi kundështarin Trump mbi reagimin e tij ndaj pandemisë.

“Sipas regjistrimeve, ai e dinte se koronavirusi ishte 7 herë më i rrezikshëm se gripi. Por çfarë bëri ai? A i tregoi popullit amerikan? A e paralajmëroi ai popullin amerikan? Jo nuk e bëri”.

Ndërsa në Shtetet e Bashkuara vazhdon votimi i hershmëm, në qytetin e Nju Jorkut u vunë re radhë të gjata. Tashmë banorët në të 50 shtetet amerikane dhe kryeqytetin e vendit Uashington mund të hedhin votën e tyre. Të dhënat tregojnë për një pjesmarrje rekord në mbarë vendin. Gjashtë shtete kanë tejkaluar shifrën prej 1 milion votash të hedhura fizikisht në qendrat e votimit.

LEXO TE PLOTE