Sport
Flitet për largim, Idi Batha merr vendimin do qëndrojë apo jo më te Tirana
Idriz Batha është padyshim një nga lojtarët më të mirë të Tiranës dhe fatmirësisht bardheblutë pritet ta kenë në gjirin e tyre edhe sezonin e ardhshëm. Këtë e pohoi vetë mesfushori mbrëmjen e djeshme në emisionin “Fair Play” në “Syri Tv”. E vetmja gjë që do e largonte Bathën nga Tirana, do të ishte një ofertë më prestigjoze nga jashtë vendit.
BARAZIMI NDAJ TË KUQVE- “Barazimi me Partizanin nuk është fundi i botës. Për mënyrën se si erdhi, është një pikë me shumë vlera. Tani jemi në pozita pak më të qeta”.
TENSIONI- “Është e vërtetë, që Tirana është pak e tensionuar, por jo për shkak të derbit. Jemi për shkak të fundit të kampionatit, 90% e lojtarëve nuk e kanë provuar shijen e titullit. Sigurisht që do të duhet dhe do ta menaxhojmë këtë situatë”.
PA TIFOZË- “Sigurisht që mungesa e tifozëve u ndje. Të luash pa tifozë është, nuk kam me çfarë ta krahasoj tjetër, sepse është e pakrahasueshme”.
EGBO- “Trajneri Egbo, thjesht menaxhoi, të gjithë këta futbollistë nuk i la të ulnin kokën, nuk i la të mërziteshin, por i karikoi që të jepnin maksimumin. Kjo ishte ‘mrekullia’ e Egbo. Fryma në skuadër është më e mira e mundshme, përderisa jemi në vend të parë dhe besojmë te forca e kolektivit”.
RINOVIMI- “Sa i përket të ardhmes, klubi është shfaqur gati dhe unë po ashtu për të rinovuar. Mund të lëviz nga Tirana vetëm nëse do të largohesha nga Shqipëria, por deri tani nuk ka asnjë ofertë konkrete”.
Sport
Klubi largoi Sormanin, ja si reagojnë tifozët e Partizanit
Ditën e sotme është njoftuar shkarkimi i Adolfo Sormanit nga drejtimi i ekipit të Partizanit. Ka qenë vetë klubi, që ka njoftuar këtë vendim, shtyrë nga refuzimi i trajnerit për të qenë në drejtim të skuadrës në një ndeshje derbi si ajo e së premtes së shkuar ndaj Tiranës, të përfunduar 1-1 në “Air Albania Stadium”.
Në njoftimin e Partizanit kanë qenë të shumtë tifozët që kanë komentuar, duke dhënë mendimin e tyre në lidhje me ikjen e italianit dhe ardhjen e trajnerit të ri në fund të sezonit, pasi në tre ndeshjet e mbetura në krye do të jetë Renaldo Kalari. Shumica dërrmuese janë të lumtur nga ikja e italianit dhe bëjnë thirrje për të mos marrë më italianë në krye të skuadrës, por drejtuesit të hedhin sytë nga trajnerët shqiptarë.
Emrat më të përmendur janë tre, Skënder Gega, Ilir Daja dhe Shpëtim Duro. I pari ishte në krye të ekipit vitin e shkuar dhe e shpalli kampion, por në fund u shpall divorci dhe pasoi një edicion zhgënjyes. Daja është nën kontratë me Skënderbeun dhe po pret vendimin e apelimit të dënimit ndaj skuadrës korçare.
Pas kësaj ai pritet të vendosë dhe një bashkim me Partizanin do të gëzonte jo pak tifozët e kuq, të cilët ja këshillojnë klubit ta vendosë në krye të skuadrës. Duro, edhe pse më pak se dy të tjerët, është gjithashtu një emër i dëshiruar për tifozët e kuq. Mbetet të shihet se cili do të jetë vendimi i presidentit Demi dhe drejtorit Olsi Rama, por tifozët po e thonë fjalën e tyre.
Seria A
I kënaqur me Gatuzon, Elseid Hysaj gjen lumturinë te Napoli
Elseid Hysaj nuk pati asnjë minutë në fushë mbrëmjen e djeshme kundër Milanit, por fakti se pas mbërritjes së Xhenaro Gatuzos në stolin e Napolit, gjërat për të kanë ndryshuar pozitivisht, këtë gjë kapiteni i Kombëtares së Shqipërisë e pranoi hapur për “Sky Sport”, përpara duelit të përfunduar 2-2 në stadiumin “San Paolo”.
“Napoli është rikthyer që të jetojë një periudhë mjaft pozitive, të rikthehet të luajë një futboll cilësor dhe shpresojmë që këtë ritëm ta ruajmë deri në fund të këtij sezoni, – shpjegon mbrojtësi i djathtë i Napolit, i cili kur pyetet sesa do të ndikojë Gatuzo në të ardhmen e tij, thekson:
Gatuzo është një trajner dhe një person që ndoshta i përjeton ndeshjet edhe më shumë sesa ne, por këtë ritëm ka ditur se si të na e transmetojë të gjithëve në grup.
Edhe për duelin me Milanin, ai ka qenë shumë i karikuar gjatë gjithë këtyre ditëve, duke na shtuar të gjithëve besimin për të bërë një paraqitje të mirë. E ardhmja ime? Dua ta nis duke thënë se kam shumë besim te Gatuzo. Te Napoli ndihem si në shtëpinë time, por në futboll ka gjëra që nuk parashikohen dot”.
Kombëtare
Nuk do jetë Agolli ndihmësi i tij në Azerbajxhan, ja kë ka zgjedhur italiani
Ish-kapiteni i Shqipërisë Ansi Agolli nuk do të jetë ndihmësi teknik i trajnerit italian Xhani De Biazi te kombëtarja e Azerbajxhanit
“La Gazzetta dello Sport” shkruan se ish-tekniku i Shqipërisë ka përzgjedhur si bashkëpunëtorë të tij Beni Karbone dhe Klaudi Beluçin, dy ish-sulmues të viteve ’90-‘2000 në Serinë A.
De Biazi mori drejtimin e Azerbajxhanit pas 3 vitesh qëndrimi larg trajnimit.
