Connect with Us

Çështja e “Shën Sofisë”/ Erdogan: Vendimi ka të bëjë me kombin turk dhe me asnjë tjetër!

Bota

Çështja e “Shën Sofisë”/ Erdogan: Vendimi ka të bëjë me kombin turk dhe me asnjë tjetër!

Publikuar

-

Çështja e “Shën Sofisë”/ Erdogan: Vendimi ka të bëjë me kombin turk dhe me asnjë tjetër!

Presidenti turk Rexhep Taip Erdogan ka reaguar në lidhje me komentet dhe kritikat e shumta, që nga momenti kur gjykata në Stamboll mori vendimin për t’i hequr statusin muze Kishës së Shën Sofisë për ta kthyer në Xhami.

Erdogan thotë se askush nuk duhet të përzihet me këtë çështje, sepse i takon vetëm Turqisë.
“Vendimi përfundimtar për statusin e Hagia Sophia ka të bëjë me kombin turk dhe me asnjë tjetër. Është çështje jona e brendshme,”-tha presidenti turk, duke iu referuar reagimeve për shndërrimin në xhami të Shën Sofias.

Për revistën Kriter, Rexhep Tajip Erdogan më tej deklaroi se për ta kthyer kishën në muze në vitin 1934 ishte “jashtëzakonisht i dhimbshëm për kombin tonë”.
Në të njëjtën intervistë, presidenti turk gjithashtu përmendi ato që po ndodhin në rajonin e Mesdheut, duke argumentuar se vendi i tij “nuk dëshiron tension në rajon”.
“Unë e them qartë dhe me zë të lartë. Ne nuk duam tension në Mesdhe , i cili ka qenë djep i kulturave të ndryshme përgjatë historisë. Përkundrazi, ne besojmë se depozitat e hidrokarbureve janë një mundësi për të gjithë rajonin,” tha Rexhep Tajip Erdogan./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Evropa kërkon lirimin e Navalnit/ Thirrje për sanksione ndaj Kremlinit

Publikuar

-

Nga

Evropa kërkon lirimin e Navalnit/ Thirrje për sanksione ndaj Kremlinit

Udhëheqësit perëndimorë po kërkojnë lirimin e drejtuesit të opozitës ruse Aleksei Navalni, i cili u arrestua të dielën pasi mbërriti në Moskë nga Gjermania, ku ndodhej për trajtim mjekësor. Korrespondenti i Zërit të Amerikës Henry Ridgwell sjell më shumë detaje.

Pas më pak se 24 orë nga kthimi i tij në Rusi, udhëheqësi i opozitës ruse Aleksei Navalni u përball të hënën me një seancë gjyqësore jashtëzakonisht të pazakontë brenda këtij stacioni policor në Moskës dhe u vendos në paraburgim për 30 ditë. Prokurorët kërkuan një dënim me kusht ekzistues të pezulluar, prej tre vitesh e gjysmë për përvetësim, shndërruar në një dënim të plotë me burg. Zoti Navalni thotë se akuzat ndaj tij janë të motivuara politikisht dhe u bëri thirrje mbështetësve të tij të dalin në rrugë.

“Mos heshtni, rezistoni, dilni në rrugë. Askush nuk do të na mbrojë përveç vetes. Dhe ne jemi aq shumë sa që nëse duam të arrijmë diçka, do t’ia arrijmë”, thotë Aleksei Navalni, udhëheqësi i opozitës ruse.

Zoti Navalni u arrestua të dielën pasi u kthye nga Gjermania, ku po trajtohej pas helmimit në Siberi vitin e kaluar me një agjent nervor.

Kremlini e ka mohuar përfshirjen në sulm. Ndërkohë Berlini kërkon lirimin e zotit Navalni.

“Autoritetet ruse kanë arrestuar viktimën e një tentative për vrasje me armë kimike, jo autorin e krimit. Qeveria gjermane i bën thirrje fuqimisht qeverisë ruse që së pari ta lirojë menjëherë zotin Navalni dhe së dyti të hetojë plotësisht rrethanat e sulmit me armë kimike ndaj tij në tokën ruse”, thotë Steffen Seibert, zëdhënës i qeverisë gjermane

Udhëheqësit e tjerë evropianë i bënë jehonë kësaj kërkese. Zyra e Kombeve të Bashkuara për të Drejtat e Njeriut tha se ishte thellësisht e shqetësuar nga arrestimi i zotit Navalni. Sekretari amerikan i Shtetit Mike Pompeo si dhe këshilltari i ardhshëm për Sigurinë Kombëtare i Presidentit të zgjedhur Joe Biden kanë kërkuar gjithashtu lirimin e tij.

Udhëheqësi 44-vjeçar i partisë “Rusia e së Ardhmes” paraqet një sfidë për Presidentin Vladimir Putin, thotë analisti Ben Noble.

“Me zgjedhjet e Dumës Shtetërore (dhoma e ulët e parlamentit rus) që mbahen më 2021, Navalni jo vetëm që është një demonstrim hapur i kundërshtimit ndaj Kremlinit, por fondacioni i tij i anti-korrupsion dhe videot tejet të shkëlqyera në YouTube me prova për korrupsion të zyrtarëve shtetërorë e anëtarëve të tjerë të elitës ruse, krijojnë shqetësime për Kremlinin. Sigurisht që është një rrezik për Kremlinin që Navalni të kthehet në një martir ose që statusi i tij si martir të konsolidohet”, Ben Noble, analist për Rusinë, University College London.

LEXO EDHE:  Fethullah Gulen flet për grushtin e shtetit në Turqi/ Më ngjan me një skenar të Hollywood

LEXO EDHE:  Erdogan zbulon gënjeshtrën e Hashim Thaçit dhe kërcënon Haradinajn

Deri më tani Perëndimi i ka ndaluar veprimet ndëshkuese ndaj Rusisë. Muajin e kaluar BE-ja u bashkua me aleatët e saj në miratimin e të ashtuquajturit “Akti Magnitsky”, i cili parashikon sanksione ndaj individëve të akuzuar për abuzim me të drejtat e njeriut. Aktivisti Bill Browder, i cili ndihmoi në miratimin e këtij ligji, thotë se është koha që ai të zbatohet.

“Nëse përfshini të gjitha vendet e BE-së, SHBA-në, Kanadanë, Britaninë e Madhe, etj., janë 31 vende. Ndaj kjo gjë do të ketë një efekt shumë të rëndësishëm mbi Rusinë, mbi njerëzit ndaj të cilëve rëndojnë sanksionet. Dhe siç e kuptoj unë, Navalni dhe ekipi i tij, para se të hipnin në aeroplan, kishin krijuar një lloj liste të atyre që ata mendojnë se duhet të jenë në listën e sanksioneve”, thotë Bill Browder, Aktivist për të Drejtat e Njeriut.

Vladimir Putin e sheh këtë si rrezikun më të vogël, argumenton zoti Noble.

“Sipas asaj që unë mendoj Kremlini mund ta përballojë këtë turbullirë afatshkurtër, por kapja e tij (Navalnit), futja e tij në burg do të ishte një mënyrë për ta privuar atë nga ekspozimi në media”, thotë Ben Noble, analist për Rusinë, University College London

Ministri i Jashtëm rus Sergei Lavrov iu kundërpërgjigj të hënën kritikave për arrestimin e zotit Navalni.

“Politikanët perëndimorë e shohin këtë si një mundësi për të tërhequr vëmendjen nga kriza e thellë në të cilën ndodhet modeli liberal i zhvillimit”, tha ai.

Analistët thonë se veprimet e Rusisë do të përkeqësojnë tensionet me Perëndimin, ndërsa të dyja palët përgatiten për një administratë të re amerikane, që pritet të marrë pushtetin këtë javë nën drejtimin e Presidentit të zgjedhur Joe Biden./ VOA

LEXO TE PLOTE

Bota

Pompeo: Kina është duke kryer gjenocid kundër ujgurëve

Publikuar

-

Nga

Pompeo: Kina është duke kryer gjenocid kundër ujgurëve

Në orët e fundit në postin e Sekretarit amerikan të Shtetit, Mike Pompeo, tha se politikat e Kinës ndaj myslimanëve dhe pakicave etnike në provincën Ksinjiangut përbëjnë një “gjenocid”.

“Unë besoj se ky gjenocid është duke vazhduar dhe se ne jemi dëshmitarë të përpjekjes sistematike për të shkatërruar ujgurët”, tha Pompeo në një deklaratë.

Përcaktimi si gjenocid pason një debat të brendshëm intensiv, pasi Kongresi miratoi legjislacionin më 27 dhjetor, përmes të cilit kërkoi që administrata amerikane të përcaktojë brenda 90 ditësh nëse puna e detyruar ose krime të tjera të pretenduara kundër ujgurëve dhe pakicave të tjera myslimane janë krime kundër njerëzimit ose një gjenocid.

Vendimi i SHBA-së nuk përcakton automatikisht ndonjë masë, por kjo do të thotë që vendet do të duhet të mendojnë shumë nëse do të lejojnë kompanitë të bëjnë biznes me Ksinjiangun, një nga furnizuesit kryesorë global të pambukut.

Pesë ditë më parë, administrata amerikane njoftoi se do të ndalonte importet e pambukut dhe domateve nga Ksinjiangu.

LEXO EDHE:  Erdogan zbulon gënjeshtrën e Hashim Thaçit dhe kërcënon Haradinajn

LEXO EDHE:  Presidenti turk Erdogan zbulon gënjeshtrën e Thaçit

Kina ka burgosur më shumë se 1 milionë njerëz, përfshirë ujgurët dhe grupe të tjera kryesisht myslimane, në një rrjet të gjerë kampesh përqendrimi, sipas zyrtarëve amerikanë dhe grupeve të të drejtave të njeriut.

Njerëzit i janë nënshtruar torturave, sterilizimit dhe indoktrinimit politik si dhe punës së detyruar si pjesë e një fushate asimilimi në një rajon, banorët e të cilit janë etnikisht të ndryshëm nga shumica kineze.

Kina ka mohuar raportimet, duke pretenduar se kampet e ndalimit janë për qëllim të edukimit dhe luftimit të “ekstremizmit”./ REL

LEXO TE PLOTE

Kosova & Rajoni

Efikasiteti i trajtimit të COVID-19 me plazmë konvalescente

Publikuar

-

Nga

Efikasiteti i trajtimit të COVID-19 me plazmë konvalescente

Trajtimi i pacientëve me COVID -19 me plazmë konvalescente mund të rezultojë me efekte të mira te pacientët që e marrin këtë trajtim në kohën e duhur, thotë për Radion Evropa e Lirë, infektologu Sali Ahmeti.

Pas nënshkrimit të udhëzuesit për trajtim me plazmë konvalescente të pacientëve me sëmundjen COVID-19 si terapi mbështetëse, nga ana e ministrit në detyrë të Shëndetësisë, Armend Zemaj, tash janë duke u shikuar anët teknike se si do të realizohet kjo metodë, thotë Ahmeti njëherë kryesues i grupit punues për hartimin e protokollit për përdorimin e plazmës konvalescente.

Data e fillimit të përdorimit të kësaj metode ende nuk është e caktuar. Por, sipas infektologut Ahmeti, kjo metodë do të nisë shumë shpejt, pasi të bëhet edhe grumbullimi i plazmës nga vullnetarët, persona që tani kanë kaluar sëmundjen COVID-19, që e shkakton koronavirusi.

Trajtimi i pacientëve me COVID -19 me plazmë konvalescente bëhet duke marrë plazmën e gjakut nga pacientët e shëruar nga koronavirusi, pasi që gjaku i tyre ka antitrupa që luftojnë virusin. Transfuzioni i antitrupave besohet se krijon atë që njihet si “imuniteti pasiv” te të prekurit me COVID-19.

Transfuzioni, i gatshëm të nisë procesin

Ndarja e gjakut nga plazma bëhet në transfuzionin e gjakut.

Kjo metodë e trajtimit përmes plazmës është aplikuar në vazhdimësi për shumë sëmundje brenda Klinikës Infektive të Qendrës Klinike Universitare të Kosovës.

Bukurije Zhubi, drejtoreshë e Qendrës Kombëtare të Kosovës për Transfuzion të Gjakut (QKKTGJ), tha për Radion Evropa e Lirë, se ky institucion është i gatshëm të fillojë me grumbullimin e plazmës konvalescente.

“QKKTGJ-ja është e gatshme që të grumbullojë plazmën nga personat që e kanë kaluar dhe janë shëruar nga COVID-19 dhe që të njëjtit plotësojnë kushtet e dhuruesit të zakonshëm”, tha Zhubi.

Sali Ahmeti thotë se në bazë të informacioneve që ata kanë, efektshmëria e mjekimit me plazmëm konvalescente, sipas përvojave të vendeve tjera, është e ndryshme, diku me efekte më të mëdha e diku më pak.

Megjithatë, sipas tij, efektshmëria varet jo vetëm nga dhënia e saj, mirëpo edhe nga pacienti i cili e merr dhe koha më e përshtatshme e aplikimit të kësaj metode.

Dhënia sa më e hershme e kësaj plazme, shton Ahmeti, ka efekte më të mira.

“Efektshmëria më e mirë e saj është nëse ajo jepet së paku nga dita e shtatë deri në ditën e 15-të, pasi që ajo është një plazmë e zakonshme e cila dallon prej plazmës rutinore, për faktin se përmban antitrupa të gatshëm të cilët do t’i kundërvihen virusit”, thotë Ahmeti.

Në Kosovë, trajtimi për personat e infektuar me koronavirus vazhdon të jetë si terapi mbështetëse dhe përfshin dhënien e vitaminave të ndryshme, trajtimin me okigjenoterapi dhe me ilaçe antipiretike dhe analgjetike.

LEXO EDHE:  Fethullah Gulen flet për grushtin e shtetit në Turqi/ Më ngjan me një skenar të Hollywood

LEXO EDHE:  Puçi i Erdoganit kundër Haradinaj, më i dokumentuar se ai i Gulenit kundër Erdoganit

Britania ndërpren trajtimin e pacientëve me plazmën e gjakut

Ndryshe, shumë vende të botës tani më kanë bërë trajtimin e pacientëve me COVID-19 me plazmën e gjakut të pacientëve të shëruar nga kjo sëmundje.

Ndërkaq, sipas BBC-së, Britania ka ndërprerë përkohësisht këtë formë të trajtimit të pacientëve me koronavirus.

Sipas disa të dhënave të fundit, të një studimi të bërë nga Shërbimi Kombëtar i Shëndetësisë në Mbretërinë e Bashkuar, në bashkëpunim me Universitetin e Oxford-it, thuhet se trajtimi i pacientëve me COVID-19 me plazmën konvalescente, nuk ulë numrin e vdekjeve te pacientët e shtrirë në spital.

Sipas këtyre të dhënave të analizimit për 1,873 raste që kanë përfunduar me fatalitet në Britani, trajtimi me plazmën e gjakut “nuk ka bërë ndonjë diferencë të madhe”.

“Tetëmbëdhjetë për qind e pacientëve që janë trajtuar me plazmën konvalescente kanë vdekur brenda 28 ditësh – që është shifra e njëjtë me pacientët që kanë marrë trajtim standard për koronavirus”, thuhet në të dhënat paraprake të studimit.

Ndërkaq, në janar të këtij viti, Komisioni Evropian njoftoi se do të mbështesë një sërë projektesh, për trajtimin e koronavirusit me plazmën konvalescente.

Trajtimi përfshin transfuzionin e plazmës konvalescente te pacientët e sëmurë, në mënyrë që t’ua përmirësojë imunitetin dhe aftësinë e tij për të luftuar virusin. Po ashtu, kjo formë e trajtimit do të mund t’i ofronte industrisë së shëndetësisë që të pastrojë antitrupat dhe të bëjë një produkt shëndetësor për COVID-19 (imunoglobinën)

“Për efikasitetin e këtyre dy qasjeve po kryhen hetime në mbarë botë, përfshirë edhe nga projektet që BE-ja financon. Këto dy lloje të trajtimeve mbështetjen në grumbullimin e sasive të mëdha të plazmës konvalescente nga pacientët e shëruar nga COVID-19”, tha Komisioni Evropian.

Sipas këtij institucioni të BE-së, rezultatet e para janë premtuese, me pak të dhëna që tregojnë për raste kur ka pas efekt të kundërt. Rezultatet e tjera priten të dalin pas provave klinike.

“Rezultatet e deritashme sugjerojnë se transfuzioni më i hershëm (i plazmës së gjakut) nga donatorët, kanë më shumë antitrupa dhe ofrojnë më shumë efikasitet në uljen e vdekshmërisë te pacientët me koronavirus”, thotë BE-ja.

Rastet e para me COVID-19 në Kosovë janë shënuar me 13 mars të vitit 2020. Që atëherë janë regjistruar 56.412 persona të infektuar. Prej tyre, 1.420 kanë vdekur, ndërsa 49.713 pacientë janë shëruar./rel

LEXO TE PLOTE