Premier Liga
VIDEO/ Lampard me dhimbje koke, Shefilld shtang Çelsin dhe i komplikon Champions
Ndeshjet e sotme në kampionatin anglez kanë dhuruar një rezultat shumë të rëndësishëm pasi Shefilld Junajtid ka mundur Çelsin me rezultatin 3-0 dhe i ka krijuar telashe skuadrës së Lampard për kualifikimin në Ligën e Kampioneve. Blutë tashmë e shohin veten me 1 pikë më shumë se Leisteri dhe 2 se Mançester Junajtid, por me një ndeshje më shumë të luajtur dhe mund të bien direkt në vendin e pestë që këtë fundjavë.
Shefilld, i cili për vete është në kërkim të një pjesëmarrje në Ligën e Europës, shënoi golin e avantazhit me anë të MekGoldrik që në minutën e 18 e më pas me MekBërni dyfishoi shfirat po në fraksionin e parë të lojës. MekGoldrik në pjesën e dytë shënoi edhe golin e tretë duke i dhuruar suksesin 3-0 ekipit të tij që ngjitet kësisoj në vendin e 6 në renditje dhe krijon distancë sigurie sidomos nga Arsenali, ekipi që i ndjek.
Me tre ndeshje të mbetura ndaj Noruiç, Liverpulit dhe Ullvërhempton, Çelsi duhet të bëjë mirë llogaritë pasi nuk i lejohet më asnjë hap fals, duke shpresuar që tashmë të jenë kundërshtarët që bëjnë të tillë.
La Liga
Formacionet zyrtare/ Guardiola dhe Zidan surprizojnë me titullarët, ja si rreshtohen skuadrat
Mançester Siti pret në shtëpi Real Madridin ditën e sotme, në ndeshjen e kthimit për 1/8 e Ligës së Kampionëve.
Ndeshja e parë në Spanjë përfundoi me fitoren e ekipit të Guardiolës me rezultatin 2-1, që i bën anglezët të jenë favoritë për të kaluar në fazën tjetër.
Megjithatë te Reali nuk dorëzohen dhe do të bëjnë të pamundurën për t’u kualifikuar, ndonëse do të kenë një mungesë të madhe në mbrojtje si ajo e Serxho Ramosit. Pritet një ndeshje spektakolare në “Etihad”, kjo për faktin se të dyja skuadrat bëjnë lojë të hapur.
Guardiola kërkon me çdo kusht kualifikimin, pasi nuk do të kishte një mundësi më të mirë për të fituar Ligën e Kampioneve me një skuadër tjetër përveç Barcelonës.
Formacionet zyrtare:
Premier Liga
E kryer/ Willian me skuadër të re, zbulohet ku ka firmosur baziliani
Willian është njëri nga lojtarët më të kërkuar kohëve të fundit, pasiqë brazilianit i ka skaduar kontrata me Chelsea. Braziliani refuzoi ofertën e Chelsea për kontratë të re dy vjeçare dhe do të largohet nga Stamford Bridge si futbollist i lirë.
Willian ka marrë disa oferta, por ka vendosur që ta vazhdojë karrierën te Arsenali. Topçinjtë i kanë ofruar 170.000 paund në javë dhe ai e ka pranuar ofertën. Ai dhe familja e tij ndjehen mjaftë mirë në Londër dhe nuk dëshirojnë të largohen.
Premier Liga
Koronavirusi bëhet pjesë e rregulloreve, një kollitje sjell të kuq dhe të çon në gjykatë
Koronavirusi është bërë pjesë e përditshmërisë në të gjithë globin e sigurisht që do të bëhet pjesë e përditshmërisë edhe në sportin e futbollit dhe rregulloret e tij. Premier Liga e ka vendosur tashmë zyrtarisht edhe në kodin e drejtësisë sportive për sezonin e ri, duke menduar si të mbrojë sa më shumë shëndetin e lojtarëve.
Kështu, që nga sezoni i ardhshëm me karton të kuq do të ndëshkohet një ndërhyrje e dhunshme, të ndalësh me dorë topin që po shkon drejt rrjetës si dhe… kollitja. Nëse një lojtar do t’i kollitet në fytyrë me dashje një kundërshtari, atëherë ai do të ndëshkohet me karton të kuq.
Sigurisht, kartoni i kuq do të tregohet vetëm atëherë kur të ekzistojë bindja e plotë që gjithçka ishte bërë me qëllim, por do të jetë një mënyrë për të mbrojtur futbollistët dhe shëndetim e tyre, pasi tashmë koronavirusi është më i rrezikshëm se një ndërhyrje e rëndë.
Par lojtarin e ndëshkuar nuk do të ketë vetëm dënim sportiv, por edhe përgjegjësi penale. Nëse një lojtar do të kollitet me dashje para një kundërshtari, atëherë ai do të përballet me një gjykatë civile pasi ka vënë në rrezik seiroz shëndetin e kundërshtarit dhe familjarëve të tij. Rregulla të ashpra, por që shumë shpejt duket se do të kthehen në normë në të gjithë botën, për sa kohë që pandemia vazhdon të shfaqet rrezikshëm kudo.
