Luhet në këto momente ndeshja mes Atalantës dhe Lacios, e vlefshme për çerekfinalen e Kupës së Italisë.

Mbrojtësi i Kombëtares, Berat Gjimshiti ka gjetur golin e parë sezonal, teksa ka shënuar dhe ka kaluar Atalantën në avantazh në minutën e 7’.

Megjithatë ky avantazh zgjati vetëm 10 minuta, teksa në minutën e 17’, një tjetër shqiptar vendosi baraspeshën. Vedat Muriqi, pas një krosimi perfekt të marrë nga e majta nga Açeri, gjuan bukur me kokë dhe e ndal topin në fundin e rrjetës.

Trajneri i AC Milanit, Stefano Pioli ka thënë se sulmuesi Zlatan Ibrahimovic ka kërkuar falje pas kartonit të kuq ndaj Interit.

Suedezi u ndëshkua me të kuq pasi mori dy karton të verdhë dhe pas largimit të tij, Interi e përmbysi rezultatin duke u kualifikuar tutje.

Pioli ka konfirmuar se Ibrahimovic kërkoi falje pasi përfundoi ndeshja.

“Zlatan kërkoi falje. Si kampion i madh që është”, tha ai. Pezullimi në Kupën e Italisë nuk lejon që Ibrahimovic të mungojë në Seria A.

Sot në mbrëmje, Juventus do të presë në shtëpi SPAL, në një takim që është i vlefshëm për çerekfinalet e Kupës së Italisë.

Siç dihet pjesë e SPAL është edhe gardiani i kombëtares, Etrit Berisha, i cili tashmë ka kaluar plotësisht problemet nga COVID dhe është rikthyer te performancat e shkëlqyera me ekipin. Edhe sot, teksa rikthehet në skenën e madhe të futbollit italian duke qenë se SPAL luan në Serinë B, Berisha do të provojë të ndalë ofensivën e Juventus që në këtë ndeshje si lojtarin më të rrezikshëm ka Moratën, me Ronaldon që pritet ta nisë ndeshjen nga stoli.

Por, Berisha do të ketë edhe një duel në distancë me Xhixhi Bufon, i cili rikthehet titullar, ndërsa mbetet për t’u parë se cili nga të dy do të jetë më deçiziv. Edhe pse duhet theksuar, se Berishën e pret një mbrëmje impenjative dhe me vështirësi të lartë.