Connect with Us

Sa kohë mund të mbijetojnë njerëzit pa ushqim ose ujë?

Blog

Sa kohë mund të mbijetojnë njerëzit pa ushqim ose ujë?

Publikuar

-

Sa kohë mund të mbijetojnë njerëzit pa ushqim ose ujë?

Përkundër asaj që mund të pretendojnë disa guru (njerëz që praktikojnë meditimin e thellë), njerëzit nuk janë qenie që mund të mbijetojnë vetëm me ajër dhe diell. Si të gjitha krijesat, edhe ne kemi nevojë për ushqime dhe ujë që të mbijetojmë.

Zakonisht, njeriu mund të rezistojë pa ushqim për rreth 3 javë para se efektet e urisë t’i marrin atij jetën. Nga ana tjetër, duke qenë se trupi i një të rrituri përbëhet nga 60 për qind ujë, zakonisht një njeri do të rezistonte vetëm 3-4 ditë pa pirë ujë.

Megjithatë, këto janë normat mesatare. Ka njerëz që kanë arritur të mbijetojnë për më gjatë pa ngrënë apo pa pirë. Sesa kohë mund të rezistojë një person pa qasje në kalori dhe lëngje, kjo varet nga shumë faktorë, siç janë kushtet mjedisore dhe gjendja shëndetësore e një personi.

Për shembull, mungesa e ujit në shkretëtirë dhe qëndrimi nën diellin përvëlues do ta vrasë një njeri shumë më shpejt, sesa po të gjendej në mesin e një pylli ku është shumë më freskët. Për t’i lehtësuar gjërat, përdorni “rregullin e treshit” për të krijuar një ide se sa gjatë mund të rezistojë trupi i njeriut pa 3 elementë bazikë:3 minuta pa oksigjen, 3 ditë pa ujë dhe 3 javë pa ushqim.

Sa kohë mund të rezistojë dikush pa ujë? Konsumi i ujit ka efektin më të menjëhershëm në mbijetesën e njeriut. Ndërsa trupi ka yndyrna dhe muskuj që mund të konsumohen për të marrë energji në rast se ushqimi nuk mund të gjendet askund, rezervat e ujit janë shumë më të pakta.

Trupat tanë kryesisht përbëhen nga uji, por ne e humbasim shumë ujë çdo ditë kur djersitemi, urinojmë apo edhe kur nxjerrim frymën. Kjo është arsyeja pse uji duhet të zëvendësohet vazhdimisht. Se për sa ujë ka nevojë një njeri çdo ditë, kjo gjë varet nga aktiviteti fizik, mosha, temperatura e trupit (nëse ke ethe të pihet më shumë ujë), ambienti dhe lagështia e ajrit.

Humbja e ujit përmes frymëmarrjes dhe djersitjes mund të jetë midis 0.3-1 litër në 24 orë në kushte normale. Por në kushte ekstreme, si për shembull vrapimi nëpër shkretëtirë, një i rritur mund të humbasë më shumë se 1.5 litra djersë në orë. Një i rritur do të humbasë rreth 1.5 litra ujë përmes urinës.

Pra rreth 2.5 litra ujë të humbura në ditë. Prandaj çdo i rritur duhet të përpiqet të marrë të paktën atë sasi uji të humbur nga uji nga ushqimet, në mënyrë që të ruajë ekuilibrin e lëngjeve. Kërkesat për ujë të secilit person ndryshojnë, dhe trupi na sinjalizon vetë për nevojat e tij.

Në varësi të sasisë së ujit që humb për shkak të aktivitetit fizik, temperaturës dhe lagështisë, një person mund të mbijetojë kudo midis 3-7 ditë pa ujë. Një 18-vjeçar austriak Andreas Mihavecz besohet se ka mbijetuar më gjatë pa ujë, kur policia e kishte harruar në një qeli për 18 ditë me radhë në vitin 1979. Ai dyshohet se kishte pirë lagështinë e murit, por kjo nuk e bën më pak mbresëlënës këtë rekord.

LEXO EDHE:  Nuk e shkaktoi ajo Revolucionin Francez/ Çfarë mund ta keni mësuar gabim mbi mbretëreshën Maria Antoneta

Por mos harroni se çdo dehidratim që shkakton humbje të më shumë se 10 për qind të peshës trupore, klasifikohet si urgjencë mjekësore. Kjo mund të shkaktojë rënien e vëllimit të gjakut dhe presioni i tij mund të bjerë në nivele që mund të sjellin vdekjen.

Po për sa kohë mund të rezistojnë njerëzit pa ushqim? Këtu ka një gamë më të gjerë se sa ata që vuajnë nga privimi i ujit. Mahatma Gandhi, që është i famshëm për agjërimet e tij jashtëzakonisht të gjata, qëndroi dikur edhe 21 ditë pa ushqim. Por personi që ka mbijetuar më gjatë pa ngrënë është 74 ditë.

Rekordi u vendos nga Terens Meksuin, një i burgosur politik irlandez, që nisi një grevë urie në formë proteste ndaj britanikëve,  që çoi në vdekjen e tij të parakohshme në vitin 1920. Në përgjithësi, njerëzit që kanë hyrë në greva të ngjashme kanë vdekur pas 45-61 ditësh, sipas një studimi të vitit 1997 të botuar në BMJ.

Ajo që dimë me siguri, është se njerëzit mund të mbijetojnë pa ushqim më gjatë se sa pa ujë. Trupi mbështetet tek kaloritë dhe lëndët ushqyese, për t’u siguruar qelizave energjinë e nevojshme për të vijuar proceset biologjike thelbësore.

Kur trupi privohet nga ushqimi, ai u kthehet rezervave. Në fillim konsumon glikogjenin në mëlçi dhe muskuj, duke e shndërruar atë në sheqer dhe aminoacide.  Kur mbaron glikogjeni, trupi fillon të djegë depozitat e yndyrës për të siguruar energji.

Kjo është një nga arsyet pse agjërimi është i shkëlqyer për rënien në peshë. Edhe pse nuk është komode, kur trupi i kthehet konsumit të proteinave. Kjo gjë shkakton humbje të madhe të masës muskulore, përfshirë indet e muskujve të zemrës.

Gjatë urisë, pulsi dobësohet dhe presioni i gjakut bie, pasi zemra nuk ka energji të mjaftueshme për të pompuar gjakun rreth trupit siç ndodh normalisht. Nëse ushqimi vazhdon të mungojë, pushimi i zemrës mund të bëhet i pashmangshëm.

Uria padyshim ndërhyn në sistemin gastrointestinal, duke shkaktuar dhimbje në stomak, të vjella, të përzier, dhe madje edhe infeksione bakteriale. E privuar nga energjia, ndikohet shumë edhe truri, pasi ai konsumon një të pestën e energjisë së një personi. Njerëzit e uritur kanë probleme me përqendrimin apo edhe me fjetjen./ Zmescience.com-Përshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Blog

A janë njerëzit fajtorë për përhapjen e Covid-19, apo po përdorim masat e gabuara të kontrollit?

Publikuar

-

Nga

Nga Ashley Woodcock “CapX”

Ndërsa jemi pranë 100.000 vdekjeve në Britani, pandemia Covid-19 është duke u përshpejtuar ende me shpejtësi. Por edhe pse duket sikur varianti i ri i virusit është më i transmetueshëm, nuk është akoma e qartë se si po transmetohet ai. Dogma kolektive, e promovuar nga autoritetet shëndetësore në Britani dhe SHBA, është se Covid-i është një virus i ngjashëm me gripin i transmetuar përmes aerosoleve. Sidoqoftë, masat e kontrollit urgjent kundër aerosoleve (të cilat duket se po parandalojnë çdo lloj gripi këtë vit) janë joefektive ndaj Covid, pa i mbyllur njerëzit në shtëpitë e tyre.

Është gjithnjë e më e mundshme, që virusi të jetë shumë infektues nga rrugë të tjera, duke u përhapur nga kontakti i drejtpërdrejtë dhe i tërthortë, si dhe nga transmetimi fekalo-oral. Ai del me feçet, është i qëndrueshëm në sipërfaqet në vendet publike, dhe gjithashtu mund të jetë i pranishëm në zinxhirin e ushqimit të ngrirë. Për më tepër, të dhënat sugjerojnë që rreziku më i madh ishte vizita në një supermarket.

Sa i përket transmetimit përmes aerosoleve (grimcave të vogla), kjo duket e pamundur në komunitet, jashtë spitaleve dhe sigurisht në ambiente të jashtme. Në fakt, grimcat virusale në një aerosol nuk janë zbuluar kurrë zbuluar në komunitet.

Cilido që e bart Covid-in në gojë dhe hundë, që kollitet ose teshtin mbi dorë, do ta transferojë virusin tek doreza e derës, tek ushqimi i ngrirë në një supermarket, apo tek ushqimi apo gotën e birrës që konsumon në një pub. Distanca fizike do t’iu mbajë larg nga spërklat e kollës, por kjo gjithashtu zvogëlon kontaktet e ndërsjella fizike, duke ruajtur hapësirën tuaj personale. Në mënyrë të ngjashme, larja jo e duhur e duarve pas përdorimit të tualetit (më pak se 30 sekonda me sapun), mund të sjellë transmetimin fekalo-oral të virusit.
Covid është i pranishëm në traktin gastrointestinal herët, dhe më vonë gjatë sëmundjes. Ai gjendet zakonisht në gojë dhe fyt, në fazën ku formon bazën për të gjitha testet e hershme diagnostikuese. Ne të gjithë prekim shpesh fytyrat tona (dhe maskat e fytyrës), dhe virusi mund të transferohet nga sipërfaqet e ndotura, dhe duart në fytyrë dhe gojë.

Virusi është zbuluar gjithashtu në feçe, dhe në ujërat e zeza. Ne gjithashtu e dimë që Covid-19 vazhdon të qëndrojë deri në 28 ditë në sipërfaqet e brendshme, veçanërisht në çelikun inoks dhe plastikën, tek celularët, bankomatet dhe banaqet e supermarketeve.
Në spitale, SARS-CoV-2 ARN gjendet gjerësisht në sipërfaqet në vendet publike, çka sugjeron se spitalet dhe personeli i spitalit, janë një burim kryesor i infeksionit. Numri në rritje i pacientëve të sëmurë që shtrohen në spital me sëmundje, po preken shpesh nga Covid-19.
Edhe personeli i spitalit gjithashtu ka nivele të larta të infeksionit dhe seropozitivitetit, dhe ata duhet të jenë një burim kryesor i infeksionit, si në familjet e tyre ashtu edhe në komunitetin e gjerë. Kjo do të thotë që masat e kontrollit të infeksionit në spital duhen forcuar më tej.

Një vëmendje tjetër duhet t’i kushtohet zinxhirit ushqimor, dhe vendeve ku blejmë ushqimet. Ka të ngjarë që Covid-19, të jetë i pranishëm në zinxhirin e ushqimeve të ngrira, në paketimin e ushqimit, dhe nga ndotja nga ata që e kanë prekur më parë. Prodhuesit dhe shpërndarësit e ushqimit, sistemuesit e produkteve në supermarkete, kamarierët dhe stafi i lokalit mund të jenë burim i infeksionit. Covid vritet nga nxehtësia, por mbijeton shumë më gjatë në temperatura të ulëta, dhe mund të qëndrojë në ushqime të ngrira, apo në paketimet e tyre.

LEXO EDHE:  Nga shpikja e bujqësisë tek interneti/ Ja vitet që e ndryshuan historinë e njerëzimit

LEXO EDHE:  Nga shpikja e bujqësisë tek interneti/ Ja vitet që e ndryshuan historinë e njerëzimit

Ne e pamë këtë në Kinë në fillim të korrikut 2020, kur Covid-19 u zbulua në ushqime të ngrira. Shpërthime epidemike ka pasur dhe midis punëtorëve në një fabrikë të mishit të pulave në Danimarkë. Të dhënat e mësipërme sugjerojnë se mund të jenë masat e kontrollit dhe jo gabimet individuale, ato që janë përgjegjëse për përshkallëzimin e epidemisë.

Përveç theksimit të udhëzimit të mbajtjes së distancës sociale dhe maskave të fytyrës, strategjia e shëndetit publik, vëmendja duhet të fokusohet sërish në përmirësimin e higjienës për të kontrolluar transmetimin e virusit nga sipërfaqet e ndotura dhe përmes rrugës gojore fekale.

Ky ndryshim në të menduar, do të mundësonte një qasje shumë më pro-aktive për kontrollin e infeksionit, me një theks të madh në parandalimin e transmetimit përmes higjienës së përmirësuar. Këtu janë një numër hapash të rëndësishëm, që bizneset dhe organizatat e tjera mund të ndërmarrin për t’i mbajtur njerëzit e prekshëm të sigurt, derisa ata të vaksinohen./Përshtatur nga CNA.al

Burimi:  https://capx.co/are-the-people-to-blame-for-the-covid-spread-or-are-we-using-the-wrong-control-measures/

LEXO TE PLOTE

Blog

Cili do të jetë ndikimi ekonomik i raundit të fundit të bllokimeve anti-Covid?

Publikuar

-

Nga

“The Economist”

Bllokimet e pranverës së vitit 2020 për shkak të pandemisë së koronavirusit të ri, të cilat në kulmin e tyre përfshinë më shumë se gjysmën e popullsisë së botës, provokuan një rënie të madhe të ekonomisë globale. Në prillin e vitit të shkuar, prodhimi ekonomik global ishte 20 për qind më poshtë nga sa ishte parashikuar.
Ndërsa rastet me koronavirusit janë rritur sërish, vendet e pasura po zbatojnë një raund tjetër bllokimesh. Franca u mbyll që në nëntor, Italia gjatë Krishtlindjeve, ndërsa Anglia hyri në një bllokim kombëtar më 6 janar të këtij viti. Disa pjesë të Japonisë, kanë hyrë në një gjendje të jashtëzakonshme.

Situata në SHBA, ku autoritetet lokale dhe jo qeveria federale janë kryesisht përgjegjëse për urdhrat e qëndrimit të qytetarëve në shtëpi, është më e ndërlikuar. Por disa masa të vendosura së fundmi,sugjerojnë se kufizimet zyrtare janë tani gati po aq të forta sa ishin në pranverë. Raundi i fundit i bllokimeve do të godasë sërish ekonominë globale,por ndoshta jo aq fort sa vitin e kaluar. Analistë të bankës “Goldman Sachs”, thonë se në rastin e Britanisë “ndjeshmëria e aktivitetit ekonomik ndaj kufizimeve të Covid-19, është zvogëluar ndjeshëm në krahasim me bllokimin e parë”.

Në studimin e botuar më 8 janar banka HSBC, vuri në dukje se prodhimi industrial gjerman “e zgjati rikuperimin e tij në nëntor, pa u penguar nga bllokimi i ri”. Raporti i tregut të punës në SHBA për muajin dhjetor 2020, tregon se punësimi ra për herë të parë që nga muaji prill, një lajm ky dëshpërues në kushtet kur miliona njerëz janë ende pa punë. Megjithatë, tregues të tjerë ekonomikë, si për shembull shpenzimet e konsumatorit, janë në gjendje më të mirë sesa ishin në pranverën e vitit të shkuar. Do të kalojë disa kohë para se shifrat zyrtare të PBB-së të konfirmojnë qëndrueshmërinë në rritje të botës së pasur ndaj bllokimeve.
Por në një studim të botuar së fundmi, Nikolas Voloszko i OECD, një institut studimor i vendeve të pasura, përdor të dhënat e kërkimit në Google, për të ndërtuar një vlerësim javor të PBB-së për ekonomitë e mëdha. Në prill ato po operonin me rreth 80 për qind të kapacitetit të tyre.

Tani ato po operojnë me mbi 90 për qind. Ky përmirësim shpejtohet nga 3 faktorë kryesorë:më pak frikë nga publiku; politika qeveritare të kalibruara më mirë; dhe përshtatje nga ana e bizneseve me situatën. Së pari marrim frikën. Në mars dhe prill, koronavirusi ishte shumë i panjohur, dhe shumë njerëz reaguan duke u mbyllur nëpër shtëpitë e tyre. Analiza e një studimi nga YouGov,konsistoi se në prill 2020 më shumë se 60 për qind e të anketuarve në vendet e pasura, ishin të shqetësuar se mos prekeshin nga virusi. Ndërkohë, një kuptim më i mirë i asaj që ata mund të bëjnë për t`a shmangur sëmundjen, dhe ndoshta lodhja nga bllokimet, ka bërë që njerëzit tani të jenë më të gatshëm të dalin më shumë nga shtëpitë e tyre.

Të dhënat nga Google, sugjerojnë se në shumë vende, njerëzit lëvizin tani më shumë sesa në fillim të pandemisë nëpër hapësira publike. Faktori i dytë që shpjegon qëndrueshmërinë e ekonomive këtë herë është kalibrimi i politikave qeveritare. Zyrtarët kanë studiuar paraprakisht se cilat masa bllokimi vijnë me koston më të vogël ekonomike,ndaj tani ka më pak oreks të kërkohet mbyllja e shkollave sesa në pranverë, por më shumë oreks për udhëzimet mbi mbajtjen e maskës dhe testimin e atyre që vijnë nga jashtë vendit.

LEXO EDHE:  Nju Jork Tajms, 1982/ Shqipëria, aty ku po luhet me ekuilibrin e fuqive Lindje-Perëndim

LEXO EDHE:  Hipoteza: Koronavirusi ka qarkulluar në Evropë që nga marsi i vitit 2019

Shumë kanë ndjekur shembullin e Gjermanisë, ku shumë kantiere ndërtimi u lejuan të qëndronin të hapura edhe gjatë valës së parë. Arsyeja e tretë e rezistencës së ekonomisë ndaj bllokimeve të fundit lidhet me përshtatjen e bizneseve. Kalimi i papritur në punën nga distanca ishte shokues për shumë nga ata që punojnë zakonisht në zyrë.

Që atëherë kompanitë kanë investuar për t`a bërë veten më produktive edhe nën kushtet e bllokimit. Nga marsi deri në tetor 2020, Britania importoi laptopë me vlerë 4.7 miliardë paund, 20 për qind më shumë se e njëjta periudhë e vitit 2019.

Nik Blum nga Universiteti i Stenfordit dhe kolegët e tij, thonë në një analizë se pandemia “ndryshoi drejtimin e inovacionit drejt teknologjive të reja që mbështesin konferencat online, telekomunikimin dhe ndërveprimin në distancë”. Sido që të jetë, ekonomia që hyri në pandemi do të duket shumë ndryshe nga ajo do të dalë prej saj./Përshtatur nga CNA.al

Burimi:  https://www.economist.com/finance-and-economics/2021/01/13/what-is-the-economic-impact-of-the-latest-round-of-lockdowns

LEXO TE PLOTE

Blog

Si ta zbuloni se çfarë di për ju Facebook-u

Publikuar

-

Nga

Me gati 3 miliardë përdorues aktivë në muaj, Facebook mban skeda për rreth një të tretën e popullsisë së botës.

Pavarësisht nëse e vizitoni çdo ditë apo jo këtë rrjet social (siç bëjnë në fakt 1.82 miliardë njerëz) apo hyni vetëm në RSVP për ngjarje të caktuara, ju duhet të jeni të vetëdijshëm sesa ngatë dhënave tuaja personale po i jepni faqes dhe kompanisë që qëndron pas saj.

Facebook e përdor kryesisht informacionin tuaj për t’ju shërbyer kompanive që reklamojnë produktet e tyre. Ndërsa disa e shohin këtë si ndërhyrje të pakëndshme në jetën private, të tjerët i pranojnë reklamat si koston që duhet të paguajnë për shërbimet dhe mjetet falas që ofron rrjeti.

Kur keni krijuar llogarinë tuaj në Facebook, ju keni futur atje informacionin bazë të profilit tuaj, përfshirë emrin dhe adresën e postës tuaj elektronike. Gjithashtu platforma ju nxiti të shënoni vendndodhjen tuaj, historinë e punës dhe arsimit, si dhe miqtë e të afërmit që keni aktualisht në Facebook.
Por duke vëzhguar sjelljen tuaj në rrjetin e saj, kompania e teknologjisë ka mbledhur shumë më shumë informacion në lidhje me ju dhe zakonet tuaja. Një mënyrë e shpejtë për të kontrolluar saktësisht ato detaje që Facebook i di mbi juështë të vizitoni faqen e cilësimeve (Settings page).

Hapni atë menu dhe zgjidhni opsionin Setting & Privacy, mund të shihni informacionin që i keni dhënë rrjetit social, dhe të përcaktoni se cilat nga këto detajeve duhet t`i lejohet Facebook të ndajë me reklamuesit. Për shembull, klikoni opsionin Your Facebook Information,për t’i kujtuar vetes nëse e keni ndarë apo jome Facebook statusin e marrëdhënies tuaj dhe punëdhënësin tuaj. Klikoni opsionin Ads për të parë temat që kompania mendon se ju pëlqeni dhe jo nga ajo faqe, zgjidhni Ad Settings për të parë se çfarë informacioni përdor Facebook për t’ju shërbyer kompanive reklamuese.

Për të bërë që kompania të mos ju tregojë më reklama bazuar në këto detaje, klikoni Manage Data Used to Show You Ads dhe ç’aktivizoni këtë opsion. Aty nuk keni nevojë të eleminoni detaje të dobishme nga profili juaj, por vetëm të bllokoni reklamat.

Edhe nëse Facebook nuk po ua shet informacionin tuaj reklamuesve, ai mund të jetë duke e mbledhur atë. Për ti bërë reklamat më të rëndësishme, kompania mund të vendosë të dhënat tuaja – gjithçka, nga marka dhe modeli i telefonit tuaj, e deri tek aplikacionet tuaja më të përdorura – që të angazhohen në rregullimin e defekteve dhe përmirësimin e rrjetit social.

Ju mund t’i fshini disa nga këto të dhëna plotësisht, duke shkuar në faqen tuaj të profilit në Facebook (klikoni emrin tuaj në krye të Profile, pastaj klikoni Edit Profile dhe Edit Your About Info).

Ju nuk mund të fshini gjithçka, por mund të fshini gjithsesi detaje të tilla si vendi ku punoni dhe cilën shkollë ndiqni. Megjithatë,nuk do të gjeni asnjëherë çdo detaj të fundit që di Facebook mbi ju. Algoritmet e tij të fshehta bëjnë disa supozime të zgjuara mbi atë se kush jeni, bazuar në profilin tuaj dhe aktivitetin tuaj në platformë.

LEXO EDHE:  Hipoteza: Koronavirusi ka qarkulluar në Evropë që nga marsi i vitit 2019

LEXO EDHE:  Mediat po përhapin panik, nuk ka një valë të dytë të koronavirusit

Facebook i përdor disa nga këto supozime, për t’i kategorizuar njerëzit në grupe që synohen nga reklamuesit. Nuk ka shumë rëndësi nëse këto supozime janë gjithmonë të drejta, për sa kohë që ato e bëjnë në përgjithësi më efikase një platformë reklamuese. Në vitin 2016, “The Washington Post” publikoi një raport mbi 98 lloje të ndryshme të dhënash që Facebook i lidh me identitetin tuaj.

Këto përfshijnë të dhëna të marra nga kompani dhe shërbime të tjera – si për shembull viti në të cilin e keni blerë makinën tuaj, si dhe lloji i kartës së kreditit që zotëroni aktualisht. Gjithsesi, Facebook nuk është një kuti e zezë tërësisht hermetike. Përveç kontrollimit të aktivitetit tuaj të fundit në Activity Log, ju mund të shkarkoni një mori informacionesh, përfshirë komentet dhe fotot që keni postuar në faqet e njerëzve të tjerë, si dhe një histori të hyrjeve tuaja në platformë.

Dikur ka pasur palë të treta, që kërkonin t`a ofronin këtë informacion, dhe të parashikonin se si Facebook mund të gjurmojë dhe interpretojë të dhënat tuaja, si faqja e internetit tashmë e mbyllur Stalkscan dhe Google Self Data. Tanimë, thjesht mund të lundroni në Your Facebook Information, në Facebook, dhe të klikoni opsionin Download Your Information.

Përtej informacionit që lejoni në profilin tuaj dhe modelit të klikimeve tuaja (nga pëlqimet tek komentet e fotove), Facebook mbledh dy të dhëna të tjera kryesore:vendndodhjen tuaj (e përcaktuar përmes smartfonin tuaj), dhe aktivitetin tuaj diku tjetër në internet. Kjo gjë ka disa përparësi. Ju mundëson të kontrolloni vendet, të kërkoni për vende interesante që keni afër, dhe madje të gjeni më lehtë miqtë tuaj. Gjithashtu,i tregon Facebook-ut se ku keni tendencë të rrini më shumë, duke mundësuar një shërbimi më të saktësisë në lidhje me reklamat që ju tregon.

Por nëse ju bezdis, mund t`a çaktivizoni aftësinë e tij për të mbajtur skedarët e vendndodhjes suaj. Arsyeja se përse Facebook ju gjurmon në internet, është e thjeshtë:reklamimi më i mirë. Facebook mund të marrë njoftime kur kaloni kohë në faqe specifike në internet./Përshtatur nga CNA.al

Burimi:  https://www.popsci.com/everything-facebook-knows-about-you/

LEXO TE PLOTE