Ashtu si dita e sotme, edhe ditën e nesërme vendi do të dominohet nga temperatura të ftohta.

Mësohet se vendi ynë, por edhe Rajoni i Ballkanit, do të ndikohet nga kushte të qëndrueshme atmosferike falë masave ajrore të ftohta dhe të thata.

Në këtë mënyrë moti nesër do të jetë i kthjellët në të gjithë territorin përjashtuar vranësirat e pakta kalimtare në relievet malore.

Por sipas Shërbbimit Meteorologjik, gradualisht me kalimin e orëve (duke filluar nga orët e pasdites), mbi vendin tonë depërtojnë masa ajrore të paqëndrueshme dhe si rrjedhojë do të nisë shtimi gradual i vranësirave deri të dendura.

Paqëndrueshmëria do të shoqërohet me reshje shiu të herëpashershme me intensitet të ulët në zonën e veriut dhe atë të qëndrës. Në relievet relievet e larta malore këto reshje me intensitet të ulët do të jenë në formën e dëborës.

Temperaturat e ajrit do të pësojnë rënie të ndjeshme dhe negative në pjesën më të madhe të vendit. Brymë e ngricë gjatë mëngjesit dhe gjatë ditës në zona të thella malore.

Temperaturat parashikohen në:

zonat malore -9°C deri në 4°C

zonat e ulëta -6°C deri në 10°C

zonat bregdetare -2°C deri në 12°C./ CNA.al

Drejtoresha e ISHP, Albana Fico ka folur për procesin e vaksinimit në Shqipëri.

Në një lidhje me “Skype” për News24, Fico u shpreh se të gjithë ata persona që kanë marrë dozën e parë të vaksinës, do të marrin edhe dozën e dytë. Fico theksoi se jemi në një moment ku ka një shqetësim për çështjen e sasisë së vaksinave.

Ajo u shpreh se po luftohet në të gjitha drejtimet, që sido dhe çfarëdo të ndodhë, të përfitojmë edhe nga marrëveshjet mes shteteve.

“Më duhet t’iu them së pari se janari s’ka mbaruar. Ajo që kam kuptuar nga data 11, kur ka filluar vaksinimi e deri më sot, duket se ka kaluar shumë kohë dhe në kohë pandemie, sidomos sa i përket çështjeve sensitive të trajtimit mjekësor, përfshi edhe vaksinat, ka një dinamikë të frikshme, të jashtëzakonshme. Pfizer ka bërë një bllokim të shpërndarjes dhe Evropa ka shprehur pakënaqësi për këtë. Jemi në një moment ku ka një shqetësim për çështjen e sasisë së vaksinave. E para janari nuk ka mbaruar, e dyta çdo njeri që është vaksinuar do ta ketë dozën e dytë. Deri në 10 ditëshin e parë të shkurtit ne vazhdojmë me procesin tonë të vaksinimit. Po luftohet në të gjitha drejtimet, që sido dhe çfarëdo të ndodhë, të përfitojmë edhe nga marrëveshjet mes shteteve. Ne kemi bërë marrëveshje, kemi bërë pagesa. Vaksinën e ruajmë në kushte optimale, planin e vaksinimit po e kryejmë. Presim të na vijnë dhe mbi 10 mijë doza. Ndërkohë jemi në kontakte për të mbështetur qeverinë shqiptare me të gjitha informacionet për të negociuar për të sjellë medoemos vaksinën në Shqipëri”, u shpreh Fico.

Përsa i përket një date për ardhjen e vaksinave, Fico tha se nuk ka ende njëdatë pëer SHBA, Gjermaninë, Italinë dhe as për Shqipërinë

“Nuk ka një datë për SHBA, Gjermaninë, Italinë dhe as për Shqipërinë tonë të vogël, sepse kjo pandemi na ka vënë përpara syve situata që askush me përgjegjësi nuk ka mundur të thotë diçka. Kërkesa është shumë e madhe, kapacitetet janë ato që janë dhe kjo është arsyeja që Pfizer po punon ta rrisë këtë kapacitet, ndërkohë që janë në lojë edhe vaksinat e tjera. Madje, sot që po flasim një grup pune po vazhdon komunikimin me vaksinat e tjera. E kemi thënë që Pfizer është opsioni i parë, por jo i vetmi”, tha ajo./CNA.al

Rreth 200 banesa u përmbytën në zonën e Sukthit, pas daljes nga shtrati të lumit Erzen.

Gazetari Renaldo Salianji raporton se ditën e sotme uji është larguar nga banesat dhe banorët aktualisht po largojnë mbeturinat dhe baltën nga shtëpitë e tyre.

Një banor u shprehën për Euronews Albania se kishte dy ditë që banesa e tij ishte nën ujë.

Ndërkohë gruaja e tij theksoi se nuk kanë marrë një asnjë ndihmë nga shteti dhe se asnjë përfaqësues i autoriteteve lokale nuk ka qenë i pranishëm në këtë zonë.

“Gjithë shtëpia ka ikur dëm. Kjo është hera e dytë që u mbytëm dhe nuk na kanë dhënë asnjë gjë. Asnjë nuk ka ardhur. A jeni gjallë? Asgjë”,  u shpreh një banore.

Gruaja më tej bëri apel për ndihmë.

“Të na ndihmojmë. Edhe tërmeti na shkatërroi dhe me forcat tona u rregulluam vetë. Këtë herë na i mori gjërat uji. Katastrofë e madhe”, u shpreh banorja.

Për situatën e përmbytjeve, një ditë më parë kryeministri Edi Rama tha se qeveria ka bërë një bilanc dhe se do të bëhet pubik në përfundim të kësaj situatës.

Rama u shpreh se situata është nën kontroll. /euronews