Po luhet momentalisht duke filluar nga ora 16:00, ndeshja mes Teutës dhe Kukësit, e vlefshme për javën e 21-të në Kategorinë Superiore.

Skuadrat do të kërkojnë me çdo kusht fitoren në këtë ndeshje, për t’u ngjitu në renditje, edhe për vetë objektivat që kanë.

Aktualisht është mbyllur pjesa e parë me rezultatin 1-0. Durrsakët shënuan me Dejvi Bregun.

LIVE| TEUTA-KUKËSI 1-0

Bregu 35′

Sulmuesi i Romës, Edin Dzeko ka pësuar një dëmtim të shkallës së parë në kofshën e majtë dhe thuhet se do të mbetet jashtë fushave për dy javë.

Calciomercato.com raporton se sulmuesi i Romës iu është nënshtruar disa testeve sot dhe Boshnjaku do të jetë jashtë për dy javë për shkak të një dëmtimi të shkallës së parë në këmbën e majtë.

Boshnjaku startoi kundër Sporting Braga natën e kaluar dhe shënoi në pjesën e parë, por ai u detyrua të largohej pas 67 minutash.

Prandaj Dzeko do të humbasë ndeshjen kundër Milanit të dielën, ndeshjen e mesjavës kundër Fiorentina dhe atë kundër Genoa të dielën tjetër.

Ai potencialisht mund të kthehet në ndeshjen e parë kundër Shakhtar Donetsk më 11 mars ndaj Shakhtar Dontesk.

Partizani do të përballet ditën e nesërme me një rival direkt siç është Laçi, duke filluar nga ora 16:00. Të kuqtë do të kërkojnë me çdo kusht fitoren, për të mos iu larguar Vllaznisë kryesuese. Para kësaj ndeshje, para mediave ka folur trajneri i kryeqytetasve, Ilir Daja i cili e ka vlerësuar maksimalisht kundërshtarin, teksa ka thënë se është i shqetësuar nga mungesat në skuadrën e tij.

SHORTI I KUPËS- Le t’i marrim me radhë, më e rëndësishme është kjo e kampionatit. Atë të kupës do e trajtojmë më vonë, në momentin e duhur. Është një sfidë e vështirë, pasi edhe Laçi vjen me ndeshje radhazi të fituara, sikurse edhe ne. Janë dy ekipe që edhe në klasifikim janë për momentin rivalë. Besoj që, siç kemi bërë edhe në ndeshjet e tjera, pavarësisht se koeficienti i vështirësisë është ndoshta edhe më i madh, ne do futemi në fushë duke e respektuar Laçin për çfarë ka bërë në këtë periudhë të kampionatit. Në fushë futemi për të fituar ndeshjen, por duhet trajtohet në disa elemente ndryshe.

NDESHJA E NESËRME- Koeficienti i vështirësisë është edhe më i madh. Të dyja skuadrat në aspektin psikologjik janë goxha mirë, entuziazmi është edhe në kampion tonë, por edhe Laçi ka një entuziazëm që ia jep momenti i mirë që po kalon. Kemi probleme të dyja ekipet, por mua më shqetëson Partizani.  Nuk e kemi komplet grupin, jo vetëm për formacionin, por edhe për ndërrimet që mund të na bënin diferencën më pas. Do duhet ta menaxhojmë në një formë tjetër.

MUNGESAT- Përveç Zhunior është edhe Murataj. Është edhe Asani që pardje, bashkë me një lojtar tjetër të cilin nuk po e prezantoj, pasi nuk e dimë nëse do të jetë i mundur për të startuar ndeshjen. Bëhen 3-4 mungesa goxha të rëndësishme. Por kemi një kontingjent që nuk i ndjejmë shumë mungesat. Në vazhdimësi mund të kemi probleme, pasi do të përshtatim lojtarë, nëse do të na duhet, në rolet e tyre jo natyrale.

MODULI– Moduli i lojës është i njëjtë, por me kundërshtarë të ndryshëm ne kemi përdorur manovra të ndryshme. Ajo që është më e rëndësishme është manovra sesa vendosja e lojtarëve në fushë. Mund të luash me një sulmues fals dhe mund të sulmosh me 5-6 në zonën e golit, ose mund të luash me tre sulmues dhe shkon me një ose me dy te zona e golit. Sigurisht që kemi pasur kohë ta punojmë ndeshjen, por ajo që na ka nxjerrë probleme në 2-3 ditët e fundit, është mungesa e shtuar e Asanit dhe ndonjë lojtari tjetër. Shpresojmë që me kontingjentin që kemi, ta përballojmë këtë ndeshje me vështirësi goxha të lartë.