E ardhmja e Edi Sylisufaj është Kosova. Futbollisti 20 vjeçar nga Tropoja aktivizohet te Falkenberg në Suedi dhe duket majft i talentuar. Ai ka shënuar 5 gola në 10 ndeshje, sinjal i qartë ky se gjërat janë në drejtimin e duhur. Federata e Futbollit të Kosovës ka konfirmuar se Sylisufaj do jetë pjesë e 21-vjeçarëve dardan, me anë të një postimi në rrjetet sociale.

“Kombëtarja e Kosovës së shpejti do të ketë në radhët e saj një tjetër supertalent. Bëhet fjalë për sulmuesin e skuadrës suedeze, Falkenbergs, Edi Sylisufaj, i cili tashmë ka vendosur ta veshë fanellën dardane.20-vjeçari i lindur në Suedi është duke shkëlqyer në fanellën e Falkenbergs në këtë edicion, ku ka shënuar 5 gola prej se ka nisur elita e futbollit suedez në muajin qershor. Ai më parë ka qenë edhe pjesë e Kombëtares U17 të Suedisë, derisa vlerësohet si njëri nga futbollistët më të talentuar.

FFK tashmë ka filluar procedurat rreth rregullimit të dokumenteve të nevojshme për lojtarin dhe nëse gjithçka kryhet me kohë, atëherë ai do të mund të paraqitet në fanellën dardane qysh në shtator në ndeshjen kundër Anglisë U21 në Prishtinë, teksa shumë shpejt mund ta shohim edhe në fanellën e Kombëtares A, ngase bëhet fjalë për një sulmues tejet të spikatur” – shkruan FFK.

Klubet turke kanë filluar të interesohen gjithnjë e më shumë për futbollistët e përfaqësueses shqiptare të futbollit, duke i shikuar si investime të rëndësishme. Por jo të gjithë janë gati të pranojnë oferta të mira financiarisht, që sigurojnë shumë pak në aspektin sportiv. Një gjë e tillë ka shtyrë mbrojtësin e përfaqësueses shqiptare, Frederik Veseli, që të refuzojë një ofertë të rëndësishme nga Turqia.

Klubi i Samsunspor, i ngjitur këtë edicion në kategorinë e dytë turke, i ka bërë një ofertë interesante Frederik Veselit, duke dashur të afrojë mbrojtësin e përfaqësueses si një nga blerjet më të rëndësishme. Një ofertë e mirë ekonomike për futbollistin i cili po kërkon një sistemim për të ardhmen pasi te Empoli nuk është pjesë e projektit.

Por ai kishte frikë se aktivizimi në ligën e dytë turke, do të dëmtonte mundësinë e tij për të luajtur rregullisht me kombëtaren shqiptare , ndaj e ka refuzuar në momentin e fundit ofertën që i është bërë. Gjithçka e ka konfirmuar menaxheri i përgjithshëm i klubit, Mustafa Aztopal. “Unë kam biseduar për transferimin e Veselit prej shumë kohësh. Ne arritëm akordin me të në çdo çështje. Megjithatë, lojtari i cili është pjesë e Kombëtares shqiptare tha se ai nuk dëshironte të vinte në Kategorinë e dytë turke, duke menduar se do të ndikonte në karrierën e tij në Kombëtare”, theksoi ai. Kështu, Veseli duhet të nisë nga e para kërkimn për një klub të ri, për të vazhduar atje karrierën e tij.

Përse erdhi kaq vonë Klaus Gjasula në Kombëtaren e Shqipërisë? Është kjo pyetja që shtrohet shpeshherë sa i përket mesfushorit shqiptar, që brenda pak ndeshjeve do të fitonte zemrat e të gjithë tifozëve. Por 30 vitet që mban mbi shpinë shprehin edhe një keqardhje për vetë lojtarin dhe tifozët në Shqipëri, që nuk mund ta shohin pafundësisht gjatë me Kombëtaren.

E gjitha kjo pasi Klaus Gjasula përdori shkallët në karrierë, duke e nisur nga kategoritë e ulëta për të mbërritur si kapiten në Bundesligë. Kjo i ka kërkuar shumë vite, ndryshe nga të tjerë lojtarë shqiptarë që e kanë pasur fatin me dashamirës karshi tyre. Madje në një intervistë për mediat gjermane, Gjasula tregon se kur ishte 25-vjeç mendoi të linte futbollin për të hapur një pijetore.

“Kur isha në drejtimin e Rico Schmitt, ky trajner më ka bërë tipin e lojtarit që jam sot. Më ka injektuar më të keqen. Tani po hyj në duele me forcë. Por kjo nuk do të thotë që unë nuk mund të luaj dot futboll. Kur isha 25-vjeç kam menduar në fakt për pak kohë edhe të lë futbollin, për të hapur një pijetore me një mik. Por unë kam ende një qëllim për të arritur tani. Kam punuar në karrierë nga pikët më të ulëta për të shkuar më sipër. Nuk u dorëzova kurrë dhe ia ka vlejtur. Helmeta? E marrë dhe në dush, pastaj e heq sigurisht”, ka thënë Gjasula.