Edhe pse me 8 mungesa, Milani i Stefano Piolit, do të kërkojë të triumfojë në sfidën e mbrëmjes së sotme në transfertë ndaj Kaljarit, për të kryesuar i vetëm me diferencë +3 nga ndjekësit e Interit.

Kuqezinjtë do të kenë përballë skuadrën e Antonio Di Françeskos, që po përjeton një krizë të thellë rezultatesh me 4 humbje në 5 ndeshjet e fundit, duke u pozicionuar në vendin e 17-të.

Leao, Selemekers, Benaser, Teo Hernandez, Çalhanoglu, Rebiç, janë 6 mungesat më të rëndësishme për kryesuesit e kampionatit, duke shtuar këtu edhe Kruniç dhe Gabia, që janë zgjedhje dytësore. Ndërkohë lajm pozitiv është fakti se nga minuta e parë, do të luajë Zllatan Ibrahimoviç, i cili do të jetë një pikë referimi në sulm, për të udhëhequr skuadrën drejt suksesit.

KALJARI – MILAN

FORMACIONET ZYRTARE:

Cagliari (4-3-2-1): Cragno; Zappa, Ceppitelli, Godin, Lykogiannis; Marin, Nainggolan, Duncan; Pereiro, Joao Pedro; Simeone

Milan (4-2-3-1): Donnarumma; Calabria, Kjaer, Romagnoli, Dalot; Kessie, Tonali; Castillejo, Brahim Diaz, Hauge; Ibrahimovic

Realdo Fili ka bërë heroin, në ndeshjen e sotme ndaj Poli Iasit, ku me golin e tij në minutat e fundit, i dhuroi triumfin 0-1 Botoshanit në transfertë.

Futbollisti fierak, u aktivizua në minutën e 80-të të sfidës, teksa vetëm 9 minuta i mjaftuan për të gjetur rrugën e rrjetës. Ky ishte goli i dytë në kampionat për ish-futbollistin e Apolonisë, Partizanit, Kamzës, Skënderbeut dhe Luftëtarit.

Pavarësisht se minutat kanë qenë me pikatore këtë sezon, sulmuesi i talentuar është përpjekur të japë gjithmonë maksimumin, kur trajneri e ka aktivizuar. Kujtojmë që te skuadra e Botoshanit, aktivizohet edhe mesfushorit tjetër shqiptar, Papa, i cili ishte titullar në këtë takim.

Shqiptari i Kosovës, Meritan Shabani ka firmosur një kontratë të re me skuadrën e Volvesit në Angli.

Trekuartisti 21-vjeçar ka nënshkruar deri në vitin 2023. Shabani ka qenë pjesë e skuadrës së dytë të Bajernit të Mynihut dhe u transferua në verën e vitit 2019 tek Volvesi.

Ai aktivizohet tek skuadra e U-23 dhe ndeshjen e fundit ndaj Uest Bromuiç Albion në Premier Ligë, trajneri Nunjo Espirito Santo e uli në stol. Lajmin e rinovimit të Shabanit e ka bërë publike vetë klubi anglez me anë të një komunikate.