Sport
Surpriza e merkatos, Valon Berisha firmos në kampionatin francez
Valon Berisha nuk është më një futbollist i Lacios por do të luajë në kampionatin francez të futbollit. Lëvizja e papritur është zyrtarizuar në darkë nga Lacio që ka gjetur të gjithë të papërgatitur, pasi siç ndodh zakonisht, negociatat e Igli Tares me klubet e tjera janë gjithmonë të fshehta e të paparashikueshme.
Berisha është prezantuar në darkë në radhët e Reims, skuadër ku aktivizohet edhe Arbër Zeneli, duke nënshkruar atje një kontratë katërvjecare e vazhduar aventurën e tij në elitën e futbollit francez ku shpreson të lërë më tepër gjurmë sesa bëri në Itali.
Mediat franceze kanë bërë të ditur se marrëveshja është mbyllur për 5 milionë euro, me Lacion që ka humbur financiarisht me futbollistin i cili për shkak të problemeve fizike apo formës, dha shumë më pak se sa pritej prej tij në radhët e bardhekaltërve.
Sport
Luhet sot java e 15-të e Superiores, ja ekipet që zbresin në fushë
Java e 15-të e Kategorisë Superiore do të ngrejë sot siparin me 4 sfidat interesante që janë planifikuar të zhvillohen në orën 13:45. Transfertë delikate për kryesuesit e Vllaznisë, që do të jenë mysafirë në Ballsh, përballë Bylisit të trajnerit Dovedan.
Përballje tepër interesante pritet të jetë dhe ajo që do të zhvillohet në Krujë mes Teutës dhe Kastriotit.
Ndërkohë në 2 sfidat e tjera, Kukësi dhe Laçi vijnë si favoritë në letër, teksa do të kërkojnë të rikthehen te rezultatet pozitive, respektivisht përballë Apolonisë dhe Skënderbeut.
SOT:
Kastrioti-Teuta 13:45 (në Kamzë)
Bylisi-Vllaznia 13:45
Laçi-Skënderbeu 13:45
Apolonia-Kukësi 13:45
Sport
Kosova ka një yll të ri, sulmuesi dardan shkëlqen ndaj ekipit polak
Arbër Hoxha është rikthyer tek skuadra e Ballkanit pas lëndimit të gjatë që pati.
Sulmuesi i krahut duket se ka lënë pas problemet dhe është kthyer më i fuqishëm se asnjëher më parë.
22-vjeçari shkëlqeu edhe në sfidën e djeshme kundër skuadrës elitare polake, Jagellonias.
Në një sekuencë të ndeshjes, Hoxha shihet duke dribluar plotë gjashtë futbollistë kundërshtarë.
Sport
Partizani merr vendimin e papritur për Gledi Micin
Merkato e bllokuar në verë pengoi kthimin e Glendi Micit në kampionatin shqiptar. Mbrojtësi kishte një akord parimor me Partizanin, ku do të vihej përsëri nën urdhërat e trajnerit Ilir Daja me të cilin kishet kaluar vitet më të rëndësishme të karrierës në radhët e Skënderbeut. Lojtari zgjodhi Prishtinën në Kosovë, por kjo nuk do të thotë se rrugët e tij me Partizanin nuk do të takohen përsëri.
Bisedat mes palëve kanë vazhduar, ndërsa kohët e fundit është përfolur se ai do t’i jepte lamtumirën kryeqytetit të Kosovës për t’iu bashkuar të kuqve. Por një gjë e tillë me sa duket nuk do të bëhet realitet në merkaton e janarit. Sipas RTSH, klubi i kuq nuk ka ndër mend të shpenzojë për të prishur marrëveshjen e futbollistit me Prishtinën, edhe për faktin se në këtë edicion Hakaj ka treguar se është në lartësinë e duhur dhe nuk ka ngut për të bërë përforcim të tillë.
Diskutim ndryshë është ai i verës. Atëherë Mici do të jetë lojtar i lirë, pasi i përfundon marrëveshja njëvjeçare që ka firmosur me Prishtinën. Partizani dhe lojtari kanë lënë një takim për të diskutuar atëherë për të ardhmen dhe nëse gjejnë gjuhën e përbashkët, do të konkretizojnë një vit me vonesë një marrëveshje që nisi në verën e kaluar.
Lajme të Rekomanduara:
Derbi ndaj Tiranës, ja formacioni që pritet të zbresë në fushë Partizani
Ditën e enjte do të luhet derbi i dytë i kryeqytetit për këtë sezon në Superiore. “Demat e kuq” do të përplasen me bardheblutë e...
Zgjidhja gjeniale e Skënderbeut, “maskon” tifozët si… VIP-a
Skënderbeu dhe Partizani zhvilluan një ndeshje shumë të luftuar në Korçë. “Panorama Sport” ju sjell pikantet dhe të veçantat e këtij takimi, që ishte i...
