Futbollisti i përfaqësuese së Kosovës, Valon Berisha ka qenë lajm gjatë këtyre dy ditëve të fundit, pas transferimit të tij nga Lazio tek Reims, raporton CNA.al.

Klubi francez që garon në League One, ka paguar 5 milion euro tek ekipi i Lazios, për të marrë shërbimet e mesfushorit kosovarë.

Klubi i Lazios, 2 vite më parë e kishte transferuar Valon Berishën nga ekipi austriak Red Bull Salzburg, për 7.6 milion euro, 2.6 milionë më shumë se sa e ka shitur tani tek Reims. Valoni bashkohet tani me shokun e tij të përfaqësueses, Arbër Zeneli i cili mendohet se kishte rol në afrimin e Valonit tek ekipi francez./CNA.al

Sulmuesi i Milanit Zlatan Ibrahimoviç insiston se ai nuk luan për kontratë dhe pretendon se gjithçka ka ndryshuar në klub. Në një intervistë për “SportMediaset” suedezi u shpreh: “Ky nuk është Milani im, gjithçka tani ka ndryshuar dhe është ndryshe.

Objektivat nuk janë më të njëjtat, që kanë qenë dikur. Unë dua ta shoh ekipin të luftoj për skudeton dhe Ligën e Kampionëve. Unë e dashuroj të luaj, por unë nuk luaj për kontratë. Unë luaj për atë arritur objektivat që më stimulojnë mua. Nuk e di nëse do qëndroj vitin tjetër.

Ibrahimoviç pranoi se nuk e di nëse Gazidis do i ofrojë një kontratë të re. “Askush nuk më ka telefonuar deri tani, nuk e di a do të qëndroj”.

Xhani De Biazi duket se më në fund është realisht pranë pankinës së një kombëtaraje. Ndonëse nuk është një nga emrat më të medhenj në Europë, duket se De Biazi ka rënë parimisht dakord për të nënshkruar pasi bisidimet janë konfirmuar nga drejtuesit e federatës së Azerbajxhanit, vendi që e ka kontaktuar.

zerbajxhani ndër vite ka kontaktuar vazhdimisht me trajnerë të njohur dhe për shumë kohë në pankinë e kësaj kombëtareje ka qëndruar një emër me famë si Berti Vogts. Bisedimet me De Biazin duket se kanë shkuar mirë për momentin siç konfirmohet nga vetë Federata e Azerbajxhanit. Sot në mëngjes, trajneri ka folur me videokonferencë me drejtuesit e federatës, duke diskutuar projektin të cilin duan t’i besojnë.

“Duke pasur parasysh situatën që ka lidhje me pandeminë e COVID-19, pritet të nënshkruhet një akord me Xhani De Biazin, i cili do të emërohet kryetrajner i kombëtares nëse do të pranoëj kushtet që i kemi vendosur. Negociatat për të përcaktuar kushtet e mëtejshme të akordit do të vazhdojnë nëse arrihet maxhoranca në Komitetin Ekzekutiv për emërimin e tij. Zëvendësi do të jetë Arif Asadov”, shkruhej në njoftimin zyrtar të Federatës Azere që i hap rrugë firmës së mundshme të teknikut i cili drejtoi Shqipërinë në Euro 2016. /