Connect with Us

Konfirmohet me koronavirus Isa Mustafa/ Pak ditë më parë takoi Ramën

Kosova & Rajoni

Konfirmohet me koronavirus Isa Mustafa/ Pak ditë më parë takoi Ramën

Publikuar

-

Konfirmohet me koronavirus Isa Mustafa

Kreu i Lidhjes Demokratike të Kosovës, Isa Mustafa është prekur nga Covid-19.

Lajmi është bërë i ditur nga vetë Isa Mustafa, nëpërmjet një postimi në rrjetet sociale, ku shkruan se ditët në vijim do të jetë i izoluar.

“Të nderuar miq
Sot, pas analizave te kryera, kam rezultuar pozitiv me Covid-19.
Përveç një plogështie, nuk vërej ndonjë shqetësim tjetër shëndetësor. Anëtarët e tjerë të familjes nuk janë të prekur.
Ditet në vijim to të jem i izoluar.
Apeloj te të gjithë për kujdes maksimal! IM”-shkruan Isa Mustafa.

LEXO EDHE:  Covid-19/ Ndërrojnë jetë 7 pacientë në Kosovë

Kreu i LDK, pak ditë më parë takoi kryeministrin Rama./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Zgjedhjet në Kosovë/ Akuza për ndërhyrje në punën e KQZ-së

Publikuar

-

Nga

Kryetarja e Komisionit Qendror të Zgjedhjeve, Valdete Daka, tha të enjten se akuzat e partive politike ndaj saj dhe Komisionit janë ndërhyrje drejtpërdrejtë në punën e institucionit për të pamundësuar zbatimin e kushtetutës dhe ligjeve në fuqi.

Ajo i bëri këto komente në një konferencë me gazetarë, pas reagimeve që pasuan njoftimin se Këshillit Gjyqësor i Kosovës ka gjetur se 47 kandidatë nga 1 mijë e 80 sa janë në listat e kandidatëve për deputetë në zgjedhjet e 14 shkurtit, janë shpallur fajtor për vepër penale me një vendim të përfundimtar të gjykatës në tri vjetët e fundit dhe nuk kanë mundësi të kandidojnë.

Nënkryetari i Lëvizjes Vetëvendosje, Glauk Konjufca deklaroi të mërkurë në TV Dukagjini, se mos certifikimi i 47 kandidatëve përfshirë këtu edhe kryetarin e kësaj lëvizjeje Albin Kurtin, po bëhet për eliminime politike.

“Personi i cili në KQZ po ndikon, që edhe kërkesa të jetë sugjestive e kundër Albin Kurtit është Valdete Daka”, tha zoti Konjufca.

“Kërcënimet publike ndaj meje dhe shqetësimet që po i përjeton familje ime janë të paprecedent dhe të rrezikshme. Të gjithë kandidatët që dje e kanë parë vetën në listën e Këshillit Gjyqësor të Kosovës si persona që nuk plotësojnë kriterin për t’u certifikuar si kandidatë për deputet do t’u them vetëm dy fjalë, shkurt, shqip dhe qartë është ligji dhe aktgjykimi i Gjykatës Kushtetuese që ua pamundëson kandidimin dhe jo unë”, tha Valdete Daka.

Vet zoti Kurti tha të enjten se do të respektojë kushtetutën dhe ligjet e vendit.

“Ne kemi dorëzuar listën tonë ashtu siç është kërkuar dhe ajo është lista jonë. Mendoj që institucionet e shtetit duhet të përditësohen në rrethanat e reja ku jemi në prag të zgjedhjeve të 14 shkurtit, zgjedhje këto që kanë ngjallur një entuziazëm të paparë për pjesëmarrje masive të qytetarëve. Unë jam bartës liste i cili i respekton dhe përfill me përpikëri kushtetutën dhe ligjet të cilët mbrojnë të drejtat e të gjithë neve dhe secilit prej nesh”, tha zoti Kurti.

Verifikimi i listave të deputetëve sipas Komisionit Qendror të Zgjedhjeve po bëhet mbështetur në aktgjykimin e Gjykatës Kushtetuese, e cila në fillim të muajit janar tha se asnjë person nuk mund të fitojë dhe mbajë mandat të vlefshëm të deputetit nëse është i dënuar për vepër penale në tre vjetët e fundit.

LEXO EDHE:  Vetëkarantinohen tre zyrtarë në SHBA/ Pjesë e ekipit që merret me koronavirusin

LEXO EDHE:  "Ne jemi shteti"/ Fasada dhe propaganda nuk kursehet as te uniformat blu 

Në muajin shtator të vitit 2018, Gjykata e Apelit vërtetoi një vendim të muajit janar të atij viti që dënoi zotin Kurti dhe tre deputetë të lëvizjes Vetëvendosje për hedhjen e gazit lotsjellës në Parlamentin e Kosovës.

Kryetarja e Komisionit Qendror të Zgjedhjeve, Valdete Daka tha se secili që mendon se i është bërë e padrejtë mund të ankohet.

“Do të mund të ankohet në institucione të Panelit Zgjedhor për Ankesa dhe Parashtresa apo në Gjykatën Supreme, ne do t’i zbatojmë vendimet e tyre. Unë Valdete Daka, nuk i kam shkruar as votuar këto ligje por si gjyqtare dhe drejtuese e KQZ-së së Kosovës se do t’i zbatoj germë për germë”, tha ajo.

Për situatën e krijuar reagoi edhe Instituti i Kosovës për Drejtësi, i cili u bëri thirrje partive politike “që të përmbahen nga gjuha joadekuate, aq ma tepër nga gjuha kërcënuese”, e cila siç thuhet në reagim “është e papranueshme dhe cënon parimet e demokracisë në vend”.

28 subjekte politike, nga të cilat 21 parti, dy koalicione dhe pesë nisma qytetare, janë regjistruar për të marrë pjesë në zgjedhjet e parakohshme parlamentare, që do të mbahen më 14 shkurt./ VOA

LEXO TE PLOTE

Kosova & Rajoni

Albin Kurti dhe 46 kandidatë të tjerë përjashtohen nga zgjedhjet e 14 shkurtit

Publikuar

-

Nga

Kryetari i Lëvizjes Vetëvendosje, Albin Kurti, nuk është certifikuar për të qenë pjesë e garës për zgjedhjet e 14 shkurtit. Rrjedhimisht, ai do të hiqet nga lista e kandidatëve të LVV-së.

Përveç Kurtit, KQZ-ja nuk i ka certifikuar edhe 46 kandidatë për deputetë nga listat e të partive tjera.

Qytetarët e Kosovës do të duhet të dalin në zgjedhje për herë të dytë brenda një viti e gjysmë. Kështu ka urdhëruar Gjykata Kushtetuese më 22 dhjetor përmes një aktgjykimi. Kjo gjykatë kishte gjetur parregullsi në votimin e Qeverisë së udhëhequr nga Avdullah Hoti, i cili e mori detyrën e kryeministrit në qershor.

LEXO TE PLOTE

Kosova & Rajoni

Efikasiteti i trajtimit të COVID-19 me plazmë konvalescente

Publikuar

-

Nga

Efikasiteti i trajtimit të COVID-19 me plazmë konvalescente

Trajtimi i pacientëve me COVID -19 me plazmë konvalescente mund të rezultojë me efekte të mira te pacientët që e marrin këtë trajtim në kohën e duhur, thotë për Radion Evropa e Lirë, infektologu Sali Ahmeti.

Pas nënshkrimit të udhëzuesit për trajtim me plazmë konvalescente të pacientëve me sëmundjen COVID-19 si terapi mbështetëse, nga ana e ministrit në detyrë të Shëndetësisë, Armend Zemaj, tash janë duke u shikuar anët teknike se si do të realizohet kjo metodë, thotë Ahmeti njëherë kryesues i grupit punues për hartimin e protokollit për përdorimin e plazmës konvalescente.

Data e fillimit të përdorimit të kësaj metode ende nuk është e caktuar. Por, sipas infektologut Ahmeti, kjo metodë do të nisë shumë shpejt, pasi të bëhet edhe grumbullimi i plazmës nga vullnetarët, persona që tani kanë kaluar sëmundjen COVID-19, që e shkakton koronavirusi.

Trajtimi i pacientëve me COVID -19 me plazmë konvalescente bëhet duke marrë plazmën e gjakut nga pacientët e shëruar nga koronavirusi, pasi që gjaku i tyre ka antitrupa që luftojnë virusin. Transfuzioni i antitrupave besohet se krijon atë që njihet si “imuniteti pasiv” te të prekurit me COVID-19.

Transfuzioni, i gatshëm të nisë procesin

Ndarja e gjakut nga plazma bëhet në transfuzionin e gjakut.

Kjo metodë e trajtimit përmes plazmës është aplikuar në vazhdimësi për shumë sëmundje brenda Klinikës Infektive të Qendrës Klinike Universitare të Kosovës.

Bukurije Zhubi, drejtoreshë e Qendrës Kombëtare të Kosovës për Transfuzion të Gjakut (QKKTGJ), tha për Radion Evropa e Lirë, se ky institucion është i gatshëm të fillojë me grumbullimin e plazmës konvalescente.

“QKKTGJ-ja është e gatshme që të grumbullojë plazmën nga personat që e kanë kaluar dhe janë shëruar nga COVID-19 dhe që të njëjtit plotësojnë kushtet e dhuruesit të zakonshëm”, tha Zhubi.

Sali Ahmeti thotë se në bazë të informacioneve që ata kanë, efektshmëria e mjekimit me plazmëm konvalescente, sipas përvojave të vendeve tjera, është e ndryshme, diku me efekte më të mëdha e diku më pak.

Megjithatë, sipas tij, efektshmëria varet jo vetëm nga dhënia e saj, mirëpo edhe nga pacienti i cili e merr dhe koha më e përshtatshme e aplikimit të kësaj metode.

Dhënia sa më e hershme e kësaj plazme, shton Ahmeti, ka efekte më të mira.

“Efektshmëria më e mirë e saj është nëse ajo jepet së paku nga dita e shtatë deri në ditën e 15-të, pasi që ajo është një plazmë e zakonshme e cila dallon prej plazmës rutinore, për faktin se përmban antitrupa të gatshëm të cilët do t’i kundërvihen virusit”, thotë Ahmeti.

Në Kosovë, trajtimi për personat e infektuar me koronavirus vazhdon të jetë si terapi mbështetëse dhe përfshin dhënien e vitaminave të ndryshme, trajtimin me okigjenoterapi dhe me ilaçe antipiretike dhe analgjetike.

LEXO EDHE:  Covid-19/ Ndërrojnë jetë 7 pacientë në Kosovë

LEXO EDHE:  Covid-19/ Ndërrojnë jetë 7 pacientë në Kosovë

Britania ndërpren trajtimin e pacientëve me plazmën e gjakut

Ndryshe, shumë vende të botës tani më kanë bërë trajtimin e pacientëve me COVID-19 me plazmën e gjakut të pacientëve të shëruar nga kjo sëmundje.

Ndërkaq, sipas BBC-së, Britania ka ndërprerë përkohësisht këtë formë të trajtimit të pacientëve me koronavirus.

Sipas disa të dhënave të fundit, të një studimi të bërë nga Shërbimi Kombëtar i Shëndetësisë në Mbretërinë e Bashkuar, në bashkëpunim me Universitetin e Oxford-it, thuhet se trajtimi i pacientëve me COVID-19 me plazmën konvalescente, nuk ulë numrin e vdekjeve te pacientët e shtrirë në spital.

Sipas këtyre të dhënave të analizimit për 1,873 raste që kanë përfunduar me fatalitet në Britani, trajtimi me plazmën e gjakut “nuk ka bërë ndonjë diferencë të madhe”.

“Tetëmbëdhjetë për qind e pacientëve që janë trajtuar me plazmën konvalescente kanë vdekur brenda 28 ditësh – që është shifra e njëjtë me pacientët që kanë marrë trajtim standard për koronavirus”, thuhet në të dhënat paraprake të studimit.

Ndërkaq, në janar të këtij viti, Komisioni Evropian njoftoi se do të mbështesë një sërë projektesh, për trajtimin e koronavirusit me plazmën konvalescente.

Trajtimi përfshin transfuzionin e plazmës konvalescente te pacientët e sëmurë, në mënyrë që t’ua përmirësojë imunitetin dhe aftësinë e tij për të luftuar virusin. Po ashtu, kjo formë e trajtimit do të mund t’i ofronte industrisë së shëndetësisë që të pastrojë antitrupat dhe të bëjë një produkt shëndetësor për COVID-19 (imunoglobinën)

“Për efikasitetin e këtyre dy qasjeve po kryhen hetime në mbarë botë, përfshirë edhe nga projektet që BE-ja financon. Këto dy lloje të trajtimeve mbështetjen në grumbullimin e sasive të mëdha të plazmës konvalescente nga pacientët e shëruar nga COVID-19”, tha Komisioni Evropian.

Sipas këtij institucioni të BE-së, rezultatet e para janë premtuese, me pak të dhëna që tregojnë për raste kur ka pas efekt të kundërt. Rezultatet e tjera priten të dalin pas provave klinike.

“Rezultatet e deritashme sugjerojnë se transfuzioni më i hershëm (i plazmës së gjakut) nga donatorët, kanë më shumë antitrupa dhe ofrojnë më shumë efikasitet në uljen e vdekshmërisë te pacientët me koronavirus”, thotë BE-ja.

Rastet e para me COVID-19 në Kosovë janë shënuar me 13 mars të vitit 2020. Që atëherë janë regjistruar 56.412 persona të infektuar. Prej tyre, 1.420 kanë vdekur, ndërsa 49.713 pacientë janë shëruar./rel

LEXO TE PLOTE