Nënkryetari i PD Edi Paloka, ka zgjatur debatin Balla-Basha lidhur me komentet e këtyre të fundit për vrasjen e 4 oficerëve të Policisë nga Dritan Dajti, 11 vjet më parë.

Në një postim në “Facebook”, Paloka i drejton disa pyetje Ballës, një prej tyre “se çfarë di për komunikimet e shefit të tij me Dritan Dajtin në burg?”.

Teksa Balla shkroi se ‘drejtësia vonon por nuk harron’, Paloka shkruan se 7 vite në pushtet kanë qenë të mjaftueshëm për të zbardhur gjithçka lidhet me këtë ngjarje.

POSTIMI I PALOKËS
Pse i dogji Taulant Ballës reagimi i Lulzim Bashës? Pse kërkoi Balla ta heqë vëmendjen nga politikanët që po blejnë lirinë e Dritan Dajtit përmes gjyqtarëve dhe prokurorëve të kapur prej tyre? Kë po mbron Taulant Balla dhe pse i intereson kaq shumë lirimi i Dritan Dajtit?

Komenti i Palokës në FB

Çfarë di ai për komunikimet e shefit të tij me Dritan Dajtin në burg?
A ka lidhje me tenderat që Dritan Dajti po fiton nga burgu?
Sa për të tjerat, 7 vite në pushtet kanë qenë të mjaftueshëm për të zbardhur gjithçka lidhet me këtë ngjarje, pas të cilave Taulant Balla kërkon të fshehë krimin e lirimit të Dritan Dajtit dhe rivrasjen për së dyti të 4 oficerëve të policisë.
Ndarja e politikës nga krimi, duke nisur me Taulant Ballën dhe goditja pa mëshirë e krimit të organizuar është detyrimi ynë më i madh. Drejtësia do të bëhet! /CNA.al

Taulant Balla nxjerr mesazhin e Lulzim Bashës dhe i jep paralajmërimin/ Kjo nuk harrohet kurrë

Shifrat në rritje me Covid-19 po shqetësojnë jo vetëm qytetarët por edhe mjekët.

Mjeku Pëllumb Pipero pohon se shqetësimi më i madh lidhet me ata qytetarë, të cilët kanë nevojë për hospitalizim.

Në dy spitalet Covid, shtretërit e programuar për të sëmurët po ezaurohen, ndaj së shpejti do të hapen Covid 3 dhe 4, por Pipero është i mendimit që e gjithë struktura shëndetësore në vend të bëhet gati për vjeshtën, tha mjeku në një lidhje me “TvKlan”.

Në situatën aktuale, ekspertët e shëndetësisë apelojnë për respektimin e distancës, përdorimin e maskës dhe higjienë të shtuar për të frenuar përhapjen e infeksionit. /CNA.al

Ish-anëtari i Këshillit Kombëtar të PD-së ka komentuar me ironi Lulzim Bashën, i cili u ankua për gjendjen e shokut që ka pësuar turizmi vendas.

Basha shoqëroi komentin e tij për krizën, me një kolazh fotosh nga disa plazhe ranore të Shqipërisë, si hapësira të shkreta dha pa pushues.

Pavarësisht nga fotot  apo nga komenti i kryetarit të Republikës së Re, Kulluri me një fjali të shkurtër e rrëzon dhe e bën të pavlefshme “krizën ekonomike”.

“Ku ka krizë ekonomike në Shqipëri?! 1 milion euro vila i ka marrë vetëm ky (Basha) këtë vit! Lëre ç’bëjnë këta të qeverisë me 22 milionë euro/km!!! Bëni qeverine e përbashket në 2021 që të shpëtojë Shqipëria!”, shkruan Kulluri.

Sipas të njëjtës qasje, kujtojmë se CNA.al. ditët e fundit ka investiguar dhe gjetur pasionin e Lulzim Bashës për vila, pasion ky i materializuar me blerje dhe hipotekime.

Më poshtë fotot e publikuara nga Basha dhe komenti i tij për krizën:

“100 mijë punonjës në këtë sektor dhe mbi 200 mijë të tjerë të lidhur me të, rrezikojnë punën dhe mbijetesën e tyre dhe të familjeve. Si pasojë e dritëshkurtësisë së qeverisë Rama dhe premtimeve të pambajtura për t’i ardhur në ndihmë, këtë verë turizmi shqiptar gjendet në ditën e tij më të keqe”, citonte Basha. /CNA.al