Connect with Us

Skandali me rrugën Qukës-Qafë Plloçë/ Abuzimet shtuan kostot, duhen edhe 90 milionë dollarë

Politikë

Skandali me rrugën Qukës-Qafë Plloçë/ Abuzimet shtuan kostot, duhen edhe 90 milionë dollarë

Publikuar

-

Rama, Haxhinasto, Dade, Peleshi ne inspektimin e rruges Qukes - Qaf Plloçe ne vitin 2016

Projekti 125 milionë dollarë për rrugën Qukës – Qafë Plloçë, 43 km i gjatë, financuar nga Banka Islamike për Zhvillim kërkon edhe gati 90 milionë dollarë të tjera investim për të përfunduar. (Lexo këtu)

Kostot e rrugës janë shumfishuar për shkak se ndërprerja e punimeve ka sjellë dëme të mëdha, por edhe sepse një segment (loti 3) tjetër ka ngelur pa financim.

Qeveria shqiptare i ka kërkuar fonde shtesë Bankës Islamike, duke e justifikuar koston me ndryshimet në projekt dhe kostot e paparashikuara, tha një burim zyrtar për CNA.al.

Në fakt ka qenë vetë ndërhyrja në projekt dhe vonesat që kanë shkaktuar këto dëme, të cilat llogariten gati sa 70% e vlerës fillestare të rrugës.

Investimi

Qukës – Qafë Plloçë është një investim i filluar në prill të vitit 2013, nëpërmjet një kredie, por në shtator të atij viti me rotacionin politik gjithçka u ndërpre. Qeveria e Rilindjes ndali tenderin duke kërkuar që mos financohej kjo rrugë, por fondet të kalonin si kredi.

Investimi i braktisur Qukës-Qaf Plloçë
   Investimi i braktisur Qukës-Qafë Plloçë

Kontrata ishte e qartë me bankën dhe qeveria u tërhoq nga kërkesa e saj, më pas u zhvilluan tenderat për 3 lotet, por menjëherë pas fillimit të punimeve nisën dhe peripecitë.

Rruga dukej qartë që kishte “armiq”. Që nga deputetë të qarkut Korçë, deri tek ministra të rëndësishëm, ndoshta edhe vetë kryeministrin Rama, i cili edhe pse e inspektoi disa herë dukej skeptik për projektin.

Qeveria Rama, në kohën kur ministria e Infrastrukturës drejtohej nga Edmond Haxhinasto, edhe pse një projekt konkret dhe i  financuar, ndërhynë disa herë, duke shkaktuar vonesa me kosto të mëdha. Ato konsistonin gjoja në ndryshime të projektit gjatë kohës që kryheshin punime. “Në vend që të hiqnin vetullat duket se nxorën sytë”, kjo shprehje popullore është fiks për këtë rast.

Një ndërhyrje brutale, e pa menduar me një projekt që duhet të kishte përfunduar dy vite më parë në vitin 2018, ka ngelur pa financim.

Gjiknuri e Ahmetaj inspektojnë kantierin e rrugës Qukës-Qafë Plloçë/ Ja kur do jetë funksionale
Ahmetaj, Gjiknuri, Balla dhe Shalsi duke inspektuar kantierin e rrugës Qukës-Qafë Plloçë 2017.

Një rrugë e lënë rrugëve, që sot kërkon gati 90 milionë dollarë, 60 prej të cilave në lotin e 3-të dhe gati 30 milionë dollarë janë investim për lotin e dytë, për shkarje dhe devijime, për shkak të braktisjes së punimeve. Pra, kostot e rrugës janë shtuar thjesht dhe vetëm nga papërgjegjshmëria dhe braktisja që i është bërë investimit nga segmente të caktuara të qeverisë.

LEXO EDHE:  Ky Robin Hud po na befason me gjetjen e re/ Profesori i njohur degjeneron Ramën

Ndërhyrjet dhe dëmet

Ndërhyrjet në projekt dhe gjithçka tjetër, pra ndërprerjet, bllokimet e financimeve, ngadalësimi i punimeve kanë filluar gjatë kohës kur Ministrinë e Infrastrukturës e drejtonte Edmond Haxhinasto dhe dëmet e shaktuara buxhetit të shtetit në këtë investim duken kolosale.

Janë 90 milionë dollarë që pritet të sigurohen si financim shtesë mbi projektin fillestar. Por kush i  paguan këto kosto marramendëse?

Rruga do sigurojë financimin dhe për të paktën dy vite mund të shkojë drejt përfundimit.  Po a do mbajë ndonjëherë njeri përgjegjësi, për politikat e gabuara dhe dëmet shkaktuara?

Rama, Peleshi, Balla, Haxhinasto inspektojne punimet
Rama, Peleshi, Balla, Haxhinasto inspektojne punimet

Të gjitha janë pasoja në buxhetin e shtetit dhe kostot e mëdha, do paguhen nga xhepat e taksapaguesve, pasi të gjitha janë kredi dhe interesa që shlyhen nga buxheti.

Edmond Haxhinasto dhe ish-drejtori i rrugëve, ndoshta flenë të qetë në shtëpitë e tyre dhe vazhdojnë aktivitetin politik, por dikush duhet të mbajë përgjegjësi ligjore për një krim dhjetra milionë dollarë në kurriz të shqiptarëve.

Nuk ka nevojë për shumë fjalë, faktet flasin vetë, politikat e gabuara të ish-drejtorit të rrugëve dhe ish-ministrit Edmond Haxhinasto lanë rrugëve një investim 125 milionë dollarë, duke shtuar kostot me 90 milionë dollarë. Kjo vetëm sepse e urrenin atë investim, dhe donin me çdo kusht ndryshime projektesh, tendera, miliona dollarë shtesë, për interesat e tyre dhe jo për perfundimin me sukses të një projekti që i jep frymë të madhe levizjes drejt zonës jug-lindore në vend./ CNA.al

Më poshtë projekti i cili ishte gati që në vitin 2013:

Qukës-Qafë Plloça, fytyra e dështimit të Rilindjes/ Rama gënjen turpësisht shqiptarët

Foto-Video/Hapet tuneli në rrugën Qukës-Qafë Plloçë

Rruga Qukës-Qafë Plloçë, turpi i Ramës dhe ARRSH-së

Foto ekskluzive/ Rruga Qukës-Qafë Plloçë, segmenti i lënë në mëshirë të fatit, nuk mbaron prej një dekade

Rrugët e lëna rrugëve/ Si gënjeu publikisht kryeministri për aksin Qukës-Qafë Plloçë

Gjiknuri e Ahmetaj inspektojnë kantierin e rrugës Qukës-Qafë Plloçë/ Ja kur do jetë funksionale

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

I tejkaloi pritshmëritë në zgjedhje/ Nebijaj: Votat që mora një mesazh i fortë për politikën

Publikuar

-

Nga

I tejkaloi pritshmëritë në zgjedhje/ Nebijaj: Votat që mora një mesazh i fortë për politikën

Ori Nebijaj nuk njihet thjesht si moderator por është shumë e njojur edhe në politikë. Nebijaj ishte pjesë e listave të PD në zgjedhjet e 25 Prillit ku arriti të merrte 5599 vota por nuk u bë pjesë e Kuvendit.

E ftuar në emisionin “Breaking” në Top News ajo ka zbuluar se cilat janë projektet me të cilat do të merret pas zgjedhjeve.

Jemi përpara sezonit veror dhe është sezoni i katërt i pushimeve në “Pushime on Top”. Është e padiskutueshme rikthimi i programit, nuk mund të mungojë, është një nga prodhimet më të bukura verore. Nuk mund të mungojë kurrsesi”,u shpreh Nebijaj.

Përsa i përket votave që ka marrë në zgjedhjet e 25 prillit Ori është shprehur se votat  që mori janë një mesazh i fortë për të gjithë politikën.

LEXO EDHE:  U shkarkua me bujë/ Rama “shpërblen” Haki Çakon

LEXO EDHE:  Qytetarët ia thonë copë Ramës/ “Me këtë që po bën do rrisësh numrin e vrasjeve”

Ka një numër votash që është frymë dhe pëlqim që ti nuk e kupton dhe nuk ta prek dot njeri. Ka një votë qytetari që nuk preket, e kjo është edhe vota që erdhi te kandidatura ime, e cila u perceptua si një frymë e re. Rreth 6 mijë vota janë shumë kur je një individ i vetëm e nuk ke një strukturë të mirëfilltë, apo dikë që të mbështet financiarisht. Mendoj se votat që mora dhanë një mesazh të fortë për të gjithë politikën”, ka thënë Ori Nebijaj./ CNA.al

LEXO TE PLOTE

Politikë

A u takua Meta me anëtarët e Agimit të Artë?/ SHISH paralajmëroi Presidentin

Publikuar

-

Nga

Në mbledhjen e Komisionit të Posaçëm Hetimor për shkarkimin e Presidentit Ilir Meta, është trajtuar dhe një informacion i mbërritur nga Shërbimi Informativ Shtetëror.

Sipas gazetarit të Top Channel Muhamed Veliu, SHISH ka paralajmëruar Presidentin të mos takohet me dy persona, pasi sipas SHISH ata kishin lidhje me Agimin e Artë.

Në lidhje me këtë informacion, Komisioni Hetimor kërkon t’i shkojë deri në fund për të mbërritur në përfundimin nëse presidenti Meta e ka marrë seriozisht këtë paralajmërim të SHISH, shkruan TCH.

LEXO EDHE:  Ish-i përndjekuri i “çjerr maskën” Bashës/ Ik ti Lul, që të ikë Rama

LEXO EDHE:  Ky Robin Hud po na befason me gjetjen e re/ Profesori i njohur degjeneron Ramën

Por, mbetet e paqartë nëse kreu i shtetit është takuar apo jo me këta dy persona gjatë fushatës elektorale./CNA.al

LEXO TE PLOTE

Politikë

Ajet Zyberi në krye të IMT/ Ministri i Brendshëm prezanton zëvendësin e Dallëndyshe Bicit

Publikuar

-

Nga

Ministri i Brendshëm, Bledi Çuçi ka prezantuar sot, kreun e Inspektoratit të Mbrojtjes së Territorit.

Ajet Zyberi është emëruar në vend të Dallëndyshe Bicit e cila kandidonte për deputete në zgjedhjet e 25 Prillit.

Bici nuk arriti të zgjidhej deputete, por pas garës u emërua nga kryeministri Edi Rama në postin e zv/ ministres së Mbrojtjes.

Ajet Zyberi ka qenë  Drejtor i Policisë së Korçës në kohën kur Ministër i Brendshëm ishte Saimir Tahiri.

LEXO EDHE:  Qytetarët ia thonë copë Ramës/ “Me këtë që po bën do rrisësh numrin e vrasjeve”

LEXO EDHE:  Ish-i përndjekuri i “çjerr maskën” Bashës/ Ik ti Lul, që të ikë Rama

Zyberi ka disa vite që është liruar nga Policia e shtetit, ndërsa me ndryshimet e fundit ligjore IKMT, ka kaluar në varësi të Ministrisë së Brendshme./CNA.al

LEXO TE PLOTE