Connect with Us

Lojtarët e Partizanit me Covid-19, Egbo tregon duhet të luhet apo jo derbi

Sport

Lojtarët e Partizanit me Covid-19, Egbo tregon duhet të luhet apo jo derbi

Publikuar

-

Trajneri i Tiranës, Emanuel Egbo, doli ditën e sotme në konferencën e zakonshme për shtyp në prag të derbit ndaj Partizanit të planifikuar për t’u zhvilluar ditën e nesërme. Tekniku bardheblu u shpreh optimist dhe e cilësoi këtë përballje speciale, si ndeshjen e radhës. Egbo gjithashtu nuk nguroi të jepte një koment edhe në lidhje me mbledhjen e zhvilluar sot nga Komisioni i Etikës, si dhe për situatën jo fort pozitive te Partizani, ku 2 futbollistë kanë rezultuar pozitiv me Koronavirus.

“E kemi përgatitur si ndeshjen e radhës. E dimë që është derbi i fundit i këtij sezoni. Mendoj që jemi përgatitur siç duhet. Të futemi në fushë dhe të japim maksimumin. Shpresoj që me kismet të Zotit, të marrim atë rezultat që na duhet.

Çfarë duhet të bëjë ndryshe Tirana për të shmangur një humbje të tretë?

Ne do futemi në fushë dhe do të fokusohemi te ndeshjet që kemi fituar. T’ia bëjmë yzmetin dhe në fund Zoti do e shpërblejë punën.

Më mirë derbi apo titulli?

Nuk jam tifoz, ne gjithmonë fokusohemi te objektivi. Çdo klub ka objektivin e vet. Do vazhdojmë me objektivin që na ka vënë klubi në fillim të sezonit.

Si është situata në klub duke marrë parasysh që sot është zhvilluar mbledhja e Komisionit të Etikës. Duhet të ishte klubi i Tiranës prezent sot siç bëri Bylis?

Ka persona të tjerë që mund ta japin këtë përgjigje. Unë jam trajneri, dhe merrem me atë që ndodh brenda fushës. Ka drejtor, president, menaxher, kësaj pyetje duhet t’i përgjigjen ata. Nuk e di fare çfarë kishte Komisioni i Etikës sot. Ne fokusohemi te fusha, atje kemi punë. Aty vazhdojmë punën tonë.

I shpërqendron lojtarët kjo situatë?

Nuk besoj. Ajo ndeshje ka mbaruar. Ne si staf dhe lojtarë kemi punë vetëm brenda fushës. Nuk merrem me gjërat e tjera.

Çfarë ndodhi me Kukësin?

Është ndeshje që ka mbaruar. Kemi ndeshje nesër me Partizanin. Nuk dua ta kujtoj fare çfarë ka ndodhur me Kukësin. E kemi analizuar brenda skuadrës. E dimë çfarë ka ndodhur, do të tentojmë ta rikuperojmë në ndeshjen nesër atë humbje.

Dy lojtarët pozitivë me Koronavirus te Partizani, i trembeni një infektimi të mundshëm?

Nuk është herë e parë që ka lojtarë të infektuar. Presim të dalin rezultatet e lojtarëve të tjerë. Po dolën negativë, nuk kemi pse të kemi frikë, vetëm kujdes do të kemi. Është diçka normale për ne, nuk është hera e parë.

Për ju personalisht si trajner, kjo ndeshje ka vetëm vlerën e 3 pikëve, apo ka vlerë pak më të madhe?

Vetëm 3 pikë në nevojiten. E thashë dhe në fillim, ne fokusohemi te objektivi. Unë nuk kam sfidë personale me askënd, jam thjeshtë punëtor i klubit. Jam i përqendruar vetëm te klubi, nuk kam asgjë nga ana personale.

Ku ndryshon sfida e nesërme nga derbi i fituar 5-1?

Është derbi i fundit, është si ndeshje e radhës. E rëndësishme është të futemi në fushë dhe të marrim atë që na takon. Nuk e kemi mendjen te rezultati. Mjafton të marrim atë rezultat që do të na nevojitet për objektivin që kemi?

Barazimi do të ishte i kënaqshëm?

Ndeshja i ka të treja rezultatet, shpresojmë të marrim atë që është më i miri për ne.

Do të kishit qenë më të qetë në qoftë se do e kishin siguruar më përpara matematikisht titullin kampion?

Unë e kam thënë që do t’i marrim ndeshjet një e nga një dhe në fund do të bëjmë llogaritë. Të presim deri në momentin e fundit.

Duke parë kalendarin a është derbi ndeshja ku mund të sigurohet titulli kampion?

Nuk mund të them. E rëndësishme është të futemi në fushë dhe të japim maksimumin. Në qoftë se japin maksimumin, unë mendoj që do të marrim rezultatin që na takon. Rezultati vjen duke dhënë 100 %.

Me qenë se është kjo situata e Koronavirusit te Partizanit, po bëjmë një analogji me kampionatin rus, Soçi vendosi të mos e pranonte kërkesën e Rostovit për t’u shtyrë ndeshja, pasi shumë lojtarë të Rosovit rezultuan pozitivë me Koronavirus, dhe kësisoj ata u detyruan që të shkonin të luanin me ekipin e të rinjve. Nëse përsëritet një situatë analoge, Egboja do të dëshironte të luante me Partizanin e vërtetë?

Ajo nuk është puna ime. Rregulloja e thotë qartë që nuk e ndalon zhvillimin e ndeshjes. Ndeshja vazhdon. Lojtarët e infektuar izolohen. Çdo lojtar tjetër qofshin ata edhe të akademisë mund të aktivizohen pa problem, janë lojtarë të klubit qoftë të Tiranës apo Partizanit.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

LIVE| Mbyllet pjesa e parë në “Air Albania”, Partizani dhe Tirana dhurojnë spektakël (VIDEO)

Publikuar

-

Nga

Partizani dhe Tirana përballen sonte në orën 19:00 në stadiumin “Air Albania” për herën e 161-të në historinë e tyre. Në dallim nga derbet e sezoneve të fundit, ky i sotmi ka një rëndësi dhe dukuri të veçantë, pasi si rrallëherë në edicionet e shkuara, të dyja ekipet luftojnë për objektiva madhorë. Kështu që, përballja e sotme mes dy rivalëve historikë të kryeqytetit mund të quhet fare mirë edhe si derbi i së vërtetës.

Thuhet i së vërtetës, pasi ekipi që fiton do ta ketë më të qartë busullën orientuese. Nëse fiton Tirana, e cila në këtë sezon të 82-të të Superiores nuk ka fituar asnjë herë me “demat”, i bie që të besuarit e trajnerit Orges Shehi, jo vetëm që hedhin një hap konkret për sigurimin e biletës europiane, por mbeten në garë deri në fund për mrekullinë… titull.  Për Partizanin është derbi i së vërtetës për faktin se fitorja është ilaçi i vetëm për të synuar titullin kampion. Tri përballjet e fundit në këtë kampionat, 1 barazim dhe 2 fitore, i bëjnë optimistë të besuarit e trajnerit Ilir Daja për të mos devijuar në fund nga korsia e titullit.

Barazimi dhe humbja thjesht mund t’i mbanin më larg kreut, por më pas titulli nuk do të varej tërësisht nga ata në tri sfidat e fundit. Ky mund të jetë derbi i së vërtetës edhe për shumë lojtarë që duan të tregojnë veten dhe për të shtuar kreditet për një hap më të madh në karrierë jashtë vendit. Praktikisht ky derbi vendos shumë edhe për të ardhmen e klubeve dhe lojtarëve.

LIVE: PARTIZANI-TIRANA 0-0

Mbyllet pjesa e parë.

45′ Akordohet 1 minutë shtesë.

45′ Momente tensioni në fushë e lojës, pas ndërhyrjes së rrezikshme të Dansos ndaj Çinarit. Futbollisti i Tiranës ndëshkohet me karton të verdhë.

40′ Traversa i mohon golin e avantazhit futbollistit të Partizanit, Jasir Asani, pas një tentativë nga goditja e dënimit në krahun e djathtë, fati nuk ka qenë me të kuqtë në këto minuta. “Dridhet” bardheblutë.

39′ Najdovski ndëshkohet me karton të verdhë për ndërhyrje me kohë vonesë ndaj Malës. I drejtë vendimi i gjyqtarit Hamiti.

33′ Tjetër pretendim i Tiranës për prekje të topit me dorë brenda zonë, pas dueli mes Dansos dhe Belicës. Tefik Osmani ndëshkohet në stol me karton të verdhë për protesta.

32′ Çinari gjen rrugën e rrjetës, por goli anulohet për pozicion jashtë loje, nga anësori Myftari.

31′ Ndëshkohet me karton të verdhë edhe Broja për ndërhyrje të ndaj Torasës.

30′ Mundësi e shkëlqyer për Partizanin, e pabesueshme çfarë shpërdoron Stenio Zhunior, te zona e 5 metërshit. Te stoli i kuq kërkojnë penallti. Rasti më i mirë deri në këto minuta.

26′ Kristi Vangjeli ndëshkohet me karton të verdhë për ndërhyrje të gabuar ndaj Asanit. Futbollisti i parë i ndëshkuar në këtë sfidë, e cila deri tani ka qenë mjaft korrekte.

23′ Partizani fiton goditjen e dytë nga këndi në këtë sfida.

17′ Kundërpërgjigjet Partizani me Jasir Asanin, gjuajtja e tij ishte qëndrore dhe u ndal pa problem nga portieri Bekaj.

16′ Shans i mirë për Tiranën, Seferi ul bukur në hyrje të zonës një top për Danson, që provon me të majtën. Futbollisti i skuadrës bardheblu, nuk koordinohet siç duhet, tentativa e tij ishte e gabuar dhe shkon shumë larg portës.

14′ Danso pretendon për prekje të topit me dorë brenda zonës, por për gjyqtarin Hamiti, gjithçka e rregullt, protestojnë futbollistët bardheblu.

9′ Pasiguri e Bekajt, portieri i Tiranës, i dhuron goditjen e parë nga këndi Partizanit. Harkon Murataj, por kontrollon gjithçka gardiani bardheblu.

7′ Intesitet shumë i lartë në keto minuta, me të dyja skuadrat që luftojnë fuqishëm për çdo top. Të dy skuadrat duken të etura për ta fituar ndeshjen.

5′ Tirana e nis vrullshëm sfidën, duke ushtruar presion të vazhdueshëm në gjysmëfushën e Partizanit, por ende asnjë rast i rrezikshëm në portat respektive.

1′ Ka startuar sfida në “Air Albania”, bardheblutë luajnë topin e parë nga qendra.

LEXO TE PLOTE

La Liga

PSG “parakalon” presidentin Perez, Sergio Ramos drejt Francës

Publikuar

-

Nga

Sergio Ramos ka qenë i pafat këtë periudhë. Shumë dëmtime dhe pak aktivizim, teksa plot mjegull është e mbushur e ardhmja e tij. Në fund të sezonit del lojtar i lirë, dëshira për të vijuar me Real Madrid ekziston, por nuk ka dakordësi mes palëve.

Presidenti Perez i ofron rinovimin me një vit, me opsionin për një tjetër, por 35-vjeçari kërkon dy vite të tjera për të firmosur. Negociatat janë ndërprerë prej kohësh, situatë prej së cilës po tenton të përfitojë PSG.

Kampionët e Francës e kërkojnë prej kohësh. Tani kanë vendosur të shpejtojnë për t’i dhuruar trajnerit Pochettino një emër të madh dhe një lider në repartin e mbrojtjes. Drejtori sportiv, Leonardo po tenton të shfrytëzojë raportet e mira me vëllanë e Ramos.

Oferta? Footmercato zbulon se PSG ka gati një ofertë “2+1” për kapitenin e Realit. Sigurisht edhe një bonus prej tetë shifrash në momentin që firmoset kontrata. Propozim shumë më i bukur dhe më tundues se i Realit. Në fund vendos lojtari andaluzian.

LEXO TE PLOTE

Premier Liga

Situatë kaotike/ Panik te skuadra e Liverpulit, tifozët e Junajtidit bllokojnë autobusin. Shpojnë gomat dhe…

Publikuar

-

Nga

Është planifikuar për t’u luajtur ditën e sotme ndeshja mes Mançester Juanjtidit dhe Liverpulit, në Premier Ligë.

Sfida ishte planifikuar të zhvillohej një javë e gjysmë më parë, por për shkak të protestave të tifozëve të Junajtidit, që pushtuan stadiumin, ajo u shty për ditën e sotme. Megjithatë as sot nuk është një situatë e qetë, me tifozët e Junajtidit që vazhdojnë protestën e tyre, ku kërkojnë largimin nga pronësia të familjes amerikane, Glejzër.

Ditën e sotme, sapo autobusi me skuadrën e Liverpulit ka zbarkuar nga Mançester, tifozët vendas e kanë bllokuar në rrugë, ku i kanë shpuar edhe gomat. Autobusi ka qenë i shoqëruar nga policia, por tifozët kanë arritur të bllokojnë rrugën me makina, ndërkohë që autobusi vazhdon të jetë i bllokuar, duke ngjallur panik te lojtarët.

LEXO TE PLOTE