Ish-kryeparlamentarja dhe drejtuesja e Lëvizjes për Ndryshim, Jozefina Topalli, ka publikuar një letër të ministrisë së Brendshme, lidhur me arrestimin e xhaxhait të saj gjatë Luftes së dytë Botërore.

Topalli thotë se shteti shiptar ka mbrojtur xhaxhain e saj, për të cilin flet me superlativa dhe shprehet krenare.

Drejtuesja e Lëvizjes për Ndryshim tregon se xhaxhai i saj Ejell Çoba ishte njeriu që e drejtoi çdo ditë me modelin e tij, por që sipas saj e quajtën armik deri ditën që vdiq.

“Ja si mbronte shteti Shqiptar hebrejt gjatë Luftes së dytë Botërore. Krenare për Ejell Çobën. Kam qenë me fat që kam jetuar me të. Ai ka qenë idhulli im. Në ‘45 e arrestuan dhe e dënuan me pushkatim. Ishte 34 vjeç.

Pastaj ia kthyen në burgim të përjetshëm. Doli pas 24 vitesh burgje të tmerrshme. Isha në klasën e parë kur babai shkoi ta merrte në burgun e Burrelit. E kam këtu në kokë kur u hap dera dhe hyri një burrë që se kisha parë kurrë.

E motra (halla ime) ishte ngrirë në shkallë duke qarë e nuk mundi të hidhte një hap për ta përqafuar. Më vonë xhaxhai im, Ejell Çoba u bë njeriu që më drejtoi çdo ditë të jetës me modelin e tij! Deri sa vdiq, armik e quajtën!!!!”, shkruan ajo në rrjetet sociale./ CNA.al

Kreu i Partisë Demokratike Lulzim Basha ka mbledhur që prej orës 18:00 Këshillin Kombëtar.

Kjo mbledhje ishte e paparalajmëruar dhe “sekrete”, ku nga ana e selisë blu nuk pati një njoftim për media, për të informuar publikun se kush do të ishte tema e diskutimit.

Burime të CNA.al pranë PD bënë me dije se fokus të diskutimeve është programi elektoral që PD do të shpalosë në fushatën elektorale për zgjedhjet e 25 prillit.

Të njëjtat burime bëjnë me dije se është ish deputetja Jorida Tabaku ajo e cila është duke bërë prezantimin e programit të opozitës.

Ekonomia do të jetë shtylla kryesore e programit të demokratëve. Ndryshimi për Lulzim Bashën duhet të nis nga taksat. Demokratët propozojnë që të ulet barra për biznesin nga 15 në 9 % përmes taksës së sheshtë.

Ndër pikat ku PD e ka përqëndruar programin e saj janë fermerët, anulimi i ligjit për arsimin e lartë, vendosja në filtër e të gjithë koncensionareve dhe kontrateve të partneritetetit publik privat nga viti 2005 kur qeverisnin vetë demokratët dhe kryesisht kontratat e dhëna gjatë 8 vjeçarit të fundit nga maxhoranca e majtë.

Demokratët janë të bindur se falë menaxhimit që do t’i bëjnë kompanive shtetërore të energjisë, do të mundësojnë uljen e çmimit të energjisë elektrike për konsumatorët familjarë dhe biznesin. Ndërkohë që lehtësira pritet të ketë edhe për bizneset e huaja që do të kenë interes për të investuar në Shqipëri./CNA.al

Kreu i FRPD ka komentuar ditën e sotme përgjimet e antimafjas italiane në lidhje me investimet e Ndranghetas në Tiranë dhe përfshirja e kupolës së qeverisë Rama.

Gjatë një interviste për “Syri Tv”, Këlliçi shprehet se Rilindja është shumë e dëshpëruar, duke shtuar se kryeministri Edi Rama dhe kryebashkiaku i Tiranës Erion Veliaj po ia u shesin sapunin për djath shqiparëve.

Kreu i FRPD e cilëson si një çmenduri deklaratën e kryeministrit, i cili tha se Ndragheta do të hapte një dyqan rrobash në Shqipëri dhe nuk do të investonin në sektorin e ndërtimit, duke shtuar se Rilindja është kapur mat.

“Fakti që kanë zgjedhur Taulant Jarisin, të nxjerri këto akuza dhe të shpifi, Taulanti që ka shpyllëzuar dhe varfëruar vendlindjen e tij, tregon sesa të dëshpëruar janë.

Që të nxjerësh një organizatë mafjoze ku ka 1 mijë faqe përgjim nga Antimafja italiane, që e vetmja arritje e tyre paska qënë që të hapin një dyqan rrobash në Shqipëri, këtë vetëm Rama Veliaj dhe Taulanti mund ta bëjnë. Të shesësh sapunin për djath shqiptarëve, ti trajtosh për budallenj, vetëm këta mund ta bëjnë. Ka 3 vitë që heton Antimafja kalabreze, ku përmendet kryebashkiaku, kryeministri, politikanë në pushtet dhe përmenden shifra konkrete 20 %, Rama del dhe thotë që e gjithë kjo ka qënë për të hapur një dyqan rrobash e citjanesh. Kjo është një cmënduri.

Kjo dosje tregon urgjencën e madhe të ndërtimeve në Tiranë, shkatërrimin që po I ndodh Tiranës, aksioner qënka mafja italiane, kjo shpjegon sesi në mes të pandemisë, në 17 maj të viti të kaluar, u vendos të shembej Teatri Kombëtar dhe më pas të kërkoheshin 36 milion euro për ta ndërtuar sepse pas tyre aksioner qënka mafja italiane. Prandaj po shkatërrohet Kulla e Sahatit, po ndërtohet 30 kate në krah të saj, sepse mafja italiane është aksionere në këtë zonë. Këta janë të kapur mat”, tha Këlliçi.

Kreu i FRPD theksoi më tej se në përgjimet e antimafias italiane kanë dalë vetëm kryeministri dhe kryetari i bashkisë dhe jo kreu i opozitës, duke shtuar se firmosja e koncesioneve dhe PPP-ve nuk janë kompetencë e këtij të fundit.

“Në asnjë gërmë nuk ka akuzë për kryetarin e opozitës, por në këto përgjime ka akuzë të drejtë përdrejtë për kryeministrin e vendin që merr 20 % të PPP si dhe për kryebashkiakun e Tiranës që merr 20 % për lejet e ndërtimit si dhe për drejtoerin e Policisë që e gostisin me djath dhe mish derri.

Koncesionet, PPP, kush i firmos, kryetari i opozitës apo kryebashkiaku me kryeminstrin. Nuk ka shqiptar që mos e kuptoj që kjo është një tentativë e Ramës për të hequr vëmendjen. Janë të kapur mat. Pse nuk mban standartin e Tahirit, Rama? Kjo është një organizatë kriminale dhe këta do hanë kokat e njeri tjetrit”, tha Këlliçi./CNA.al