Connect with Us

Dedja “kërcënon” korçarët: Vllaznia është më e motivuar se Skënderbeu

Sport

Dedja “kërcënon” korçarët: Vllaznia është më e motivuar se Skënderbeu

Publikuar

-

Hysen Dedja ka bindjen se Vllaznia e tij është e aftë që të luftojë deri në fund për t’iu larguar zonës “play out”. Sipas tij, fitorja e arritur ndaj Luftëtarit dhe hapi fals i Bylisit ka ndezur sërish shpresat e shkodrane për t’iu larguar vendit të 8-të. Trajneri i Vllaznisë ka folur edhe rreth largimeve nga skuadra. Dedja në fjalën e tij shprehet se kërkon sërish 3 pikë në përballjen me Skënderbeun.

A jeni i kënaqur pas 3 pikëve në Gjirokastër dhe barazimit të Bylisit?

Normalisht që jam i kënaqur me fitoren e arritur në takimin me Luftëtarin. Ishin tri pikë që na duheshin në këto momente. Për më tepër, kam parë se skuadra pati më shumë lëvizshmëri dhe më shumë harmoni në lojën e saj. Ajo që më kënaqi është se skuadra pati më shumë impenjim, jo si në takimet e tjera. Lëvizi mirë në fushë dhe pati përplasje me kundërshtarin. Ajo që më kënaq për të ardhmen është se pati rritje të menjëhershme te disa lojtarë.

Por te Vllaznia ka një problem, pasi disa nga të huajt nuk janë më pjesë e stërvitjes?

Dihet që disave prej tyre u kanë mbaruar kontratat, por nisur nga pandemia nuk duhet që të shikohen kështu. Këta lojtarë që janë në skuadër, sidomos te të huajt, tani shikoj një mungesë impenjimi. Ata po e quajnë veten më profesionistë jashtë fushe, sesa në fushë. Nuk kanë dhënë maksimumin, ndërsa Shkodra e Vllaznia u ka dhënë shumë atyre. Ato kanë detyrime ndaj këtij emri!

Po Gligorov?

Në rastin e Gligorovit, ai para pesë ditësh erdhi më kërkoi që të largohet. “Kam përfunduar kontratën dhe dua që të largohem. Unë erdha që të kërkoj leje”, më tha, pavarësisht se nuk ishte një leje që më drejtohej mua, por administratorit e kryebashkiakes. Gjithsesi, ai është larguar tanimë.

Një hap fals i Bylisit: a ju jep më shumë shpresa për largimin nga vendi i tetë?

Na po punojmë për të marrë maksimumin në ndeshjet tona dhe nuk duhet që të shikojmë çfarë do të ndodhë me të tjerat. Kalendarin e kemi shumë të fortë, por unë them se ekzistojnë mundësitë për t’iu larguar atij vendi. Në fund le të presim se si do të jetë edhe ecuria e kundërshtarit.

Keni disa mungesa në përballjen ndaj Skënderbeut, si do t’i zgjidhni?

Kemi disa mungesa për takimin ndaj Skënderbeut, por pavarësisht se unë e theksoj se kemi një përballje të vështirë, them edhe që nuk e kemi të pamundur për të marrë një rezultat pozitiv. Ne në fazën e dytë, kur unë nuk isha pjesa e ekipit, patëm guxim dhe fituam në Korçë. Prandaj, edhe kësaj here, pavarësisht se do të jetë e vështirë, nuk do të jetë e pamundur që t’ia dalim. Motivi ynë për fitore është më i madh sesa ai i Skënderbeut.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

SPAK bën kërdinë/ Në pranga trajneri dhe gjyqtari shqiptar, ja për çfarë akuzohen

Publikuar

-

Nga

Prokuroria e Posaçme Kundër Korrupsionit dhe Krimit të Organizuar njofton se ka arrestuar trajnerin e klubi të futbollit “Përmeti”, Bledar Hajdini i dyshuar për kryerjen e veprës penale të “Paracaktimi i rezultateve në garat sportive”, kryer në bashkëpunim.

Dhe është arrestuar gjithashtu edhe arbitri i futbollit, Qerim Ruçi si i dyshuar për kryerjen e veprës penale të “Paracaktimi i rezultateve në garat sportive”.

NJOFTIMI –

Prokuroria e Posaçme Kundër Korrupsionit dhe Krimit të Organizuar ka kryer hetime në kuadër të procedimit penal nr.102/2 të vitit 2020, për veprat penale të “Trafikimit të narkotikëve”, kryer në bashkëpunim, në kuadër të grupit të strukturuar kriminal, “Grup i strukturuar kriminal”, “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, “Ushtrimit të ndikimit të paligjshëm ndaj personave që ushtrojnë funksione publike” etj, parashikuar nga nene 245/1, 319/ç, 28/4, 283/a, 333/a, 334 etj, të Kodit Penal.

Hetimi i këtij procedimi penal u bë i mundur falë bashkëpunimit shumë efektiv me Drejtorinë e Përgjithshme të Policisë së Shtetit. Në funksion të hetimeve të këtij procedimi penal janë përdorur mjete dhe metoda speciale hetimi të kombinuara këto me mjetet apo metodat tradicionale të hetimit.

Nga ky hetim u grumbulluan prova të mjaftueshme të cilat krijuan dyshimin e arsyeshëm se jemi para veprave penale të korrupsionit pasiv të prokurorëve, sipas nenit 319/ç të Kodit Penal. Gjithashtu, nga hetimet u evidentuan të dhëna edhe në lidhje me një vepër penale tjetër siç është ajo e e “Paracaktim i rezultateve në garat sportive”, parashikuar nga neni 197/a/2 i Kodit Penal.

Me kërkesë të Prokurorisë, Gjykata e Posaçme e Shkallës së Parë Për Korrupsionin dhe Krimin e Organizuar me vendimin nr.40 datë 17.06.2021 ka caktuar masat e sigurimit arrest në burg për shtetasit:

● Sali Hasa, prokuror në Prokurorinë Pranë Gjykatës së Shkallës së Parë Sarandë, i dyshuar për kryerjen e veprës penale të “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, parashikuar nga neni 319/ç i Kodit Penal.
● Napolon Hodaj, Oficeri i Policisë Gjyqësore në Prokurorinë Pranë Gjykatës së Shkallës së Parë, Sarandë, i dyshuar për kryerjen e veprës penale të “Ushtrim i ndikimit të paligjshëm ndaj personave që ushtrojnë funksione publike”, parashikuar nga neni 245/1 paragrafi i dytë i Kodit Penal.
● Qerim Ruçi, arbitër i ndeshjeve të futbollit, si i dyshuar për kryerjen e veprës penale të “Paracaktimi i rezultateve në garat sportive”, kryer në bashkëpunim, parashikuar nga nenet 197/a/2 dhe 25 të Kodit Penal.
● Bledar Hajredini, zyrtar i klubit sportiv SHS “Përmeti”, i dyshuar për kryerjen e veprës penale të “Paracaktimi i rezultateve në garat sportive”, kryer në bashkëpunim, parashikuar nga nenet 197/a/2 dhe 25 të Kodit Penal.
● Julian Zera, i dyshuar për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëpunim, parashikuar nga nenet 245/1/1 – 25 i Kodit Penal.
● Emiljano Mirani, i dyshuar për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëpunim, parashikuar nga nenet 245/1 – 25 i Kodit Penal.

Gjithashtu me vendimin nr.40 datë 17.06.2021 Gjykata ka caktuar masën e sigurimit “arrest në shtëpi”, për të hetuarën Elsona Papa, e dyshuar për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëpunim, parashikuar nga nenet 245/1/1 – 25 i Kodit Penal.

Kurse ndaj shtetasit Hysen Korenica (ish ekspert mjeko – ligjor), Gjykata ka caktuar masën e sigurimit personal me karakter shtrëngues “Detyrim për t’u paraqitur në policinë gjyqësore”, parashikuar nga neni 234 i K.Pr.Penale, si i dyshuar për kryerjen e veprës penale të “Ekspertim i rremë”, parashikuar nga neni 309 i Kodit Penal.

Policia e Shtetit ka ekzekutuar në datën 19.06.2021 masat e sigurimit të caktuara nga Gjykata me vendimin nr.40 datë 17.06.2021. Gjithashtu në zbatim të vendimit nr.202 datë 17.06.2021 Policia Gjyqësore Pranë Policisë së Shtetit ka ushtruar kontrolle në disa banesa dhe zyra të subjekteve të hetuar dhe të tjerë.

LEXO TE PLOTE

Sport

Artan Hoxha: Shkëmbi i ka disa detyrime Dinamos

Publikuar

-

Nga

Gazetari investigativ, Artan Hoxha, është rikthyer që të komentojë futbollin ndërsa jemi në aromën e Europianit. Pavarësisht se bëhet fjalë për këtë turne kaq të rëndësishëm, nuk mund të linte në anashkalim edhe ngjarjet e ndodhura te dashuria e tij në futbollin shqiptar, Dinamo. I ftuar në emisionin “Euro Zone” në “MCN TV”, Hoxha u shpreh:

“Dinamon nuk e kam lënë pas dore, por ta lëmë të vazhdojnë punën. Uroj trajnerin Bledi Shkëmbi i ka disa detyrime atij klubi. Në finalen e 2008, Dinamo fitoi me 9 lojtarë, kur Shkëmbi mbante fanellën e Partizanit. Ajo stema që i kanë ndryshuar, vlen më shumë se gjithçka. Dëshiroj shumë që drejtuesit e rinj të bëjnë një punë të mirë dhe ta ngrenë skuadrën, por të shikojmë”, ka thënë Hoxha.

LEXO TE PLOTE

Kombëtare

Pesë vite nga goli i Sadikut në Europian, UEFA bën postimin e veçantë

Publikuar

-

Nga

Si sot përpara 5 viteve Shqipëria arriti fitoren e parë historike në finalet e një kompeticioni madhor siç ishte Kampionati Europian i vitit 2016 në Francë.

UEFA ka kujtuar golin historik me kokë të Armando Sadikut të realizuar ndaj Rumanisë pas një superasisti të Ledian Memushaj.

Goli i Sadikut do të mbahet mend gjatë nga tifozët shqiptarë pasi ishte dhe goli i parë dhe i vetëm deri më tani në një kompeticion kaq të madh si Kampionati Europian.

Ajo sfidë përfundoi me fitoren e Kombëtares kuqezi teksa Shqipëria u rendit e treta në atë grup ku merrnin pjesë Franca, Zvicra dhe Rumania.

LEXO TE PLOTE