Connect with Us

Zbardhen nëntë grabitje/ Policia e Tiranës prangos dy “skifterët” laçianë, në kërkim dy të tjerë

Kronika

Zbardhen nëntë grabitje/ Policia e Tiranës prangos dy “skifterët” laçianë, në kërkim dy të tjerë

Publikuar

-

Arrestohen 5 persona në Tiranë/ Njëri prej tyre ishte në kërkim ndërkombëtar

Dy persona kanë rënë në prangat e Policisë së Tiranës, ndërsa dy të tjerë janë shpallur në kërkim, pasi akuzohen për një sërë vjedhjesh.

Po ashtu është proceduar penalisht edhe 1 shtetas që kishte përvetësuar në mënyrë të kundërligjshme një biçikletë të vjedhur prej tyre.

Mësohet se në pranga kanë rënë shtetasit: A. GJ., 20 vjeç dhe O. F., 22 vjeç, të dy banues në Laç, ndërsa janë shpallur në kërkim shtetasit: E. N., 23 vjeç dhe L. D., 27 vjeç, të dy banues në Laç.

Shërbimet e Komisariatit të Policisë Nr. 6, gjatë patrullimit në zonën e Unazës kanë konstatuar këta shtetas duke bërë lëvizje të dyshimta në zonën përreth. Menjëherë shërbimet janë afruar për të bërë verifikimet e personave dhe 2 nga prej tyre, sapo kanë parë shërbimet e Policisë, janë larguar me vrap. Nga veprimet e para hetimore u bë identifikimi i këtyre shtetasve, të cilët në bashkëpunim me njëri-tjetrin kryenin një sërë vjedhjesh me thyerje në zona të ndryshme të Tiranës.

Gjithashtu, nga veprimet hetimore të kryera dyshohet se këta shtetas janë dhe autorë të disa vjedhjeve të tjera dhe dëmtimeve të një numri të konsiderueshëm automjetesh dhe biçikletash, konkretisht:
•Më datë 02.07.2020, në rrugën “Grigor Gjirokastriti”, kanë thyer xhamin e mjetit në pronësi të shtetases R. P. dhe kanë vjedhur sende elektroshtëpiake.
•Më datë 02.07.2020, në rrugën “Grigor Gjirokastriti”, kanë thyer xhamin e mjetit në pronësi të shtetasit E. K. dhe kanë vjedhur një palë syze dhe një çantë.
•Më datë 02.07.2020, në rrugën “Grigor Gjirokastriti”, kanë thyer xhamin e mjetit në pronësi të shtetasit O. S.
•Më datë 03.07.2020, në rrugën “Marije Kraja” kanë thyer xhamat e 4 mjeteve.
•Më datë 04.07.2020, në rrugën “Artan Lenja” kanë thyer xhamat e 6 mjeteve.
•Më datë 05.07.2020, në rrugën “Kongresi i Lushnjës” kanë thyer xhamat e 9 mjeteve.
•Më datë 07.07.2020, në rrugën “Jusuf Virjoni”, kanë thyer xhamin e mjetit në pronësi të shtetases H. M.
•Më datë 07.07.2020, në rrugën “Perlat Rexhepi”, kanë thyer xhamin e mjetit të shtetasit M. N., ku kanë marrë një palë syze dhe një shumë parash.
•Më datë 07.07.2020, në rrugën “Zef Jubani”, kanë thyer xhamin e mjetit në përdorim nga shtetasi E. R.

LEXO EDHE:  Arrestohen 7 persona në Tiranë/ Policia jep detaje, për çfarë akuzohen

Në vijim të veprimeve hetimore është gjetur dhe sekuestruar një biçikletë e vjedhur, të cilën këta shtetas ia kishin shitur shtetasit K. GJ., i cili u procedua në gjendje të lirë për veprën penale “Përvetësimi i parave ose mallrave qe rrjedhin nga vepra penale ose veprimtaria kriminale”.
Vijon puna për dokumentimin e vjedhjeve të tjera të ndodhura në qarkun e Tiranës, në të cilat mund të jetë të implikuar këta shtetas.

Materialet i kaluan Prokurorisë së Rrethit Gjyqësor Tiranë, për veprat penale “Vjedhja” e kryer në bashkëpunim, “Shkatërrim i pronës” dhe “Përvetësimi i parave ose mallrave qe rrjedhin nga vepra penale ose veprimtaria kriminale”./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Nuk respektuan masat anti Covid/ Gjobiten mijëra qytetarë në fundjavë

Publikuar

-

Nga

Shërbimet e Policisë vijojnë kontrollin në të gjithë vendin, për të monitoruar zbatimin e masave anticovid.

Gjatë fundjavës janë evidentuar dhe ndëshkuar me masë administrative 1307 qytetarë që nuk kanë zbatuar masat për parandalimin e përhapjes së COVID-19.

Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrollet në terren në të gjithë vendin, për të monitoruar zbatimin e masës për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.

Si rezultat i këtyre kontrolleve, gjatë fundjavës, në të gjithë vendin, Patrullat e Përgjithshme dhe ato të Policisë Rrugore kanë evidentuar dhe ndëshkuar me masën administrative 3.000 lekë secili, 1303 qytetarë që janë konstatuar duke lëvizur pa maskat mbrojtëse.

Gjatë kontrolleve janë shoqëruar në ambientet e Policisë në të gjithë vendin, 13 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.

LEXO EDHE:  Përbindëshi që nuk ngopet/ Si u dyfishua fatura e koncesionit të mbetjeve në Tiranë

LEXO EDHE:  Policia e Beratit, masa per pelegrinazhin ne Tomorr

Gjatë kontrolleve të ushtruara në subjekte të ndryshme, shërbimet e Policisë kanë evidentuar 1 subjekt që ushtronte aktivitetin në kundërshtim me protokollet e sigurisë. Për administratorin e këtij subjekti është vendosur masa administrative 1.000.000 lekë.

Gjithashtu, gjatë kontrolleve në fundjavë janë konstatuar 3 qytetarë që lëviznin në rrugë gjatë orarit të ndaluar të lëvizjes, pa arsye të domosdoshme, të cilët janë ndëshkuar me masën administrative 10.000 lekë secili./CNA.al

 

LEXO TE PLOTE

Kronika

Zhdukja e biznesmenit Italian/ Hoxha hedh dritë mbi ngjarjen, çfarë u gjet në makinë dhe në dhomën e hotelit

Publikuar

-

Nga

“Kultivuesit e kanabisit s’e kanë problem të blejnë zgjedhjet”/ Hoxha: E vështirë të përballesh me ta

Gazetari investigative, Artan Hoxha ka zbuluar të tjera dejaje lidhur me zhdukjen e biznesmenit gjyqtarit të futbollit në Itali, Devide Pecorreli.

Ai kishte marrë një makinë me qira në Rinas, makinë e cila më 8 janar u gjet e djegur në Rreps, Pukë. Hoxha thotë se Policia dhe Prokuroria kanë nisur hetimet për Pecorrelin. Sipas tij, në makinë është gjetur një trup i djegur, rëndë, i cili nuk dihet nëse është i bzinesmenit italian apo jo.

Në Abc News, Hoxha hodhi më shumë dritë në lidhje me ngjarjen teksa u shpreh se në dhomën e hotelit ku qëndronte italiani është gjetur një valixhe me rrobat e tij.

Një tjetër valixhe tjetër, Devide Pecorreli e kishte në makinë, në bagazh. Sipas gazetarit, ajo ka qenë me produkte kozmetike për femra, të cilat kanë ndihmuar në djegien e makinës.

“Dyshimet ishin edhe për ndonjë vrasje me pagesë, kemi parë vrasës që kanë ardhur nga Italia në Shqipëri dhe kjo ka qenë një tjetër pistë tjetër e dyshimtë. Në fakt autoritetet tona e kanë mbajtur në heshtje ngjarjen. Është thënë që ka humbur në datë 8 janar, në fakt nga hetimet që janë bërë deri tani, rezulton që Davide ka ardhur në Shqipëri në 3 janar, ka shkuar në Vlorë, pasi bashkëjetuesja e tij jeton atje. Nga Vlora, në datë 3 me makinën “Skoda Favia” ka shkuar në Pukë dhe në datë 4,5 dhe 6 ka rezervuar në Turizmin e Pukës. Në datë 4 dhe 5 ka fjetur aty, ditën e tretë ndërsa ka qenë duke u kthyer në rrugën e vjetër të qafës së Malit, ai ka udhëtuar në këtë drejtim në aksin Rreps-Gjegjan është gjetur makina “Skoda Fabia” e djegur. Policia ka gjetur trupin e një personi të djegur. Djegia në këto nivele ka ardhur se makina është me benzinë dhe ai ka pasur me vete një valixhe me kryesisht, detergjente, që i përdorin gratë për flokët, produkte kozmetike që kishin në përbërje një element që e ndihmonte zjarrin. Kufoma është gjetur e djegur në masë të madhe. Nga këqyrja që i është bërë makinës, nuk janë gjetur as gjurmë të shtënash, predhash, plumbash, as shenja të dëmtimeve me armë zjarri. Është dyshuar se mund të kemi zjarrvënie të qëllimshme, por ka rezultuar se nuk ka prova. Janë gjetur mbetje cigaresh” tha ai.

Por a ishte gjithçka aksidentale?

“Është bërë ekspertiza, nga ku është bërë identifikimi i tij, është këqyrur vendi i ngjarjes dhe nuk ka prova që ngjarja ka ardhur nga faktorë të tjerë. Prokuroria e Pukës që ka aktualisht hetimin e ngjarjes që ka ndodhur në datën 6. Tani kanë shkuar te faza që vdekja ka ardhur për shkak të një zjarri që mund të ketë ndodhur për shkak të një defekti teknik të makinës, e cila nuk është përplasur. Bie në sy fakti që ai ka pasur valixhen me produktet kozmetike. Në dhomën e tij në hotel Turizmin e Pukës është gjetur një tjetër valixhe me teshat e tij, ka pasur me vete 600 euro. Nuk ka pasur sasi të madhe. Ngjarja u mbajt e fshehtë nëse kishim të bënim me një ngjarje të madhe” tha Hoxha.

LEXO EDHE:  Përbindëshi që nuk ngopet/ Si u dyfishua fatura e koncesionit të mbetjeve në Tiranë

LEXO EDHE:  Mos tentoni të niseni jashtë shtetit/ Si e pësuan 55 qytetarë brenda gushtit

Artan Hoxha ka disa pikëpyetje. “Por si është e mundur që të kishte dy parukeri në Itali, një hotel në Shqipëri, kishte qenë arbitër në serinë C dhe A në Itali. Nuk rezulton se kishte konflikt direkt. Por dyshimi gjendet në faktin që si një italian, që ka tentuar të bëjë biznes në zona të varfra, si Pukë, Fushë Arrëz dhe Rreps? Mister është fakti se përse shkoi në Pukë. “Kjo duket pak sa e çuditshme, që ky vetëm të ketë shkuar për të shitur produkte kozmetike, por fakti që nuk ka pasur sasi të mëdha parash, nuk është parë i shoqëruar me persona të tjerë, apo të ketë dyshime se mund të ketë qenë i përfshirë në një organizatë kriminale. Cdo një italian të shesë produkte në Gjegjan? Bashkëjetuesja është nga Vlora ka thënë se erdhi për biznes, tha se nuk do të qëndronte gjatë dhe në datë 10 janar do të kthehej. Ka shumë elementë që ngrenë dyshimet, cdo ky atje? Duket jo shumë logjike motivi që jepet, që vdekja ka ardhur për shkak të një shkëndije elektrike apo gabimi që mund të ketë bërë ai. Por nuk janë gjetur prova që mund të provojnë të kundërtën”.

Prokuroria ka sekuestruar kamerat e sigurisë së hotelit në Pukë. “Në hotel nga kamerat e sigurisë del se menuja ka qenë fare e thjeshtë, nuk është se ka shpenzuar para. Është një hotel i lirë, nuk ka kosto. Zakonisht personat që vijnë nga jashtë dhe kanë lidhje me grupet kriminale nuk qëndrojnë vetëm, por janë të shoqëruar, transport dhe ambiente që t’i përshtaten statusit të tij. Pjesa misterioze është cfarë kërkonte ai në Pukë?” Por cfarë personazhi është ish-gjyqtari italian? “Ngjarja në Itali u bë e madhe se thuhej se personi është zhdukur në Shqipëri dhe në mediat tona kështu u trajtua. Do të ishte shumë e rëndë nëse do të kishim të bënim me një të huaj që zhdukej në Shqipëri, pasi ka kohë që nuk kanë ndodhur ngjarje të tilla. Prokuroria e mbajti në heshtje për të parë nëse kemi të bëjmë me përfshirje në trafiqe, krim të organizuar apo ishte aksidentale. Nuk kanë ardhur të dhëna nga Italia që e implikojnë në aktivitete kriminale. Ngjarjen e bën të mjegull heshtja, fakti që nuk ka gjurmë të faktorëve të jashtëm por nuk e përjashton mundësinë që kemi të bëjmë, nëse kemi vrasje, që mund ti kenë fshehur mirë gjurmët, por të dhënat nuk përputhen me personalitetin dhe qëndrimin në Pukë” përfundoi Artan Hoxha./CNA.al

LEXO TE PLOTE

Kronika

Artan Hoxha “zbërthen” atentatin e Preng Gjinit/ Nxjerr kush është autori dhe lëvizjet e tij

Publikuar

-

Nga

Gazetari Artan Hoxha ka publikuar në “ABC” pamjet ekskluzive të autorit të dyshuar të atentatit ndaj Preng Gjinut pak muja më parë në Tiranë.

Hoxha shpjegon se nga fotot e siguruara prej tij shfaqet autori i dyshuar që ka qenë në të njëjtin lokal me Preng Gjinin pak para atentatit dhe më pas shihet edhe tek skena e krimit kur ka ndodhur shpërthmi.

“Ky është autori i minës së telekomanduar të Preng Gjinit. Ky ka hyrë në lokal ka folur italisht, është me flokë të gjata, personi që shikoni në foto është një person i gjatë. Duket që është i shkujdesur. Ka qëndruar në të njëjtën objekt ku ka qëlluar Preng Gjini.

Ka komunikuar në italisht. Dhe ky personazh shfaqet mbrapa në skenën e krimit. Në pamjen tjetër ky shfaqet në një distancë jo më larg se 70 metër nga veni ku ka ndodhur shpërthimi. Ka pasur pamje vizive me viktimën. Ndalon një moment kur ka ndodhur shpërthimi. Tenton të afrohet pak, që a ka qenë i saktë dhe më pas shfaqet duke u larguar lirisht në pjesë e urës së Vasil Shantos.

LEXO EDHE:  Përbindëshi që nuk ngopet/ Si u dyfishua fatura e koncesionit të mbetjeve në Tiranë

LEXO EDHE:  Operacion antidroge ne Mat

Ikën në këmbë. Është te lokali ku ka ndenjur Gjini me kushëririn e vet, dhe te skena e krimit. Lëvizjet e tij të krijojnë dyshimet se ai është ekzekutori. Por identifikimi deri më tani nuk është bërë. Kemi të bëjmë me një atentator që dyshohet të jetë i huaj, pasi ka folur italisht”, u shpreh Hoxha./CNA.al

LEXO TE PLOTE