Connect with Us

Viza nuk vlen më për asgjë/ SHBA synon të dëbojë studentët e huaj

Bota

Viza nuk vlen më për asgjë/ SHBA synon të dëbojë studentët e huaj

Publikuar

-

Viza nuk vlen më për asgjë/ SHBA synon të dëbojë studentët e huaj

Befas viza nuk vlen më për asgjë. SHBA do t’i dëbojë studentët e huaj të regjistruar në universitetet që për shkak të pandemisë së Coronës ofrojnë semestrin e ardhshëm vetëm kurse online.

Mjaft universitete në SHBA, ndër ta edhe Universiteti i Harvardit, pritet që pas pushimeve të verës të ofrojnë semestrin e ardhshëm vetëm kurse online për shkak të pandemisë së Coronës. Për një numër studentësh të huaj që studiojnë në Shtetet e Bashkuara kjo do të thotë se ata mund të përballen me dëbimin nga vendi. Enti i SHBA-së për Emigracionit dhe Doganat (ICE) në Uashington njoftoi se nëse universitetet ofrojnë vetëm kurse online për shkak të Coronës, studentët që kanë viza F1 nuk lejohen të qëndrojnë në vend. E njëjta vlen edhe për ata që ndjekin kurse në institucione arsimore jo-akademike siç janë p.sh. shkollat për pilotë dhe janë të pajisur me viza M1.

USA Gebäude Harvard University (picture-alliance/AP Photo/C. Krupa)Universiteti i Harvardit

Sipas deklaratës së ICE-së studentët e prekur ose duhet të largohen nga vendi ose të regjistrohen në një universitet tjetër ku zhvillohet mësim me prezencë. Të prekur janë edhe studentët e regjistruar në universitetet, që zhvillojnë mësim të përzier, pra në internet dhe me prezencë. Këto universitete duhet t’i pajisin studentët e tyre të huaj me vërtetime nëse janë të regjistruar më tepër në orë mësimore me prezencë apo online. Në rastin e dytë vizat po ashtu nuk zgjaten.

Jo viza të reja

LEXO EDHE:  Studimi/ Ja burimi i 80 për qind të të infektuarve me COVID-19

Të huajve që duan të fillojnë në SHBA studimet e tyre në një universitet që ofron leksione vetëm përmes internetit, nuk do t’u jepet më vizë, njofton më tej enti i imigracionit. Edhe nëse ata kanë marrë ndërkohë vizë, nuk do të lejohen të hyjnë në Shtetet e Bashkuara.

Rreth 5.5 përqind e studentëve në SHBA janë të huaj – ndër ta shumë të rinj nga Kina, India, Koreja e Jugut, Arabia Saudite dhe Kanadaja. Pagesat e shkollimit që ata paguajnë përbëjnë një pjesë të rëndësishme të të ardhurave në shumë universitete.

Për shkak të pandemisë së Coronës, shumë universiteti i kanë kaluar kurse të shumta që prej muajit mars në internet. Shumica e universiteteve nuk kanë vendosur ende se si do të procedojnë në vitin e ri akademik që fillon në vjeshtë. Sidoqoftë, disa universitete të njohura, përfshirë dhe Harvardin, kanë njoftuar tashmë se edhe pas pushimeve të verës do të vazhdojnë me program mësimor thjesht në internet./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

U arrestua sapo mbërriti në Rusi/ 30 ditë paraburgim për opozitarin Navalny

Publikuar

-

Nga

U arrestua sapo mbërriti në Rusi/ 30 ditë paraburgim për opozitarin Navalny

Në Rusi, një gjykatës dha urdhër për ta dërguar kritikun e Kremlinit Alexei Navalny në paraburgim për 30 ditë, pa përfillur thirrjet e vendeve perëndimore për të liruar menjëherë politikanin e opozitës.

Vendimi merret një ditë pasi policia e ndaloi atë në aeroport ndërsa ai kthehej në vendin e tij për herë të parë që kur u helmua me një agjent nervor ushtarak dhe mund të jetë hapi i parë që ai të burgoset për një periudhë të gjatë.

Gjyqtari tha se vendimi jepej pasi Navalny kishte shkelur kushtet e një dënimi të pezulluar me burg.

Shërbimet e burgjeve të Moskës kishin aplikuar për të kthyer në fuqi në fund të muajit dënimin e pezulluar prej 3.5 vjetësh, ku ai u gjet fajtor për përvetësim. Zoti Navalny thotë se akuzat ishin të manipuluara. Ai përballet edhe me tre çështje të tjera penale.

Kombet e Bashkuara dhe vendet e Perëndimit i bënë thirrje Moskës para marrjes së vendimit që ta linin të lirë zotin Navalny. Disa vende kanë bërë thirrje për sanksione të reja nga Bashkimi Evropian si reagim për helmimin e opozitarit Navalny. Moska u kundërpërgjigj duke thënë se ata nuk duhet të ndërhynin në punët e brendshme.

LEXO EDHE:  Rama gënjen studentët/ Pakti për Universitetin nuk zgjidh asnjë kërkesë

LEXO EDHE:  Samiti i BE-së, në një klimë mosmarrëveshjesh

Përmes një video të postuar në Twitter pas marrjes së vendimit, zoti Navalny u bëri thirrje rusëve që të dalin në protesta.

Mos u frikësoni, dilni në rrugë. Mos dilni për mua, por për veten tuaj, për të ardhmen tuaj,” shkruante zoti Navalny.

Ai e quajti trajtimin e tij të paligjshëm në bazë të ligjit rus ndërsa sulmoi Presidentin Vladimir Putin, duke e akuzuar atë për shkelje të kodit penal./ VOA

LEXO TE PLOTE

Bota

“Bota është në prag të një dështimi katastrofik”/ Kreu i OBSH ngre alarmin

Publikuar

-

Nga

“Bota është në prag të një dështimi katastrofik”/ Kreu i OBSH ngre alarmin

Bota është në prag të një “dështimi moral katastrofik”, sa i përket shpërndarjes së vaksinave kundër sëmundjes COVID-19, paralajmëroi drejtori i përgjithshëm i Organizatës Botërore të Shëndetësisë. Tedros Adhanom Ghebreyesus u bëri thirrje vendeve dhe prodhuesve që dozat e vaksinave t’i shpërndajnë në mënyrë më të barabartë në të gjithë botën. Ai tha se perspektivat për shpërndarje të barabartë janë në “rrezik serioz”.

Tedros i bëri komentet në hapje të takimit vjetor të Bordit Ekzekutiv të OBSH-së. Skema e OBSH-së për shpëndarjen e vaksinave, e njohur si COVAX, synon të nisë aktivitetin muajin e ardhshëm. COVAX ka për qëllim shpërndarjen e vaksinave edhe në vende më të varfra. Tedros tha se 44 marrëveshje dypalëshe janë nënshkruar vitin e kaluar dhe së paku 12 janë nënshkruar këtë vit.

LEXO EDHE:  Udhëtim drejt SHBA?/ Ambasada bën njoftimin e rëndësishëm

LEXO EDHE:  Rikthimi i vizave për shqiptarët? Ja cfarë thotë komisioneri Fleckenstien

“Kjo mund t’i vonojë dërgesat e COVAX-it dhe të krijojë pikërisht skenarin që COVAX ka synuar ta shmangë: grumbullime, treg kaotik, përgjigje e pakoordinuar dhe përçarje e vazhdueshme sociale dhe ekonomike”, tha Tedros.

Qasja “unë i pari” i la në rrezik më të varfrit dhe më të cenueshmit e botës, tha Tedros.

“Në fund të fundit, këto veprime vetëm se do ta zgjasin pandeminë”, shtoi ai, duke iu bërë thirrje vendeve që të shmangin gabimet që janë bërë gjatë pandemive H1N1 dhe HIV. Tedros tha se më shumë se 39 milionë doza vaksinash janë administruar në 49 vende me të ardhura më të larta, ndërsa vetëm 25 doza në një vend të varfër./CNA.al

LEXO TE PLOTE

Kosova & Rajoni

Greqia lehtëson masat antiCovid/ Rihapen dyqanet

Publikuar

-

Nga

Greqia lehtëson masat antiCovid/ Rihapen dyqanet

Rënia e numri të të infektuarve, ka bërë që shteti fqinj, Greqi, të lehtësoi për herë të parë masat për këtë vit.

Kështu dyqanet greke kanë rihapur dyert sot , ndërsa zëvendëskryeministri Adonis Georgiadis i bëri thirrje publikut të vazhdojë të respektojë masat e rrepta, sidomos duke shmangur grumbullimet.

“Nëse rregullat nuk ndiqen, ne nuk kemi zgjidhje tjetër veçse të mbyllim dyqanet përsëri”, ka thënë ai për mediat vendase duke shtuar se ”lëvizja do të çonte në mënyrë të pashmangshme në një rritje të rasteve të reja”.

“Nuk ka asnjë mënyrë tjetër nëse hapet ekonomia dhe kjo çon në më shumë kontakte. Sidoqoftë, nëse rastet rriten, masat e bllokimit do të duhet të kthehen përsëri”, paralajmëroi ai./CNA.al

 

LEXO TE PLOTE