Connect with Us

“Operacioni Gjuetia e Dhelprave”/ FBI zbulon çfarë po ndodh në Kinë dhe kush është vënë në shënjestër

Politikë

“Operacioni Gjuetia e Dhelprave”/ FBI zbulon çfarë po ndodh në Kinë dhe kush është vënë në shënjestër

Publikuar

-

“Operacioni Gjuetia e Dhelprave”/ FBI zbulon çfarë po ndodh në Kinë dhe kush është vënë në shënjestër

Kina është duke vënë në shënjestër qindra disidentë kinezë në Shtetet e Bashkuara përmes shfrytëzimit të një përpjekjeje globale kundër korrupsionit, duke përdorur taktika shtrënguese për të detyruar kritikët të kthehen në Kinë, tha të martën drejtori i FBI, Christopher Wray.

Fushata e quajtur “Operacioni Gjuetia e Dhelprave”, nisi në vitin 2014 si pjesë e lëvizjes gjithëpërfshirëse të Presidentit Kinez Xi Jinping kundër korrupsionit. Qëllimi i supozuar i programit ishte arrestimi i mijëra zyrtarëve dhe biznesmenëve të korruptuar që kishin ikur jashtë vendit.

Por, drejtori i FBI-së, Christopher Wray tha se në realitet, “Operacioni Gjuetia e Dhelprave” nuk është një fushatë anti-korrupsioni.

“Përkundrazi, Gjuetia e Dhelprave është një përpjekje gjithëpërfshirëse e Sekretarit të Përgjithshëm Xi për të vënë në shenjestër shtetasit kinezë që ai i sheh si kërcënim dhe që jetojnë jashtë Kinës, në të gjithë botën”, tha drejtori i FBI. “Bëhet fjalë për rivalët politikë, disidentët dhe kritikët që po përpiqen të hedhin dritë mbi shkeljet e gjëra të të drejtave të njeriut në Kinë.”

Zoti Wray i bëri komentet në një fjalim në Institutin Hudson në Uashington, ku ai gjithashtu theksoi përdorimin nga Pekini të ndërmjetësve në fushatën e tij të “ndikimit keqdashës” në politikat e Shteteve të Bashkuara.

Pandemia e koronavirusit nuk e ka ndalur Kinën të kryejë operacione të fshehta të ndikimit në Shtetet e Bashkuara, tha zoti Wray.

“Puna kritike është kjo: Të gjitha këto presione që në dukje janë pa pasoja të shumëzohen dhe të krijojnë një mjedis politikëbërës në të cilin amerikanët e gjejnë veten në tytën e Partisë Komuniste Kineze”, tha Wray.

Ambasada kineze në Uashington nuk iu përgjigj një kërkese për të komentuar mbi këtë.

Operacioni Gjuetia e Dhelprave drejtohet nga Ministria kineze e Sigurisë Publike. Që prej fillimit të tij, qindra “të arratisur” kinezë janë sjellë përsëri në Kinë për të dalë në gjyq, disa prej tyre në mënyrë vullnetare, dhe të tjerët pasi u arrestuan në vendet e huaja.

LEXO EDHE:  Arrihet marrëveshje historike/ Izraeli dhe Emiratet e Bashkuara Arabe bëjnë paqe

Shtetet e Bashkuara dhe Kina nuk kanë traktat ekstradimi. Zoti Wray tha se ndërsa qeveria kineze mund të ndiqte individë të kërkuar përmes kanaleve zyrtare të zbatimit të ligjit, ajo në vend të kësaj përdor operativë të fshehtë për të kërcënuar dhe joshur viktimat për t’u kthyer në Kinë.

“Këta njerëz në thelb janë të angazhuar në forma mashtruese të zbatimit të ligjit, që nuk mbështeten dhe nuk bëhen në koordinim me forcat amerikane të zbatimit të ligjit këtu në Shtetet e Bashkuara”, tha zoti Wray.

Sipas llogarive të zotit Wray, ka qindra “viktima të (Operacionit) Gjuetia e Dhelprave” në Shtetet e Bashkuara, shumë prej tyre shtetas amerikanë ose banorë të përhershëm të vendit.

“Qeveria kineze dëshiron t’i detyrojë ata të kthehen në Kinë, dhe taktikat e Kinës për të realizuar këtë janë tronditëse”, tha ai.

Operativët kinezë përdorin lloje të ndryshme të taktikave kërcënuese kundër viktimave.

Në një rast, qeveria kineze dërgoi një “emisar” për të vizituar familjen e një individi në Shtetet e Bashkuara pasi ai nuk mund të gjendej për t’ia përcjellur një paralajmërim të rëndë, sipas shefit të FBI-së.

“Individi i shënjestruar kishte dy mundësi: të kthehej menjëherë në Kinë, ose të bënte vetëvrasje”, tha drejtori i FBI-së, Christopher Wray.

Disidentët që refuzojnë të kthehen në Kinë ndeshen me kërcënime të familjarëve të tyre në Shtetet e Bashkuara dhe Kinë, tha zoti Wray.

Bërja e një kërcënimi është vepër kriminale në Shtetet e Bashkuara. Wray nuk tha nëse ndonjë operativ kinez është arrestuar për përfshirje në Operacionin Gjuetia e Dhelprave./ VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

“Dekriminalizimi pengon Berishën të hyjë në Kuvend”/ Ngjela: Se çfarë ka bërë nuk e dimë

Publikuar

-

Nga

cna lajme aktualitet

Ish-kryeministri Sali Berisha e ka përsëritur disa herë që të premten, më 10 shtator të jetë në Parlament, pavarësisht qëndrimit të SHBA pas shpalljes “non grata”.

Megjithatë, sipas avokatit Spartak Ngjela, ligji shqiptar nuk e lejon një person që është shpallur “non grata” që të futet në Parlament.

“Është rast i rrallë të shpallet nongrata një ish-kryeministër…Amerikanëve po nuk u jep rrezik për cënimin e sigurisë kombëtare, nuk e bëjnë këtë. Nga kjo kuptohet se ai ka shkelur rëndë, po se çfarë se dimë. Ata nuk flasin kot. Ky është një akt administrativ i dalë në Uashington”, ka thënë Ngjela.

Në një bisedë me Juli Xhokaxhi në “Abc Live”, Ngjela u shpreh se lideri historik i PD duhej ta kishte çuar rastin në një gjykata federale amerikane dhe jo në Francë ku ai ka bërë padinë.

LEXO EDHE:  T-mobile pritet të investojë fuqishëm në SHBA

LEXO EDHE:  SHBA-të masa ekstreme / Vënë në gatishmëri bombarduesit bërthamorë



“Ne nuk dimë prova, por dimë që ata tërhiqen. Duke dalë “non grata”, nuk të le ligji shqiptar të jesh në parlament. Neni 2, pika 2 i ligjit për dekriminalizimin nuk ta lejon. Ligji shqiptar e ka.”

Berisha mund të jetë në Parlament të premten, por avokat Ngjela thotë se mbetet për t’u parë nëse mandati i tij do të certifikohet nga KQZ apo Komisioni i Mandateve.

“Të premten mund të jetë në Parlament ai. Kur të dalë KQZ dhe Komisioni i Mandateve do të shohim që e ndalon neni 2 pika 2 e ligjit, edhe Doshin me atë e hoqën.”/CNA.al

LEXO TE PLOTE

Politikë

Drejtuesit e Kuvendit në 30 vjet/ Cilat legjislatura kanë nisur me bojkot?

Publikuar

-

Nga

cna lajme politike

Më 10 shtator do të hapet legjislatura e re parlamentare. Sipas të dhënave të përpunuara nga Institutit të Studimeve Politike (ISP) për herë të parë kemi një parti politike, e cila i ka fituar mandatin e tretë radhazi.

Pas 1997 dhe 2017 është hera e tretë që PS qeveris e vetme, pa pasur nevojë për aleatë politikë.

Mazhoranca aktuale ka të njëjtin numër mandatesh si më 2017, me dallimin se që në fillim ka mbështetjen edhe të 3 mandateve të PSD, duke pasur de facto 77 deputetë, 6 më shumë sesa mazhoranca e nevojshme për krijimin e qeverisë.

Në këtë legjislaturë vëmendje të posaçme merr debati mbi mandatin e ish Presidentit/Kryeministrit Berisha, i përfshirë në listën e zezë amerikane, ndërkohë që pesë deputetë, përfshirë dy emra në listën e zezë, kanë dhënë dorëheqje nga mandati përpara betimit në parlament.

ISP llogarit të ketë edhe emra të tjerë që do të dorëhiqen ndofta gjatë sesionit të parë dhe të dytë të legjislaturës. Interesant është fakti se në seancën hapëse nuk do të jenë 140 deputetë (nuk janë zëvendësuar nga KQZ disa nga ata që kanë dhënë dorëheqje), ndërkohë që deputetët duhet të deklarojnë përkatësinë në grupe parlamentare.

Pritet që LSI (4) dhe PR (3) të ndihmohen nga PD dhe aleatët e saj të vegjël për të krijuar grup parlamentar. Nuk është e qartë ende nëse PS do të bëjë të njëjtin ritual me PSD (3).

Në legjislaturën e 10-të në tri dekadat e fundit, PS do të ketë kryetarin e Kuvendit, i katërti pas Islamit (1991), Dokles (2001), Pëllumbit (2003) dhe Rucit (2017). Në dy legjislatura PS ia besoi drejtimin e Kuvendit aleatëve politikë, Gjinushi nga PSD më 1997 dhe Meta nga LSI më 2013. Drejtuese do të jetë Lindita Nikolla, e dyta grua drejtuese pas Jozefina Topalli (2005-2013).

Në dallim nga Topalli, e cila ishte kryetare e Komisionit të Ligjeve (1996) dhe zv/kryetare e Kuvendit në vitet 1997-2005, zonja Nikolla nuk ka përvojë drejtimi parlamentar në dy nivelet, në komisione dhe si institucion.

Po ashtu, edhe zv/kryetari i Kuvendit nga opozita, Enkelejd Alibeaj, nuk ka pasur rol drejtues në krye të komisioneve dhe as të Kuvendit. Zv/kryetari i parë nuk është caktuar ende (nga PS).

Sipas Rregullores së Kuvendit mbledhja e parë e parë e legjislaturës së Kuvendit, deri në zgjedhjen e Kryetarit të Kuvendit, hapet dhe drejtohet nga deputeti më i vjetër në moshë. Referuar të dhënave statistikore të deputetëve aktualë, deputeti më i vjetër është Luljeta Bozo (78), ndjekur nga Sali Berisha (77).

Sipas rregullores, në rast mospranimi ose mungese, mbledhja drejtohet nga deputeti që është pas tij më i vjetër në moshë.

Sipas të dhënave të Institutit të Studimeve Politike, kështu ndodhi më 2013, kur vendin e Berishës e pasoi Namik Dokle, në atë kohë 67 vjeç. Në vite seancat janë hapur nga deputetët më të moshuar, përkatësisht Çarçani, Arbnori, Godo, Agolli, Pëllumbi, Xhuveli, Beja, Dokle dhe Bare. Kuvendi do të ketë edhe sekretarinë e tij, kryesisht të përbërë nga tre deputetët më të rinj (aktualisht janë Ulliri nga PD, Rakipi dhe emri pasues i Kokës që pritet në Durrës, Ana Dhamo nga PS).

LEXO EDHE:  T-mobile pritet të investojë fuqishëm në SHBA

LEXO EDHE:  Arrihet marrëveshje historike/ Izraeli dhe Emiratet e Bashkuara Arabe bëjnë paqe

Drejtimi i mbledhjes e sekretaria nuk kanë ndonjë vlerë të veçantë, përveç anës ceremoniale dhe memories parlamentare, kurse drejtimi i Kuvendit merr vlerë kryesore.



Sipas të dhënave të Instituti të Studimeve Politike, kryetarë në vite kanë qenë Islami, Arbnori, Gjinushi, Dokle, Pëllumbi, Topalli dhe Meta.

Tre prej tyre, – Islami, Arbnori e Dokle kanë pasur mandate gjysmake (1991 dhe 1997 për shkak të zgjedhjeve të parakohshme, kurse më 2002 për shkak të dorëheqjes), kurse të tjerët kanë drejtuar me mandat të plotë.

Ruçi dhe Pëllumbi janë kryetarët e vetëm që refuzuan rizgjedhjen deputet, i pari duke dhënë dorëheqje pas zgjedhjeve dhe i dyti duke dhënë dorëheqje përpara zgjedhjeve.

Kryetarja e re, Nikolla, ka qenë ministre e arsimit përpara se të largohej nga protestat studentore të vitit 2018-2019.

Në aspektin statistikor të mbledhur nga ekspertët e Institutit të Studimeve Politike (ISP), nga dhjetë legjislatura, gjysma e tyre (5) janë bojkotuar në seancat e hapjes, (3 herë PD dhe 2 herë PS).

Kjo legjislaturë nis pa bojkot parlamentar. Lidhur me zgjedhjen e kryetarit të Kuvendit, të dhënat e ISP dëshmojnë se në tre raste ka pasur votim me garë për kryetar parlamenti (1992, 1997, 2005), kurse në rastet e tjera ka pasur votim formal me një kandidat.

Vetëm më 1991 ka ndodhur që pas votimit për emrin e parë nuk u vijua me votim për emër tjetër pasues (Agolli) dhe se është i vetmi rast kur votimi për kryetarin ishte i hapur. Viti 1991 ishte ndofta i vetmi ku lejohej dhe u zhvillua debat për emrin e kryetarit, kurse me Rregulloren e re të Kuvendit, zgjedhja e tij bëhet pa debat.

Mbledhja e parlamentit me 10 shtator përputhet me përcaktimin kushtetues të mandatit të parlamentit të vjetër (4 vjet, në të njëjtën ditë).

Kjo është hera e parë që parlamenti mblidhet në një ditë të premte, pasi më 1997 dhe 2017 është mbledhur në fundjavë dhe në pesë raste të tjera është mbledhur ditën e hënë, pra në fillim të javës.

Sipas Rregullores, Presidenti mund të adresojë mesazh publik për parlamentin, por nuk pritet që kjo të ndodh edhe për shkak të konfliktit politik midis mazhorancës dhe presidentit. Pjesa tjetër e procedurave mund të lejojë mbledhje në ditët vijuese të parlamentit.

Tradicionalisht, parlamentet e reja në shtator nxitojnë të votojnë kryeministrin, programin dhe përbërjen e kabinetit të ri qeveritar përpara javës së tretë të shtatorit, kur kryeministri zakonisht udhëton për në mbledhjet e Asamblesë e Kombeve të Bashkuara (OKB), duke pasur kështu një legjitimitet të qartë për bisedime të ndryshme politike të nivelit të lartë.

Për shkak të COVID-19 dhe konfirmimit për herë të tretë nuk ka ende njoftim zyrtar nëse në OKB do të jetë Presidenti, Kryeministria apo Ministri i Jashtëm./CNA.al

LEXO TE PLOTE

Politikë

Nga Nano, te Rama, Meta, Berisha e Basha/ Nikoll Lesi tregon kush janë “peshqit e mëdhenj” që kërkon SHBA

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote,

Në një editorial të publikuar së fundi në gazetën e Nikoll Lesit, flitet për Reformën në Drejtësi, dhe të ashtuquajturit “peshqit e mëdhenj”, që kërkon SHBA.

Në editorial pëmenden emrat e kryeministrave të Shqipërisë, që nga Fatos Nano, Sali Berisha, Ilir Meta, e deri te kryeministri Edi Rama, të cilët ai i quan “peshq të mëdhenj”.

Po ashtu, Nikoll Lesi nuk lë mënjeanë as kreun e PD, Lulzim Basha, për të cilin thotë se së bashku me Ramën, kanë interes ta spostojnë “rrjetën” e SPAK, tek Berisha dhe Meta.

Gjithashtu ai shkruan se Reforma në drejtësi do ta bëjë një “kurban”, dhe se kjo vjeshtë do ta “pjekë në tigan”, një “peshk të madh”.

Por fati për Ilir Metën dhe të tjerët duket se është Sali Berisha, pasi u shpall nongrata nga SHBA me një akuzë shumë të rëndë.

Reforma në Drejtësi u ideua për spastrime të krejt të korruptuarve dhe të paaftëve në drejtësi.

Por si Reformë kishte dhe ka një fokus të veçantë: Si ta pastrojë politikën 30 vjeçare nga një skemë mafioze që nuk po rrëzohet dot nga vota popullore!

Dhe në fokus janë: Sali Berisha, Ilir Meta, Fatos Nano, Edi Rama dhe Lulzim Basha.

Këta janë “peshqit e mëdhenjë”!”-shkruan gazeta e Nikoll Lesit.

Ndërsa ndalet tek vendimi i DASH, i cili shpall non-grata ish.kryeministrin Berisha, në editorial thuhet se akuza të tilla do e kishin çu direkt në burg. Por, Berisha po përballet.

LEXO EDHE:  Misteri i vizitës së Llallës/ Një prokuror u ndalua të udhëtonte në SHBA

LEXO EDHE:  Studimi/ Rritet në mënyrë të frikshme numri i duhanpirësve në Kinë

“Me atë akuzë ose me saktë nga teksti i thënë nga sekretari amerikan i shtetit, ish-kryeministri Berisha duhej të ishte në burg.

Por Berisha kërkon dhe përballet me akuzën amerikane, duke kërkuar që “më jepni fakte” dhe përballemi në gjyq.



Berisha nuk po dorëzohet!

As amerikanët që po bëjnë gati dosjen, nuk do dorëzohen!

Do të ishte një në një milion raste nëse Berisha shpëton nga kjo që po i kurdisin.

Kjo betejë e madhe duket se do ketë një KURBAN!

Kurbani i parë, nga të mëdhenjtë, mund të shpëtojë të tjerët, të paktën për ca muaj!

Sepse reforma në drejtësi e do një KURBAN, tani, këto muaj!

Ndërkohë Edi Rama dhe Lulzim Basha kanë interes të merren vesh me njeri-tjetrin që ta spostojnë rrjetën e peshkut te Berisha dhe Meta.

Kurse Fatos Nano po gëzon pleqërinë e tij dhe nuk po flet!

Ai nuk ndjehet dhe bën mirë pasi mund të kujtohen dhe ti çojnë “rrjetën e peshkut”.

Ai nuk ka as fuqi ta tundë rrjetën!

Pa e zgjatur më: Kjo vjeshtë një “Peshk të Madh” do ta pjekë në tigan!”-shkruan gazeta e Nikoll Lesit./CNA.al

LEXO TE PLOTE