Connect with Us

Deklaratat e Boltonit për ndarjen e Kosovës, Islami: Marrëveshja u bllokua nga Gjermania

Kosova & Rajoni

Deklaratat e Boltonit për ndarjen e Kosovës, Islami: Marrëveshja u bllokua nga Gjermania

Publikuar

-

Ish-këshilltari për Sigurinë Kombëtare i Shtëpisë së Bardhë, ambasadori John Bolton, ka ndërlikuar edhe më shumë situatën politike në Ballkan, me deklaratat e tij mbi një marrëveshje midis Thaccit dhe Vuccic për shkëmbimin e territoreve në kuadër të marrëveshjes Serbi-Kosovë.

Por për ish-ministrin e Jashtëm shqiptar, Kastriot Islami, Bolton “nuk i ka hedhur benzinë flakës, por i ka hedhur një ndriçim, një çështjeje që diskutohej prej kohësh, ku të gjithë ata që e kanë denoncuar janë shpallur si armiq
Islami rrëfen për A2 se ka qenë gjithmonë i sigurt për dështimin e marrëveshjes, për dy arsye kryesore.

“Kam pasur gjithmonë bindjen që kjo marrëveshje do të bllokohej, kryesisht dhe ekzaktësisht nga Gjermania, qe nuk ka ceduar kurrë nga pozicioni i saj kundër. Për Berlinin në qoftë se fillon në Ballkan shkëmbimi i territoreve, hapet kutia e Pandorës që nuk dihet ku të çon, sigurisht në destabilitetin e rajonit”, thotë ai, që shton edhe një tjetër bindje, e përforcuar nga deklaratat e Bolton.
Sipas tij, “ky skenar pra nuk është amerikan dhe i presidentit Trump. Kjo është çështje midis Thaçit dhe Vucic që nis nga ky i fundit dhe që ka si skenar idenë e Serbisë së madhe që do të garantonte pushtetin e tij”.

Ai thekson se ish-kryeministri Kurti ka qenë pengesë për këtë skenar, dhe për këtë arsye “faktorë të rëndësishëm që merreshin me këtë çështje e kanë larguar”, sepse nuk pranonte skenarin e gatuar prej kohësh.

LEXO EDHE:  Rama pro ndryshimit të kufijve Kosovë-Serbi  

Për Islamin, këtë skenar e kanë pohuar në Serbi personalitete të ndryshme, si ish-ministri i Jashtëm Vuk Jeremic, që ka thënë se jo vetëm ekzistonte kjo marrëveshje, por “është i implikuar Edi Rama dhe ish-kryeministri i Britanisë Tony Blair, për habinë e vetë opinionit publik serb”.

Diskutimet, sipas tij, kulmuan në Nish, aty ku tre liderët, Vucic Thaçi dhe Rama u takuan në kuadër të Minishengenit ballkanik, që sipas tij “paraqet të njëjtin skenar të prezantuar në mënyrë të ndryshme”./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Shifra alarmante nga Kosova/ 11 viktima e qindra raste të reja

Publikuar

-

Nga

Shifra alarmante nga Kosova/ 11 viktima e qindra raste të reja

Kosova ka regjistruar sërish shifra alarmante te viktimave dhe rasteve të reja me Covid.

Gjatë 24 orëve të fundit kanë humbur jetën 11 persona. Numri i përgjithshëm i viktimave që nga muaji mars ka arritur në 365.



Instituti Kombëtar i Shendetësisë Publike (IKSHPK ) ka njoftuar se gjatë 24 orëve ka testuar 521 mostra dhe si rezultat 205 persona kanë dalë të infektuar me koronavirusin e ri, duke e çuar numrin e përgjithshëm në 10.795.
Gjatë 24 orëve, sipas IKSHPK-së janë shëruar 163 pacientë. Deri më tani, nga sëmundja janë shëruar 6.411 persona./CNA.al

LEXO TE PLOTE

Kosova & Rajoni

Marrëdhënie të lëkundura në Kosovë/ Përplasje brenda koalicionit qeverisës

Publikuar

-

Nga

Marrëdhënie të lëkundura në Kosovë/ Përplasje brenda koalicionit qeverisës

Marrëdhëniet ndërmjet partnerëve të koalicionit qeverisës në Kosovë u dukën të lëkundura që pas rifillimit të bisedimeve me Serbinë të ndërmjetësuara nga Bashkimi Evropian.

Aleanca për Ardhmërinë e Kosovës, ka shprehur pakënaqësi me kryeministrin Avdullah Hoti për shkak të mënyrës së udhëheqjes së bisedimeve dhe lënien anash të anëtarëve të saj në këtë proces.

Zëvendëskryeministri i Kosovës, Besnik Tahiri, njëherësh sekretar i përgjithshëm i Aleancës për Ardhmërinë e Kosovës thotë për Zërin e Amerikës se koalicioni qeverisës nuk ka probleme të funksionimit por pakënaqësitë lidhen me një pozicion siç thotë parimor dhe politik rreth bisedimeve.

“Dhe e dyta kemi kërkuar dhe kërkojmë diçka që është në programin tonë qeverisës përfshirjen e SHBA-së në këtë proces për shkak se pa involvimin, lidershipin e drejtpërdrejt të SHBA-së dialogu nuk do të ketë sukses sikurse nuk ka me dekada sukses në dialogun që ka ndodh. Pra nga vjen kjo, kjo vjen nga përvoja jonë në qeverisjen Haradinaj në veçanti me dialogun që e ka menaxhu zonja Mogherini kur çështjet si territori, shkëmbimi dhe temat tjera nuk kanë qenë saktësisht të artikuluara kundër nga Bashkimi Evropian, këto rrethana, këto dy pika janë edhe pika programore të cilat duhet të respektohet dhe do të respektohen”, tha zoti Tahiri.

Ai thotë se kjo mënyrë e bisedimeve me Serbinë po e vendos Kosovën në një pozicion jo të favorshëm dhe kjo është vërejtur edhe në takimin e fundit ndërmjet kryeministrit të Kosovës Avdullah Hoti dhe presidentit të Serbisë Aleksandër Vuçiç.

“Andaj edhe me kryeministrin Hoti kemi biseduar edhe komunikimi që është me ekipin e dialogut ka të bëjë me një temë, të ulemi, të krijojmë një marrëveshje, një marrëveshje për njohje reciproke, një marrëveshje finale dhe të mos hyjmë në një proces të mundësive për fotografi, të takime që pastaj i përdorë presidenti Vuçiç me inskenimet e tij në dëmtim të imazhit të Kosovës dhe vet kryeministrit Hoti sikurse që e bëri në takimin e fundit”, tha ai.

Zëri i Amerikës ka kontaktuar edhe zyrtarë të Lidhjes Demokratike për të komentuar raportet e fundit ndërmjet koalicionit qeverisës, por deri në përgatitjen e këtij materiali ishin paqasshëm.



Zyrtarë të kësaj të fundit kanë paralajmëruar takime me zyrtarët e Aleancës për Ardhmërinë e Kosovës për të sqaruar kritikat ndaj kryeministrit Hoti.

Analisti Arton Demhasaj thotë se rifillimi i bisedimeve në Bruksel dhe emërimi i Skender Hysenit si bashkërendues i Kosovës për procesin e bisedimeve ka çuar në përçarje ndërmjet partnerëve të koaliciniot. Ai thotë se janë dy skenarë që mund të ndodhin aktualisht.

LEXO EDHE:  Shpërthim i fuqishëm në Gjermani/ Një i vdekur dhe 14 të plagosur

LEXO EDHE:  Reagon DASH/ Kosova e Serbia të gjejnë zgjidhje të qëndrueshme

“Skenari i parë është që duke marr parasysh që qeveria Hoti ka pak numra dhe nuk po ka mundësi të shtyj politika të caktuara tutje për shkak se koalicioni është shumë i brishtë dhe nuk i kanë votat e mjaftueshme mund të lind nevoja dhe me gjasë edhe mund të futet edhe Partia Demokratike në një koalicion ku mund ta shohim një koalicion të gjitha partive politike përjashto Vetëvendosjen, kjo edhe për arsye se eventualisht arrihet një marrëveshje finale në mes të Serbisë dhe Kosovës që më pas një mundësi një shumicë të mjaftueshme parlamentare për të ratifikuar atë marrëveshje që e dimë që duhet 80 vota në Kuvendin e Kosovës, ndërsa skenari i dytë i mundshëm që poashtu ka gjasa me ndodh është që të shkohet drejt asaj që LDK ta në një mënyrë ta evitoj nga koalicioni AAK-në dhe Nismës Socialdemokrate dhe ta përshijë PDK-në në një koalicion pra ta shohim një qeveri tjetër LDK-PDK ku AAK dhe NSIMA do të mund mbetëshin jashtë si parti opozitare”, tha ai.

Zoti Demahasaj thotë se megjithatë këto skenarë do të varen nga pozita e presidentit të vendit.

“Problemi qëndron tek pozita e presidentit qoftë nga Partia Demokratike që mund ta synojë një pozitë të tillë, ta mbaj ose edhe tek Alenaca për Ardhmërinë e Kosovës e cila mund të synojë ta marr këtë pozitë të lartë shtetërore. Pra krejt ajo se çfarë do të ndodh, a do të futet Partia Demokratike në koalicion apo do të hynë vetëm Partia Demokratike dhe të del Aleanca dhe Nisma mbetet tek çështja se si do të merren vesh për pozitën e presidentit”, tha zoti Demhasaj.

Kryeministri Avdullah Hoti mori detyrën më 3 qershor duke pasuar në këtë post ish kryeministrin Albin Kurti i cili u rrëzua me mocion mosbesimi më 25 mars që ishte ngritur nga Lidhja Demokratike. Koalicioni i ri qeverisës i kësaj partie me Aleancën për Ardhmërinë e Kosovës, Nismën Socialdemokrate dhe partitë e pakicave, që nga krijimi është përballur edhe me mungesë të votave të mjaftueshme në parlament./ VOA

LEXO TE PLOTE

Kosova & Rajoni

Shifra alarmante në Kosovë/ 13 viktima në 24 orë, konfirmohen 171 raste pozitive

Publikuar

-

Nga

Shifra alarmante në Kosovë/ 13 viktima në 24 orë, konfirmohen 171 raste pozitive

Vijon të mbetet alarmante situata në Kosovë sipasojë e Covid-19.

Instituti Kombëtar i Shëndetësisë Publike gjatë 24 orëve të fundit kanë humbur jetën 13 persona nga koronavirusi, ndërsa janë regjistruar edhe 171 raste të reja.

Numri i personave që e kanë humbur betejën me këtë sëmundje që nga fillimi i pandemisë ka arritur në 354.



LEXO EDHE:  Hamburg, përleshje mes azilantëve kosovarë e eritreanë

Sipas IKSHPK-së, po ashtu janë shëruar edhe 190 persona.

LEXO EDHE:  Reagon DASH/ Kosova e Serbia të gjejnë zgjidhje të qëndrueshme

“Numri total i rasteve pozitive është 10.590 raste nga 41.615 persona të dyshimtë në virusin SARS-CoV-2 dhe 354 raste të vdekjes”, thuhet në njoftim./CNA.al

LEXO TE PLOTE