Connect with Us

Turqia dhe Franca, përleshje me fjalë

Bota

Turqia dhe Franca, përleshje me fjalë

Publikuar

-

Mosmarrëveshja midis Turqisë dhe Francës pas një konfrontimi në brigjet e Libisë po bëhet më e ashpër. Parisi largohet nga misioni i NATO-s “Sea Guardian” kurse Ankaraja kërkon që Franca të kërkojë falje.
Kancelarja Angela Merkel e quajti konfrontimin mes një fregate franceze dhe një skuadre luftanijesh turke para brigjeve të Libisë një “incident shumë të rëndë”. Edhe Presidenti Emmanuel Macron tha, se veprimet e Turqisë janë “të papranueshme”. Ai kërkoi një “sqarim të politikës turke në Libi, sepse ky është një kërcënim për Afrikën dhe një kërcënim për Evropën”.

Çfarë ndodhi para brigjeve të Libisë?

Më 10 qershor, fregata franceze “Courbet” iu afrua një skuadre prej tri luftanijesh turke që shoqëronin një anije civile që lundronte nën flamurin e Tanzanisë. “Courbet” ishte duke patrulluar në kuadër të misionit të NATO-s “Sea Guardian”, i cili ka ndër të tjera detyrë që të parandalojë kontrabandën e armëve. Pas kësaj turqit drejtuan radaret e kontrollit të zjarrit drejt fregatës franceze. Sipas interpretimit francez drejtimi i radarit të kontrollit të zjarrit shënon zakonisht një sulm të planifikuar.
Që nga ajo kohë Parisi dhe Ankaraja kanë nisur një përleshje me fjalë në të cilën është përfshirë dhe NATO.

Në operacionin “Sea Guardian” marrin pjesë Turqia, Spanja, Greqia, Italia, Gjermania, Spanja dhe – deri në tërheqjen e saj të martën – edhe Franca.

LEXO EDHE:  Sulmi në Francë/ Arrestohen 2 persona

NATO mes fronteve të dy anëtarëve

Franca akuzon Turqinë për një lojë të dyfishtë: Ankaraja merr pjesë sistematikisht në kontrabandën dhe transportin e armëve për në Libi, megjithëse qeveria turke ka pranuar të monitorojë embargon e armëve brenda NATO-s dhe të gjejë një zgjidhje të negociuar.

Sfondi i konfliktit është se Turqia me miratimin e Shteteve të Bashkuara po mbështet ushtarakisht kryeministrit libian Fajis al-Sarradsch. Që atëherë pozicioni i tij është përmirësuar. Franca, nga ana tjetër, është pozicionuar në krah të gjeneralit të milicisë Chalifa Haftar, të cilin nga ana tjetër mbështet me mercenarë dhe armë Rusia.

Ministri i Jashtëm turk Mevlüt Cavusoglu e shfrytëzoi vizitën e tij në Berlin të enjten (03.07) për ta sulmur përsëri Parisin: “Franca nuk i ka thënë të vërtetën BE-së dhe NATO-s” tha Cavusoglu duke shtuar se vendi i tij ia kishte dëshmuar këtë me raporte dhe dokumente Komitetit Ushtarak të NATO-s.

NATO ka konfirmuar ndër kohë se është kryer një hetim dhe se së shpejti rezultati do të diskutohet në Komitetin Ushtarak. Ndërkohë operacioni “Sea Guardian” do të vazhdojë veprimtarinë e vet./DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Kosova vendos masa të reja/ Hyjnë në fuqi që nga e premtja

Publikuar

-

Nga

Kosova vendos masa të reja/ Hyjnë në fuqi që nga e premtja

Ministria e Shëndetësisë ka njoftuar se që nga e premtja, më 20 nëntor 2020, do të jenë në fuqi masat e reja për komunat e Kosovës, sipas kategorizimit të ri lidhur me numrin e të infektuarve në 100 000 banorë.

Lëvizja e qytetarëve, është e përcaktuar sipas numrit të të infektuarve në 7 ditët e fundit dhe masat janë të marra sipas kategorizimeve me zona.

Në zonën e kuqe bëjnë pjesë komunat me rrezik të lartë, me mbi 151 të infektuar në 100.000 banorë brenda javës. Në këtë zonë janë 18 komuna: Prishtina, Fushë-Kosova, Gjilani, Obiliqi, Gjakova, Shtimja, Podujeva, Peja, Ferizaj, Mitrovica e Jugut, Vushtrria, Lipjani, Vitia, Zveçani, Leposaviqi, Zubin Potoku, Mitrovica e Veriut dhe Kamenica.

Në komunat që gjenden në zonën e kuqe, nga ora 19:00 mbyllet çdo aktivitet ekonomik dhe vendoset kufizim i plotë i lëvizjes së qytetarëve, do të ketë orë policore në këto komuna , si dhe ndalohen hyrjet daljet në këto komuna deri në ora 05:00.

Në zonën e verdhë bëjnë pjesë komunat me rrezik të mesëm, që kanë prej 76 deri në 150 të infektuar në 100.000 banorë brenda javës. Në këtë zona janë 14 komuna: Prizreni, Klina, Deçani, Drenasi, Malishevë, Suhareka, Novobërda, Graçanica, Ranillugu, Parteshi, Kaçaniku, Kllokoti, Rahoveci dhe Skenderaj.

Komunat të cilat bëjnë pjesë në zonën e verdhë, operatorët ekonomikë lejohen të punojnë nga ora 05:00 deri në orën 18:00.

LEXO EDHE:  Turqi/ Forcat e ushtrisë marrin kontrollin e televizionit shtetëror

LEXO EDHE:  Tre të vdekur nga sulmi terrorist në Nicë/ Dalin detaje, besimtari shtypi alarmin

Shërbimet e hotelerisë dhe gastronomisë lejohen të punojnë nga ora 05:00 deri në ora 18:00, pas orës 18:00 punojnë me shërbim “merr me vete” dhe “porosi me dërgesë”.

Qendrat tregtare lejohen të punojnë prej orës 05:00 deri në ora 18:00.

Në zonën e gjelbër bëjnë pjesë komunat me rrezik të ulët apo komunat prej 1 deri në 75 të infektuar në 100.000 banorë brenda javës. Në këtë zonë bëjnë pjesë 6 komuna: Mamusha, Dragashi, Shtërpca, Juniku, Istogu dhe Hani i Elezit.

Në komunat që hyjnë në këtë zonë me rrezik më të ulët të përhapjes së koronavirusit, operatorët ekonomikë do të lejohen të punojnë nga ora 05:00 deri në orën 20:00.

Transporti publik në këto komuna do të lejohet të punojë deri në 50 për qind të kapaciteteve.

Qendrat tregtare në këto komuna do të mund të punojnë nga ora 5 e mëngjesit deri në orën 20. Veprimtaria e hotelerisë dhe gastronomisë ndalohet pas orës 20:00, përveç shërbimit” merre me vete” dhe “porosi me dërgesë”.

Instituti Kombëtar i Shëndetësisë Publike – (IKSHPK) ka njoftuar të premtën se gjatë 24 orëve të fundit,11 pacientë me koronavirus kanë vdekur, ndërsa janë regjistruar 855 raste të reja infektimit./ REL

LEXO TE PLOTE

Bota

Kriza nga pandemia/ Aviokompanitë kanë nevojë për 70-80 miliardë ndihmë shtesë

Publikuar

-

Nga

Kriza nga pandemia/ Aviokompanitë kanë nevojë për 70-80 miliardë ndihmë shtesë

Aviokompanitë do të kenë nevojë për ndihmë shtesë, në vlerën ndërmjet 70 – 80 miliardë dollarësh nga qeveritë, për t’i mbijetuar krizës për shkak të pandemisë COVID-19, e cila po i shterron arkat e tyre, tha Alexander de Juinak, drejtori i përgjithshëm i Shoqatës Ndërkombëtare të Transportit Ajror (IATA).

Ky sektor, tashmë ka marrë ndihmë 160 miliardë dollarë nga qeveritë, por në muajt e ardhshëm, nevojat e industrisë për ndihmë shtesë do të duhej të jenë 70 deri në miliardë dollarë dhe në qoftë se nuk e marrin këtë ndihmë, ato nuk do të mbijetojnë, ka vlerësuar De Juinak në një bisedë për gazetën La Tribune, me rastin e tubimit kushtuar transportit ajror “Paris Air Forum”.

“Sa më shumë që zgjat kriza, aq më të mëdha janë rreziqet nga bankrotimi. Afër 40 kompani janë në vështirësi shumë të mëdha në procedurat e ruajtjes ose falimentimit”, tha ai.

Që nga fillimi i krizës për shkak të pandemisë së koronavirusit, i cili gjatë pranverës e ka ateruar gati se gjithë flotën botërore për disa javë, qeveritë u kanë ofruar ndihmë kompanive në forma të ndryshme, hua, ndihmë të drejtpërdrejtë, ndihmë për mbajtjen e punonjësve, etj.

LEXO EDHE:  Grusht shteti ushtarak në Turqi

LEXO EDHE:  Akuzat për terrorizëm/ Turqia kërkon arrestimin e ushtarëve amerikanë

Me valën e dytë të koronavirusit, trafiku ajror ka vështirësi të rinisë operimin dhe aviokompanitë do të vazhdojnë të regjistrojnë humbje. Me siguri që ata do të kenë humbje prej 100 miliardë dollarë këtë vit, dhe jo 87 miliardë siç është vlerësuar më herët, tha de Juinak./ REL

LEXO TE PLOTE

Kosova & Rajoni

Pandemia e Covid-19/ Maqedonia e Veriut shpall gjendjen e krizës

Publikuar

-

Nga

Pandemia e covid-19/ Maqedonia e Veriut shpall gjendjen e krizës

Qeveria e Maqedonisë së Veriut shpalli pak më parë gjendjen e krizës në gjithë territorin e vendit, për mbrojtjen e shëndetit publik nga pandemia Covid-19.

Vendimi u mor gjatë seancës së 23-të, ku u diskutua situata nga Covid-19. Shpalljen e gjendjes së krizës e rekomandoi një ditë më parë Këshilli i Sigurisë Nacionale nën udhëheqjen e presidentit Stevo Pendarovski.

Ky vendim përfshin të gjithë territorin e Republikës së Maqedonisë së Veriut, me qëllim trajtimin efektiv të pasojave të krizës së shkaktuar nga Kovid-19.

LEXO EDHE:  U gjet e vdekur në autostradë/ Policia “shokohet” kur gjen vrasësit

LEXO EDHE:  Turqi/ Forcat e ushtrisë marrin kontrollin e televizionit shtetëror

Periudha e krizës është 30 ditë duke filluar nga data 20 nëntor 2020, dhe për këtë vendim qeveria e shtetit fqinj do të informojë Presidentin e Maqedonisë së Veriut dhe Kuvendin./ CNA.al

LEXO TE PLOTE