Connect with Us

Hipoteza: Koronavirusi ka qarkulluar në Evropë që nga marsi i vitit 2019

Blog

Hipoteza: Koronavirusi ka qarkulluar në Evropë që nga marsi i vitit 2019

Publikuar

-

Hipoteza: Koronavirusi ka qarkulluar në Evropë që nga marsi i vitit 2019

Koronavirusi i ri- SARS-CoV-2 – mund të ketë qarkulluar në Evropë, shumë më herët nga sa mendohej më parë. Studimet e fundit, kanë sugjeruar se ai ka qarkulluar në Itali të paktën që nga dhjetori i 2019-ës. Por tani studiuesit në Universitetin e Barcelonës në Spanjë, kanë gjetur gjurmë të virusit, kur testuan mostrat e ujërave të zeza të patrajtuara të datës 12 mars 2019.

Studimi u botua së fundmi në portalin “MedRxiv”.Ai po i nënshtrohet aktualisht një shqyrtimi kritik nga ekspertë të jashtëm. Dhe derisa të përfundojë ky proces, provat duhet të trajtohen me kujdes. Po si u krye ky studim, dhe çfarë zbuluan saktësisht shkencëtarët?

Një nga gjetjet e hershme në lidhje me SARS-CoV-2, është se ai gjendet në jashtëqitjet e personave të infektuar.Kur virusi kalon përmes zorrëve – ku mund të shkaktojë simptoma gastrointestinale – ai e humbet shtresën e vet të jashtme proteinike, por copa të materialit gjenetik të quajtur RNA i mbijetojnë udhëtimit të paprekura, dhe dalin jashtë në formën e feçeve.

Në këtë pikë, virusi nuk është më infektues, të paktën për aq sa na e tregojnë provat aktuale. Por fakti që këto copa të ARN-së të koronavirusit, mund të gjenden në ujërat e zeza të patrajtuara, është i dobishëm për të gjurmuar një shpërthim epidemik.
Në fakt, ato mund të parashikojnë një javë deri në 10 ditë më parë, vendin ku mund të ndodhë një shpërthim epidemik, para se të dhënat zyrtare të nisin të jenë shqetësuese. Kjo pasi njerëzit nxjerrin jashtë pjesë të koronavirusit, para se të bëhen të dukshme simptomat që shkakton virusi.
Këta njerëz “para-simptomatikë” sëmuren më pas mjaftueshëm sa i nënshtrohen testimit, marrin përgjigjen, dhe shtrohen në spital si një “rast” zyrtar me Covid-19. Për pasojë, shumë vende, përfshirë Spanjën, po monitorojnë tani ujërat e zeza për gjurmët e koronavirusit.

Në këtë studim të veçantë, epidemiologët e ujërave të zeza po ekzaminonin mostrat e ngrira të viruseve midis janarit 2018 dhe dhjetorit 2019, për të parë se kur virusi u shfaq për herë të parë në qytet. Ata gjetën prova të virusit më 15 janar 2020, 41 ditë para se të konfirmohej rasti i parë zyrtar më 25 shkurt 2020.
Të gjitha mostrat para kësaj date ishin negative, përveç një mostre që i përket datës 12 mars 2019, e cila rezultoi pozitive në testin PCR për koronavirusin. PCR është mënyra standarde e testimit, për të parë nëse dikush vuan apo jo nga kjo sëmundje.
Ajo përfshin marrjen e mostrave të pështymës, mukusit, ujërave të zeza apo çfarëdo gjëje tjetër ku virusi mendohet të ketë prani të virusit.Më pas nga kampioni, pastrohet i gjithë materiali i panevojshëm, më pas ARN – që është një fije e vetme e materialit gjenetik – shndërrohet në ADN.

LEXO EDHE:  Koronavirusi!/ Donald Trump paralajmëron informacion të rëndësishëm për Codvid-19

ADN-ja më pas “amplifikohet” në cikle të njëpasnjëshme, derisa pjesët kryesore të materialit gjenetik që dihet se ekzistojnë vetëm në një virus të veçantë, të jenë të mjaftueshme për t’u zbuluar me anë të një sonde fluoreshente.Në testimin e koronavirusit, shkencëtarët kontrollojnë zakonisht më shumë se një gjen.
Në këtë rast, studiuesit testuan tre. Ata patën një rezultat pozitiv për mostrën e marsit 2019 në një nga tre gjenet e testuar – gjenin RdRp. Ata ekzaminuan edhe 2 rajone të këtij gjeni, dhe të dy u zbuluan vetëm rreth ciklit të 39-të të amplifikimit. Për këtë rezultat pozitiv, ka disa shpjegime të mundshme.

Njëri është se SARS-CoV-2 është i pranishëm në ujërat e zeza në një nivel shumë të ulët.Një tjetër, është se reagenti i testit ishte kontaminuar aksidentalisht me SARS-CoV-2 në laborator.Kjo ndodh ndonjëherë në laboratorë, pasi mostrat pozitive merren rregullisht, dhe mund të jetë e vështirë të parandalohet që gjurmë shumë të vogla të mostrës pozitive që ndotin të tjerat.
Një shpjegim tjetër, është se ekziston ARN-ja ose ADN-ja tjetër në mostër që i ngjan koronavirusit.Duhen teste të mëtejshme, për të arritur në përfundimin se kampioni përmban SARS-CoV-2. Është kurioz fakti, që ky studim nuk pajtohet me të dhënat epidemiologjike rreth virusit.

Autorët nuk citojnë raporte, për një rritje të numrit të rasteve të sëmundjeve të frymëmarrjes në popullatën lokale pas datës së marrjes së mostrave. Ndërkohë, ne e dimë që SARS-CoV-2 të jetë shumë i transmetueshëm, të paktën në formën e tij aktuale.
Nëse ky rezultat pozitiv është i vërtetë, kjo sugjeron që virusi ka qenë i pranishëm në popullatë me një incidencë mjaft të lartë, për t’u zbuluar në një kampion prej 800 ml ujërash të zeza, por më pas jo i pranishëm me një shpeshtësi të madhe për t’u zbuluar për 9 muaj, kur në vend nuk kishte ende asnjë masë kontrolli./Përgatitur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Blog

Loja e demokratëve me emigrantët ilegalë që jetojnë në SHBA

Publikuar

-

Nga

Nga Tucker Carlson “Fox News”

A keni vënë ndonjëherë, që askush në Uashington nuk mund të bjerë dakord mbi ndonjë shifër të caktuar? për shembull nuk ka konsensus mbi parashikimet e papunësisë, apo nivelet e besimit të amerikanëve tek politika.

Prandaj është mbresëlënëse kur sheh se të gjithë në Uashington, republikanë dhe demokratë, përsërisin saktësisht të njëjtin shifër kur diskutojnë mbi një nga problemet më kritike me të cilat përballemi si vend. Numri është 11 milion, dhe bëhet fjalë për të huajt që jetojnë ilegalisht në SHBA. Një muaj para zgjedhjeve presidenciale të vitit të kaluar, Xho Bajden premtoi:”Brenda 100 ditësh, unë do të dërgoj në Kongres një ligj, për t’i dhënë shtetësinë mbi 11 milion njerëzve që jetojnë këtu pa dokumente”.

Dhe Bajden është tani në Shtëpinë e Bardhë. Partia e tij kontrollon gjithçka, ndaj ai mund ta bëjë atë premtim, dhe po planifikon që ta bëjë këtë. Në fakt, kjo është një nga gjërat e para që ai po bën. Por si do të ndikojë kjo tek amerikanët?

Së pari, përveç 7 shteteve amerikane, gjithë të tjerët kanë më pak se 11 milion njerëz. Dhe nuk po flasim vetëm për Uajoming dhe Dakotën e Jugut, por shtete si Virxhinia, Xhorxhia, Miçigan, Nju Xhersi, Masaçusets dhe kështu me radhë. Sa do të na kushtojë kjo nismë e Bajden? Është disi e vështirë ta dish përgjigjen e vërtetë,. Por nëse po përpiqesh të bësh disa llogari matematikore, sigurohu që të marrësh parasysh kujdesin shëndetësor falas. Nuk ka nevojë te jesh ekonomist për të kuptuar se garantimi i “kujdesit shëndetësor” falas për 11 milion njerëz shtesë mund ta fundosë lehtësisht ekonominë amerikane.

Siç vërejti dikur me mençuri Milton Fridman, ju mund të keni një shtet të mirëqenies sociale ose kufij të hapur, por nuk mund t’i keni që të dyja. Gjithsesi, ne po i marrim të dyja. Në fakt, mund të shohim shumë më tepër se kaq. Le të supozojmë se 11 milion është numri real i të huajve të paligjshëm në këtë vend, por a është vërtet kështu?

Jo nuk është. Në fakt, është një numër krejtësisht i rremë, të cilin njerëzit e përsërisin pafundësisht, ose sepse janë të keqinformuar ose pse janë të pandershëm. Ata e kanë përsëritur këtë shifër për më shumë se 15 vjet. Në vitin 2005, Qendra Kërkimore Pju raportoi se “popullsia ilegale në SHBA, ka arritur në gati 11 milion”. Dhe gjëja e çuditshme është se 12 vjet më vonë, Pju dha afërsisht të njëjtin vlerësim. Kjo do të thotë se ajo shifër ishte një mashtrim. Në 2018, Departamenti i Sigurisë Kombëtare, foli për 12 milionë emigrantë të paligjshëm. Ndërkohë në prill 2019, kreu i atëhershëm i DSK, Kirstjen Nielsen pranoi se ”ne nuk e dimë” saktësisht se sa njerëz jetojnë në këtë vend në mënyrë të paligjshme.

LEXO EDHE:  U dërgua në Itali pasi u prek nga Covid/ Zbulohet gjendja shëndetësore e George Frendos

LEXO EDHE:  “Fletët e votimit të jenë të vogla e të thjeshta”/ Balla: Na rrofshin votat ne nëse….

Po cila është e vërteta? Ja çfarë zbuluam:Thuajse të gjithë ata që flasin për emigracionin përdorin Anketën vjetore të Komunitetit Amerikan të Byrosë së Regjistrimit, për të vlerësuar sa emigrantë të paligjshëm jetojnë në këtë vend. Problemi është se shumë imigrantë të paligjshëm nuk regjistrohen.
Tek e fundit, pse do të tregonin se janë këtu ilegalisht? Shumë nga studimet që parashikojnë se në SHBA jetojnë vetëm 11 milion emigrantë të paligjshëm, e kanë pranuar në fakt që regjistrimi nuk është i përsosur. Ata operuan bazuar në supozimin se vetëm rreth 10 për qind e emigrantëve të paligjshëm, nuk ishin gjurmuar nga regjistruesit.

Thënë ndryshe, modelet e tyre supozuan se 90 për qind e njerëzve që jetojnë në këtë vend në mënyrë të paligjshme, ishin të gatshëm që të bashkëpunonin me regjistruesit. Në vitin 2018, studiuesit e Universitetit të Jeilit vendosën që ta përditësojnë metodologjinë, duke përdorur “të dhëna operacionale” si dëbimet, shkeljet e afateve të vizave, të dhënat demografike, nivelet e vdekjeve, nivelet e imigracionit, etj. Ata i kombinuan ato, dhe përdorën një model matematik për të bërë një sërë vlerësimesh .

Sa njerëz jetojnë këtu ilegalisht? Ja çfarë gjetën ata:Pas përdorimit të 1.000.000 simulimeve të modelit, diapazoni i probabilitetit prej 95 për qind të studiuesve, është 16 milion deri në 29 milion, me 22.1 milion si një mesatare. Pra në SHBA mund të ketë lehtësisht 30 milion (ose më shumë) emigrantë të paligjshëm.Pra më shumë sesa në gjithë shtetin e Teksasit. Atëherë, si do të ndikonte tek “demokraci” jonë, amnistia për kaq shumë njerëz? Në fakt, ajo do t’i jepte fund demokracisë amerikane. Njerëzit që kanë jetuar këtu gjatë gjithë jetës së tyre, kanë paguar taksa, kanë ndjekur rregullat, kanë qenë qytetarë të mirë, do të shihnin dobësimin drastik të peshës së votës së tyre. Dhe kjo do të siguronte një sundim të përhershëm të Partisë Demokratike. Në verën
e vitit 2019, Bajden e pranoi pak a shumë synimin e amnistisë:Të importojë sa më shumë votues të rinj demokratë./Përshtatur nga CNA.al

Burimi:  https://www.foxnews.com/opinion/tucker-carlson-illegal-immigration-numbers-game

LEXO TE PLOTE

Blog

I mbijetove Covid-it? Ndoshta për këtë duhet të falënderosh paraardhësit e tu

Publikuar

-

Nga

Një studim i ri sugjeron, se njerëzit që e kalojnë Covid-19 me simptoma të lehta apo madje edhe pa simptoma fare, duhet të falënderojnë paraardhësit e tyre të Neandertalit. Studiuesit zbuluan një mutacion gjenetik, që zvogëlon me rreth 22 për qind rrezikun e infeksionit të rëndë me Covid-19.

Mutacioni në fjalë u gjet në të gjitha mostrat që ata morën nga ADN-ja e Neandertalit dhe tek rreth 30 për qind e mostrave nga njerëz me origjinë evropiane dhe aziatike. Ai ndikon në reagimin imunitar të trupit ndaj viruseve të ARN si koronavirusi i ri, si dhe virusi i Nilit Perëndimor apo virusi i hepatitit C, raportuan studiuesit.

“Ky rajon kodifikon proteina që aktivizojnë enzimat, të cilat janë të rëndësishme gjatë infeksioneve me viruset ARN”-shkruajnë ata. Ky mund të jetë një nga ato mutacione që është përcjellë gjatë mijëvjeçarëve, pasi i ka ndihmuar njerëzit që të mbijetojnë”-raportuan Svante Pabo dhe Hugo Zeberg i Institutit Maks Plank për Antropologji Evolucionare në Lajpcig të Gjermanisë.

“Ne tregojmë në këtë studim se një haplotip në kromozomin 12, që lidhet me një rënie prej 22 për qindtë rrezikut relativ të sëmurjes së rëndë nga Covid-19 kur dikush infektohet nga SARS-CoV-2, është trashëguar nga Neandertalët. Rreziku relativ i nevojës për një kujdes intensiv zvogëlohet me rreth 22 për qind për njerëzit që kanë kopje të haplotipit Neandertal”– shkruajnë studiuesit.

Ky mutacion është i pranishëm në frekuenca të konsiderueshme në të gjitha rajonet e botës jashtë Afrikës. Kështu, ai është i pranishëm në popullatat në Euroazi dhe Amerikë me frekuencat që shpesh arrijnë dhe tejkalojnë nivelin 50 për qind.

Kjo gjetje mund të ndihmojë në shpjegimin se përse pacientët zezakë, kanë më shumë të ngjarë që të vuajnë nga një formë e rëndë e koronavirusit. Neandertalët, të cilët u zhdukën rreth 40.000 vjet më parë, jetuan përkrah dhe nganjëherë u çiftuan me njerëzit modernë në Evropë dhe Azi, por jo në Afrikë.

LEXO EDHE:  Koronavirusi!/ Donald Trump paralajmëron informacion të rëndësishëm për Codvid-19

LEXO EDHE:  Koronavirusi/ Shtëpia e Bardhë: 30 ditët e ardhshme vendimtare

Për këtë arsye, njerëzit me origjinë afrikane nuk e bartin ADN-në e Neandertalit. Studimet vlerësojnë se rreth 2 për qind e ADN-së tek njerëzit me origjinë evropiane dhe aziatike, mund të gjurmohen që nga Neandertalët. Ekipi i studiuesve përdori mostra të marra nga më shumë se 2.200 njerëz të gjallë me raste të rënda të koronavirusit.

Ata gjetën një rajon gjenetik që ndikonte mbi ndjeshmërinë ndaj sëmundjeve të rënda. Pastaj e krahasuan me ADN-në e marrë nga skeletet e 4 njerëzve të lashtë – një Neandertal 70.000 vjeçar nga Siberia, një Neandertal 50.000 vjeçar nga Kroacia, një Neandertal 120.000 vjeçar nga Shpella Denisova në Siberi dhe një Neandertal 80.000 vjeçar po nga Shpella Denisova.

Të katër mostrat, bartën të njëjtat versione të asaj sekuence gjenetike.

Vitin e kaluar, Pabo dhe Zeberg identifikuan një mutacion gjenetik të trashëguar nga Neandertalët, që e shtonte rrezikun e sëmurjes rëndë me Covid-19. Ashtu si me shumicën e tipareve, ndjeshmëria ndaj sëmundjeve dhe rezultateve serioze, ndikohet nga një larmi ndryshimesh gjenetike. / “CNN” – Bota.al

LEXO TE PLOTE

Blog

Ekspertët: Ja pse humori dhe e qeshura të zgjatin jetën

Publikuar

-

Nga

Nuk ka nevojë që të jesh shkencëtar, që të kuptosh se e qeshura përjetohet mirë, ndërsa zemërimi shumë keq. Por duhet një i tillë për të shpjeguar, se përse njëra nga këto ndjenja mund ta forcojë sistemin imunitar, ndërsa tjetra mund ta shkatërrojë atë, të dëmtojë zemrën dhe të rrisë rrezikun e prekjes nga demenca.

“Ta themi thjesht, gjendja shpirtërore mund të ndikojë shumë në shëndetin tuaj”-thotë dr. Erin Mishos, drejtoreshë e Shëndetit Kardiovaskular të Grave në Shkollën e Mjekësisë Xhon Hopkins në Baltimora. Studimet tregojnë se emocionet negative – duke përfshirë zemërimin, armiqësinë dhe pesimizmin – janë të lidhura me një rrezik më të lartë të sëmundjes së zemrës, dhe shanse më të dobëta për ta marrë veten nga ngjarje të tilla si sulmet në zemër, si dhe në një shëndet më të dobët njohës.

Në të kundërt, një studim tregon se ndjenja të tilla si lumturia, optimizmi, mirënjohja, një ndjenjë e qëllimit, mirëqenies ose kënaqësisë në jetë, çojnë në shëndet më të mirë të zemrës dhe trurit. Një studim i vitit 2016 në “Health Psychology”, madje zbuloi se të kesh një bashkëshort ose partner të lumtur, mund të përmirësojë shëndetin e përgjithshëm të një individi dhe të rrisë sjelljet e shëndetshme, të tilla si të qenit fizikisht më aktiv.

Dhe për këtë ka shumë arsye, thotë Mishos, kardiologe , e cila ishte bashkë-autore i një deklarate shkencore të Shoqatës Amerikane të Zemrës, mbi mënyrat se si shëndeti psikologjik ndikon në shëndetin e zemrës dhe trurit. Ndjenjat e forta, negative, si zemërimi dhe stresi që vijnë si nga ankthi apo depresioni, e aktivizojnë amigdalën, rajonin në tru që merret me emocionet.

Ajo aktivizon përgjigjen e trupit “lufto ose ik”, duke shkaktuar çlirimin e kortizolit dhe adrenalinës, hormone që e bëjnë zemrën të rrahë më shpejt dhe rritin presionin e gjakut, thotë ajo. “Kjo mund të jetë stresuese për zemrën, veçanërisht për njerëzit që kanë sëmundje kronike të zemrës”-thotë ajo.
Gjithashtu stresi mund të bëjë që trombocitet në gjak të formojnë mpiksje dhe të shkaktojë çarje të pllakave në zemër apo në tru, duke shkaktuar një sulm në zemër ose goditje në tru. Ndërkohë stresi i zgjatur në kohë, e rrit inflamacionin dhe redukton reagimin imunitar të trupit.

LEXO EDHE:  Sulmi turk në Siri, po ndihmon rikthimin e ISIS-it

LEXO EDHE:  Koronavirusi/ Shtëpia e Bardhë: 30 ditët e ardhshme vendimtare

Nga ana tjetër, reduktimi e stresit përmes ndjenjave pozitive, ndikon pozitivisht në qarkun e trurit, thotë Xhill Goldshtein, themeluese dhe drejtore ekzekutiv i Qendrës së Inovacionit mbi Dallimet e Seksit në Mjekësi, dhe profesore e psikiatrisë dhe mjekësisë në Shkollën Mjekësore të Harvardit në Boston.
Humori dhe aftësitë e tjera të përballimit mendor, mund t’i ndihmojnë njerëzit të qëndrojnë më të shëndetshëm, duke zvogëluar sasinë e kortizolit që kalon nëpër trupat e tyre, tha ajo. Tek gratë, kjo mund të mbrojë prodhimin e estradiolit, një lloj estrogjeni që mund të jetë i rëndësishëm për ruajtjen e shëndetit të mirë të trurit

Mishos thotë se nuk është vetëm mungesa ose zvogëlimi i stresit, ajo që i jep trurit atë që i duhet për të koordinuar një shëndet të përgjithshëm më të mirë,. “Mirëqenia është më shumë sesa thjesht mungesa e shqetësimit mendor. Lumturia, optimizmi, ndjenja e qëllimit, mirënjohja, vëmendja, që të gjitha këto shoqërohen me një shëndet të mirë zemrës, madje edhe në mënyrë të pavarur nga mungesa e faktorëve negativë”- thekson ajo. Dhe studimet tregojnë se çdo gjë e mirë për zemrën, është e mirë për trurin./Përshtatur nga CNA.al

Burimi:  https://medicalxpress.com/news/2021-02-experts-good-mood-health.html

LEXO TE PLOTE