Connect with Us

Motori franko-gjerman nuk po punon si më parë/ Merkel dhe Macron tregojnë vendosmëri

Bota

Motori franko-gjerman nuk po punon si më parë/ Merkel dhe Macron tregojnë vendosmëri

Publikuar

-

BE-ja po përballet me vështirësitë e saj më të mëdha deri tani dhe motori franko-gjerman nuk po punon si më parë, megjithatë Merkel dhe Macron demonstrojnë vendosmëri.

Pak para fillimit të presidencës gjermane të BE-së, kancelarja Angela Merkel dhe presidenti Francez Emmanuel Macron demonstruan unitet në përballimin e pandemisë Corona. Në luftën për një program për rindërtimin ekonomik, ata duan të “japin një impuls pozitiv në drejtimin e duhur për të ardhmen evropiane”, tha Merkel në një takim me Macron në Kalanë Meseberg afër Berlinit.

“Me e rëndësishme është për mua që ne në fund të dalim nga debati me një instrument të fortë,” tha politikania e CDU. Presidenti francez kërkoi që një marrëveshje për programin të arrihet që në korrik.” Kjo është përparësia jonë kryesore.” Macron tha se në qendër do të jenë grante për buxhetin, sepse huatë dhe kreditë rritin vetëm borxhin e shteteve marrëse.
Macron dhe Merkel propozuan në maj një fond ndihme prej 500 miliardë eurosh për ta nxjerrë ekonominë evropiane nga kriza. Shefja e Komisionit të BE-së, Ursula von der Leyen më pas paraqiti një plan rindërtimi të financuar nga borxhet me një vëllim prej 750 miliardë eurosh. 500 miliardë euro nga kjo do të jepen si grante dhe 250 miliardë si kredi për vendet e BE-së. Plani është duke u negociuar së bashku me kornizën financiare shtatë vjeçare të BE-së, për të cilën Komisioni po synon 1.1 trilion euro.

LEXO EDHE:  Tradhëti dhe dashuri në kohë pandemie/ Historia e pabesueshme e dy të rinjve që futën në karantinë dy qytete

Rezistenca e “katër kursimtareve”

Merkel dhe Macron po bëjnë fushatë për këtë projekt në radhët e anëtarëve të BE- së dhe po përballen me rezistencë të ashpër. Austria, Hollanda, Suedia dhe Danimarka, të ashtuquajturat “katër kursimtaret”, janë kundër granteve që nuk duhet të paguhen. Një vendim mund të merret në samitin e BE në Bruksel në mes të korrikut. Qeveria gjermane dëshiron të hedhë themelet për një presidencë të suksesshme gjermane – e para prej 13 vjetësh.

Vendosmëria e qeverive në Berlin dhe Paris është çelës për të përballuar krizën, tha kancelarja Merkel.

Për Francën, e cila u godit shumë nga pandemia, negociatat për fondin e rindërtimit nuk kanë të bëjnë vetëm me shpenzimin e shumë parave: Parisi po shpreson të përfitojë 30 deri në 40 miliardë euro nga programi. Pas krizës së gjatë të Coronës dhe humbjve të rënda në zgjedhjet lokale, Presidenti Macron ka gjithashtu nevojë për suksese në politikën e jashtme që do të rrisin karizmën e tij./DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Zonat kufitare Armene/ Macron kërkon tërheqjen e trupave azerbajxhanase

Publikuar

-

Nga

Presidenti francez Emmanuel Macron ka kërkuar që Azerbajxhani të largojë menjëherë trupat që ka në zonat kufitare me Armeninë.

“Forcat e armatosura të Azerbajxhanit kanë pushtuar territorin armen. Ato duhet të largohen menjëherë”, ka shkruar Macron në Facebook.

“Unë i them edhe një herë popullit armen se Franca solidarizohet me ju”, ka shkruar ai në një postim në gjuhën armene. Macron ka komentuar situatën kufitare në mes të Armenisë dhe Azerbajxhanit pasi ka biseduar përmes telefonit me ushtruesein e detyrës së kryeministrit në Armeni, Nikol Pashinian.

Prsidenti francez po ashtu ka thënë se shpreson që Këshilli i Sigurimit i Kombeve të Bashkuara do të mund të ndihmojë “në kthim të stabilitetit dhe sigurisë në këtë rajon”. Ndërkohë pala armene ka thënë se Pashinian ka falënderuar Macronin për “qasjen miqësore” ndaj Armenisë.

Forcat e Azerbajxhanit është raportuar të kenë depërtuar disa kilometra në provincën Syunik të Armenisë.

LEXO EDHE:   “Gjermania nuk është jashtë rrezikut”/ Apeli i fortë i Merkel: Covid-19 të merret seriozisht

LEXO EDHE:  SHBA, zhduket gripi mes pandemisë së COVID-19

Sipas ministrisë armene të Mbrojtjes, ata po ashtu kanë shkelur në dy zona të kufirit mes dy shteteve më 13 maj. Azerbajxhani ka insistuar se trupat nuk kanë kaluar në territorin armen dhe vetëm janë pozicionuar në anën azerbajxhanase, ku nuk kanë pasur qasje në muajt e dimrit.

Ministria e Jashtme në Baku ka thënë po ashtu se kufiri në mes të këtyre dy shteteve nuk është demarkuar asnjëherë, prej rënies së Bashkimit Sovjetik.

Deklaratat kundërthënëse kanë ardhur teksa zyrtarë ushtarakë të të dyja shteteve, janë takuar në kufi, duke tentuar të zgjidhin konfliktin.

Përfaqësuesit e trupave ruse është thënë se kanë marrë pjesë në negociata, që kanë zgjatur disa orë.

Asnjë marrëveshje konkrete nuk është bërë e ditur më pas. REL

 

LEXO TE PLOTE

Kosova & Rajoni

Situata në Kosovë/ Vazhdon procesi i vaksinimit kundër COVID-19

Publikuar

-

Nga

Ministria e Shëndetësisë në Kosovë ka bërë të ditur se të premten është duke vazhduar procesi i vaksinimit të qytetarëve kundër COVID-19, sëmundjes që shkakton koronavirusi.

Në njoftim është thënë se në Sallën 1 Tetori në Prishtinë do të mund të vaksinohen vetëm qytetarët e Prishtinës.

Aty është thënë edhe se grumbullimi i një numri të madh të personave në qendrën e vaksinimit në Prishtinë është rezultat i shkuarjes së qytetarëve të komunave tjera aty.

“Qytetarët e komunave të tjera të Republikës së Kosovës luten që t’u drejtohen qendrave të vaksinimit në komunat e tyre, me qëllim që të marrin informatat e duhura dhe të vaksinohen”, ka thënë Ministria e Shëndetësisë.

Në orët e hershme të së premtes, pranë Sallës 1 Tetori u krijuar radhë të gjata dhe tollovi të njerëzve. Më pas Policia e Kosovës ndërhyri për të vënë rend.

LEXO EDHE:  SHBA, zhduket gripi mes pandemisë së COVID-19

LEXO EDHE:  SHBA, zhduket gripi mes pandemisë së COVID-19

Më 12 maj, Kosova ka nisur fazën e dytë të vaksinimit të popullatës kundër koronavirusit, ku bëjnë pjesë personat e moshës 65-79 vjeç.

Vaksinimi në Kosovë ka nisur në fund të muajit mars, me 24,000 doza të vaksinës AstraZeneca, të siguruara nga programi Covax i Organizatës Botërore të Shëndetësisë.

Këtë javë, Kosova ka marrë edhe mbi 38,000 doza të tjera vaksinash nga Covax, ndërkohë mbi 7,000 doza të tjera i ka siguruar si donacion nga Bashkimi Evropian. REL

LEXO TE PLOTE

Bota

Diskutimi për Gazën/ Këshilli i Sigurimit mblidhet të dielën

Publikuar

-

Nga

Trupat tokësore të Izraelit iu bashkuan forcës ajrore në sulmin ndaj Rripit të Gazës të premten herët, tha në një deklaratë ushtria izraelite.

Forca e Mbrojtjes e Izraelit kishin postuar në Twitter se trupat e saj ishin “duke sulmuar në Rripin e Gazës”. Por më pas, duke përmendur si arsye një problem komunikimi të brendshëm, ushtria sqaroi se trupat po godisnin me artileri nga brenda kufirit të Izraelit.

“E kisha thënë që Hamasi do të paguante një çmim të shtrenjtë” tha Kryeministri Benjamin Netanyahu në një deklaratë në video. “Ne po e bëjmë një gjë të tillë dhe do të vazhdojmë ta bëjmë me forcë.”

Banorët e Gazës pranë kufirit me Izraelin konfirmuan për agjencinë Reuters se nuk kishin parë gjurmë forcash tokësore izraelite brenda enklavës, por ata njoftuan për zjarr të rëndë artilerie dhe dhjetra sulme ajrore. Ndërsa dhuna hyri në ditën e pestë, Këshilli i Sigurimit i Kombeve të Bashkuara njoftoi se ra dakord të mblidhej të dielën për të diskutuar për situatën, pasi planet për një takim ishin shtyrë nga shqetësimet e Shteteve të Bashkuara.

“Shtetet e Bashkuara do të vazhdojnë të angazhohen në mënyrë aktive në diplomaci në nivelet më të larta në përpjekje për të lehtësuar tensionet”, shprehej ambasadorja amerikane në OKB Linda Thomas-Greenfield në Twitter.

Luftimet që ndodhin gjatë festës myslimane të Fitër Bajramit, kanë shkaktuar vdekjen e të paktën 103 palestinezëve përfshirë të paktën 27 fëmijë dhe 11 gra, sipas Ministrisë së Shëndetësisë të Gazës, e cila shtoi se 530 njerëz janë plagosur. Shtatë izraelitë janë vrarë në sulmet me raketa, përfshirë një djalë 6-vjeçar.

Ushtria izraelite tha se tre raketa u hodhën nga Libani drejt Izraelit të enjten, por se ato ranë në Detin Mesdhe dhe nuk shkaktuan viktima. Të enjten, grupi militant palestinez Hamas hodhi raketa në lagjet izraelite dhe Izraeli u përgjigj me më shumë sulme ajrore në Rripin e Gazës, ndërsa përpjekjet për të ndaluar dhunën përshkallëzuese vazhdonin.

Në përgjigje të grumbullimit të trupave dhe tankeve të Izraelit përgjatë kufirit, zëdhënësi ushtarak i Hamasit Abu Obeida tha se grupi nuk kishte frikë nga një pushtim nga toka, duke thënë se çdo pushtim do të ishte një shans për më shumëushtarë të vdekur ose të kapur , sipas Associated Press.

LEXO EDHE:  Topalli: Rama iu servilos hapur kancelares, por mori pergjigjen e duhur

LEXO EDHE:   “Gjermania nuk është jashtë rrezikut”/ Apeli i fortë i Merkel: Covid-19 të merret seriozisht

Shkëmbimi vdekjeprurës i zjarrit me raketa dhe sulme ajrore, përplasja më e madhe midis grupit militant palestinez dhe forcave izraelite që nga lufta e vitit 2014 në Gaza, ndodhi për shkak nga trazirat në rritje për kontrollin e Jeruzalemit dhe përpjekjet e kolonëve hebrenj për të marrë nën kontroll komunitetet arabe. Tensionet kanë përfshirë edhe Bregun Perëndimor, ku kanë shpërthyer luftime të përgjakshme në disa qytete arabo-hebraike. Autoritetet kanë vendosur një ndalim-qarkullim natën në qytetin qendror të Lodit ku të paktën një person u godit këtë javë, ndërsa disa qindra njerëz në Lod dhe qytete të tjera janë arrestuar. Një turmë banorësh hebrenj të krahut të djathtë në qytetin Bat Yam sulmuan brutalisht një arab, duke e rrahur atë derisa humbi ndjenjat.

Përpjekjet globale për t’i dhënë fund luftimeve shënuan një hap të rëndësishëm përpara të enjten kur zyrtarët egjiptianë të sigurisë u takuan me udhëheqësit e Hamasit në Gaza dhe me zyrtarët izraelitë në Tel Aviv, sipas dy zyrtarëve të zbulimit egjiptian.

Ndërsa doli lajmi për mbërritjen e zyrtarëve, Hamasi hodhi rreth 100 raketa drejt Izraelit jugor dhe qendror. Presidenti amerikan Joe Biden shprehu të mërkurën mbështetjen e tij për të drejtën e Izraelit për t’u vetëmbrojtur, ndërsa tha se shpresonte që luftimet të ndërpriteshin sa më shpejt.

Pasi Sekretari i Mbrojtjes Lloyd Austin foli të mërkurën me homologun e tij izraelit, Benjamin Gantz, Pentagoni nxorri një deklaratë ku thuhej se zoti Austin informoi zotin Gantz për “mbështetjen e palëkundur të Pentagonit për të drejtën legjitime të Izraelit për të mbrojtur veten dhe popullin e tij.”

Në deklaratë thuhet se zoti Austin “dënoi me forcë hedhjen e raketave nga Hamasi dhe grupe të tjera terroriste që vunë në shënjestër civilët izraelitë” dhe “përsëriti rëndësinë e faktit që të gjitha palët e përfshira të ndërmarrin hapa për të rivendosur qetësinë”.

Edhe Sekretari amerikan i Shtetit Antony Blinken dënoi sulmet e Hamasit ndaj civilëve izraelitë në një bisedë me kryeministrin izraelit Benjamin Netanyahu, duke deklaruar se “Izraeli ka të drejtë të mbrojë veten”, ndërsa palestinezëve duhet t’u jepet e drejta “të jetojnë në siguri”. Zoti Blinken bëri gjithashtu bëri thirrje uljen e tensioneve./ VOA

LEXO TE PLOTE