Connect with Us

Miliona vota me postë në SHBA/ Sfidë për rezultatin e zgjedhjeve

Bota

Miliona vota me postë në SHBA/ Sfidë për rezultatin e zgjedhjeve

Publikuar

-

Miliona vota me postë në SHBA/ Sfidë për rezultatin e zgjedhjeve

Frika për infektimin nga koronavirusi po krijon presion ndaj proceseve elektorale në Shtetet e Bashkuara, ndërkohë që gjithnjë e më shumë amerikanë po votojnë nëpërmjet postës, në shtetet që e lejojnë këtë mënyrë votimi. Zëri i Amerikës shqyrton balancën që nevojitet mes votimit fizikisht dhe votimit nëpërmjet postës.

Rreth 200 mijë votues sfiduan pandeminë e koronavirusit për t’u paraqitur në qendrat e votimit për zgjedhjet paraprake në Kentucky më 23 qershor. Por u hodhën gjithashtu mbi gjysmë milioni vota nëpërmjet postës, duke bërë që rezultatet përfundimtare të mos dihen edhe për të paktën një javë pas zgjedhjeve dhe duke lënë kështu pezull emërimin për kandidatin demokrat për në Senatin amerikan.

Vonesa të tilla në numërimin e fletëvotimeve të dërguara me postë kanë shqetësuar ekspertët e ligjit zgjedhor.

Profesori i juridikut në Universitetin e Nju Jorkut, Richard Pildes thotë se votimi fizikisht është i nevojshëm për zgjedhjet presidenciale të nëntorit.

“Një nga rreziqet më të mëdha me të cilat përballemi në këto zgjedhje, janë mosmarrëveshjet e mëdha nëse zgjedhjet ishin të ligjshme ose nëse ishin manipuluar apo vjedhur. Është e lidhur me faktin se shumica e shteteve duhet të numërojnë qindra mijëra fletëvotime pas natës së zgjedhjeve. Në një proces që mund të vazhdojë për një javë, mund të zgjasë për dhjetë ditë, që mund të zgjasë edhe më shumë”, thotë profesor Pildes.

Për të minimizuar rrezikun, dita e zgjedhjeve do të shndërrohet në një javë zgjedhjesh ose në disa javë. Profesor Pildes sugjeron që shtetet të modifikojnë afatet dhe rregullat për të lejuar kohë të mjaftueshme para ditës së zgjedhjeve, për të përpunuar fletëvotimet që vijnë me postë.

LEXO EDHE:  Covid-19 infekton Kadastrën/ Një tjetër punonjëse rezulton pozitive

“Zyrtarët e zgjedhjeve do të kenë qindra mijëra fletë votimi mbase miliona në disa shtete që ata nuk mund t’i numërojnë deri pasi të ketë mbaruar nata e zgjedhjeve”, thotë zoti Pildes.

Presidenti Trump vazhdimisht ka dekurajuar përpjekjet për t’i detyruar votuesit që shqetësohen për koronavirusin që të aplikojnë për fletëvotime në mungesë, të cilat mundësojnë votimin nëpërmjet postës.

“Dhe ka prova të jashtëzakonshme manipulimi sa herë që ekzistojnë vota nëpërmjet postës”, deklaroi Presidenti Trump.

“Republikanët thonë se kanë frikë nga manipulimi i fletëvotimeve me postë, por duket se ka shumë pak prova me vlerë se kjo ka përbërë një problem aty ku ka ndodhur”, thotë një George Will, nga gazeta “Washington Post”.

Megjithëse Kentucky zvogëloi numrin e vendvotimeve nga rreth 3’700 në 200, frika për radhë të gjata njerëzish që do të dilnin për të votuar fizikisht, nuk u materializua.

“Shtetet e Bashkuara kanë zhvilluar gjithmonë zgjedhjet pavarësisht rrethanave dhe ngjarjeve. Është një nga të vetmet demokraci që zhvilloi zgjedhje në mes të një lufte civile, gjatë Luftës së Dytë Botërore. Ndryshe nga Britania e Madhe, ne zhvilluam zgjedhjet tona të planifikuara rregullisht, dhe siç e dini, po shkojmë drejt zgjedhjeve në mes të kësaj pandemie”, tha profesor Pildes.

Dita e zgjedhjeve në Shtetet e Bashkuara është 3 nëntori./ VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

CDC: Delta ka ndryshuar luftën ndaj koronavirusit

Publikuar

-

Nga

Lufta kundër COVID-19 “ka ndryshuar” për shkak të variantit shumë ngjitës Delta, thanë të premten Qendrat amerikane për Kontrollin e Sëmundjeve (CDC), duke propozuar një mesazh më të qartë, vaksina të detyrueshme për punonjësit e shëndetit dhe një rikthim tek mbajtja e maskave.

Një dokument i brendshëm i CDC-së tha se varianti, i zbuluar së pari në Indi dhe tani dominues në të gjithë globin, është po aq ngjitës sa lija e dhenve dhe shumë më ngjitës sesa ftohja ose gripi i zakonshëm. Ai mund të transmetohet edhe nga njerëzit e vaksinuar dhe mund të shkaktojë sëmundje më serioze sesa llojet e mëparshme të koronavirusit.

Në dokument, i titulluar “Përmirësimi i komunikimit rreth përparimit të vaksinave dhe efektivitetit të tyre”, thuhet se varianti kërkon një qasje të re për të ndihmuar publikun të kuptojë rrezikun – përfshirë sqarimin se njerëzit e pavaksinuar kishin mbi 10 herë më shumë gjasa se ata që janë të vaksinuar që të sëmuren rëndë ose të vdesin.

“Duhet pranuar se lufta ka ndryshuar,” thuhej në dokument. “Duhen përmirësuar komunikimet mbi rrezikun mes të vaksinuarve.”

Një listë e masave parandaluese të rekomanduara përfshin bërjen e vaksinave të detyrueshme për punonjësit e kujdesit shëndetësor për të mbrojtur më të dobëtit dhe një rikthim tek përdorimi universal i maskave.

CDC-ja konfirmoi vërtetësinë e dokumentit, për të cilin u njoftua fillimisht nga Washington Post.

Megjithëse personat e vaksinuar kanë më pak të ngjarë të infektohen, kur ata preken nga Delta – ndryshe nga variantet e mëparshme – mund të kenë po aq gjasa sa edhe të pavaksinuarit për ta transmetuar sëmundjen te të tjerët.

“Ngarkesat e larta virale sugjerojnë një rrezik në rritje të transmetimit dhe ngrenë shqetësimin se, ndryshe nga variantet e tjera, personat e vaksinuar të infektuar me Delta mund ta transmetojnë virusin,” tha në një deklaratë drejtorja e CDC-së, Rochelle Walensky.

Të premten CDC-së bëri publike përfundimet e një studimi mbi një përhapje të virusit në Masaçusets, ku tre të katërtat e të infektuarve ishin plotësisht të vaksinuar. Ky studim ka luajtur një rol kryesor në një vendim të CDC-së këtë javë për të rekomanduar përsëri që njerëzit e vaksinuar të mbajnë maska në disa situata, tha dr. Walensky.

Në pjesët e botës ku një numër i madh njerëzish ende nuk janë vaksinuar, varianti Delta ka çuar edhe një herë në rritjen e niveleve të vdekjeve dhe shtrimeve në spital.

Kreu i Organizatës Botërore të Shëndetit, Tedros Adhanom Ghebreyesus, tha se sistemet shëndetësore në shumë vende tani po mbingarkohen:

LEXO EDHE:  Trump: Nuk dua shtyrjen e zgjedhjeve, nuk dua as zgjedhje të parregullta

LEXO EDHE:  Rouhani: Irani i gatshëm të marrë masa menjëherë, nëse SHBA heq sanksionet

“Përparimet e siguruara me vështirësi janë në rrezik ose po zbehen,” tha ai në një konferencë shtypi.

Eksperti kryesor i urgjencës i OBSH-së Mike Ryan tha në një konferencë për shtyp se megjithatë vaksinat vazhdojnë të mbeten efektive në parandalimin e rasteve serioze dhe vdekjeve: “Po luftojmë të njëjtin virus, por një virus që përshtatet më lehtësisht”.

Edhe në vendet e pasura që ishin ndër të parat që filluan fushata të mëdha vaksinimi, rastet janë shtuar. Ndërsa vaksinat deri tani i kanë mbajtur përqindjet e vdekjeve më të ulëta, popullsitë e mëdha mbeten të prekshme, veçanërisht ata që refuzojnë vaksinat, një problem që është veçanërisht i pranishëm në pjesët e Shteteve të Bashkuara ku votuesit mbështetën ish -Presidentin Donald Trump.

Gati një e treta e të rriturve amerikanë nuk kanë marrë ende dozën e parë. Zonat ku normat e vaksinimit janë të ulëta kanë parë rritje të mprehtë të rasteve javët e fundit dhe autoritetet kanë frikë se shtrimet në spital dhe vdekjet do të rriten.

Specialisti kryesor amerikan i sëmundjeve infektive, Dr Anthony Fauci, i tha agjencisë Reuters se ai priste që vaksinat, të cilat deri tani kanë marrë vetëm miratimin për përdorim urgjent, mund të fillojnë të marrin miratimin e plotë rregullator në gusht dhe se kjo mund të ndihmojë që më shumë amerikanë të binden për të marrë vaksinën.

Në Britani, ku varianti Delta shkaktoi një rritje të mprehtë të infeksioneve muajt e fundit pavarësisht nga një prej fushatave më të shpejta të vaksinimit në botë, një komision që këshilloi qeverinë tha se imuniteti nga vaksinat ka të ngjarë të zbehet me kalimin e kohës, që do të thotë se fushatat e vaksinimit ndoshta do të zgjasin për vite me radhë.

Të martën, CDC, e cila i kishte udhëzuar amerikanët e vaksinuar muaj më parë se nuk kishin më nevojë të mbanin maska, ndryshoi kurs, duke thënë se edhe të vaksinuarit plotësisht duhet të mbajnë maska në situata kur virusi ka të ngjarë të përhapet.

Të enjten, Presidenti amerikan Joe Biden u bëri thirrje qeverive lokale që të paguajnë njerëzit që të vaksinohen dhe vendosi rregulla të reja që kërkojnë nga punonjësit federalë të ofrojnë prova vaksinimi ose të përballen me testime të rregullta, mbajtjen e maskës dhe kufizime udhëtimi./ VOA

LEXO TE PLOTE

Bota

Rreth 200 afganë që kanë ndihmuar forcat amerikane evakuohen në Shtetet e Bashkuara

Publikuar

-

Nga

Rreth 200 afganë që kanë ndihmuar forcat amerikane evakuohen në Shtetet e Bashkuara

Rreth 200 afganë që kualifikohen për statusin e imigrantit special (SIV) mbërritën me një avion special në Shtetet e Bashkuara të premten si pjesë e një operacioni për të evakuuar ata që i dhanë ndihmë qeverisë amerikane.

Zyrtarët e Shtëpisë së Bardhë e njoftuan Operacionin Refugjatët e Aleatëve më 14 korrik, duke thënë se do të evakuonin përkthyesit afganë dhe të tjerë që ndihmuan qeverinë amerikane gjatë luftës, së bashku me familjet e tyre, të cilët tani kanë frikë nga hakmarrja e talebanëve.

Zëvendës Këshilltari i Sigurisë Kombëtare Russ Travers u tha gazetarëve se sjellja e tyre në SHBA “përmbush angazhimin e Shteteve të Bashkuara dhe nderon shërbimin e guximshëm të këtyre afganëve në ndihmën për të mbështetur misionin tonë”.

Fluturimi drejt sigurisë

Zyrtarët amerikanë thanë se me udhëtimin e parë erdhën rreth 200 persona me statusin special SIV dhe anëtarët e familjes së tyre. Rreth 700 të tjerë që kanë përfunduar procesin do të evakuohen në javët e ardhshme.

Ata do të dërgohen në Fort Lee, një bazë ushtarake në Virxhinia, ku do të kalojnë rreth një javë duke iu nënshtruar kontrolleve mjekësore dhe duke përfunduar dokumentet para se të zhvendosen. Ata që kanë lidhje familjare do të vendosen pranë tyre, të tjerët do të sistemohen përmes Programit të Pranimeve të Refugjatëve të Departamentit të Shtetit.

Sipas Departamentit të Shtetit, grupi i parë i refugjatëve i është nënshtruar testimit për COVID-19. Nëse dikush teston pozitiv, ata do të karantinohen para udhëtimit.

“Ne kemi ofruar vaksina në Kabul për ata që janë të interesuar, dhe gjithashtu do t’i ofrojmë ato vaksina edhe në Fort Lee,” tha Ambasadorja Tracey Jacobson me grupin koordinues të Departamentit të Shtetit për Afganistanin.

LEXO EDHE:  ShBA ndërton bombë elektromagnetike

Vlerësohet se rreth 2,500 shtetas afganë të kualifikuar dhe ende të mbetur në Afganistan do të evakuohen përfundimisht në SHBA.

LEXO EDHE:  Përzgjedhja e kandidatëve për deputetë/ Komisioni i vlerësimit në PD dorëzon listen finale

Përshpejtimi i evakuimit të afganëve është një përparësi, tha Karine Jean-Pierre, zëvendës sekretare e shtypit, gjatë një konferencë të enjten në Shtëpinë e Bardhë.

“Presidenti vendosi një objektiv të qartë. Ne do të fillojmë zhvendosjen e aplikantëve të kualifikuar dhe familjeve të tyre para fundit të këtij muaji,” tha ajo.

“Kjo është një përpjekje e pandalur e qeverisë në mbarë botën, siç mund ta imagjinoni të gjithë, dhe ne synojmë të përmbushim synimin e presidentit”.

Më shumë se 70,000 afganë janë zhvendosur deri tani

Autorizimi origjinal për statusin e imigrantit special SIV u nënshkrua në ligj në vitin 2008 nga Presidenti i atëhershëm George W. Bush dhe kishte për qëllim t’u jepte qytetarëve irakianë siguri në Shtetet e Bashkuara. Që atëherë, qeveria ka vendosur më shumë se 70,000 afganë me statusin SIV në Shtetet e Bashkuara.

Departamenti i Shtetit thotë se të tjerët në rrezik të ndëshkimit talebanë – përfshirë udhëheqëset e të drejtave të grave, aktiviste, gazetarë, mbështetës të të drejtave të njeriut dhe të tjerë – mund të apelojnë në ambasadën amerikane në Kabul, e cila mund të bëjë rekomandime për Programin e Pranimit të Refugjatëve.

Programi i zhvendosjes SIV pritet të vazhdojë pasi trupat amerikane të përfundojnë tërheqjen e tyre nga lufta më e gjatë në historinë e vendit. Deri më 1 shtator, tha ushtria, trupat e mbetura amerikane në Afganistan pritet të përqendrohen në ruajtjen e Ambasadës Amerikane dhe aeroportit të Kabulit./voa

LEXO TE PLOTE

Bota

Presidenti Biden shpall masat e reja për frenimin e COVID-19

Publikuar

-

Nga

Presidenti Biden shpall masat e reja për frenimin e COVID-19

Ndërsa varianti Delta i virusit që shkakton COVID-19 përhapet me shpejtësi në të gjithë vendin, Presidenti amerikan Joe Biden ka njoftuar se punonjësit civilë të qeverisë federale duhet të vaksinohen ose t’i nënshtrohen testimeve të rregullta dhe të mbajnë maska. Po ashtu mbajtja e maskës do të kërkohet për të gjithë punonjësit dhe vizitorët në shumë ndërtesa federale.

Presidenti Biden foli të enjten nga Dhoma Lindore e Shtëpisë së Bardhë.

“Me vendimin tim, nën drejtimin tim, i gjithë personeli federal dhe vizitorët në ndërtesat federale do të duhet të bëjnë të njëjtën gjë. Siç e kam thënë që në fillim, mbajtja e maskës nuk është deklaratë politike, ka të bëjë me mbrojtjen e vetes dhe mbrojtjen e të tjerëve. Maska është mbrojtje kundër përhapjes së COVID-19. Por nuk ka dyshim që vaksinat janë mbrojtja më e mirë kundër sëmundjes së rëndë nga COVID-19 “, tha Presidenti Biden.

Qeveria federale punëson më shumë se 4 milionë amerikanë, përfshirë mbi 2 milionë punonjës civilë federalë, thuhet në një deklaratë të Shtëpisë së Bardhë.

LEXO EDHE:  Fitore kombëtare/ Si u ndërtua koalicioni Çamo-Grek i Lulzim Bashës

LEXO EDHE:  Fitore kombëtare/ Si u ndërtua koalicioni Çamo-Grek i Lulzim Bashës

Të njëjtat standarde do të zbatohen për kontraktorët federalë, shtoi zoti Biden.

Presidenti tha gjithashtu se po i kërkon Departamentit të Mbrojtjes të shqyrtojë se si dhe kur ta shtojë vaksinën e Covidit në listën e vaksinave të detyrueshme për personelin e ushtarak.

Sindikatat që përfaqësojnë punëtorët federalë po tregohen të përmbajtur anë reagimet e tyre.

“Ne presim që hollësitë e çdo ndryshimi në kushtet te punës, përfshirë ato që lidhen me vaksinat COVID-19 dhe protokollet e lidhura me to, të negociohen siç duhet me njësitë tona para se të zbatohen,” tha Everett Kelley, kreu i Federatës Amerikane të Punonjësve të Qeverisë, sindikata më e madhe e punonjësve federalë, që përfaqëson një fuqi punëtore prej 700,000 vetësh.

“Detyrimi i njerëzve për një procedurë mjekësore nuk është mënyra amerikane e të vepruarit dhe është një shkelje e qartë e të drejtave civile, pavarësisht se si e justifikon atë,” tha Larry Cosme, president i Shoqatës Federale të Zyrtarëve të Zbatimit të Ligjit, e cila përfaqëson 30,000 vetë në 65 agjenci./voa

LEXO TE PLOTE