Connect with Us

Vijon fuqizimi i njësive të terapisë intensive/ Manastirliu në QSUT: 265 monitorë të rinj për reanimacionet

Sociale

Vijon fuqizimi i njësive të terapisë intensive/ Manastirliu në QSUT: 265 monitorë të rinj për reanimacionet

Publikuar

-

Vijon fuqizimi i njësive të terapisë intensive/ Manastirliu në QSUT: 265 monitorë të rinj për reanimacionet

Forcohen kapacitetet e pajisjeve jetëshpëtuese në terapinë intensive në spitale, me 265 monitorë të rinj, financim i qeverisë shqiptare, për t’ju përgjigjur situatës së shkaktuar nga COVID-19.

Ministrja e Shëndetësisë dhe Mbrojtjes Sociale Ogerta Manastirliu ka inspektuar Qendrësn Spitalore Universitare “Nënë Tereza” në kuadër të forcimit të njësive të terapisë intensive në spitalet universitare dhe rajonale.

“Janë 265 monitorë, 50 prej të cilëve janë multi-parametrikë, janë pajisje të rëndësishme jetëshpëtuese që I shtohen flotës së aparaturave mjekësore në spitale, me qëllim forcimin e kapaciteteve në terapitë intensive, në kuadër të strategjisë sonë të përgjigjes ndaj COVID19, për t’I shërbyer sa më mirë pacientëve”, tha Manastirliu.

Duke folur për strategjinë për përballjen e situatës, Manastirliu tha se po rriten kapacitetet spitalore për të përballuar nevojat sot dhe në të ardhmen.

“Strategjia është dinamike, po I përgjigjet nevojave aktuale por edhe në të ardhmen, qoftë për testimet, kapacitetet në terren, gjurmimin dhe izolimin, për të kufizuar përhapjen e COVID19”, tha Manastirliu.

Duke vlerësuar punën heroike që po bëhet në shërbimin infektiv në QSUT, Manastirliu u bëri thirrje qytetarëve që të zbatojnë masat e vendosura dhe të mbajnë maskën pasi është e vetmja mënyrë për të parandaluar përhapjen e virusit.
“Secili duhet të udhëheqë përmes shembullit. Ne të parët dhe çdo qytetar. Çdo qytetar ka të drejtat e tij por edhe detyrimin përkashi shëndetit të tij dhe njerëzve që e rrethojnë. Mbajtja e maskës, distancimi fizik dhe higjiena vetjake janë të vetmet armë që kemi për ta kufizuar virusin. Secili me shembullin personal, të tregohemi të kujdesshëm dhe të kemi përgjigjen e duhur edhe në këtë fazë të dytë të rihapjes”, tha Manastirliu.

Ndërsa shefja e shërbimit Infektiv tha se aktualisht shërbimi ka një fluks të shtuar dhe bëri apel për respektimin e rregullave nga qytetarët.

LEXO EDHE:  Mbërrijnë 8190 doza vaksinash/ Rama tregon objektivin e qeverisë

“Kemi shtim të numrit të personave të shtruar dhe natyrisht kemi shtim të pacientëve që kërkojnë ndjekje në terapi intensive. Pikërisht pajisjet me këto aparatura që i ofrohen pacientëve në terapi intensive janë një ndihmesë e madhe që ofrohet për shtimin e përkujdesit. Megjithatë do thosha diçka që, çfarë ne ofrojmë në terapi intensive është maksimumi jonë nga ana profesionale, por popullata duhet të jetë shumë e ndërgjegjshme që liria e një personi shkon deri aty sa nuk cënohet shëndeti i tjetrit. Ju siguroj që virusi tani ka filluar të përzgjedhë çdo grup moshe dhe duke agravuar situatën shëndetësore të tyre. Ndaj thirrja e vetme që mbetet është: Ne jemi në shërbimin tuaj! Kemi shumë muaj që jemi vetëm në shërbimin tuaj, por kini parasysh që edhe ju keni detyrimin për të ruajtur distancimin fizik dhe e dyta mbajeni maskën kudo që jeni sepse janë të vetmet arma që kemi për t’u mbrojtur nga ky lloj virusi”, tha Çomo.

Me financim nga buxheti i shtetit, drejtoria e QSUT po përfundon rekrutimin e stafit mbështetës prej 50 mjekësh, infermierësh për të përballuar fluksin e mundshëm të COVID19 në spitalin COVID 3 (ish-kirurgjitë), e cila do të hapet nëse do të ketë shtim të rasteve në spitalin Infektiv, paralelisht me spitalin Universitar “Shefqet Ndroqi” nëse do të ketë shtim të rasteve në terapi intensive që kanë nevojë për trajtim të specializuar.

Sipas strategjisë së miratuar nga Komiteti Teknik i Ekspertëve, janë katër spitale të parashikuara për përballimin e situatës së shkaktuar si pasojë e COVID19, me një kapacitet prej 550 shtretër.

Për të rejat më të fundit behuni pjesë e grupit tonë në facebook : City News Albania

Sociale

Vështirësitë e grave në profesion, infermierja përcjell mesazhe motivuese për ‘8 Marsin’

Publikuar

-

Nga

Vështirësitë e grave në profesion, infermierja përcjell mesazhe motivuese për '8 Marsin'

42 vite infermiere në profesion, sot në pension Flamure Aliraj Runaj, e cila e nisi profesionin në fshatin e lindjes Trevllazër në Vlorë si mami dhe më pas në repartin e pediatrisë në Spitalin Rajonal të qytetit, në këtë 8 mars ndërsa uron festën tregon momentet e bukura por edhe vështirësitë e një profesioni, i cili i shënoi të gjithë jetën.

“Momentet me të bukura kanë qenë ato të pritjes së një fëmije, e qara e parë e fëmijës, veçanërisht pritja e lindjes sime së parë vetëm tre ditë mbasi kisha nisur punën në fshat dhe në shtëpi. Ndërsa momentet më të vështira janë gjithmonë fatalitetet”, shprehet infermierja.

Me gjithë vështirësitë e kohës, Flamurja shprehet e keq ardhur për uljen e numrit te lindjeve vitet e fundit.

“Më vjen shumë keq, kohët kanë ndryshuar, pjesa më vitale e popullsisë ka emigruar, çiftet e reja ndërtojnë dhe shtojnë familjet edhe jashtë Shqipërisë, por më vjen keq se Shqipëria ashtu si gjithë Evropa po plaket”, deklaron znj. Runaj.

Më shumë se 4 dekada në punë, infermierja motivon të gjithë të rinjtë që zgjedhin këtë profesion.

“Duajeni profesionin tuaj sepse nuk është vetëm një punë por një pasion dhe përkushtim që buron nga shpirti. Luftoni për ta ngritur nivelin e infermierisë në stadin që i takon sepse pa një infermieri të vlerësuar nuk mund të këtë një shëndetësi të zhvilluar”, shton znj. Runaj.

Me rastin e ditës ndërkombëtare të Gruas, 68-vjeçarja ka një mesazh për të gjitha gratë.

“Ju bëj thirrje të gjitha grave të mos dorëzohen, të ngrenë zërin t’ia dalin por jo me fjalë me punë pasi vetëm me punë arrihet gjithçka si në familje ashtu edhe në shoqëri”, përfundon infermierja./euronews

LEXO TE PLOTE

Sociale

Manastirliu uron 8-Marsin/ Gratë janë kolona e sistemit tonë shëndetësor

Publikuar

-

Nga

Në Ditën Ndërkombëtare të Gruas, Ministrja e Shëndetësisë dhe Mbrojtjes Sociale, Ogerta Manastirliu ka zgjedhur që të jetë pranë mjekeve dhe infermiereve në spitalin Covid 2, “Shefqet Ndroqi”. Manastirliu i ka quajtur mjeket dhe infermieret kudo në vend, si kolonat e sistemit shëndetësor.

“Sistemi ynë shëndetësor përbëhet nga 60% gra. Gratë janë kolona që mbajnë sistemin tonë shëndetësor. Janë më shumë se 17 mijë gra që punojnë në shëndetësi, në vijën e parë dhe në prapravijë. Zgjodha për të qenë sot në spitalin “Shefqet Ndroqi”, ku 311 gra punojnë dhe luftojnë çdo ditë me të keqen, kundër armikut të padukshëm dhe japin më të mirën nga vetja për t’i shërbyer tjetrit”, tha Manastirliu.

Duke shprehur mirënjohjen për gratë dhe vajzat në sistemin shëndetësor, Manastirliu tha se brenda javës përfundon vaksinimi i personelit shëndetësor.

“Mirënjohjen tonë e tregojmë jo vetëm çdo ditë në mbështetjen për punën tuaj, por edhe me investimet që ne bëjmë në sektor, nëpërmjet përmirësimit të kushteve të punës, me mbështetjen direkte me rritjen e pagave me 40%, nëpërmjet bonusit special prej 1 mijë euro dhe 500 euro për shërbimet mbështetëse, ku kanë përfituar më shumë se 4 mijë punonjës të shëndetësisë. Dhe jam e kënaqur që finalizojmë brenda kësaj jave vaksinimin e të gjithë personelit tonë shëndetësor, me synimin për ta mposhtur virusin dhe për ta kontrolluar këtë pandemi, e cila është duke u përballuar pikërisht falë forcës së çdo punonjësi të shëndetësisë”, tha Manastirliu.

Duke vlerësuar mbështetjen e Ministres Manastirliu, prof. Silva Bala u shpreh: “Këto gra po bëjnë një sakrificë që duhet të na e kuptojnë i gjithë populli. Që ne punojmë deri në pikën tonë të fundit për të shpëtuar një jetë. Dhe jetë pas jete, çdo ditë pas çdo dite”.

LEXO EDHE:  Për ata që Covidin nuk e besojnë/Dasho: Konspiracionet bazohen tek injoranca

LEXO EDHE:  Nis vaksinimi kundër gripit/ Manastirliu: Kemi siguruar 368 mijë doza, falas për grupet e rrezikuara

Prof. Alma Cami tha: “Pasuria jonë më e madhe, e të gjithave ne, është mirënjohja dhe reskpeti, falenderimet e qytetarëve dhe të pacientëve, që shprehin mirënjohjen për jetët e shpëtuara dhe na bëjnë ne që ta vazhdojmë më tej këtë luftë. Dhe do ta vazhdojmë deri sa të krijohet mundësia e kthimit në normalitetin e jetës”.

Dr. Loreta Bici u shpreh: “Për një vit pandemie, ne kemi harruar festat tradicionale. Festa jonë më e madhe është sfida ndaj kësaj sëmundjeje. Festa jonë më e madhe është shpëtimi i sa më shumë jetëve. Jemi këtu një ekip i tërë, vajza, gra por edhe pjesa tjetër, në cilindo sektor, për të mbështetur fort njëri-tjetrin, për të luftuar fort dhe për t’ja dalë mbanë”.

Në sistemin shëndetësor dhe veçanërisht në spitalet COVID, pjesa dërrmuese e personelit shëndetësor janë gra dhe vajza. Në spitalet COVID shërbejnë 747 gra dhe vajza, ndërsa në të gjithë sistemin shëndetësor janë 17,734 gra, të cilat përbëjnë mbi 60% të burimeve njerëzore./CNA.al

LEXO TE PLOTE

Sociale

Në ditën e gruas, lule për mjeket dhe infermieret e infektivit në Elbasan

Publikuar

-

Nga

Kjo e hënë në 8 Mars përkoi me ditën ndërkombëtare të gruas dhe me sakrificat e përditshme.

Ky vit ka qënë tejet i vështirë për gratë që mbajnë të veshura bluzat e bardha pasi janë hasur me vështirësi të mëdha për shkak të Covid-19. Në shenjë falënderimi për punën e tyre dhe në këtë ditë që ju dedikohet grave drejtoresha e Spitalit Infektiv në Elbasan ka dhuruar nga një trëndafil të kuq për të gjitha punonjëset.

Ndërkohë në spitalin e Elbasanit vijojnë të jenë të shtruar për tu kuruar nga Covid 26 pacientë./CNA.al

LEXO TE PLOTE