Instituti Kombëtar i Shëndetit Publik ka njoftuar se të dielën në Kosovë janë konfirmuar edhe 87 raste me koronavirus. Rezultatet janë në bazë të 202 testimeve të kryera nga ana e Institutit.

Numri i të infektuarve, që nga mesi i muajit mars, ka arritur në 2677. Aktualisht janë 1.203 raste aktive. Sipas njoftimit, nga Covid janë shëruar edhe 31 pacientë duke e çuar numrin e përgjithshëm të të shëruarve në 1.425.

Që nga fillimi i epidemisë, në Kosovë janë shënuar 49 viktima./CNA.al

Presidenti i Republikës së Kosovës, Hashim Thaçi, mbrëmjen e sotme kishte lajmëruar se do u drejtohej qytetarëve me një fjalim nga zyra e tij, për herë të parë pas ngritjes së aktakuzës nga Prokuroria Speciale në Hagë.

Nga Zyra e Presidentit Thaçi kanë njoftuar se konferenca i tij shtyhet për nesër në orën 20:00. Kujtojmë që Thaçi dhe kryetari i PDK-së Kadri Veselin akuzohen për krime lufte, vrasje të paligjshme, zhdukje të trupave, e përndjekje.

“Motra dhe vëllezër, Miq të dashur! Sapo kam zbritur në Aeroportin “Nëna Terezë” në Tiranë, ndërkaq, të dielën në mbrëmje do t’ju drejtohem me një fjalë nga zyra ime. Ju uroj një fundjavë të qetë dhe mbetem me shpresë të plotë se ditët më të mira për Kosovën dhe kombin shqiptar i kemi përpara. Gjithmonë i juaji, deri në fund”, shkruante Thaçi në postimin ku lajmëroi takimin e sotem./CNA.al

Gjatë 24 orëve të fundit janë regjistruar 176 raste të reja në Maqedoninë e Veriut.

Sipas Ministrisë së Shëndetësisë, numri total i rasteve të prekura me koronavirus që nga filllimi i pandemisë ka shkuar në 6,080 persona.

Po ashtu bëhet e ditur se gjatë 24 orëve të fundit kanë humbur jetën 9 persona dhe numri total i viktimave ka shkuar në 286. Në Maqedoninë e Veriut janë shëruar gjithsej 2,315 pacinetë ndërkohë në gjendje të rendë për jetën janë 55 persona./CNA.al