Connect with Us

“Kemi mbetur pa shtëpi”/ Ilir Hoxha letër Ramës: Na persekutuat, do ndjekim rrugë ligjore

Politikë

“Kemi mbetur pa shtëpi”/ Ilir Hoxha letër Ramës: Na persekutuat, do ndjekim rrugë ligjore

Publikuar

-

“Kemi mbetur pa shtëpi”/ Ilir Hoxha letër Ramës: Na persekutuat, do ndjekim rrugë ligjore

Djali i diktatorit Enver Hoxha, Ilir Hoxha, i ka dërguar sot një letër kryeministrit Edi Rama, lidhur me shembjen e banesës në zonën e Unazës, në Tiranë.

Ilir Hoxha i ankohet Ramës se kanë mbetur pa shtëpi dhe pa orendi, ndërsa thekson se familja e tij e ka mirëpritur vendimin e qeverisë dhe kanë pritur dëmshpërblimin.

Ai thekson se gjërat e shtëpisë ranë në duart e njerëzve të panjohur dhe pretendon se persekutimi i familjes Hoxha u duk qartazi.

“Nuk e kuptoj zoti Kryeminister. Administrata juaj kishte gati dy vjet kohë, që çdo gjë të shkonte më së miri. Edhe ne të sistemoheshim në kohë dhe punimet të mos pengoheshin. Pse duhet kjo arrogancë. Për të treguar që jeni të fortë dhe mund të bëni çfarë të doni, apo keni një administratë të paaftë për fatkeqësi të këtij populli”, shkruan ai ndër të tjera.

Më tej, Ilir Hoxha paralajmëron se do të ndjekë rrugën ligjore dhe do të ngrejë padi ndaj IKMT-së.

Letra e plotë:

Ju drejtohem Juve Z. Edi Rama (pavarësisht opinionit që keni për Enver Hoxhen, ai është mendimi juaj që mua nuk më intereson) une po ju drejtohem si Kryeministri i vendit tim, për të me mbrojtur nga institucionet që ju drejtoni. Më konkretisht ndaj IKMT-s me drejtuese Znj Dallëndyshe Bici.

Bazuar në ligjin e shpronësimeve Nr. 8561 datë 22.12 1999, në kuadër të realizimit të projektit “Mbikalimi i Pallatit me Shigjeta- Rrethrrotullimi Shqiponja”, (Loti I), u njoftuam për shpronësimin e banesës sonë. Nuk patëm asnjë kundërshtim, madje treguam mirëkuptimin tonë të plotë, për mospengimin e realizimit të kësaj vepre të madhe publike. Ndërkohe ishim në pritje të merrnim dëmshpërblimin që na takonte, që të sistemoheshim në një banese tjetër si dhe prisnim njoftimin shkresor nga IKMT-janë lidhje me afatet që ne duhet të largoheshim nga banesa. Gjykoj se këto janë detyrime që administrata shtetërore ka ndaj qytetarëve të këtij vendi, të cilet kanë të drejtën të trajtohen me kujdesin dhe respektin e duhur dhe jo me veprime fashiste siç ndodhi me ne.

Por … Më datë 26 Qershor 2020, ora 9, në godinën ku banoja une dhe pjestarë të tjerë të familjes Hoxha, u paraqitën inspektoret e IKMT me fadroma për të prishur ndërtesen. Për t’ju vëne në dijeni, neve nuk na kishte ardhur asnjë vendim shkresor nga IKMT për prishjen e pallatit, ku duhej të ishte e përcaktuar dhe data që duhej të largoheshim nga ndërtesa. Pra u ndodhëm para një veprimi krejt arbitrar. Në këto kushte u detyrova t’idërgoj nje sms znj Dallëndyshe Bici ku i shkruaja :”Mirëdita, po ju lutem për një gjë. Kanë ardhur për të prishur shtëpinë. Nuk kemi kundërshtim. Të lutem ta shtyni dhe dy ditë se nuk po arrijmë të zbrazim apartamentin. Do ju lutesha me mirëkuptim për shtyrjen. Faleminderit. Me respekt Ilir Hoxha.

LEXO EDHE:  “Shokon” ish-ministri i Ramës/ Jam rus

Zonja në fjalë megjithëse e pa sms, nuk dha asnjë përgjigje, duke qenë institucioni i saj fajtor. Për mos u zgjatur, pas presioneve të vazhdueshme arrogante të punonjësve të IKMT , duke na prerë dhe dritat për ta bërë fakt të kryer, na nxorrën me dhune nga banesa, ku kishin mbetur shumë relike dhe materiale të Enver Hoxhes si dhe objekte tona personale.

Qëllimi i znj Dallëndyshe Bici ishte që me cdo kusht të nxirrte në mes të katër rrugëve familjen e Enver Hoxhes, dhe ia arriti qëllimit. Mbetem pa shtëpi dhe ato orendi dhe objekte që shpëtuam i shpërndamë në miq e shoqeri. Më vjen keq zoti Kryeministër që t’ju them, se u përserit e njëjta situatë sic na nxorri nga shtëpia Sali Berisha në vitin 1993. Më vjen çudi si përputhen këto akte fashiste edhe pas 30 vjetëve, për më shumë nga një qeveri e majtë?!!!

Por, nuk mbyllet me kaq. Persekutimi i familjes së Enver Hoxhes u duk qartazi, se pasi na larguan me forcë nga banesa, IKMT jo vetëm nuk e prishi pallatin por lejoi të hyjnë njerez nga rruga që të plackitnin çfarë kishte mbetur në banesën tonë. Në këtë rast ne u demtuam jo vetëm materialisht por edhe moralisht se gjërat e shtëpisë tonë përfunduan në duart e njerzëve të panjohur, ndërkohë që mund të ishim lejuar ne ta boshatisnim banesën.

Nuk e kuptoj zoti Kryeminister. Administrata juaj kishte gati dy vjet kohë, që cdo gjë të shkonte më së miri. Edhe Ne të sistemoheshim në kohë dhe punimet të mos pengoheshin. Pse duhet kjo arrogance. Për të treguar që jeni të fortë dhe mund të bëni cfarë të doni, apo keni një administratë të paaftë për fatkeqësi të këtij populli.

Institucioni i IKMT mban përgjegjësi dhe une do të ndjek rrugën ligjore për:

– Dhunim banese

– Vjedhje e relikteve dhe dokumentacioneve të ndryshme të Enver Hoxhës

– Vjedhja e orendive personale

– Shkelja e të drejtave të njeriut

– Dëmi moral dhe ulja e dinjitetit të familjes time.

Për të gjitha këto do të kërkoj dëmshpërblim moral dhe material.

Uroj dhe shpresoj që drejtësia e re do të jetë e paanshme dhe jo e politizuar.

Në fund kam një falënderim për korrektësinë e Policisë së Shtetit që ishte në lartësinë e detyrave të saj.

 

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

Këlliçi në forumi rinor të CDU-së/ “Krenar për bashkëpunimin midis FRPD dhe Junge Union!”

Publikuar

-

Nga

Kreu i FRPD Belind Këlliçi, ndodhet në Gjermani ku forumi rinor i CDU-së, po mban kongresin e përvitshëm, këtë herë me temë: “Plani ynë për një parti moderne dhe për qytetarët”.

Këlliçi është një nga 35 të rinjtë që përfaqësojnë forumet rinore partnere me Junge Union.

Ai ka ndarë dhe disa foto nga ky takim, ku shprehet krenar dhe mirënjohës për bashkëpunimin midis FRPD dhe Junge Union

“Pas 1 viti shkëputje për shkak të pandemisë, sërish koha për Deutschlandtag. Sot në Münster, aty ku Junge Union, forumi rinor i CDU-së, po mban kongresin e përvitshëm, këtë herë me temë: “Plani ynë për një parti moderne dhe për qytetarët”.



LEXO EDHE:  “Ne s’jemi si Luli që të bëjmë pazare”/ Rama iu përgjigjet studentëve

LEXO EDHE:  “Shokon” ish-ministri i Ramës/ Jam rus

Më nderon pjesëmarrja me ftesë si një nga 35 të rinjtë që përfaqësojnë forumet rinore partnere me Junge Union.

Me kënaqësi dëgjova fjalën e Z. Armin Laschet, kryetari në detyrë i CDU, kandidati për kancelar i Republikës Federale të Gjermanisë, si dhe të personaliteteve të larta e drejtuesëve kryesorë të CDU.

Krenar dhe mirënjohës për bashkëpunimin midis FRPD dhe Junge Union!”/CNA.al

LEXO TE PLOTE

Politikë

“Foltorja” e Korçës/ Balliu: Bashkim i demokratëve kundër armikut numër një, Edi Rama

Publikuar

-

Nga

cna lajme politike

Ditën e djeshme, ish-kryeministri dhe lideri historik i Partisë Demokratike, Sali Berisha, ka mbajtur “Foltoren” e radhës në Korçë.

I pranishëm ka qenë edhe ish-deputeti i PD-së Klevis Balliu, i cili gjatë fjalës së tij pas takimit, ka theksuar se kjo ‘foltore’ po rikthen energjinë dhe entuziazmin për t’u përballur me regjimin e Edi Ramës.

Sipas Balliut, qëllimi themelor i saj, është përballja me armikun numër një, i cili e ka emrin Edi Rama.



“Është një moment i cili po rikthen entuziazmin dhe energjinë për t’u përballur me regjimin dhe për t’u përballur me gjithë krimet që Edi Rama i ka bërë Shqipërisë.

Në këtë aspekt ajo që vlen për t’u vlerësuar është që ‘Foltorja’ ka për qëllim bashkimin e gjithë demokratëve në gjithë Shqipërinë.

PD me anë të kësaj ‘foltoreje’ dhe me Kuvendin që do të bëhet së shpejti do të bashkohet dhe do të jetë gati për të përmbysur një herë e mirë regjimin e Ramës. Qëllimi themelor i kësaj ‘foltoreje’ është bashkimi i demokratëve për t’u përballur me armikun numër një që e ka emrin Edvin Kristaq Rama”, tha ai./ CNA.al

LEXO TE PLOTE

Politikë

Mori pjesë në ‘Foltoren” e Berishës/ Deputetja e PD, tregon nëse i druhet përjashtimit nga Basha

Publikuar

-

Nga

Deputetja e Partisë Demokratike, Sorina Koti në një intervistë për MCN tv ka folur për Foltoren që mbajti një ditë më parë në Korçë ish-lideri i PD Sali Berisha.

Si përfaqësuese e demokratëve, Koti tha se kishte detyrim të merrte pjesë në Foltore dhe këtë e ka bërë për të mbështetur demokratët.

Ajo u shpreh se PD do të jetë forca e parë politike që do të marrë vendime me fuqinë e votës dhe u takon atyre të vendosin se kush do ta trejtojë PD-në.



“Unë si përfaqësuese e qytetarëve kisha detyrimin moral të isha dje në takim. Jam anëtare e PD dhe deputete e zgjedhur nga ata demokratë që kishin mbushur sallën. Përgjegjësia më thoshte se duhej të shkoja aty ku ishin demokratët. Personalisht nuk dua të bëhem pjesë e komploteve që kanë kapur PD sepse demokratët nuk e meritojnë këtë situatë delikate. Prezenca ime ishte për të mbështetur demokratët që kanë punuar me mua. Disa mund të kenë paragjykuar pse isha dje mund të them që të gjithë ne jemi brenda PD. Ky debat është unik në llojin e vet dhe të gjithë demokratët do të dinë ti japin zgjedhje. Beteja nuk është me njëri-tjetrin ndaj dhe unë i kërkova Berishës të gjejë një zgjidhje bashkë me demokratët”, tha ajo.

LEXO EDHE:  “Shokon” ish-ministri i Ramës/ Jam rus

LEXO EDHE:  Shkarkimi i Ylli Dylgjerit/ Julian Deda: Sa mirë ta paskan bërë..!

E pyetur nëse i druhet ndonjë përjashtimi nga PD, pasi doli hapur në mbështetje të Berishës ajo tha: Ju bashkova foltores sepse doja që demokratët të shikonin që jam aty si zëri i tyre. Nëse nuk do të isha dje në foltore atëherë do të ndihesha sikur i kisha lënë të vetmuar. Aty kishte shumë njerëz që do donin të flisnin por nuk e kishin mundësinë dhe shumë mesazhe që transmetova dje ishte përçimi i zërit të tyre.

LEXO TE PLOTE