Connect with Us

Skandali/ Artan Lame urdhër për grabitjen e pronës në favor të klientelës mediatike

Denoncim

Skandali/ Artan Lame urdhër për grabitjen e pronës në favor të klientelës mediatike

Publikuar

-

Covid-19 mbyll Kadastrën e Tiranës/ Dhjetëra punonjës të infektuar

Qeveria shqiptare prej kohësh ka nxitur investiorët vendas të investojnë në sektorin e turizmit si një ndër sektorët priortiarë të ekonomisë së vendit. Investime të shumta janë bërë ndër vite kudo në Shqipëri por cdo investim ka pas një shtet i cili jo vetëm që nuk i ndihmon por përkundrazi i dëmton investiorët në vend. I tillë është skandali që do paraqesim me investimin miliona eurosh të bërë në pikën turisitike Moravë të qytetit të Korcës në Hotelin Montrelux.

Nga zyrat e Artan Lame në Tiranë, Drejtorit të Agjensisë Shtetërore të Katastrës, ka dalë një shkresë e cila kërkon “të bëjë anullim të lejes së legalizimit të datës 3.11.2017, e cila është dhënë në emër Arben Relit dhe të emetojë leje të re legalizimi për pronën Montrelux Resort ku do të fusë bashkëpronar nga hici Sefedin Bajraktarin si bashkëpronar me 50% të pronës duke vjedhur me një të rënë të lapsit pronën dhe investimin te shtetasit Arben Reli.

Ky i fundit përvecëse është njohur ligjërisht nga shteti shqiptar si përfitues i vetëm i legalizimit të investimeve në objekt është për më tepër zotërues i certifikatave të pronësisë mbi këtë objekt. Aktualisht prona është në pronësi të shtetasit Arben Reli me certifikatë pronësie i cili disponon 8.931 m2 dhe të Sefedin Bajraktarit, babai i Shpresim Bajraktarit, që disponon vetëm 507 m2.

Zyrat e Agjensisë Shtetërore të Katastrës po marrin një vendim kufizim pronësie dhe ndërrim e titullit të pronësisë duke vejdhur pronën Arben Relit e do të bëjë në formë korruptive Sefedin Bjraktarin bashkëpronarë me 50% të pronës. Pra, praktikisht nga një certifikatë pronësie ku Sefedin Bajraktari ka vetëm 507 m2 që do të thotë vetëm 5% e pronës në 50% bashkëpronar me një të rënë të lapsit. Artan Lame jep urdhër në shkelje flagrante të ligjit, Drejtorisë Vendore Korcë për të vjedhur pronën shtetasit Arben Reli.
Ky akt ligjërisht është absolutisht i pavlefshëm, por mbi të gjitha i kundraligjshëm, në mospërputhje të rregullt me detyrën, duke cënuar interesat e ligjshme të investitorit e duke formuar në këtë mënyrë “faktin penal të shpërdorimit të të detyrës pasi palët janë në proces gjyësor për ndarje pasurie”. Për këtë arsye Agjensia Shtetërore e Katastres nuk mundet kurrësesi të marrë vendim për anullim leje legalizimi ndërkohë që gjykata akoma nuk është shprehur.

Ndërkohë që të gjitha evidencat ligjore tregojnë se prona e re e zhvilluar është bërë nga zoti Arben Reli i cili disponon certifikatë pronësie e kur letrat e firmosura pranë noteres vërtetojnë se investimi njihet nga Sefejdin Bajraktari se Arben Reli është i vetmi investitor, zyrat në Tiranë të Artan Lames bëjnë një vendim jo ligjor për pezullim të lejes së legalizimit të vitit 2017 ku Arben Reli është i vetmi pronar në një leje të re legalizimi ku shtetasi Sefejdin Bajraktari do te bëhet 50% bashkëpronar. Ky urdhër është absolutisht i pavlefshëm si akt administrativ pasi bazuar në nenin 36(3) të Kodit të Procedurës Civile ku thuhet : Asnjë instituvion tjetër nuk ka të drejtë të pranojë për shqyrtim një mosmarrveshje civile që është duke u gjykuar nga gjykata.

Si po vjedh Artan Lame dhe institucioni i vet (grabites) investimet miliona euro të investitorëve privatë?

Motrelux Hotel është një ndër hotelet më lluksoze të ndërtuara vitet e fundit në juglindje të Shqipërisë me vlerë miliona euro me investitor të vetëm shtetasin Arben Reli. Në vitin 2009 shtetasi Arben Reli sëbashku me shtetasin Sejfedin Bajraktari kanë blerë objektin Pikë Turistike Marovë, të ndodhur në Malin Marovë të qytetit të Korcës. Të dy këta shtetas blenë godinën e vjetër ku secili u bë bashkëpronar i pronës me sipërfaqe 1014 m2 të ndarë në mënyrë të barabartë. Nga godina e vjetër për tu shndërruar në hotel kërkohej zgjerim e investim miliona euro të cilat janë bërë nga shtetasi Arben Reli.

LEXO EDHE:  Skandali/ “Blu Panorama” tallet me qytetarët

Në një deklaratë noteriale të datës 03.05.2011 shtetasi Sejfedin Bajraktari,ne pamundesi ekonomike per te kryer investim, njeh pikërisht investimet e bëra ndër vite të zotit Arben Reli. Sipas kësaj deklarate,ne pamund ai thotë se lidhur me investimin dhe cdo veprim tjetër të kryer dhe që do të kryhet nga Z Arben Reli lidhur me cdo ambient apo sipërfaqe shtesë të pasurisë në bashkëpronësi nuk ka asnjë pretendim dhe jam dakort që të gjitha të drejtat dhe detyrimet lidhur me investimet i përkasin Z Arben Reli”.

Me këtë deklaratë noteriale dhe këtë marrveshje zhvillimi plan biznesi shtetasi Arben Reli investon ndër vite miliona euro në këtë pronë dhe e shndërron nga një pronë objekt i vjetër me sipërfaqe 1014 m2, me dy bashkëpronarë, në një pronë të rë të zgjeruar me sipërfaqe totale 8424 m2 plus 1014 m2 të objektit të vjetër. Pikërisht ky zgjerim i ri legalizohet në vitin 2017 nga drejtoria rajonale e Aluzinit në emër të Arben Relit i cili gjithashtu disponon certifikatë pronësie.

Me zhvillimin e pronës dhe me përfundimin e Hotelit në vitin 2020 shtetasi Sefedin Bajrkatari, babai i SHpresim Bajraktarin i cili është përfolur si i lidhur me VJollca Hoxhën, pronare e Top Channel, ngre pretendimin se ai është po ashtu pronar 50% i gjithë pronës së re të krijuar. Pra nga 500 m2 të blera në vitin 2009 në objektin e vjetër kërkon në vitin 2020 të bëhet bashkëpronar 50% i gjithë Hotelit Montrelux pa bërë asnjë euro investim duke bërë presion me anë të medias e njërëz të lidhur me të punonjësve të shtetit. Ndërkohë me këtë pretendim të bërë zoti Arben Reli e con cështjen në gjykatën e Korcës për ndarje pasurie pas u shtetasi Sefedin Bajraktari kërkon bllokim të pronësisë. Kërksa e tij cuditërisht pranohet dhe pasuria bllokohet dy herë nga 30 ditë nga “Agjencia e Shtërore e Kadastres, Drejtoria Vendore Korcë” duke filluar nga data 14.05.2020./CNA.al

Për të rejat më të fundit behuni pjesë e grupit tonë në facebook : City News Albania
3 Komente

3 Comments

Komentoni

Your email address will not be published. Required fields are marked *

Denoncim

Skandal/ Pacienti me Covid vdes dhe grabitet brenda spitalit, i marrin paratë nga portofoli

Publikuar

-

Nga

Skandal/ Pacienti me Covid vdes dhe grabitet brenda spitalit, i marrin paratë nga portofoli

Pas sanitares Tire Alldervishi që punonte në spitalin Covid 2 e cila zhvati nga paratë vajzën e një pacienteje me koronavirus, emisioni Stop në Tv Klan sjell sonte një tjetër rast abuzimi.

Bëhet fjalë për një skandal në sistemin shëndetësor, kësaj radhe në Spitalin Infektiv ose në spitalin Covid 1. Një qytetar, djali i një 58-vjeçari, ka denoncuar se babait të tij, i cili ishte i shtruar në spitalin Covid 1 pasi ishte infektuar me koronavirus, i kanë vjedhur paratë që kishte në portofol.

Sipas denoncimit të tij, babai iu shtrua në spital më 22 Dhjetor 2020 dhe humbi jetën më 27 Dhjetor 2020. Djali thotë se para se të shtronte të atin në spital, i kishte dhënë portofolin me 202 mijë Lekë të vjetra, brenda së cilës ndodhej edhe karta e bankomatit së bashku me kodin pin. Por dy ditë përpara se babai të humbiste jetën, denoncuesi tregon se nga bankmati ishin tërhequr para me kartën e bankës që kishte lënë në portofolin e të atit.

Bëhet fjalë për datën 25 Dhjetor, kohë që përkon me ditën kur babai i denoncuesit ishte futur në intubim pasi gjendja e tij shëndetësore ishte përkeqësuar. Dy ditë pas këtij veprimi, më 27 Dhjetor babai i tij ndërroi jetë për shkak të Covid-19. Punonjësit e spitalit Covid 2 i kthyen denoncuesit sendet personale të babait.

Ai vuri re se brenda portofolit mungonin 200 mijë Lekë të vjetra, por kishin mbetur vetëm 2 mijë Lekë të vjetra. Edhe karta e bankës së bashku me shënimin për kodin pin mungonte. Djali thotë se ka vënë në dijeni edhe infermieren, me të cilën fliste për shëndetin e të atit, por ajo ka refuzuar ta denoncojë këtë akt.

Denoncuesi: “I jam drejtuar emisionit Stop për një skandal që ka ndodhur tek QSUT, tek Infektiv 1. Më datë 22 është shtruar, në datë 23 unë kam folur me babain dhe tha jam mirë. Më datë 24 e ditët në vazhdim unë me babain nuk kam folur më, ja kanë marrë telefonin dhe nuk kam patur asnjë kontakt me babain. Dhe më datë 27 ka ndërruar jetë. Dhe erdhi funerali te shtëpia, bëmë adetin, pritëm e përcollëm njerëz, hapa gjërat personale të babait dhe aty shoh që në portofol mungonte karta e bankës dhe 200 mijë Lekë të vjetra që ka pasur në portofol. Unë ia kam vendosur babait tim 200 mijë Lekë në portofol dhe kur e kam hapur portofolin për të vendosur lekë, kam parë dhe kartën e bankës aty, por nga stresi që kisha nuk kam guxuar ta heq. Por kur humbi jetën, kam kontrolluar portofolin dhe shoh 2 mijë Lekë të vjetra dhe kartën e bankës dhe kodin që nuk ishte aty. Sendet e tjera, kartë identiteti dhe patenta aty ishin. Karta e bankës dhe passëord nuk ishin aty. Nuk më intereson sa lekë është vjedhur, mua më intereson gjesti që është bërë. Doktori, infermieri, pastruesja apo ku e di unë kush ka qenë aty, personali i spitalit… Kam marrë doktoreshën dhe i kam thënë i ka humbur babait karta e bankës dhe më ka thënë nuk është e drejta ime, mos m’i bjer më telefonit se po bëj shopping (pazar). Nuk është problemi im pse ia kanë vjedhur babait tënd kartën e bankës. Unë jam infermiere dhe kaq dhe ma ka fikur telefonin”.

Gazetari i emisionit Stop, Genci Angjellari, ka investiguar rreth kësaj çështje dhe ka zbuluar se më datën 25 Dhjetor 2020, pra ditën kur pacienti ishte futur në intubim, nga një bankomat ishin bërë 3 tërheqje, nga 200 mijë Lekë të vjetra çdo herë, në total 600 mijë Lekë. Madje, punonjësi i spitalit Covid 1 që ka marrë kartën e bankës së pacientit që humbi jetën nga virusi, ka tentuar të tërheqë para edhe nga një bankomat Credins Bank në qytetin e Durrësit, por veprimi nuk është autorizuar. Pra në total, viktimës i kanë vjedhur 800 mijë Lekë të vjetra nga portofoli dhe nga bankomati.

LEXO EDHE:  Grabitja e shtëpisë së nënës së ministrit/ Dy të arrestuar

LEXO EDHE:  Skandali/ “Blu Panorama” tallet me qytetarët

Djali i viktimës thotë se babai i tij është grabitur brenda spitalit. Ai shprehet se ka bërë denoncim në polici dy javë më parë, por deri më tani nuk ka marrë asnjë përgjigje.

Denoncuesi: “Te policia kam bërë denoncim dhe më kanë thënë do e kemi parasysh, po s’e kur do zgjidhet nuk e di. Prandaj i jam drejtuar emisionit Stop, që ta bëj publike dhe të gjendet personi”.

Në mungesë të një hetimi nga ana e autoriteteve, Stop investigoi dhe zbuloi se 3 tërheqjet e parave janë bërë në orën 08:00 të mëngjesit të datës 25 Dhjetor 2020 nga një bankomat Raiffeisen që ndodhet pranë QSUT-së përballë Universitetit të Mjekësisë./ tvklan.al

LEXO TE PLOTE

Denoncim

Covid i merr jetën, në Morg i vjedhin aparaturën e oksigjenit 5 mijë euro

Publikuar

-

Nga

Covid i merr jetën, në Morg i vjedhin aparaturën e oksigjenit 5 mijë euro

Fiks Fare denoncoi një skandal në shëndetësi, ku një viktime nga Covid 19 i kanë vjedhur një pajisje oksigjeni me vlerë 5 mijë euro. Ferit Kasa, 70 vjeçar, ndërroi jetë në datën 1 shtator 2020 në Spitalin “Shefqet Ndroqi”, Tiranë.

Gjatë kohës që ishte shtruar, personeli mjekësor i kërkoi familjarëve një pajisje për frymëmarrjen. Familja mori me qira 150 euro në muaj një pajisje B PAP dhe e çoi te Senatoriumi. Por, pasi 70-vjeçari ndërroi jetë, kjo pajisje është zhdukur. Senatoriumi shkruan në dokumente se e ka dorëzuar te Morgu i Tiranës. Kjo e fundit, i ka kthyer sendet personale familjarëve, por pa pajisjen e oksigjenit që kushton plot 5000 euro.

Në redaksinë e emisionit investigativ u ankua vajza e të ndjerit, Silvana Kasa. Ajo tha se në fillim të muajit gusht 2020, babai i saj u prek nga virusi Covid 19. Pasi u mjekua fillimisht në Librazhd, ku dhe banojnë, z.Ferit Kasa u transferua në spitalin “Shefqet Ndroqi”, pasi kishte probleme shëndetësore. Disa pasi u shtrua te Senatoriumi, personeli shëndetësor u tha familjarëve se duhet të sillnin një pajisje për frymëmarrje me oksigjen, pasi spitali në atë kohë nuk e kishte. Familjarët i drejtohen një biznesi privat dhe marrin me qira një pajisje B PAP, me një vlerë prej 150 euro në muaj. Këtë pajisje e dërgojnë në Spitalin “Shefqet Ndroqi”. Disa ditë më pas, z.Ferit Kasa ndërron jetë si pasojë e komplikacioneve të COVID 19. Trupi i të ndjerit transportohet në Morgun e Tiranës, pranë QSUT-së, sëbashku me sendet personale.

Dokumenti/ Pajisja u dorëzua në Morg, nuk doli prej andej

Sipas një procesverbali, në momentin që ka shkuar te Morgu, i ndjeri kishte sende personale dhe aparatin e frymëmarrjes. Pra, aparati ka shkuar në morg. Ndërkohë, në po të njëjtën datë, 01.09.2020, trupi i të ndjerit është marrë nga familjarët. Sërish ka një procesverbal, ku drejtuesit e Morgut shkruajnë se janë disa sende personale, telefon, rrobat personale të vendosura në arkivol. Por kësaj here, nuk është shkruar aparati i frymëmarrjes. Sipas Silvanës, aparati është vjedhur në Morgun e Tiranës dhe kërkon që ti rikthehet, pasi ky aparat kushton rreth 4000-5000 euro. “Kam shkuar në Senatorium dhe më kanë thënë se aparati ka vajtur në Morg.

Më pas shkova në Morg dhe kërkova informacion. Më ka pritur juristi i cili ka marrë në telefon znj. Katrina Pepkolaj, e cila ka edhe emrin në procesverbal. Kjo zonjë i tha juristit se të gjitha sendet personale i ka futur në arkivol. Por, nëse do të ishin, duhet të shënoheshin në këtë procesverbal” përfundon Silvana. Pas denoncimit, gazetarët e emisionit “Fiks Fare” interesohen në Spitalin “Shefqet Ndroqi” dhe në Morgun e Tiranës, se ku përfundoi aparati B PAP, që kishte i ndjeri Ferit Kasa në momentin që ndërroi jetë në spitalin COVID 2. Te Senatoriumi, infermierë dhe mjekë pohojnë se sipas procesverbalit, pajisja e oksigjenit B PAP është dorëzuar në Morgun e Tiranës. Sipas tyre, vjedhja mund të ketë ndodhur pikërisht në në Morg.

Shefi i Morgut: Unë nuk pash pajisje B PAP, nuk është në arkivol

Fiksi iu drejtua pikërisht Morgut. Shefi i këtij institucioni, Azem Lamaj thotë se pajisja e oksigjenit dhe sendet personale janë futur në arkivol. Më pas, i tregojmë procesverbalin e mbajtur në Morgun e Tiranës. Ai ndryshon qëndrim dhe pohon se ka qenë ai që ka dorëzuar trupin e të ndjerit familjarëve si dhe sendet personale të tij. Pohon gjithashtu se shkrimi në procesverbal është i tiji dhe se pajisja B PAP e oksigjenit e të ndjerit nuk i është dorëzuar familjarëve. I pyetur se ku përfundoi kjo pajisje ai thotë se nuk ia ka idenë, por i drejton gazetarët të pyesin në Senatorium. Pasi gazetarët i tregojnë se kanë pyetur atje, ai “ngre supet”. “Unë nuk e kam parë atë pajisje. Kam futur në arkivol ato që kam shkruar në procesverbal. Pajisjen B PAP nuk e kam parë” thotë ai. Në fund, na firmos edhe kopjen e procesverbalit që ne i tregojmë, duke konfirmuar se pajisja nuk i është dhënë familjarëve dhe nuk është futur në arkivol.

Po ku shkoi? Fiksi interesohet edhe te agjencia funerale në Librazhd që ka tërhequr trupin e të ndjerit nga Morgu i Tiranës. Gazetarët takojnë pronarin, i cili thotë se nuk ka marrë asnjë pajisje të tillë. “Absolutisht jo, as në arkivol dhe as i është dhënë familjarëve apo shërbimit funeral” thotë ai, ndërsa tregon edhe një arkivol, ku pohon se nuk ka mundësi që të jetë futur, pasi pajisja ka një peshë dhe gjatësi të caktuar.

Prokuroria: 4 muaj e gjysmë dosjen në sirtar!
Vajza e të ndjerit, Silvana thotë se çështjen e ka denoncuar në Prokurorinë e Tiranës në datën 2 shtator 2020. “Kam shkuar në Prokurorinë e Tiranës dhe kam dorëzuar kallëzimin penal ndaj Katrina Pepkolaj, personit përgjegjës dhe Morgut të Tiranës. Kam pritur disa javë dhe asnjë informacion. Kam shkuar në muajin dhjetor dhe më kanë thënë se çështja është akoma në zyrën e drejtueses së Prokurorisë së Tiranës dhe nuk është marrë nga prokurorët për hetime të mëtejshme” thotë ajo. Fiksi interesohet në Prokurorinë e Tiranës se çfarë është bërë me këtë kallëzim. Fillimisht, gazetarët e emisionit investigativ pyesin nëse ka një kallëzim nga zonja Silvana Kasa, e cila ka kallëzuar Katrina Pepkolaj dhe Morgun e Tiranës. Pasi e verifikojnë, sekretaret i kthejnë përgjigje se nuk ka asnjë çështje nën hetim apo të regjistruar me këto emra; kallëzuesin, të kallëzuarën apo Morgun e Tiranës. Më pas, pasi marrim një numër protokolli që kallëzimi është dorëzuar në fillim të muajit shtator 2020, i drejtohemi sërish sekretarisë së Prokurorisë së Tiranës. Kësaj herë, sekretaret thonë se ky kallëzim është ende në zyrën e drejtueses së Prokurorisë së Tiranës dhe nuk është hedhur shorti. Pra, nuk i ka kaluar asnjë prokurori dhe nuk po bëhen hetime. Për 4 muaj e gjysëm, dosja është ende “pezull”!

***

Spitali “Shefqet Ndroqi”, Tiranë

Fiksi – Shiko tani si është problemi. Ka vdekur një kushëriri im dhe e kanë shoqëruar në Morg me çfarë ka pasur me vete.
Doktoresha – Të mungon ndonjë gjë ty?
Fiksi – I ka munguar aparati i B PAP – it! Ka vajtur nga këtu në Morg me gjithë aparat, atje nuk ia kanë dhënë. Dhe ata thonë që nuk ia keni dhënë ju, prandaj desha ta takoj atë se ajo e ka shoqëruar dhe ajo ka firmosur.
Doktoresha – Po nëse është në procesverbal…
Fiksi – Ajo ka firmosur (infermierja) dhe unë atë doja.
Infermierja tjetër – Në procesverbal është atje?
Fiksi – Në procesverbal është që është dorëzuar.
Infermierja tjetër – Të mbajë përgjegjësi Morgu, se atje është dorëzuar.
Doktoresha – Se ka mbajtur procesverbal, atje Morgu…
Fiksi – E kemi procesverbalin ne, ato thonë që nuk e ka dhënë “Shefqet Ndroqi”, e ka firmosur ajo që e ka dorëzuar.
Doktoresha – Jo, jo s’ka shanse. Unë shkruaj emër mbiemër, dhe i firmos ai atje!

Instituti i Mjekësisë Ligjore, Tiranë

Punonjësja e IML-së – Unë jam punonjëse e Institutit të Mjekësisë Ligjore. Më thuaj pak a shumë punën.
Fiksi – Tani, problemi është, është tërhequr trupi nga Morgu. Në momentin që është dorëzuar trupi ka qenë Katrina që ka firmosur te procesverbali dhe në momentin që është tërhequr trupi, mungojnë…
Punonjësja e IML-së – Atëherë, me këtë nuk ke punë fare me Institutin e Mjekësisë Ligjore.
Fiksi – Unë pyeta ku e ka hyrjen Morgu.
Punonjësja e IML-së – Do flasësh me shefin (e Mogut), me Azemin. Me Shefin e Morgut, se ne nuk kemi lidhje fare me atë, jemi institucion më vete.

Shkojmë te Morgu

Fiksi – Po kërkoja që të flisja me këtë personin që ka bërë këtë procesverbalin.
Shefi i Morgut Azem Lamaj – Ëhë.
Fiksi – Po më thanë që nuk është se ka qenë turni i tretë. Më thanë që ju jeni shefi.
Shefi i Morgut Azem Lamaj – Po.
Fiksi – Tani unë dua ta sqaroj këtë muhabet dhe ta zgjidh çështjen. Tani, nga procesverbali ku është pranuar trupi.
Shefi i Morgut Azem Lamaj – Po.
Fiksi – Nga mjetet që janë dorëzuar nga infermierja që është këtu dhe nga procesverbali i tërheqjes së trupit…
Shefi i Morgut Azem Lamaj – Po, këtë e kam bërë unë.
Fiksi – E ke bërë ti?
Shefi i Morgut Azem Lamaj – Po, po, po.
Fiksi – Mua më mungon aparati i B PAP-it!
Shefi i Morgut Azem Lamaj – Tani, të mundohemi të jemi shumë korrekt.
Fiksi – Patjetër.
Shefi i Morgut Azem Lamaj – Këtu thotë në datën 01.09, ora 08.00, shtetasi Ferit Beqir Kasa, 1950. Skeda e vdekjes.
Fiksi – Po, po.
Shefi i Morgut Azem Lamaj – Telefoni dhe rrobat personale u vendosën në arkivol dhe refuzon familjari ti marri. Aparati mund të jetë brenda…
Fiksi – Nuk është e shkruar. Aparati nuk ka qenë.
Shefi i Morgut Azem Lamaj – Në arkivol, refuzon familjari ti marri rrobat. Dhe e kam shkruar këtu dhëndëri Librazhd. Për gjëra të tjera më të detajuara mund të shkoni te Senatoriumi.
Fiksi – Isha, tani sa erdha.
Shefi i Morgut Azem Lamaj – Kjo është ajo që kemi ne këtu. Ke bërë shumë mirë që e ke marrë.
Fiksi – Tani, unë isha në Senatorium, takova infermieren. Sipas procesverbalit të datës kur është dorëzuar trupi këtu nga infermierja, aparati i B PAP-it është dorëzuar bashkë me sendet personale, me telefon, me rroba trupi etj. Kur është tërhequr, aparati B PAP-it nuk ka qenë! Janë hapur dhe kamerat dhe aparati i B PAP-it nuk ka qenë.
Shefi i Morgut Azem Lamaj – Nuk di ça të them për Zotin. Unë kam dorëzuar ato që kam parë.
Fiksi – Çfarë ke dorëzuar, meqë ti e ke bërë këtë? Se në këto që ke shkruar ti, aparati i B PAP-it nuk ka qenë.
Shefi i Morgut Azem Lamaj – Unë nuk kam parë aparat B PAP-i! E kupton, kam parë rrobat.
Fiksi – Kjo zonja, Katrina Pepkolaj që ka tërhequr trupin, ka marrë sendet personale dhe ka shkruar edhe aparatin e B PAP-it, të oksigjenit.
Shefi i Morgut Azem Lamaj – Po.
Fiksi – Ti kur e ke dorëzuar trupin, ke shkruar këto, aparati B PAP-it nuk ka qenë.
Shefi i Morgut Azem Lamaj – Unë kam shkruar ato që kam parë.
Fiksi – Dmth, aparatin nuk e ke parë?
Shefi i Morgut Azem Lamaj – Nuk e kam parë! Derisa kam shkruar telefon e rroba personale, kam shkruar edhe detaje…
Fiksi – Pikërisht pra, janë futur në arkivol se janë refuzuar nga dhëndëri. Ti personalisht aparatin e B PAP-it nuk e ke parë?
Shefi i Morgut Azem Lamaj – Jo, jo, jo.
Fiksi – Aparati i B PAP-it ka humbur këtu brenda, pasi është dorëzuar trupi, këtë dua unë të di.
Shefi i Morgut Azem Lamaj – Nuk e di, këtë s’mund ta di se këtu ka kufoma…
Fiksi – Nuk e vë në dyshim fare unë këtë, unë prandaj desha të flisja me Katrinën.
Shefi i Morgut Azem Lamaj – Nuk e di.
Fiksi – Se ky aparati B PAP-it që ka qenë, është marrë me qira. Ky aparat kushton 5 mijë euro. Është marrë me 150 euro në muaj qiraja.
Shefi i Morgut Azem Lamaj – Nuk e di për Zotin, unë s’kam parë. Këto që kam parë, kam shënuar datën, orën e saktë. Biles kam saktësuar që refuzon familjari t’i marrë rrobat. Nuk mund të jap diçka tjetër përveç kësaj që lexoj. Mbaj mend vetëm çfarë shkruan letra. Se po të kishte ardhur pa letër, do të kisha kërkuar procesverbalin.
Fiksi – Unë ndaj e solla.
Shefi i Morgut Azem Lamaj – Shumë mirë ke bërë, atë aparatin edhe se kam pa edhe nuk e kam shënuar këtu.
Fiksi – Ju ka ndodhur herë të tjera që kanë humbur sende personale këtu në Morg dhe kanë qenë persona të tjera si puna jonë që kërkojnë?
Shefi i Morgut Azem Lamaj – I kemi zgjidh të tëra, krejt në rregull. Të gjitha rastet i kemi zgjidh, sepse ato që kanë ardhur këtu ne i kemi shënuar. Ato që kemi shënuar, i kemi dorëzuar. Mund të përjashtoj, mund të ketë…
Fiksi – Dmth ka humbur këtu brenda, kjo është.
Shefi i Morgut Azem Lamaj – Këtë s’mund të them motra ime, s’mund të vë dorën në zjarr.
Fiksi – Dikush e ka marrë.
Shefi i Morgut Azem Lamaj – Unë kam dorëzuar këto që kam shënuar aty. Kam dorëzuar kufomën, skedën, telefonin, rrobat. Edhe kaq. Pastaj ka pasur atë, unë s’mund… s’mund të ashtu…
Fiksi – Azem?
Shefi i Morgut Azem Lamaj – Po.
Fiksi – Kush?
Shefi i Morgut Azem Lamaj – Lamaj, jam shefi i Morgut. Ato që duhen janë këtu (te procesverbali) të shënuara.
Fiksi – Jo, jo se nuk është emri jot këtu.
Shefi i Morgut Azem Lamaj – Ja moj ti. Të prish punë ta firmos?
Fiksi – Absolutisht, ajo fotokopje është po më duhet emri dhe firma jote.
Shefi i Morgut Azem Lamaj – (Firmos procesverbalin) Ky është shkrimi im, dhe s’mund ta mohoj unë që kjo pjesa këtu (në procesverbal) është e imja.

LEXO EDHE:  Grabiti me armë e dhunë në disa qytete të Shqipërisë/Arrestohet “i tmerrshmi” i bizneseve

LEXO EDHE:  5 apartamente dhe miliona lekë investime luksi/ KPA, “paketon” prokurorin tek Prokuroria e Përgjithshme

***

Bisedë me pronarin e shërbimit funeral në Librazhd

Gazetari – Ti e more në datën 1 (shtator 2020)?
Pronari i shërbimit funeral – S’e mbaj mend sa ka qenë data, unë në Morg e mora. Po nuk ka shans, se ky (na tregon një arkivol) është çik më i madh, ka qenë më i vogël ai
Gazetari – Nuk ka qenë thua?
Pronari i shërbimit funeral – Më thuaj mua ku do futet?! Aparati është 40 me 50, është sa gjysma e atij.
Gazetari – Ti nuk ke marrë në makinën tënde asnjë lloj aparati?
Pronari i shërbimit funeral – Jo, vetëm kufomën.
Gazetari – Vetëm kufomën! S’ke marrë asnjë lloj aparati, asnjë lloj gjëje.
Pronari i shërbimit funeral – Jo, jo vetëm arkivolin e kam futur në makinën e varrimit dhe kam ardhur në Polis. Biles varrimin e kemi bërë direkt. Përmasat e atij janë, nuk ka rëndësi pesha, përmasat. Se po të hyjë trupi këtu dhe të mbyllet kapaku, nuk ka shans.
Gazetari – Po çfarë, ku ka shkuar, çfarë mund të jetë bërë?
Pronari i shërbimit funeral – Ku mund të shkojë tjetër!
Gazetari – E kanë vjedhur thua?
Pronari i shërbimit funeral – Nuk e di, sss normalisht që e kanë marrë, më kupton.
Gazetari – Ti s’ke marrë gjë?
Pronari i shërbimit funeral – Kam marrë vetëm kufomën me arkivolin dhe e kam çuar direkt në varreza. Kemi bërë varrimin.

Prokuroria e Tiranës asnjë hetim prej 4 muajsh e gjysëm

Fiksi – Të shkoj pak te sekretaria?
Punonjësi i prokurorisë – Për çfarë?
Fiksi – Dua thjesht të pyes kush e ka marrë çështjen, kush prokuror është. A ka nis apo jo si çështje? Se s’kam asnjë lloj informacioni. E ke aty denoncimin (emrat e kallëzuesit dhe të kallëzuarve). E ka denoncuar për vjedhje, Katrina Pepkolaj.
Punonjësi i prokurorisë – (Telefonon sekretarinë) Katrina Pepkolaj, Pepkola. S’del asnjë gjë.
Fiksi – Nuk del asnjë gjë?
Punonjësi i prokurorisë – Pyet njëherë me çfarë e ke sjellë.
Fiksi – Këtu nuk ka asnjë çështje?
Punonjësi i prokurorisë – Jo, s’ka (me persona nën hetim apo të pandehur).

Pasi marrim një numër protokolli nga familjarët, interesohemi sërish

Fiksi – Më dhanë një numër protokolli, 3764-5. 3 shtator 2020.
Punonjësi i prokurorisë – (Interesohet te sekretaria) Me postë…
Fiksi – Ka ardhur këtu, e ka bërë personalisht këtu.
Punonjësi i prokurorisë – Ka ardhur këtu.
Fiksi – Ça thonë?
Punonjësi i prokurorisë – Nuk është ndarë… te prokurori, është te zyra e shefes.
Fiksi – Te zyra e shefes! Nuk dini gjë se kur mund të hidhet (në short)? Që nga shtatori?
Punonjësi i prokurorisë – S’di.
Fiksi – S’dihet asnjë gjë.

LEXO TE PLOTE

Denoncim

Stop/ Skandali i ri, shkon të shërohet nga Covidi, por vdes dhe grabitet në spital

Publikuar

-

Nga

U hodh nga kati i tretë i Infektivit/ Pacienti me Covid kurohej prej një jave

Sonte emisioni “Stop” trajton sonte një tjetër skandal në sistemin shëndetsor.

Një pacient është shtruar në spital, për t’u kuruar nga covid 19, por ai ka ndërruar jetë pak ditë më pas. Familjarët denoncojnë, se pacienti është grabitur në spital, kur ishte në kushte intubimi. Ata tregojnë, se i janë drejtuar organeve kompetente, por asgjë nuk është bërë, ndaj emisioni “Stop” i ka mbetur si shpresa e vetme.

Ky skandal i ri vjen, kur ende nuk është shuar jehona e “Tires së Sanatoriumit”, që i mori miliona lekë vajzës së një pacienteje, për t’u kujdesur për të ëmën.

LEXO EDHE:  Plas skandali në bankën më të madhe daneze/ Shefi ekzekutiv jep dorëheqjen

LEXO EDHE:  Grabitja e argjendarisë në Elbasan/ Kush është autori i dyshuar

Por kjo e fundit ndërroi jetë, dhe sic i thoshte të bijës, e linin pa bukë e ujë në spitalin “Shefqet Ndroqi”.Për më shumë detaje, mos e humbisni emisionin e sotëm “Stop” në orën 20.10 në ekranin e TV Klan./CNA.al

LEXO TE PLOTE