Kronika
Tragjike/ Gruaja hidhet nga pallati, ndërron jetë në vend
Një ngjarje e rëndë ka ndodhur rreth mëngjesit të sotëm në Fier, ku një grua rreth 42 vjeçe, është hedhur nga kati i tetë i pallatit dhe ka ndërruar jetë në vend.
Një ngjarje e rëndë ka ndodhur mëngjesin e sotëm në Fier. Abcneës.al mëson se një grua 50 vjeçe është hedhur nga kati i 8-të, ndërsa ka ndërruar jetë në vend.
Policia bën të ditur se ngjarja ka ndodhur rreth orës 09:35, në lagjen “16 Prilli”, Fier, ndërsa viktima është shtetasja B.Sh, 42 vjeçe.
Sipas familjarëve kjo shtetase është hedhur vetë nga taraca, pasi ka pasur shenja depresioni.
Në vendngjarje ka shkuar grupi hetimor dhe po kryhen veprimet hetimore për zbardhjen e plotë të rrethanave të ngjarje./ CNA.al
Kronika
Hidhet nga kati i pestë/ Humb jetën 56 vjeçari në Fier
Një ngjarje e rëndë ka ndodhur paraditen e sotme në Fier.
Dyshohet se një person është vetëhedhur nga kati i pestë i pallatit dhe ka ndërruar jetë shtetasi
“Sot rreth orës 10:30, në lagjen “Kryengritja”, Fier, dyshohet se është vetëhedhur nga kati i pestë i pallatit dhe ka ndërruar jetë shtetasi P. Sh., 56 vjeç, i cili vuante nga probleme të shëndetit mendor. Grupi hetimor po kryen veprimet proceduriale për zbardhjen e plotë të ngjarjes”, njofton policia./CNA.al
Kronika
Foto-Shkrumbohet një makinë në Tiranë
Një makinë është shrkumbuar nga flakët sot në Tiranë
Mësohet se ngjarja ka ndodhur pranë qendrës “Kristal”, ndërsa nuk ka persona të lënduar. Mjeti tip “Benz A Class”, me targa AA 110 GT është përfshirë nga flakët dhe me gjithë ndërhyrjen e zjarrikësve është djegur plotësisht.
Policia ndodhet në vendin e ngjarjes dhe ka nisur hetimet./CNA.al
Kronika
I shpallur në kërkim për dy vepra penale/ Arrestohet 47 vjeçari
Policia e Tiranës ka vënë në pranga një 47 vjeçar i cili ishte shpallur në kërkim për veprën penale “Armëmbajtje pa leje” dhe “Përkrahja e autorit në krim”.
Sekuestrohen 1 armë zjarri dhe municion luftarak.
Në vijim të punës për kapjen e personave të shpallur në kërkim kombëtar dhe vënien e tyre përpara përgjegjësisë penale, nga shërbimet e Komisariatit Nr. 4, në bashkëpunim me shërbimet e Komisariatin e Policisë Nr. 5, u bë kapja dhe ekzekutimi i urdhrit të ndalimit për shtetasin A. K.,. 47 vjeç, të cilit Gjykata e Rrethit Gjyqësor Tiranë i ka caktuar masën e sigurisë “Arrest në burg”, për veprat penale “Armëmbajtja pa leje” dhe “Përkrahja e autorit në krim”.
Ky shtetas, më datë 19.01.2021, ka marrë dhe ka fshehur armën e zjarrit me të cilën shtetasi S. T. (i arrestuar po në atë datë) ka kanosur shtetasin P. Ll.
Gjatë kontrollit fizik, shtetasit A. K. iu gjet dhe u sekuestrua arma e zjarrit e dyshuar e përdorur në ngjarjen e datës 19.01.2021, si dhe disa fishekë.
Materialet i kaluan Prokurorisë së Rrethit Gjyqësor Tiranë, për veprime të mëtejshme./CNA.al
