Connect with Us

Shqipëria më e korruptuara e Ballkanit/ 90% nuk besojnë te politika dhe sistemi i drejtësisë

Sociale

Shqipëria më e korruptuara e Ballkanit/ 90% nuk besojnë te politika dhe sistemi i drejtësisë

Publikuar

-

Shqipëria shënoi regresin më të madh në rajon në perceptimin e korrupsionit në vitin 2020 në raport me vendet fqinjë.

Barometri i Ballkanit i këtij viti tregoi se, perceptimi për korrupsionin shënoi rritje të dukshme në Shqipëri për të nëntë sektorët kryesorë me 2019 ne raport me 2018, ku mbizotëronin ryshfetet nga 13-45 % për të gjitha institucionet.

Shqipëria paraqitet me besimin më të ulët ndaj institucioneve. 90 për qind e të anketuarve besojnë se politika  dhe sistemi i drejtësie është i korruptuar. Kjo përqindje është pak më e ulët në rajon. Gjithashtu 80 % e shqiptarëve mendojnë se doganat janë të korruptuara dhe 77% e tyre mendojnë se sistemi shëndetësor është i korruptuar. Si më pak të korruptuarat kudo në rajon paraqiten ushtria, shërbimet fetare, Organizatat Joqeveritare.

Gati gjysma e popullsisë, 45% raportojnë se kanë paguar ryshfet për shërbimet në shëndetësi. Pagesat nën dorë për mjeket ishin më të lartat në Rajon teksa shihet se në vendet e tjera, si Maqedonia, Bosnja, Mali i Zi, Serbia  dhe Kosova ky tregues është nga 9 ne Maqedoni në maksimumi 15 % në Bosnjë (shih tabelën e mëposhtme).

Një e pesta e popullsisë në Shqipëri ka pohuar se ka dhënë ryshfet ndaj individëve të gjyqësorit dhe drejtësisë, 16 % kanë paguar dhurata dhe korrupsion për policinë. Në vendet e tjera ta Rajonet pagesat e ryshfetit për drejtësinë dhe policinë janë në intervalin e 1-4% te të anketuarve.

LEXO EDHE:  Tritan Kalo “shkund” politikën/ Deklarata “bombë”: Po na çorodisin shërbëtorët e OBSH, ndërsa virusi vijon të hedhë valle

Shqipëria ka bërë hapa pozitiv vetën në korrupsionin ndaj shërbimeve bashkiake të cilat nga 13 për qind në vitin 2018 ranë në 8% në vitin 2019.

Ndërkohë, Bosnja dhe Hercegovina ka rritje të korrupsionit në shtatë nga nëntë kategoritë. Mali i Zi është në skajin tjetër të shkallës me më pak raste të regjistruara të ryshfeteve që paguhen në shtatë nga nëntë kategoritë në shqyrtim.

Indeksi i korrupsionit u përhap gjerësisht kudo në rajon, duke arritur në 31% më 2019 nga 26% që ishte me 2018.

Ka një rritje të dukshme në perceptimin e korrupsionit ndaj institucioneve. Pjesa  dërrmuese e sektorëve, organizatave dhe institucioneve të shqyrtuara konsiderohen të korruptuara nga një shumicë dërrmuese e të anketuarve.

Kudo në rajon kriza e besimit në sistemin e sundimit të ligjit rëndon mbi gjyqësorin që konsiderohet i korruptuar nga rreth 80% e të anketuarve, te dytat vijnë për partitë politike (82%).

Në Shqipëri sistemi i arsimit ka marrë një vlerësim me pozitiv për korrupsionin se në vendet e tjera të rajonit./Monitor

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Sugjerimi i mjekut Pipero/ Maska edhe në mjedise të hapura

Publikuar

-

Nga

Sugjerimi i mjekut Pipero/ Maska edhe në mjedise të hapura

Mjeku Pëllumb Pipero ka komentuar në “FaxNews” shifrat shqetësuese të rasteve me Covid në vendin tonë, si dhe pacientët e shtruar në spitale.

Sipas Piperos ka një lloj shkujdesjeje nga ana e qytetarëve në raport me virusin, ndërkohë që mjekët janë duke u përballur me një situatë  gati dramatike.

“Informacioni që u jepet qytetarëve duhet të jetë zyrtar, është detyrim ligjor komunikimi me gazetarët. Natyrisht që shifrat janë shqetësuese, në rritje të qendrueshme, çka tregon se jo vetëm kemi ekspozim të shtuar, për shkak të lëvizjeve, apo pushimeve, një lloj shkujdesje që duket jashtë dyerve të spitaleve, ku ka ende njerëz që nuk besojnë. Ndërkohë që është situata brenda spitaleve, ku mjekët kanë një përballje mbi njerëzore”, u shpreh Pipero.

Sa i takon muajve të dimrit, Pipero tha se padyshim që do të ketë një situatë më të vështirë në spitale, pasi mund të ketë dhe pacientë që preken nga viruset stinore, dhe që kanë nevojë për trajtim spitalor.



Sipas Piperos do të ishte e mirë që maska të bëhej e detyrueshme dhe në ambiente të hapura, që qytetarët të mësoheshin me përdorimin e saj, veçanërisht në qytetet ku ka një numër më të madh popullsie.

LEXO EDHE:  Ambasada italiane mesazh palëve politike/ Shmangni retorikën provokuese

LEXO EDHE:  "Biznesi, në luftë për mbijetesë"/ Basha akuza qeverisë: Shqipëria, kryeqendra e krimit në Ballkan

“Situata në muajt e dimrit, padyshim që do të jetë më shqetësuese, për shkak se do kemi edhe viruse të tjera, siç është gripi i zakonshëm. Ne duhet të jemi të përgatitur, që me qarkullimin e virusit stinor do të kemi një rritje të mëtejshme të numrave. Unë kam qenë kundërshtar i maskës në mjedise të hapura, them dhe kërkoj që maskën secili duhet ta vendos tashmë dhe në rrugë, maska duhet të bëhet detyrim ligjor dhe në mjedise të hapura, veçanërisht në qytetet ku ka një popullim të madh njerëzish”, tha mjeku.

Ndërkohë, i pyetur për mjekimet që mund të përdorin në shtëpi, pacientët e prekur me Covid, Pipero tha se nuk duhet të merret asnjë medikament pa këshillën e mjekut të familjes apo specialistëve.

Sipas Piperos, vetëm në rast se kanë tre ditë me temperaturë më të lartë se 38 gradë celsius, personave të prekur mund tiu rekomandohet përdorimi i medikamenteve, por asnjëherë me mendjen e tyre dhe nga farmacistët. /CNA.al

LEXO TE PLOTE

Sociale

Radhë e gjatë në Kakavijë/ Qytetarët në pritje për të bërë tamponin

Publikuar

-

Nga

Radhë e gjatë në Kakavijë/ Qytetarët në pritje për të bërë tamponin

Radhë të gjata me qytetarë janë krijuar në pikën kufitare të Kakavijës.

Shkak i kësaj situate është bërë marrja e tamponëve nga pala greke në këtë pikë doganore. Çdo person, para se të futet në tokën helene, i merret tamponi si dhe të adresa dhe numri i telefonit.



Kujtojmë se pikat kufitare të Kakavijës dhe Kapshticës janë të mbyllura nga ora 22:00 deri në orën 06:00 që prej 6 gushtit./CNA.al

LEXO TE PLOTE

Sociale

Foto-Meta në aktivitetin e Shkodrës/ Kërcet vallja, s’ respektohet asnjë masë anti Covid

Publikuar

-

Nga

Presidenti Ilir Meta ka qenë sot në Shkodër ku ka marrë pjesë në Panairin e Artizanatit.

Meta ka publikuar  foto nga aktiviteti në Shkodër, ku merrte pjese edhe kryebashkiakja Voltana Ademi si dhe një numër i madh qytetarësh. Mirëpo, ajo që bie në sy është grumbullimi i njerëzve në këtë kohë pandemie dhe mosrespektimi i masave anti Covid.



As Meta dhe as Ademi nuk kishin vendosur maska, ndërsa distanca sociale nuk është respektuar aspak. Madje nuk kanë munguar as vallet gjatë këtij aktiviteti, ku kapja dorë për dore mes vallëtarëve mund të jetë burim infeksioni.
Presidenti Meta është ai që shpesh herë bën thirrje për respektim të masave për parandalimin e Covid, ndërsa në këtë rast nuk i ka respektuar as vetë.

LEXO EDHE:  “Ikja e trurit”/ Banka Botërore jep alarmin

LEXO EDHE:  Tërmeti që shëmbi kufijtë

Kujtojmë se Shkodra është një nga vatrat e nxehta të Covid, nga ku janë regjistruar një numër i madh të infektuarish./CNA.al

LEXO TE PLOTE