Këlliçi denoncon “krimin” në Durrës/ “Dhjetëra biznese gjobiten me mbi 10 milionë lekë”

18 Qershor 2020, 18:44, Denoncim CNA
Këlliçi denoncon “krimin” në Durrës/

Kreu i FRPD-s, Belind Këlliçi, ka denoncuar atë që ai e quan krim mbi bizneset në kohë pandemie.

Këlliçi deklaron se dhjetëra biznese janë gjobitur me mbi 10 milionë lekë, ndërsa thotë se në këtë mënyrë qeveria po e rëndon më shumë situatën ekonomike të qytetarëve.

Sipas tij, misioni i Ramës është shpopullimi i gjithë Shqipërisë dhe largimi i çdo njeriu që punon në mënyrë të ndershme.

?Në Durrësin e tërmetit, pandemisë, lungomares së shkatërruar dhe mungesës së turizmit po ndodh një krim edhe më i madh! Me dhjetëra gjoba mbi 10 milionë lekë janë vendosur mbi bizneset duke e rënduar akoma edhe më shumë situatën ekonomike të qytetarëve. Këta nuk janë njerëz! Ky është një veprim kriminal që bëhet me qëllimin e vetëm për t’ia shuar shpresën njerëzve se ky vend do të bëhet. Misioni i këtij sekti mafioz është shpopullimi i gjithë Shqipërisë dhe largimi i çdo njeriu që punon në mënyrë të ndershme.

Me çfarë llogjike vendosen këto gjoba kur vendi është në kufirin e skamjes, kur njerëzit po punojnë vetëm për bukën e gojës, kur njerëzit po punojnë sot për nesër, vetëm sa për të mbijetuar? Kush ka një logjikë racionale e normale për te shpjeguar kë sjellje kriminale të qeverisë ndaj biznesit?!? shkruan ai në rrjetet sociale./ CNA.al

Lajmet e fundit nga