LEXO PA REKLAMA!

SHKARKO APP

Turi dhe Besa si testi i qeverisë për Shqipërinë natyrale që ëndërron Rama

15 Qershor 2020, 10:15, Politikë CNA
Turi dhe Besa si testi i qeverisë për Shqipërinë natyrale

Ka një analizë të rëndësishme që duhet bere, ne lidhje me rastin “Turi” dhe fenomenin “Besa” nën qeverisjen e Ramës.

Së pari duhet të sqarojmë që pyetja për Turin, nuk është e vetmja pyetje e testit të gjuhë-letërsisë që shkaktoi habi për ata që thjeshtë e lexuan dhe shkaktoi protesta nga ata që do e vuajnë rezultatin e atij testi.

Po aq idiote psh është edhe pyetja që lidhet me ca reklama parku lojrash dhe ku psh “barka” nuk është me “barkë” por bëhet “varkë”! Edhe atje opsionet janë qesharake dhe dukshëm janë kopjuar nga ndonjë test për nivelin e gjuhës angleze, pa lidhje me letërsinë e më pas, sikur të mos mjaftonte, janë përkthyer edhe keq.

Së dyti është e dhimbshme kur dëgjon që maturantët cilësohen si politikë nga shoqja Besa.

Pika që nuk të bie moj Besa!

Dëgjoni mirë o socialista dhe hapini veshët mirë!

Ata akuzohen si opozitarë nga një personazh që e quan veten mazhorancë!!!!!

Pika që nuk u bie o socialista kudo ku ndodheni!

Po si mundet që Besa ta ndjejë veten mazhorance në këtë vend? Po kush ka votuar për Besen mo anan!

Po kush e……voton Besen mo aman!

Po ku di Besa se ku fillon mazhoranca e ku mbaron opozita në këtë vend?!

Po çfarë lidhje ka Besa me elektoratin e majtë që voton rregullisht PS, apo me atë gri që ndërron mendje her pas here me shpresën që ky vend mund të bëhet!

Nëse Besa do kishte lidhje me votuesit shqiptarë qoftë edhe me 300 prej tyre, do ndjente aq përgjegjësi më së paku do ulej e të lexonte çfarë kanë katranosur ato tre gratë e liga te QSHA.

Po Besa nuk ka arsye që ta bëjë këtë!

Ajo nuk është ulur në atë karrige sepse ka votat. Është ulur si pjesë e një eksperimenti idiot që Kryeministri Rama ka vendosur të bëjë me gjithë shqiptarët e Shqipërisë, duke përdorur votat e atij grupi parlamentar që ka dalë nga votat e 30% të shqiptarëve.

Besa ashtu si Turi është pjesë e eksperimenteve të çmendura që një koke pa skema ka prodhuar për shqiptarët.

Turi nuk është thjesht një personazh i vjedhur nga një test provë për nivelin e gjuhës angleze, për ata që anglishten nuk e kanë gjuhën e nënës. I palidhur me një test që duhet të testojë gjuhë-letërsinë.

Xhein (e testit të anglishtes) nuk është thjesht një personazh i vjedhur nga një test matematike sipas një logjike matematike angleze. E palidhur me një provim që duhet të testojë anglishten.

Besa është personazhi i vjedhur nga shqiptarët e Kosovës, nga një realitet politik, elektorat dhe histori kapaciteti shtetformues të ndryshme nga Shqipëria. E palidhur askund me voten e shqiptarëve të Shqipërisë.

Turi dhe Besa janë modeli i Shqipërisë naturale që ka në kokë Kryeministri Rama.

Të asaj Shqipërie ku askush nuk bën atë që di, askush nuk bën atë që duhet, gjjthkush beson se duke vjedhur deri edhe pyetje për një provim mature mund të hedhësh lumin e të justifikosh rrogën.

Është modeli i kaosit social që sot ka nxjerrë në rrugë maturantët. Ata janë shpresa e fundit e këtij vendi.

Por dhe ata nuk po luftojnë për ta bërë këtë vend.

Protestojnë se u ka ardhur shpirti në gojë.

Ajo notë sot nuk u duhet më për ta bërë këtë vend.

Ajo notë u duhet sot më shumë se kurrë për ta braktisur përfundimusht këtë vend.

FATKEQËSISHT!/ CNA.al

Lajmet e fundit nga