Kronika
Sekuestrimi i miliona eurove në Durrës/ Zbardhet dëshmia e shoferit të arrestuar
Është zbardhur dëshmia e shoferit të kamionit ku u sekuestruan miliona euro të padeklaruara sot në portin e Durësit.
Sipas asaj që shkruan ABC neës, shoferi i kamionit ku u sekuestruan rreth 2.6 milionë euro, Andon Thanasi, ka deklaruar se nuk ka dijeni për paratë e gjetura në mjetin që drejtohej prej tij.
Ai është shprehur se bën transportin dhe nuk e di se çfarë ka në pjesën e pasme të kamionit.
Policia ka nisur hetimet për të mësuar se nga ku është nisur kjo ngarkesë dhe kush ishte destinacioni i saj.
Ndërkohë vijon ende numërimi i parave në Komisariatin e Policisë së Durrësit.
Paratë ishin futur në 5 qese plastmasi dhe ishin mbuluar me lëndën e parë që përdoret për prodhimin e këpucëve./CNA.al
Kronika
Makina përplas motorin në Elbasan/ Plagoset një person
Një makinë është përplasur mbrëmjen e sotme me një motor në aksin Tiranë-Elbasan, pranë rrethrrotullimit të Bradasheshit.
Mësohet se drejtuesi i motorit ka “fluturuar” në ajër dhe më pas është përplasur me bordurën.
Nga informacionet paraprake, raportohet se ai është dërguar me urgjencë për në spital, pasi ka marrë plagë të rënda në trup.
Ndërkohë, policia ka shkuar në vendngjarje dhe ka hapur hetimet për zbardhjen e plotë të aksidentit./ CNA.al
Kronika
Krimi pushton vendin/ Pas vrasjes në Elbasan, kërcet arma dhe në Korçë, një i plagosur
Pas vrasjes një Elbasan, plagosje me armë zjarri është regjistruar pak minuta më parë dhe në Korçë.
Ngjarja ka ndodhur tek zona e Pazarit, ndërsa rrethanat nuk janë ende të qarta.
I plagosuri ndodhet në spital, jashtë rrezikut për jetën ndërsa mësohet se ka marrë një plumb.
Korçë/Informacion paraprak
Më datë 11.05.2021, rreth orës 22:40, në Spitalin e Korçës, ka shkuar për ndihmë mjekësore shtetasi M. R., rreth 33 vjeç, banues në Korçë, që në rrethana ende të paqarta, dyshohet të jetë dëmtuar në fundshpinë, si pasojë e përdorimit të armës së zjarrit, i cili aktualisht ndodhet jashtë rrezikut për jetën.
Nga të dhënat paraprake, dyshohet se shtetasi M. R., mund të jetë vetëplagosur.
Grupi hetimor nën drejtimin e Prokurorisë, po vijon punën për zbardhjen e plotë të rrethanave të ngjarjes.
Kronika
Ekzekutimi i Everest Çakës/ RENEA zbarkon në Elbasan, mbi trupin e viktimës u zbrazën 10 plumba
Pas eksekutimit të Everest Çakës, RENEA ka zbarkuar në Elbasan duke rrethuar zonënë ndërkohqë që janë zbardhur edhe detaje të reja.
Mësoher se kundër shënjestrës autorët kanë qëlluar mbi 10 herë duke u siguruar që e kanë vrarë.
Dyshohet se kanë qenë dy pëersona që kanë qëlluar në drejtim të çiftit Çaka, ku ndërroi jetë 41-vjeçari ndërsa gruaja e tij Silvana mori një plumb në dorë dhe ndodhet jashtë rrezikut për jetën.
Pas ngjarjes një makinë u gjet e djegur në Golem ndërsa dyshohet se i përket autorëve./CNA.al
