Connect with Us

Ushqimet me më shumë vitaminë D/ Çfarë duhet të konsumoni

Shëndeti

Ushqimet me më shumë vitaminë D/ Çfarë duhet të konsumoni

Publikuar

-

Kur flasim për vitaminën D i referohemi një grupi të prohormoneve të tretshme në yndyrë. Këtij grupi i përkasin 5 vitamina, ato janë, vitamina D1, D2, D3, D4 dhe D5 . Dy format më të rëndësishme për trupin tonë janë vitamina D2 , e quajtur ergocalciferol , dhe vitamina D3 , e quajtur kolecalciferol.

Kolecalciferol rrjedh nga kolesteroli dhe sintetizohet në organizmat e kafshëve, ndërsa ergocalciferol është me origjinë bimore.

Është e zakonshme të mendoni se për të ngrënë më shumë vitaminë D, është e nevojshme të hani më shumë ushqime që e përmbajnë atë. Në realitet, shumica e vitaminës D sintetizohet nga trupi ynë përmes lëkurës duke u ekspozuar në diell.

Vitamina D që prezantojmë në organizmin tonë përmes ushqimit është në një formë biologjike jo aktive, për aktivizimin e tij janë të nevojshme dy reaksione hidroksilimi, për të marrë formën aktive e cila është kalcitrioli.

Përfitimet e vitaminës D

Vitamina D është thelbësore për thithjen e kalciumit dhe fosforit. Vitamina D kryen veprimin e saj mbrojtës kryesisht drejt kockave, pasi lehtëson thithjen e kalciumit. Por ky nuk është përfitimi i vetëm që sjell vitamina në fjalë.

Një përfitim tjetër i marrjes së vitaminës D është mbrojtja e tij për dhëmbët.Gjithashtu shumë i dobishëm për veprimin e tij antibakterial , stimulon sistemin imunitar , duke parandaluar shumë sëmundje infektive.

Ushqime te cilat kane vitamine D

Vitamina D, siç u përmend tashmë, thithet në dy mënyra. Sasia më e madhe e vitaminës D sintetizohet nga trupi ynë pas ekspozimit në rrezet e diellit .

LEXO EDHE:  Ushqimet e pasura me hekur, ja cilat janë

Pra, kur ndodh një mungesë e kësaj vitamine, do të ishte e rëndësishme të ekspozoheni më shumë në diell. Mënyra tjetër për të marrë këtë vitaminë është të shkoni dhe të konsumoni disa ushqime, të cilat përmbajnë vitaminë D në sasi të larta.

Vaji i peshkut , për shembull vaji i mëlçisë së merlucit është i pasur me vitaminë D.

Salmon, një peshk yndyror shumë i rekomanduar për të parandaluar mungesën e vitaminës.

Vezë.

Kërpudha.

Soje dhe soje derivatet.

Ushqim deti përfshirë midhje dhe molusqe.

Rikota, por edhe qumështi dhe produktet e qumështit në përgjithësi.

Mungesa e vitaminës D

Një mungesë e vitaminës D mund të shkaktojë një numër simptomash tek personi në fjalë.Në disa raste simptomat janë më të dukshme, në të tjera më pak. Simptomat kryesore që ndodhin janë dobësia e muskujve dhe dhimbja e kockave.

Kur mungesa është më e rëndë, simptomat dhe pasojat mund të jenë shumë më serioze. Mungesa e vitaminës D mund të lidhet me rreziqe më të mëdha si: Vdekja nga sëmundja kardiovaskulare

-Rënia njohëse te të moshuarit

-Astma e rëndë tek fëmijët

-kancer/ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

“Krim me përmasa genocidi”/ Dasho nxjerr statistikat e jetëve të humbura, thirrje për hetim

Publikuar

-

Nga

“Krim me përmasa genocidi”/ Dasho nxjerr statistikat e jetëve të humbura, thirrje për hetim

Eksperti i Shëndetit Publik, Erion Dasho ka dalë me një reagim të fortë në rrjetet sociale.

Duke iu referuar statistikave, ai shkruan se 10,200 të vdekurit shtesë që raportohen deri në 31 mars 2021 janë një akuzë për qeverinë, ministrinë dhe komitetin e ekspertëve.

Me tone të forta ai thekson se ky është një krim me përmasa genocidi dhe nuk duhet të kalojë pa u hetuar.

“10,200 të vdekurit shtesë që raportohen deri në 31 mars 2021 janë një akuzë për qeverinë, ministrinë dhe komitetin e ekspertëve.

Rreth 4,000 nga këto vdekje kanë ndodhur gjatë vitit 2021, shkaku direkt i të cilave është mosmarrja e asnjë mase parandaluese nga ana e Boratit dhe boratëve!

Asnjë qeveri europiane nuk ka kryer një krim të tillë kundër shëndetit dhe jetës së qytetarëve të vet!

Ky krim me përmasa genocidi nuk mund të kalojë pa u hetuar!”/CNA.al

 

LEXO TE PLOTE

Shëndeti

Bie ndjeshëm numri i të ifektuarve/ Dy viktima në 24 orë

Publikuar

-

Nga

Bie ndjeshm numri i të ifektuarve/ Dy viktima në 24 orë

Ministria e Shëndetësisë dhe Mbrojtjes Sociale ka publikuar të dhënat e 24 orëve të fundit sa i përket situatës së pandemisë në vendin tonë.

Sipas të dhënave mësohet se në 24 orët e fundit janë kryer 2480 testime dhe kanë rezultuar pozitivë 138 qytetarë, ndërsa janë regjistruar dhe 2 viktima.

Rastet pozitive të konfirmuara janë identifikuar në këto bashki:
43 raste në Tiranë, 12 në Shkodër, 9 në Fier, 8 në Gjirokastër, nga 7 raste në Elbasan, Vlorë, nga 4 raste në Durrës, Devoll, Kamëz, nga 3 raste në Lezhë, Lushnje, Berat, Fushë Arrëz, Skrapar, Vorë, nga 2 raste në Kukës, Mat, Shijak, Poliçan, nga 1 rast në Krujë, Korçë, Has, Kavajë, Mallakastër, Librazhd, Tepelenë, Dimal, Vau i Dejës, Divjakë, Malësi e Madhe, Roskovec, Patos, Cerrik.
Në 24 orët e fundit janë shëruar 442 qytetarë, duke e çuar numrin e të shëruarve në 101,584 që nga fillimi i epidemisë.

Aktualisht në spitalet COVID në Tiranë dhe tre spitalet rajonale po trajtohen 175 pacientë, 14 në terapi intensive, nga të cilët 3 pacientë janë të intubuar.

Me gjithë përpjekjet e stafit mjekësor, 2 qytetarë e kanë humbur betejën me COVID19: 1 qytetar nga Shkodra, 1 qytetar nga Skrapari, të moshave 71 – 75 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

LEXO EDHE:  Vuani nga veshkat?/ Ja 8 ushqimet që duhet të konsumoni patjetër

LEXO EDHE:  Denoncimi: Xhaçka gënjen ushtarakët, nuk i jep paratë e ushqimeve

Statistika (18 Prill 2021)

Raste të reja ditore 138
Të shëruar në 24 orë 442
Të shtruar në spitale 175
Humbje jete në 24 orë 2
Testime ditore 2480

Testime totale 607,688
Raste pozitive 129,594
Raste të shëruara 101,584
Raste Aktive 25,668
Humbje jete 2,342

Shpërndarja gjeografike e rasteve aktive sipas qarqeve:
Tiranë 18531
Fier 2216
Durrës 1088
Shkodër 915
Gjirokastër 913
Korçë 673
Vlorë 452
Dibër 322
Kukës 287
Elbasan 200
Berat 53
Lezhë 18

LEXO TE PLOTE

Shëndeti

Sa afër jemi gjetjes së një kure për sëmundjen e HIV-AIDS?

Publikuar

-

Nga

Sa afër jemi gjetjes së një kure për sëmundjen e HIV-AIDS?

Pak më shumë se një dekadë më parë, plot bujë studiuesit:Kishin shëruar një pacient të sëmurë me virusin HIV. I njohur si “Pacienti i Berlinit”, Timoti Rej Braun kishte nevojë për një transplant të palcës së kockave për t’u kuruar nga leuçemia akute mieloide.

Mjekët e bënë këtë duke përdorur qelizat staminale nga një dhurues me imunitet ndaj HIV të bazuar në gjenet e tij. Dhe funksionoi:Braun u shërua nga leuçemia, por edhe nga HIV. Më së afërmi, në vitin 2019, një pacient i dytë, që këtë herë po trajtohet për limfomën Hodgkin, u shërua në mënyrë të ngjashme në Londër.

Megjithëse këto janë historitë më të famshme ku pacientët janë shëruar nga HIV, trajtimet që iu nënshtruan ata përfaqësojnë një nga mundësitë mes shumë të rejave për trajtimin e virusit. Dhe kjo është njëra nga ato më pak të zbatueshmet. Kjo pasi është shumë invazive dhe tepër e rrezikshme të kryhet një transplant i palcës së kockave tek dikush që nuk ka një tumor që kërkon aplikimin e një procedure të tillë, sidomos duke marrë parasysh shumicën e pacientëve me HIV.

Në fakt, një pacient me terapi antiretrovirale, ART, ka sot të njëjtën jetëgjatësi sa një person pa HIV. Qasje të tjera të reja janë shumë premtime për një trajtim më efektiv, dhe me gjasë edhe për kurimin e HIV-it. Kjo është veçanërisht e rëndësishme, pasi jo çdo pacient reagon mirë ndaj terapisë antiretrovirale, përfshirë ata që vuajnë efektet anësore të forta si humbja e kockave dhe rënia në peshë, si dhe nga probleme të mëlçisë, veshkave apo zemrës.

“Me terapi antiretrovirale pacientit i kërkohet të marrë gjithë ato barna çdo ditë për pjesën tjetër të jetës së tij”- thotë Rajan Meknamara, virolog në Universitetin e Karolinës së Veriut, SHBA. Arsyeja se përse HIV është shumë i vështirë për t’u mposhtur, ka të bëjë me mënyrën se si virusi mund të fshihet në trup.

Kur ai sulmon, përfshihet në ADN-në e qelizës, në gjenomën e tij. Nga atje, ai merr nën kontroll punën e brendshme të qelizës për të shumuar vetveten, duke prodhuar më shumë virione të HIV-it, të cilat do të vazhdojnë të sulmojnë më shumë qeliza.

Pikërisht ato mund të ndërhyjnë tek ilaçet antiretrovirale, duke bllokuar pjesë të caktuara të këtij procesi. Por ndonjëherë HIV përfshihet në gjenomë dhe thjesht pret aty. Atje në fshehtësi, ai është i sigurt nga sistemi imunitar, por edhe nga ilaçet antiretrovirale.

Një strategji e re për ta shmangur këtë, përfshin nxjerrjen nga skutat të viruseve të tilla. Në vitin 2020, studiuesit arritën ta bëjnë këtë tek minjtë dhe tek majmunët makakë në laborator. Duke i trajtuar kafshët me një molekulë të vogël të quajtur AZD5582, ato mund të nxjerrin në pah rrugët qelizore që aktivizojnë virusin, duke e bërë atë të dukshëm për anti-retroviralët.

Aktualisht janë duke u zhvilluar të paktën 3 prova klinike tek njerëzit për të testuar efektivitetin e agjentëve të tillë. Kjo është një qasje më elegante sesa transplantimi i palcës së kockave që shëroi pacientin e Berlinit dhe atë të Londrës.

LEXO EDHE:  “Familjeve shqiptare tu sigurohet ushqimi”/ Duma: Oligarkët po kërcënojnë njerëzit me largim nga puna

LEXO EDHE:  Ushqimet e pasura me hekur, ja cilat janë

Një qasje tjetër – e cila është ndoshta e mundshme teorikisht, por ende jo praktikisht – është përdorimi i mjeteve të redaktimit të gjenit CRISPR, për të redaktuar gjenet e HIV-it jashtë gjenomit. Deri më tani studimet mbi këtë janë kryer vetëm tek minjtë.

Por nëse redaktimet e gjeneve që ndodhin në vende të padëshiruara (të njohura si efekte jashtë qëllimit) mund të mbahen në një minimum të sigurt, kjo teknikë mund të përdoret një ditë tek njerëzit. Ndoshta rruga më premtuese nga të gjitha në hulumtimet mbi HIV, thotë McNamara, është ajo e antitrupave neutralizues.

Këto shfaqen natyrshëm në sistemin imunitar të një pjese të vogël të pacientëve me HIV, infeksioni i të cilëve nuk kalon kurrë në AIDS. Studiuesit po studiojnë se si t’i shfrytëzojnë ato për të trajtuar pacientë të tjerë. HIV është i prirur për mutacione, gjë që e lejon atë ta pengojë veprimin e sistemit imunitar – dhe ilaçet retrovirale – të godasin versione specifike të virusit.

Për shumicën e pacientëve me HIV, kjo do të thotë se sistemi i tyre imunitar është gjithmonë në hiper aktivitet, duke luftuar për të shmangur një objektiv të lëvizshëm. “Është një luftë pa ndërprerje midis virusit dhe sistemit imunitar”- thotë Meknamara.

Por disa pacientë kanë një lloj të veçantë të antitrupave që është vazhdimisht efektiv. “Kur është fjala për antitrupat shumë neutralizues, virusi nuk është asnjëherë në gjendje të fitojë. Ato kryejnë shumimin e tyre”-thekson Meknamara.

Disa studiues tani po shqyrtojnë mënyrën se si mund të përdoren ato për të trajtuar dhe parandaluar HIV, ndërsa të tjerët po vëzhgojnë se si një kombinim i antitrupave neutralizues dhe jo-neutralizues mund të ketë edhe një efektshmëri kundër qelizave të fshehura.

Pra, sa afër jemi ndaj një kure për HIV? “Nëse do të më kishit pyetur 10 vjet më parë, mund të kisha thënë kurrë. Por 10 vitet e fundit kam ndryshuar pikëpamjen time. Në fakt mendoj se do të shohim një kurë që në fund të kësaj dekade”- thotë Meknamara. / DiscoverMagazine – Bota.al

LEXO TE PLOTE