Connect with Us

Skandali!/13-vjeçarja me fëmijën 1-muajsh: Më nxirrni burrin nga burgu

Denoncim

Skandali!/13-vjeçarja me fëmijën 1-muajsh: Më nxirrni burrin nga burgu

Publikuar

-

Këtë të martë në “Stop” trajtohet rasti skandaloz i sjelljes së strukturave të shtetit dhe drejtësisë, që çuan në thellimin e një traume sociale. Një çift të miturish, 16 vjeç djali dhe 13-vjeçe nusja, janë prindër të një foshnjeje 1-muajsh.

Mamaja e 16-vjeçarit kërkon ndihmën e “Stop”, pasi djali i saj ka 6 muaj në burg, i akuzuar për dhunë ndaj të miturës, që e bëri baba.

Por sot 13-vjeçarja thotë se ai nuk e ka dhunuar dhe gjithçka e ka bërë e shtyrë nga e ëma, që nuk e donte këtë lidhje. Kallëzimi për 16-vjeçarin u bë në Korrik 2019 dhe prokuroria e vuri në pranga pas 6 muajsh, në Janar 2020.

Nëna e 16-vjeçarit: Në radhë të parë dua të them këtë që ju kam thirrur vetëm për drejtësi. Kërkoj drejtësi për djalin tim. Është 16 vjeç, është dashuruar me një vajzë të mitur nga Elbasani, vajza është 13-vjeçe. Sot e kësaj dite vajza jeton me ne, djali im akuzohet për përdhunim dhe keqtrajtim të miture. E ka akuzuar vajza bashkë me nënën.

Gazetari: Pse? Ndërkohë që nusja juaj minorene ka edhe një djalë me djalin tuaj? Pse e ka bërë këtë akuzë dhe në çfarë kohe e ka bërë?

Nëna e 16-vjeçarit: Në Korrik të vitit 2019.

Gazetari: Në Korrik të vitit 2019, nusja juaj ka bërë një denoncim, por për çfarë arsyeje?

Nëna e 16-vjeçarit: Ka bërë akuzë të rreme, se po të ishte kjo gjë, ajo vajzë nuk do të ishte tek unë deri sot. Ajo siç e bëri kallëzimin, pas dy ditësh erdhi tek shtëpia ime. Pa e ditur unë që kishte bërë kallëzim të rremë. E kemi marrë vesh pas 5-7 muajsh.

Gazetari: Nga Korriku deri në Janar, a e kanë thërritur në polici që është bërë një kallëzim nga një minorene për keqtrajtim dhe përdhunim?

Nëna e 16-vjeçarit: Nuk kishim asnjë njoftim nga policia?

Gazetari: Po pse e arrestuan në Janar? Çfarë ju thanë?

Nëna e 16-vjeçarit: Ne na thanë të na e sillni djalin për një firmë? Ne e dërguam, ata bënë arrestimin dhe pastaj thanë se e arrestuam në flagrancë.

Gazetari: Ndonjë avokat keni marrë? E keni ndjekur çështjen?

Nëna e 16-vjeçarit: Na drejtoi policia, që të takoni Todo Avdiun se është avokati i djalit.

Gazetari: Ishte vendosur nga shteti?

Nëna e 16-vjeçarit: Po nga shteti, ngaqë ne nuk kishim mundësi të kapnim një avokat.

Prindërit e djalit marrin avokat Toto Avdiun, i cili fillimisht u paraqit si avokat kryesisht e më pas u mori atyre prokurë përfaqësimi. Avokati Toto Avdiu i kërkon 5 mijë euro familjarëve për prokurorin e çështjes. Kur “Stop” interesohet për rastin, avokati, ndryshe nga sa faktohet në kamerën e fshehtë, e mohon që ka kërkuar 5 mijë euro.

Avokati Toto Avdiu: Po, që të marr përsipër si avokat, që të dali.

Babai i minorenit: Po!

Avokati Toto Avdiu: Duhet një shumë lekësh … ju (nuk kuptohet) të flas me prokurorin.

Babai i minorenit: Për 5 mijë euro…?

Avokati Toto Avdiu: Po, 5 mijë euro…

Babai i minorenit: Pa …!

Avokati Toto Avdiu: Ti me mua llafosesh ..pa kë?

Babai minorenit: Aaa ok, se jam…

Avokati Toto Avdiu: Pa kë pyet për çfarë?

Babai minorenit: Është totalja me një fjalë? Me anë prokurori, gjykate dhe për ty?

Avokati Toto Avdiu: Nuk merr as prokurori, as gjyqtari lekë. Ata marrin rrogën e shtetit.

Babai i minorenit: Po!

Avokati Toto Avdiu: Mua më krijon mundësinë, që të ashtu, për të…

Vetë fakti që prokurori i çështjes e ka shtyrë këtë hetim edhe me 3 muaj të tjerë, pas asnjë shkak ligjor, tregon shumë më shumë se çfarë ka konstatuar ky prokuror në çështjen e dy minorenëve.

Psikologia që ka ndjekur procesin pranon se prokurori është vënë në dijeni që akuzat për djalin kanë qenë të rreme, por ia hedh topin prokurorit Petrit Vukaj, i cili është dënuar më parë me 3 vite burg për korrupsion.

13-vjeçarja: Po se pate problem, mund të të pyes disa gjëra?

Psikologia: Për ça do më pyesësh për shembull?

13-vjeçarja: Për shembull nesër është gjyqi…

Psikologia: Në ça ore e ke?

13-vjeçarja: Është në orën 9:30. Edhe unë kam problem tani se jam edhe me fëmijën. Letrat që unë shkrova, që dhashë deklaratën se janë gënjeshtra…

Psikologia: Moj vajzë, ti e the, që mamaja ime më ka shtytur, kaq…Nuk janë gënjeshtra, se nëse ti ke thënë gënjeshtra, ke përgjegjësi penale.

LEXO EDHE:  Zbulon që burri e tradhëton i shkruan dashnores një letër epike

13-vjeçarja: Po, kam. Tëra të vërtetat që janë gënjeshtra…

Psikologia: Po e ka, e ka të shkruar të gjitha fjalët e tua gjykatësi.

13-vjeçarja: Pse nuk e nxjerrin ata atëherë?

Psikologia: Sepse kështu janë procedurat ti **** tashi, mos më bëj në telefon njëmijë pyetje. Tani do ndonjë informacion që të nevojitet, apo do më thuash pse, pse, pse?

13-vjeçarja: Po pra, unë po them më shumë të sigurohem…

Psikologia: Po ka procedura mi shpirt, nuk është ëëë, do lirohet sot, do lirohet nesër. Atë nuk e di unë. Ka procedura që do ndiqen.

13-vjeçarja: Procedurat nuk kuptohen.

Psikologia: Si me?

13-vjeçarja: Asnjë procedurë nuk kam kuptuar unë.

Psikologia: Tani kur të vish nesër këtu të sqaroj unë. Hajt se kam edhe një punë.

13-vjeçarja: Ok.

Emisioni “Stop” mundi që t’i marrë personalisht një intervistë 13-vjeçares dhe nënës së saj, duke vërtetuar katërcipërisht që kallëzimi nuk ka qenë i vërtetë.

E mitura, tashmë nënë e një foshnjeje pranon se bashkëshorti i saj nuk e ka dhunuar.

13-vjeçarja: Unë jam 13-vjeçe. Unë u njoha me **** nëpërmjet Facebook në Qershor të vitit 2019.

Gazetari: Ku jetonit më përpara?

13-vjeçarja: Më përpara jetoja në Elbasan. Ndërsa ai jetonte në Fier. Mbajtëm lidhje deri në Korrik të vitit 2019 dhe pastaj ika tek shtëpia e tij.

Gazetari: Ju ishit shtatzënë në atë kohë?

13-vjeçarja: Jo.

Gazetari: Na trego pak se pse e bëtë kallëzimin në Korrik të vitit 2019?

13-vjeçarja: Unë e bëra kallëzimin për **** në 2019 ngaqë mami, kur isha tek shtëpia e familjes së tij, mami im debatonte me mua që ta lija. Unë kërkoj drejtësi nga shteti tani që të më nxjerrin burrin nga burgu pasi ai mbahet brenda për akuzë të rreme. Mbas të gjithë këtyre debateve, pavarësisht se jemi zënë, pavarësisht se është futur burri im brenda, unë jetoj tek familja e tij qëkur u lidhëm. Edhe tani që është futur brenda. Unë bëra gabim, vajta bëra denoncim pa menduar pasojat që do të vinin më pas. Jam edhe unë fajtore. Pasi u bë kallëzimi i rremë, e detyruar, e shtyrë nga mamaja ime.

Gazetari: E keni deklaruar këtë më pas kur tërhoqët denoncimin? Ia keni vënë në dispozicion prokurorit, avokatit tuaj mbrojtës, ose tek policia se kjo është e vërteta?

13-vjeçarja: E kam deklaruar unë tek të tërë që kam vajtur, tek policia dhe tek prokuroria. E kam deklaruar, por nuk m’i marrin për bazë fjalët e mia.

Gazetari: Ju jeni mamaja e 13-vjeçares, keni qenë në dijeni të lidhjes së vajzës suaj me ****, kur e keni marrë vesh dhe a keni qenë dakord për këtë lidhje se të vegjël?

Nëna e 13-vjeçares: Ajo u njoh me atë djalë në Facebook, pas disa ditësh e kam marrë vesh. Jam interesuar për atë djalë, shumë nuk kam pasur qejf që të lidheshe, sepse është një vajzë e vogël, jo për shkollën, jo për shumë arsye të tjera…

Gazetari: Të ka treguar vajza që mund të ketë qenë e dhunuar, ose, është shprehur vajza me ju si nënë?

Nëna e 13-vjeçares: Jo, ka patur një rast kur ka patur një debat me mamin e atij. Nuk di as për dhunë as për probleme që mund të ketë patur me atë djalë, përkundrazi ka ardhur edhe djali me vajzën, nuk e kam parë si të dhunuar.

Gazetari: Çfarë ndodhi në Korrik të vitit 2019 kur u bë edhe kallëzimi, ju keni qenë edhe prezent me vajzën tuaj?

Nëna e 13-vjeçares: Ne kemi folur me psikologe, me polici, kemi folur, është hetuar edhe vajza.

Gazetari: E keni tërhequr d.m.th. atë që ndodhi në…?

Nëna e 13-vjeçares: Po e kemi tërhequr.

Pas gjithë kësaj shurdhërie e mosreagimi, papritur 13-vjeçarja braktisi fëmijën dhe la shtëpinë e bashkëshortit.

Nëna e djalit: Pasi ikën gazetarët, nusja minorene më braktisi fëmijën. Është 13-vjeçe, nuk di se çfarë bën. Ju lutem, i kërkoj drejtësisë, të më ndihmojë për këtë fëmijë. Djalin e kam në burg, e ka akuzuar nusja minorene, ju lutem më ndihmoni të gjej drejtësi.

Kjo është një kambanë alarmi për institucionet shtetërore dhe ato të drejtësisë, që e çuan këtë rast në këtë pikë. Prokurori dhe avokati presin paratë, për të nxjerrë 16-vjeçarin nga qelia, ndërsa Shërbimi Social është inekzistent në një situatë të tillë. /tvklan.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Denoncimi/ Shkojnë të inspektojnë masat anti-covid në fasoneri dhe blihen me rryshfet

Publikuar

-

Nga

Denoncimi/ Shkojnë të inspektojnë masat anti-covid në fasoneri dhe blihen me rryshfet

Ish-kryeministri Sali Berisha ka publikuar denoncimin e një qytetari, i cili shkruan se sot ka patur kontroll në një fasoneri në Bilisht nga inspektorët e Shëndetësisë.

Sipas denoncuesit, vetë inspektorët nuk kanë patur maskë dhe uniformë dhe në fund kanë kërkuar dhe rryshfet nga pronari i fasonerisë.

“Akuzon inspektoret se shkojne per kontroll dhe blihen me ryshfet!

Lexoni mesazhin e qytetarit dixhital. sb

Përshëndetje doktor.Uroj te jesh mire ti dhe familjaret tend.Nepremjet teje dua te bej nje denoncim.Sot ne nje fasoneri ne qytetin e Bilishtit kishte kontroll nga Ministria e Shendetesise ne lidhje me respektimin e masave.Vetem inspektoret nuk kishin asnje mase mbrojtese dhe uniforme.Thjesht kishin kontrolluar ambientin dhe ne fund kishin kerkuar rryshfet materiali nga pronari i fasonerise.Shpresoj ta publikoni kete rast. (anonim ju lutem).”/CNA.al

LEXO TE PLOTE

Denoncim

Paaftësi apo korrupsion?/ MIE miratoi dy kontrata të ndryshme për rrugën Milot-Balldren

Publikuar

-

Nga

Paaftësi apo korrupsion?/ MIE miratoi dy kontrata të ndryshme për rrugën Milot-Balldren

Gazetari dhe eksperti i Ekonomisë Klodian Tomorri, zbulon një skandal brenda zyrave të Ministrisë së Infrastrukturës dhe Energjisë, me rrugën Milot-Balldren. Sipas tij, për koncesionin e kësaj rruge, janë miratuar dy kontrata.

“Skandalet me kontratat koncesionare në Shqipëri nuk kanë të sosur. Ministria e Infrastrukturës dhe Energjisë ka vendosur një precedent botëror, teksa ka miratuar të njëjtën kontratë me dy versione të ndryshme nga njëri-tjetri. Bëhet fjalë për koncesionin e rrugës Milot-Balldren.

Në 7 maj të vitit 2019, Ministria e Infrastrukturës i ka përcjellë për miratim Ministrisë së Financave draftkontratën e koncesionit për ndërtimin e rrugës Milot Balldrenë. Pjesë e draftkontratës ishte dhe modeli financiar, ku përshkruhej se si do të finacohej projekti. Sipas modelit financiar, përveç kredive kompania koncesionare do të financonte 19.5 milionë euro përmes furnitorëve të cilat do të përdoreshin përkatësisht 9.5 milionë euro në vitin e dytë të projektit dhe 10 milionë euro në vitin e tretë.

Pas marrjes së miratimit nga Ministria e Financave, pak ditë më vonë Ministria e infrastrukturës e depoziton draftkontratën e koncesionit për miratim në Kuvend, por me shifra të ndryshme. Në draftkontratën e dërguar në Kuvend financimi nga furnitorët është ndryshurat përkatësisht në 2.5 milionë euro vitin e parë, 3 milionë euro vitin e dytë, 7 milionë euro në vitin e tretë dhe po kaq në vitin e katërt. E njëjta draftkontratë, me të njëjtin numër noterial, e firmosur nga i njëjti njeri, zëvendësministri Artan Shkreli, por me shifra të ndryshme.

LEXO EDHE:  Nëse Apeli lë në fuqi vendimin?/ Salianji: Do shkoj në burg me dinjitet

LEXO EDHE:  The Economist zbulon skandalin/ Italia sjell ekstremistë fetarë në Shqipëri

Diferencat në financimin nga furnitorët ndryshojnë të gjithë fluksin e parasë në ciklin e projektit. Kur tabelat e cash floët nuk përputhen atëhere ka dy opsione. Ose shifrat e kostos së koncesionit janë të rreme ose projekti nuk është financiarisht i qëndrueshëm. Rrjedhimisht lind pyetja cili është propozimi i përzgjedhur si fitues nga Ministria e Infrastrukturës, ai i dërguar në Ministrinë e Financave apo ai që i është përcjellë Kuvendit?

Skandali i dy kontratave të ndryshme të Milot Balldren u pikas për herë të parë nga Kontrolli i Lartë i Shtetit gjatë auditimit të drejtorisë së Koncesioneve në Ministrinë e Financave. Kur audituesit e KLSH kërkuan shpjegim zyrtarisht, Ministria e Financave u përgjigj se sqarimi i mospërputhjeve financiare mes dy draftkontratave nuk është kompetencë e saj.

Në fakt Ministria e FInancave ka miratuar vetëm variantin që i është dërguar asaj. Rrugës Ministria e Infrastrukturës miratoi edhe një tjetër variant të ndryshëm, që ja dërgoi Kuvendit. Në këtë pikë lind natyrshëm pyetja; A e dinë tabelën e shumëzimit në Ministrinë e Infrastrukturës apo ndryshimi i modelit financiar të koncesionit Milot-Balldrenë u diktua nga shkaqe më okulte? Për ta thënë më shkurt, pse u miratua një kontratë me dy variante të ndryshme; Paaftësi apo Korrupsion? Megjithatë kjo pak rëndësi ka,. Në të dy skenarët, miratimi i një kontrate më dy versione të ndryshme financiare përbën shkelje të rëndë ligjore”, shkruan Tomorri në rrjetet sociale./CNA.al

LEXO TE PLOTE

Denoncim

Denoncimi/ Merret peng kryetari i bashkisë Vorë

Publikuar

-

Nga

Denoncimi/ Merret peng kryetari i bashkisë Vorë

Ish kryeministri Sali Berisha ka publikuar mesazhin e një qytetari i cili shkruan se Hekuran Brahimaj, kryetar në detyrë i Bashkisë Vorë, është marrë peng mbrëmë nga një person i përfshirë në botën e krimit, i njohur me emrin Alfons Gjoka.

Personi që ka bërë këtë denoncim thotë së është punonjës i policisë bashkiake Vorë, por ngjarja po mbahet e fshehur.

‘Policia fsheh ngjarjen.

Lexoni denoncimin e policit digjital. sb

LEXO EDHE:  Tahiri takon çdo javë Emiljano Shullazin në burg

LEXO EDHE:  The Economist zbulon skandalin/ Italia sjell ekstremistë fetarë në Shqipëri

Pershendetie Z berisha mbrem meret Peng per disa ore kryetari ne detyr bashkis vore Z Hekuran Brahimai personi qe e ka Mare Peng quhet Alfonc Gjoka nje person I njohur I botes Krimit Arsya qe esht mar Peng e prones qe preket nga Projekti mafjoz I narkobanditeve. Policia hesht per kete ngjarje. Te lutem anonim Se Jam polic I bashkis vore. Respekte’./CNA.al

 

LEXO TE PLOTE