Sociale
Shkundet Tirana dhe Durrësi/ Bie tërmet 4.5 ballë
Një tërmet i fuqishëm ka lëkundur pak minuta më parë vendin.
Mësohet se tërmeti ka qenë me epiqendër në detin Adriatik,19 kilometra nga Mamurrasi, 38 kilometra larg nga Tirana dhe është ndjerë në kryeqytet, Durrës, Vorë dhe në disa qytete të tjera.
Faqja sizmiologjike “Earthquake” raporton se lëkundjet kanë qenë me magnitudë 4.5 ballë dhe me thellësi 2 kilometra.
Nga informacionet paraprake, ende nuk raportohet për dëme materiale, ndërkohë, pritet më tepër informacion në minutat në vijim./ CNA.al
Sociale
Parashikimi i motit/ Si pritet të jenë temperaturat dy ditët e ardhshme
Vendi ynë do të vijojë të jetë “i mbërthyer” nga masa ajrore të nxehta dhe të thata me origjinë nga Afrika e Veriut.
Në këtë mënyrë si për ditën e nesërme (e Enjte) ashtu dhe për ditën e Premte moti do të vijojë të jetë i kthjellët në pjesën më të madhe të territorit përjashtuar vranësirat kalimtare në relievet malore në lindje.
Për ditën e nesërme në relievet malore vranësirat do të shoqërohen me reshje shiu të izoluara; ndryshe nga dita e Premte ku këto vranësira parashikohen të shoqërohen edhe me shtrëngata afatshkurtër. Gjithashtu temperaturat do të vijojnë të mbeten të larta.
Shërbimi Meteorologjik raporton se në disa zona, në orët e matjeve të temperaturave maksimale ato mund të arrijnë deri në vlera nga 41 deri në 42 gradë celcius.
Të larta do të mbeten gjithashtu temperaturat e natës (minimale) ku në disa zona zhiva e termometri mund të mos zbresin nga vlerat 25 apo dhe 27 gradë celcius./ CNA.al
Sociale
Mbërrin i nxehti afrikan/ Si parashikohen temperaturat për nesër
Në vendin tonë tashmë kanë depërtuar masat ajrore të nxehta me origjinë nga Afrika e Veriut të cilat kanë sjellë jo vetëm temperatura të larta, por edhe prezencë të grimcave të rërës në ajër.
Shërbimi Meteorologjik raporton se edhe ditën e nesërme vendi ynë do të vijojë të jetë nën ndikimin e këtyre masave.
Moti parashikohet kryesisht i kthjellët, vranësira të pakta kalimtare. Era do të fryjë me drejtim jugperëndim-veriperëndim me shpejtësi mesatare 1-8m/s, shoqëruar me valëzim në dete të forcës 2 ballë.
Ndërkohë, temperaturat parashikohen pa ndryshime në vlerat minimale dhe rritje në vlerat e mësditës.
Më konkretisht në:
zonat malore 18°C deri në 34°C
zonat e ulëta 24°C deri në 39°C
zonat bregdetare 25°C deri në 36°C./ CNA.al
Sociale
Tirana nesër pa energji elektrike/ OSHEE publikon zonat dhe oraret
Operatori i Shpërndarjes së Energjisë Elektrike, OSHEE njofton se ditën e nësërme disa zona do të mbeten pa energji elektrike.
Për shkak të disa punimeve sipas OSSHE do të stakohet energjia në intervalin kohor 09:00-16:00 në zonat e mëposhtme.
Njoftim për abonentët #Tiranë
Stakim, 23 qershor
Në vijim të investimit për rikonstruksionin e kabinave, në datën 23 qershor gjatë intervalit kohor 09:00-16:00 do të stakohet energjia në këto zona në Tiranë:
Pjesërisht: Zona pranë Depos së Ujit dhe rruga “Budi”
