Connect with Us

Gjermani/ Paketë stimuluese shumëmiliardëshe për ekonominë

Bota

Gjermani/ Paketë stimuluese shumëmiliardëshe për ekonominë

Publikuar

-

Sipas kancelares Angela Merkel (CDU) paketa për stimulin ekonomik në luftë kundër pasojave të pandemisë Corona përfshin rreth 130 miliardë euro. Paratë do të jenë në dispozicion për vitin 2020 dhe 2021.

Drejtuesit e partive të koalicionit qeverisës në Gjermani CDU, CSU dhe SPD ranë dakord për një paketë stimuluese shumëmiliardëshe për të nxitur përsëri ekonominë pas krizës së virusit Corona.

Sipas kancelares Angela Merkel (CDU) paketa për stimulin ekonomik në luftë kundër pasojave të pandemisë Corona përfshin rreth 130 miliardë euro. Paratë do të jenë në dispozicion për vitin 2020 dhe 2021. 120 miliardë euro nga kjo paketë vihen në dispozicion nga qeveria federale.

LEXO EDHE:  Merkel: Veprimet e Rusisë kanë gërryer besimin me Perëndimin

Drejtuesit e koalicionit qeveritar diskutuan për këtë paketë të madhe stimuluese dy ditë me radhë. Merkel tha se ne do të përpiqemi të dalim të fortë nga situata jashtëzakonisht e vështirë së bashku. Sipërmarrja hekurodhore gjermane “Deutsche Bahn” do të marrë miliarda euro ndihmë financiare nga qeveria federale për shkak të mungesës së të ardhurave gjatë krizës së Coronës. Konkretisht kjo do të thotë që qeveria federale do të vërë në dispozicion të Deutsche Bahn pesë miliardë euro. Ndihma prej 2.5 miliardë eurosh janë planifikuar gjithashtu për transportin publik lokal./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Trump thirrje Rusisë/ “Ribashkohu me G7-ën”

Publikuar

-

Nga

Presidenti i SHBA Donald Trump tha të mërkurën tha se do të ishte “e logjikshme” të ftohej presidenti rus Vladimir Putin për t’iu ribashkuar Grupit të Shtatëshes, duke shtuar se do të ishte shumë më e lehtë për të zgjidhur çështje të ndryshme nëse Moska do të përfaqësohej në këtë grup.

“Shumë nga gjërat për të cilat ne flasim janë për Putinin,” tha Presidenti Trump në një intervistë për Radion Fox News. Ai tha: “Le ta kemi atë në sallë… për të zgjidhur gjërat”.

Fundjavën që kaloi, Presidenti Trump hodhi idenë e zgjerimit të G7s, i përbërë nga ekonomitë më të zhvilluara të botës, për të përfshirë edhe njëherë Rusinë, e cila u dë-bua nga ky grup në vitin 2014 pas aneksimit nga Moska të rajonit ukrainas të Krimesë.

LEXO EDHE:  Athina përcakton shifrën e “borxhit” që i ka Gjermania

LEXO EDHE:  Merkel i kryen detyrat qeveritare nga karantina

Dy udhëheqësit folën me telefon të hënën dhe diskutuan mbi mundësinë e mbajtjes së një samiti të zgjeruar të G7-s më vonë gjatë këtij viti.

Kremlini ka thënë se do të kërkojë më shumë informacion në lidhje me ftesën e Presidentit Trump.

Udhëheqësi amerikan ka ftuar gjithashtu Australinë, Korenë e Jugut dhe Indinë.

Vende të tjera të G7-s, përfshirë Kanadanë, nuk janë dakord me rikthimin e Rusisë ndërsa disa, si Japonia, ende nuk kanë shprehur mendim.

Gjermania tha të mërkurën se tani nuk është koha për të ndryshuar formatin e takimit.

Presidenti Trump e ka shtyrë takimin e G7-s deri në shtator ose më vonë, për shkak të pandemisë së koronavirusit.

Grupi përfshin SHBA, Japoninë, Britaninë, Francën, Kanadanë, Gjermaninë, Italinë dhe Bashkimin Evropian./ VOA

LEXO TE PLOTE

Bota

Policët shtyjnë gazetarët në Nju Jork/ Ndërpritet mbulimi i protestës

Publikuar

-

Nga

Oficerët e policisë së qytetit të Nju Jorkut rrethuan, shtynë dhe fyen dy gazetarë të agjencisë së lajmeve Associated Press që po mbulonin protestat ditën e martë, sulmi më i fundit ky ndaj punonjësve të mediave gjatë një jave trazirash në të gjithë vendin.

Pjesë të incidentit u filmuan nga gazetari Robert Bumsted, i cili po punonte me fotografen Maye-E Wong për të dokumentuar protestat në Manhatanin e Poshtëm për vrasjen e George Floyd-it në Mineapolis.

Videoja tregon më shumë se gjashtë oficerë që përballen me gazetarët, ndërsa ata filmonin dhe fotografonin policët që urdhëronin protestuesit të dilnin nga zona përreth Fulton dhe Broduej menjëherë pas orës 8 të mbrëmjes kur kishte hyrë në fuqi ndalim-qarkullimi.

Një oficer, duke sharë, i urdhëron ata të shkojnë në shtëpi. Bumsted dëgjohet në video duke shpjeguar se mediat konsiderohen “punonjës thelbësorë” dhe lejohen të jenë në rrugë. Një oficer i përgjigjet “Nuk më plas fare…..”. Një tjetër i thotë zotit Bumsted: “Qërrohu nga këtu ti copë…” (përkthimi jo i plotë për shkak të gjuhës së papërshtatshme).

Zoti Bumsted dhe zonja Wong thanë se oficerët i shtynë ata me forcë, duke i ndarë nga njëri-tjetri dhe duke i çuar drejt makinës së zotit Bumsted, e cila ishte e parkuar aty pranë.

Në një moment, Bumsted tha se po e mbanin të mbërthyer mbi makinën e tij. Ai dëgjohet në video duke i thënë oficerit se zonja Wong ka çelësat e tij dhe se u duhen që të largohen nga zona. Oficerët më pas lejuan zonjën Wong të afrohej dhe të dy u futën në automjet dhe u larguan. Të dy gazetarët kishin mjetin e identifikimit të agjensisë së lajmeve Associated Press dhe iu prezantuan policëve si punonjës të mediave.

LEXO EDHE:  Athina përcakton shifrën e “borxhit” që i ka Gjermania

LEXO EDHE:  Frank-Walter Steinmeier është Presidenti i ri Federal i Gjermanisë

“Atyre nuk u interesonte,” tha zonja Wong. “Ata thjesht po më shtynin”.

Zyrtarët e Departamentit të Policisë në Nju Jork thanë se ata “do ta shqyrtojnë këtë rast sa më shpejt të jetë e mundur”.

Gazetarët janë përballur me policë agresivë dhe protestues gjatë demonstratave nëpër Shtetet e Bashkuara, pasi afrikano-amerikani George Floyd vdiq javën e kaluar ndërsa mbahej në pranga, ndërkohë që oficeri i bardhë, Derek Chauvin, i mbante gjurin në qafë për disa minuta.

Policia në Louisville, Kentaki, kërkoi ndjesë pasi një oficer i hodhi plumba me material djegës drejt një ekipi televiziv lajmesh dhe një gazetar në Mineapolis u qëllua nga një plumb gome.

Gazetarët janë përballur me rreziqe të tjera, ndërsa raportojnë trazirat, krahas agresionit nga policia. Në Karolinën e Jugut, një reporter i lajmeve u godit në kokë nga një gur i hedhur dhe jashtë Shtëpisë së Bardhë, një reporter i kanalit Fox News u ndoq dhe u godit nga protestuesit. Dikush ia mori mikrofonin dhe ia hodhi mbi shpinë, dhe një kamera e fotografit të Fox News u shkatërrua.

Në Atlanta, protestuesit që luftuan me policinë dhe i vunë zjarrin makinave, gjithashtu thyen dritaret dhe shkruajtën fjalë të pahijshme në zyrat e CNN-it.

Zëdhënësja e Associated Press, Lauren Easton kritikoi të martën veprimet e oficerëve, të cilat ndodhën pasi mijëra njerëz në Nju Jork po kundërshtonin një ndalim-qarkullimi të vendosur pas disa netëve dhune dhe shkatërrimi. Gazetarët që mbulojnë ngjarjen janë të përjashtuar nga masat e ndalim-qarkullimit.

“Roli i gazetarëve është që të raportojnë lajmet në emër të publikut,” tha zonja Easton. “Është e papranueshme dhe thellësisht shqetësuese kur gazetarët sulmohen thjesht se po bëjnë punën e tyre”./ VOA

LEXO TE PLOTE

Kosova & Rajoni

Kosovë/ Qeveria e re, levë për marrëveshje me Serbinë

Publikuar

-

Nga

Në Kuvendin e Kosovës u votua sot qeveria e re e Avdullah Hotit nga Lidhja Demokratike e Kosovës (LDK). Qeveria e Albin Kurtit, edhe pse sipas anketave të fundit ka ende një mbështetje të madhe nga qytetarët, u zëvëndësua nga një qeveri e re, që do të ketë për synim kryesor arritjen e marrëveshjes me Serbinë. Kështu që akoma pa filluar punën, për të flitet si për “qeverinë e dialogut”.

Reciprociteti prioritet edhe i qeverisë së re

Heqja e taksave pa ndonjë kusht tjetër do të kishte qenë vendim politik shumë i kushtueshëm për Kurtin, por heqja e reciprocitetit që vendosi qeveria e Kurtit duket se mund të jetë një vendim edhe më i shtrenjtë për koalicionin e Avdulah Hotit.

Në ditët e fundit të qeverisjes së saj, qeveria në largim e Kosovës ndaloi importin e produkteve serbe, të cilat në dokumentet shoqëruese nuk përmbajnë “Republika e Kosovës”. Pra në mënyrë simbolike, për qeverinë e re të Kosovës, heqja e vendimit për përcaktimin “Republika e Kosovës” në dokumentet në tregtinë mes dy vendeve, do të jetë edhe më e vështirë sesa heqja e taksave 100 përqind.

Megjithatë aktivisiti nga Strpçe, Milos Milovanoviç, beson që herët apo vonë kjo do të ndodhë. Ai mendon se qeveria e re do të jetë më e hapur sa i përket dialogut, duke shtuar se rrethana e tanishme me pandeminë apo zgjedhjet dhe formimi i një qeverie të re në Serbi, do t’i japin hapësirë dhe kohë ​​qeverisë së re të Kosovës të marrë vendime.

“Kjo do të japë qeverisë së Avdulah Hotit kohë të mjaftueshme, që të mund të tërheqë ngadalë vendimet e qeverive të mëparshme që penguan vazhdimin e dialogut, por edhe për të krijuar një narrativë, në të cilën dialogu do të paraqitet si i nevojshëm në kontekstin e marrëdhënieve të mira të Prishtinës me BE dhe SHBA”, thotë Millovanoviç.

Donika Emini, drejtore e Platformës “CiviKos”, beson që Hoti do të shfuqizojë masat e reciprocitetit, nën pretekstin e shpëtimit të partneriteteve strategjike.

“Qeveria e re po formohet vetem me një qëllim – që të hapë rrugën për një marrëveshje përfundimtare me Serbinë. Deri sot qeveria e re ka qenë e paqartë kur është pyetur për programin e saj dhe listën e prioriteteve, por tashmë ka konfirmuar se dialogu do të jetë prioriteti i tyre kryesor, i cili paraqitet si mision për të rivendosur marrëdhëniet tani më të dëmtuara me SHBA dhe BE”, tha Emini për DW.

LEXO EDHE:  Terrorizmi trondit botën/ Panik edhe në Gjermani, ka të vrarë

LEXO EDHE:  Merkel i kryen detyrat qeveritare nga karantina

“Pas marrëveshjes me Serbinë, qeveria do të bjerë e do të hapet rruga për zgjedhje të reja.”

Milovanoviç beson se anulimi i vendimeve të qeverisë Kurti varet drejtpërdrejt nga stabiliteti i qeverisë së ardhshme: “Vendimet e shpejta mund të kenë kosto të larta politike për LDK-në, sepse në një farë mënyre do të konfirmojnë narracionin që interesat personale dhe lajkat partiake ishin motivet kryesore për prishjen e koalicionit dhe rrëzimin e qeverisë së kryeministrit Kurti,” tha Milovanoviç për DW.

Emini parashikon gjithashtu një qeveri të dobët dhe një opozitë të fortë: “Qeveria do të jetë shumë e dobët, nuk do të ketë fuqinë për të lëvizur gjërat përpara dhe do të jetë edhe më e dobët në parlament. Pritet që ajo do të jetë vetëm levë për të arritur një marrëveshje me Serbinë, pas së cilës do të bjerë dhe kështu do të hapet rruga për zgjedhje të reja.”

Hap prapa për Kosovën

Ndërkohë që e ardhmja e afërt për qeverinë e re duket e ndërlikuar, Vetëvendosja mund të përfitojë nga e gjithë situata, sipas doktor Aidan Hehiriz, profesor i marrëdhënieve ndërkombëtare në Universitetin e Westminster.

“Vetëvendosja ka ende shumë mbështetje nga qytetarët dhe duhet të jetë në gjendje të përdorë të metat e shumta të koalicionit të LDK-së, si në rrugë ashtu edhe në Kuvend. Fryma e ndryshimit që ka krijuar tek njerëzit nuk po zvogëlohet dhe publiku e ka shprehur qartë që mbështet agjendën e Vetëvendosjes “, vlerësoi Hehir për DW.

Para marrjes së pushtetit nga Vetëvendosja shqetësimi kryesor ishte aftësia e tyre për të qeverisur, duke patur parasysh që partia kishte qenë vetëm në opozitë që nga themelimi. Dyshime të tilla nuk ka më, beson Hehir.

“Vetëvendosja ka zhbërë të gjitha dyshimet, me aftësitë e saj për të drejtuar në mënyrën kompetente qeverinë, ndërsa garda e vjetër dhe mbështetësit e tyre të huaj kanë mësuar se si rrëzohet një qeveri. Rënia e qeverisë është një hap prapa për Kosovën, por gjithashtu ka zbuluar shumë qartë se në çfarë mase është i kapur vendi. Në mënyrë paradoksale, kjo mund të përshpejtojë fundin e elitës së vjetër të korruptuar,” beson Hehir./DW

LEXO TE PLOTE