Connect with Us

Merilin Monro, drama që fshihej pas buzëqeshjes sharmante të divës së Hollivudit

Blog

Merilin Monro, drama që fshihej pas buzëqeshjes sharmante të divës së Hollivudit

Publikuar

-

Sot aktorja do të mbushte 94-vjeç. Mjerisht, disa nga njerëzit më kreativë dhe frymëzues të historisë, kanë gjithashtu prirjen të kenë më shumë drama e dhimbje në jetën e tyre. Dhe askush nuk e mishëron këtë më shumë se sa një nga ikonat tona më të dashura të kinemasë botërore.
Qëkur ishte e vogël, Merilin ishte e rrethuar nga zhgënjimi dhe ankthi të shkaktuara nga njerëzit më të afërt të familjes. Ja cilat janë aspektet më të errëta të jetës së shkurtër, vetëm 36-vjeçare, të divës së famshmë të Hollivudit.

1. Nuk e njohu kurrë të atin

Megjithëse emri i saj fillestar ishte Norma Bejker, mbiemri ishte i burrit të mëparshëm të nënës së saj, dhe dy gjysmë-motrave të saj, të cilat nuk i njohu deri në moshën 12-vjeçare. E ëma Gledis u rimartua më pas me Martin Mortensen. Por ata u ndanë kur ajo mbeti shtatzënë me Merilin.

2. E ëma ishte skizofrene, u rrit nën kujdesin e institucioneve shtetërore

Nëna e saj nuk ishte e aftë mendërisht apo financiarisht për ta rritur vetë vajzën e saj. Ajo u diagnostikua me sëmundjen e skizofrenisë paranojake. Ndaj jeta e Merilin si fëmijë, kaloi midis jetimoreve të ndryshme, prindërve kujdestarë, anëtarëve të familjes dhe miqve të Gledit. E trembur dhe e tërhequr nga jeta, ajo pësoi abuzime seksuale nga disa prej figurave mashkullore në jetën e saj në një moshë shumë të re, diçka që e bëri të bëhej edhe më e mbyllur dhe më në ankth.

3. U martua që në moshën 17-vjeçare

Ndërsa po jetonte me Dok dhe Grejs Godard, miqtë e Gledis, kompania e Dok e shëtiti atë në mbarë vendin. Por ligjet e shtetit të Kalifornisë, e ndalonin që Merilin të udhëtonte si e mitur që ishte. Zgjidhja e tyre:martesa me fqinjin dhe mikun e tyre 21-vjeçar, Xhejms Dagerti. Edhe pse të dy nuk ishin shumë të pakënaqur me martesën e tyre, Xhejms ishte kundër synimeve të Merilin për t’i futur botës së shoubizit. Ai e braktisi, sapo ajo nënshkroi kontratën e saj të parë si modele.

4. U trondit shumë nga vdekja e mentorit të saj të parë në karrierë

Kur dukej se karriera e saj po fillonte ngjitjen në vitin 1950, agjenti personal dhe mentori i saj Xhoni Hajd, nënkryetar i Agjencisë Uilliam Morris, vdiq papritur nga një sulm në zemër, vetëm disa ditë pasi i siguroi asaj një kontratë 7-vjeçare.

LEXO EDHE:  U vetëflijua pas pushtimit sovjetik/ Kush ishte i riu çek Jan Palah, që frymëzoi rininë kundër komunizmit

5. Kishte përherë një frikë e madhe nga skena

Reputacioni i Marilin si një aktore e vështirë për regjizorët, buronte nga frika e saj e përhershme me skenën, e kombinuar kjo me vetëvlerësimin dhe perfeksionizmin e saj të ulët. Aktorja u prek gjithashtu nga ankthi i rëndë dhe pagjumësia, të cilat e nxitën të abuzojë me substanca të ndryshme, kryesisht qetësues.

6. Momenti i saj më ikonik, kur i dha fund martesës së saj të dytë

Ylli i bejsbollit Xho Dimaxho, ishte i prirur të shpërthente në skena xhelozie, diçka që sigurisht nuk i përshtatej martesës me aktoren më të famshme të botës. Pasi pa fotot sensuale të Merilin në filmin “The Seven Year Itch”, martesa e tyre mori fund. Më vonë u riafruan si miq, vetëm para vdekjes së saj, me Dimaxhon që u mor me të gjithë detajet e funeralit të saj.

7. Hodhi në gjyq kompaninë filmike ku punoi

Merilin u përball me disa beteja të gjata ligjore kundër kompanisë së saj, mbi filmat në të cilat luajti. Ajo shkoi aq larg sa të krijojë kompaninë e saj filmike, “Marilyn Monroe Productions”, një nismë që u prit me humor nga shtypi.

8. Nuk mundi të kishte asnjë fëmijë

Aktorja u përball gjatë gjithë jetës më sëmundjen e endometriozës, e cila i shkaktoi të paktën 4 shtatzani të dështuara.

9. Martesat e dëshuara, lanë shpesh në hije punën e saj

Pasi ndarjes nga dramaturgu Artur Miler, Merilin ishte ende e detyruar të punonte jo vetëm me të në filmin “The Misfits”, por të shihte teksa ai nisi një marrëdhënie të re. Ajo ndjeu se Miler e shkroi qëllimisht rolin e saj për të qenë më pak bindës, sesa ata të aktorëve meshkuj që e rrethonin.

10. Sëmundja e largoi nga realizmi i filmit të saj të fundit

Drejtuesit e studios filmike, e dinin që Marilin ishte diagnostikuar me sinuzit, dhe kishte nevojë për regjim shtrati dhe kujdes mjekësor. Por ata përhapën zëra, që e akuzonin aktoren për sabotimin e filmit, kur filluan të frikësoheshin se do të tejkalonin buxhetin e përcaktuar në fillim. Ata e pushuan nga puna, dhe e paditën në gjykatë duke kërkuar 750.000 dollarë dëmshpërblim. Por me këmbënguljen e bashkë-protagonistit në atë film, Din Martin, ata u përpoqën të rifillonin xhirimet pak para vdekjes së saj të parakohshme./ Littlethings.com-Përshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Blog

“Corona është një shpikje e Bill Gates”/ Përhapja e teorive konspirative, miteve dhe ideologjive

Publikuar

-

Nga

“Corona është një shpikje e Bill Gates” – është një prej teorive të përhapura konspirative. Ka shpikje edhe më interesante?

Pandemia Corona po studiohet mbi baza shkencore në të shumtën e vendeve të mëdha botërore. Me këtë temë po merren të gjitha mediat e mëdha botërore, ndërsa debati nuk ka të ndalur.

Por njëkohësisht në opinion po përhapen edhe “teori” të ndryshme konspirative, të cilat nuk kanë fare të bëjnë me empirinë shkencore. Kështu thuhet se virusi Corona është shpikur nga qarqe apo njerëz të caktuar, për qëllime të caktuara. Në një sondazh të Universitetit Erfurt dhe partnerëve të tij, të bërë nga mesi i majit, thuhet se rreth 17% besojnë në mundësinë e teorive të ndryshme. Lidhur me virusin Corona po qarkullojnë teori sipas së cilave, për shembull, miliarderi amerikan dhe filantropi Bill Gates, do që gjatë procesit të vaksinimit të obligueshëm njerëzve t’u futë në trup edhe një mikroçip, për t’i kontrolluar ata.

“Teoritë e komplotit”

Për të përshkruar këtë fenomen, në Gjermani ekziston nocioni “teori komploti”. Por kjo nuk është e saktë, sepse kjo nënkupton edhe ekzistencën e një teorie të bazuar mbi fakte, thotë pedagogia Pia Lamberty, nga Universiteti i Mainzit. “Nëse faktet nuk përputhen me teorinë, në një moment të caktuar kjo teori duhet të ndryshojë apo të hidhet si e pavërtetë”, thotë Lamberty për DW. “Por kjo nuk ndodhë tek teoritë e komplotit.”

Këshilltari politik Johannes Hillje shkruan në Twitter, se nocioni “teori” tingëllon madje si një nocion me baza shkencore, që nuk e meriton. Hillje ka frikë se “teoritë e komplotit” mund të kuptohen madje si një “kundërteori” e atyre shkencore.

Protesta kundër kufizimeve të Coronës dhe Bill Gates

Mitologjitë dhe tregimet

Pia Lamberty pohon se duhet bërë dallime mes mitologjive dhe tregimeve të sajuara. Ka raste të shumta të përhapjes së rrëfimeve dhe teorive të ndryshme, si në rastin e sulmeve terroriste të 11 shtatorit në SHBA apo vdekjes tragjike të princeshës Diana, sepse ka dhe pohime se ajo ende është gjallë. Kohët e fundit janë dëgjuar teori dhe rrëfime të ndryshme për Gates, miliarderin hungarezo-amerikan George Soros dhe persona të tjerë. Mitet plotësohen dhe zgjerohen me kohë, përmes rrëfimeve të tjera dhe dikur humbin tërësisht lidhjen me realitetin.

LEXO EDHE:  Dhjetë keqkuptime mbi Gripin Spanjoll të 1918-ës, pandeminë më të madhe të historisë

LEXO EDHE:  Lady Gaga anullon koncertin/ Përfundon në spital pas dhimbjeve të vazhdueshme

Ideologjitë konspirative

Disa rrëfime janë kaq komplekse sa që krijojnë një pamje të ngjashme me ideologjitë. Në rrjete dhe faqe të ndryshme po përhapen edhe pohime si ato, që në SHBA po mbahen nga një grup sekret, me mijëra fëmijë të rrëmbyer dhe se persona të caktuar po pijnë gjakun e tyre, për të mbetur të ri. Personat që përhapin teori të këtilla thonë, se presidenti amerikan Donald Trump është ai që do t’i eliminojë gjërat e këtilla. Ndërsa paraardhësi i tij Barack Obama dhe ish – kundërshtarja e Trumpit në zgjedhjet e vitit 2016, Hillary Clinton llogariten si anëtarë të këtij grupi. Qarqet e këtilla thonë se këto të dhëna janë siguruar nga një burim anonim i lartë qeveritar, me shkallën e sigurisë “Q” nga – “QAnon”.

George Soros

Një shembull tjetër i ideologjive konspirative është ajo e të ashtuquajturve “Reichsbürger”, të cilët në esencë thonë se “Rajhu gjerman ende ekziston, ndaj institucionet e Republikës Federale të Gjermanisë nuk janë legjitime”. Persona të tillë përfaqësojnë pozita radikale të djathta, të afërta me grupe të tjera që përgatiten për skenarë të ndryshëm të luftërave apo përmbysjes së botës. E sa të rrezikshme janë ideologjitë e këtilla konspirative tregon edhe rasit kur një “reichsbürger” ka vrarë në tetor të vitit 2016 edhe një polic.

Persona të këtyre grupeve, rrëfyesit e teorive konspirative dhe ekstremistët janë përzier së fundi me njerëzit që po protestojnë kundër masave të qeverisë për virusin Corona. Ndaj ministri i Brendshëm Horst Seehofer ka vendosur që për herë të parë të ndalojë një grup të tillë të “Reichsbürger”./ DW

LEXO TE PLOTE

Blog

Vetëm republikanët i garantojnë rendin dhe sigurinë Amerikës

Publikuar

-

Nga

Nga Daniel Mccarthy “National Interest”

Republikanët patën një monopol virtual në Shtëpinë e Bardhë gjatë viteve 1969-1993, me vetëm një ndërprerje 4-vjeçare pas skandalit të Uotergejtit. Në fund të asaj epoke, qyteti i Nju Jorkut kishte zgjedhur një kryetar republikan, që pati një qasje të ashpër kundër krimit.

Trazirat e viteve të Lindon Xhonsonit, dhe vala e mëvonshme e krimit që kulmoi në vitin 1991, ishin stimuj të fuqishëm për të votuar Partinë Republikane. Anarkistët që kanë patur dorë të lirë që nga vrasja e afro-amerikanit Xhorxh Floid nga një oficer i policisë në Mineapolis, përfaqësojnë në të njëjtën kohë një nxitje që amerikanët të shprehen në favor të zbatimit të ligjit, duke e rizgjedhur Donald Trumpin për një mandat tjetër nëntorin e këtij viti.

Mbi 30 qytete, përjetuan trazira të mëdha fundjavën që shkoi. Asgjë nuk e bën më të qartë ndarjen midis dy partive politike, sesa çështja themelore e zbatimit të ligjit, dhe garantimit të rendit publik. Demokratët po justifikojnë me zell protatonistët e trazirave.

Trump nuk arriti që ta adresojë këtë çështje në konferencën e tij për shtyp të premten, por ai nuk mund ta anashkalojë më një situatë të tillë. Ai duhet të këmbëngulë se respektimi i ligjit dhe siguria e qytetarëve amerikanë, është detyrimi kryesor i administratës së tij.

Rivali i tij, kandidati demokrat Xho Bajden, është një hap përpara në këtë aspekt. Bajden një bashkautor i projekt-ligjit mbi luftën kundër krimit në vitin 1994. Por ai ishte mjaftueshëm i zgjuar, duke u distancuar nga historia e partisë së tij e përkëdheljes së kriminelëve.

Bill Klinton bëri të njëjtën gjë:Ai gjeti kohë në mesin e fushatës brendapartiake në vitin 1992, për t’u rikthyer në vendlindjen e tij në Arkansas për ekzekutimin e një vrasësi të quajtur Riki Rej Rektor. Demokratët e qendrës si Klinton dhe Bajden, e distancuan veten nga imazhi i Majkëll Dukakis, kandidati i partisë së tyre në vitin 1988, që me politikat e tij liberale la të lirë kriminelë si Uilli Horton.

Por sot, baza e majtë e Partisë Demokratike, një pjesë e të cilës duket se doli në rrugë javën e shkuar, kërkon heqjen e lirimit me kusht, lehtësimin e masave për kriminelët në burg, si dhe për kufizime më të mëdha ndaj policisë. Demokratët në parlamentin lokal të shtetit të Nju Jorkut, e kanë ndjekur këtë axhendë në një mënyrë agresive, duke stimuluar më tej lirimin me kusht për kundërvajtjet dhe krimet jo të dhunshme.

Kjo solli një rritje prej 22.5 për qind të krimeve para pandemisë, në krahasim me shkurtin e vitit 2019.  Guvernatori i Nju Jorkut Endrju Kuomo, dhe kryetari i Bashkisë së Nju Jorkut Bill De Blazio, e kanë pranuar këtë problem. Por liberalët në bazën e partisë së tyre, nuk heqin dorë nga kërkesat e tyre.

Dhe kur ndodhin incidente si vrasja e Xhorxh Floidit, forcohet narrativa liberale brenda Partisë Demokratike nga media amerikane me prirje liberale:racizmi është një problem më i madh se sa krimi, dhe policia është një pjesë kryesore e problemit të racizmit.

LEXO EDHE:  Eksperti rus jep alarmin/ Prisni sulme “katastrofike” kibernetike në internet

LEXO EDHE:  Eksperti rus jep alarmin/ Prisni sulme “katastrofike” kibernetike në internet

Javën e shkuar, ekspertët dhe akademikët liberalë, shkuan madje deri aty sa të justifikojnë trazirat në Mineapolis dhe gjetkë, me argumentin se trazirat prodhojnë historikisht reforma dhe se tek e fundit, çfarë është një zjarr i vogël dhe disa plaçkitje, në krahasim me vdekjen e një njeriu në ambjentet e paraburgimit?

Biznesmenët emigrantë, dyqanet e të cilëve kanë rënë pre e dhunës, mund të ndjehen ndryshe. Ashtu siç mund të jenë edhe amerikanët, që po e shohin se çfarë ka prodhuar qasja liberale ndaj policisë më pak se 60 km larg nga kryeqyteti i vendit, në Baltimorë.

Pas vdekjes së zezakut 25-vjeçar Fredi Grej në ambjentet e paraburgimit, dhe protestat e dhunshme që e pasuan këtë ngjarje, policia e Baltimorës i zmbrapsi protestat, dhe shkalla e vrasjeve arriti nivele të para vetëm në fillim të viteve 1990.

Ndërsa votuesit po shkojnë drejt presidencialeve të nëntorit 2020, ata mund të pyesin nëse ulja e kriminalitetit e arritur gjatë 25 viteve të fundit, është në rrezik me rizgjedhjen e presidentit Trump në detyrë. Ajo që e shton zemërimin ndaj Bajden, është e shkuara e dy prej grave aleate në garën e tij.

Senatorja e Minesotës, Emi Klobushar, para se të zgjidhej senatore, ishte një prokurore qarku, dhe mënyra e trajtimit të rasteve të dyshuara të brutalitetit policor, tashmë po kritikohet ashpër. Edhe senatorja e Kalifornisë, Kamala Harris, është gjithashtu një ish-prokurore në profesion.

Edhe pse një grua më ngjyrë, ajo përmbush më shumë kërkesat e Partisë Demokratike për diversitet në radhët e saj.

Nëse ajo do të ishte zgjedhja e Bajdenit si kandidiate për zv/presidente, do të përfaqësonte një ekuilibër midis portretizimit të saj si e ashpër me krimin, dhe një pikëpamjeje të favorshme ndaj narrativës liberale mbi protestat e ditëve të fundit. Ajo mund të armiqësojë lehtësisht votuesit nga të dy anët e kësaj çëshje, sikundër mund ta bëjë edhe vetë Bajden.

Në fund të viteve të mandatit të Barak Obamës, armiqësia e liberalëve ndaj zbatimit të ligjit dhe imazhet e trazirave dhe trazirave kudo në vend, nga Baltimora deri në Sent Ljuis dhe Dallas, i dhanë shumë pikë fushatës së Donald Trumpit. Tashmë historia po përsëritet, dhe jo vetëm ajo e vitit 2016, por edhe historia e avantazhit që ka pasur Partia Republikane në vitet 1970-1980, me votuesit amerikanë që i perceptuan demokratët si shumë liberalë, për të garantuar dhe rendin në vend.

Trump ka qenë në fillim i lëkundur mbi qasjen që duhet të ketë mbi këtë çështje. Por më pas ai nisi të ashpërsojë tont kundër atyre që po shkaktojnë trazira nëpër qytetet e Amerikës. Ai nuk duhet të tutet, apo të rrezikojë mbështetjen e bazës së tij konservatore.

Është koha që Trumpi të garojë kundër Bajdenit, duke pasur në fokus fushatën tradicionale në stilin e republikanëve: zbatimin e ligjit dhe garantimin e rendit publik në vend, për të ndaluar kaosin e radhës që mund të përfshijë mbarë Amerikën.

Shënim: Daniel Mccarthy është kryeredaktor i revistës “American Conservative”./ Përshtatur nga CNA.al

LEXO TE PLOTE

Blog

Biden takohet me udhëheqës afrikano-amerikanë në mes të protestave

Publikuar

-

Nga

Joe Biden u takua me drejtuesit e komunitetit në një kishë kryesisht Afrikano-Amerikane në Delauer të hënën në mëngjes, duke dalë nga shtëpia për dy ditë radhazi për të trajtuar tensionet racore që kanë filluar të riformulojnë zgjedhjet e ardhshme presidenciale.

Biden, ish-nënpresidenti i cili do të përfaqësojë demokratët kundër Presidentit Donald Trump në zgjedhjet presidenciale këtë vjeshtë, është gjendur në vështirësi në përpjekjet për të gjetur hapësirë në debatet kombëtare rreth dy krizave që kanë përfshirë vendin në javët e fundit nga studioja e tij televizive në bodrum. Por pas një nate tjetër të protestave të dhunshme, demokrati 77-vjeçar u takua me një numër udhëheqësish afrikano-amerikanë në qytetin e tij përpara një takimi virtual me kryetarët e bashkive në të gjithë vendin.

Kjo qasje e takimeve më udhëheqës të nivelit më të ulët është në kontrast të madh me atë të Presidentit Trump në ditët e fundit, i cili ka bërë pak përpjekje për të unifikuar vendin. Presidenti republikan foli me guvernatorët dhe zyrtarët e forcave të zbatimit të ligjit të hënën, por ai e kaloi pjesën më të madhe të fundjavës duke përdorur Twitter-in si një platform për të nxitur respektimin e “ligjit dhe rendit” dhe veprime më të ashpra nga policia kundër protestuesve në të gjithë vendin. Ai paralajmëroi të premten se, “kur plaçkitjet fillojnë, të shtënat fillojnë.”

Presidenti Trump gjithashtu kritikoi zotin Biden të hënën, duke thënë ne një postim në Twitter se “Njerëzit e Joe Bidenit të përgjumur janë aq të dhënë pas të Majtës Radikale sa që po punojnë për t’i nxjerrë anarkistët nga burgu, dhe ndoshta më shumë”.

Në momentet e para të mbledhjes së të hënës në kishën Bethel AME në qytetin ku jeton zoti Biden, Uilmington, ish-nënpresidenti dëgjonte me qetësi dhe mbante shënime në një fletore. Të gjithë të pranishmit, përfshirë edhe vetë zotin Biden, përdorën maska.

“Nënpresidenti erdhi të dëgjojë nga ne. Ky është një djalë lagjeje,” tha Pastori Sylvester Beaman, përpara se zoti Biden dhe të pranishmit të ulnin kokat për fillimin e lutjeve.

Qasja më e butë e zotit Biden mund të kumtoj se si kandidati që pritet të marrë emërimin e partisë demokrate do paraqitet pesë muaj para zgjedhjeve presidenciale, duke theksuar qetësinë dhe kompetencën si një kontrast me një president që flet shpejtë. Është një qasje që mbart me vete rrezikun për t’u mbytur nga angazhimi shumë më i zëshëm, më këmbëngulës i Presidentit Trump.

“Ai nuk është në detyrë, dhe ai sigurisht që nuk ka megafonin e personit që aktualisht ndodhet në Shtëpinë e Bardhë, por unë mendoj se njerëzit tanë janë duke kërkuar dikë që mund t’i bëjë ata të ndjehen më mirë gjatë këtyre kohërave jashtëzakonisht të vështira,” tha ligjvënësja Val Demings nga Florida, të cilën Biden po e konsideron si kandidate të tij për nënpresidente. “Amerika thjesht duhet të sigurohet që ka një njeri që është mirëkuptues, dhe i gatshëm të thotë,”Po, ne kemi disa çështje, ” dhe dikush që është i gatshëm t’i trajtojë ato.”

Megjithatë, sigurimi kërkon praninë, dhe kjo ka qenë një pengesë për ish-nënpresidentin, i cili u detyrua të vetëizolohej nga pandemia e koronavirusit, ende po punon për t’u përshtatur me fuqinë e mediave sociale si një zëvendësuese të pranisë fizike dhe pa platformën e zakonshme të një posti publik.

Zoti Biden mbajti një fjalim të mirëpritur të premten, duke u bërë thirrje të bardhëve që të mbanin përgjegjësinë në përpjekjet për t’i dhënë fund racizmit sistemik të Amerikës. Por, ai ishte kryesisht jashtë vëmendjes gjatë fundjavës, e cila shënoi përvjetorin e pestë të vdekjes së djalit të tij Beau Biden.

LEXO EDHE:  Lady Gaga anullon koncertin/ Përfundon në spital pas dhimbjeve të vazhdueshme

LEXO EDHE:  Pse gratë e kërkojnë zakonisht më shpesh divorcin sesa burrat?

Të hënën ai pati paraqitjen e tij të tretë publike që nga shpërthimi i pandemisë në mes të marsit.

Zoti Biden dhe bashkëshortja e tij, Jill, shënuan Ditën e të Rënëve duke vendosur një kurorë me lule të bardha në një memorial të veteranëve në afërsi të shtëpisë së tij në Uilmington javën e kaluar, dhe fushata e ish-nënpresdentit postoi fotografi të tij gjatë vizitës në një pjesë tjetër të qytetit ku po mbahej një protestë, të dielën pasdite. Më parë, ai bëri një postim në platformën Medium duke shprehur empati për ata që janë të dëshpëruar nga vdekja e afrikano-amerikanit George Floyd gjatë kohës që ai ishte nën arrest.

“E vetmja mënyrë për të përballuar këtë dhimbje është kthimi i këtij ankthi në një qëllim”, thuhej në postimin e zotit Biden të publikuar të dielën. “Dhe si President, unë do të ndihmoj në udhëheqjen e kësaj bisede – dhe më e rëndësishmja, unë do t’i dëgjoj shqetësimet tuaja”.

Në mbledhjen e mëngjesit të së hënës morën pjesë 15 udhëheqës fetarë, politikë dhe të arsimit, përfshirë ligjvënësin demokrat të Delauerit, Blunt Rochester. Ata të gjithë mbanin maska dhe mbanin një distancë fizike në ulëset e kishës. Njoftimet e ngjitura në hyrjen kryesore i paralajmëruan njerëzit të mos hynin nëse kishin kollë ose simptoma të tjera të koronavirusit.

Pjesa më e madhe e strategjisë së fushatës së zotit Biden përqendrohet në përpjekjen për të nxjerrë në pah një kontrast me Presidentin Trump nga pikëpamja e temperamentit dhe vlerave. Ai e ka quajtur garën për Shtëpinë së Bardhë një betejë për shpirtin e vendit dhe ka qenë veçanërisht i fuqishëm në dënimin e trajtimit nga Presidenti Trump të momenteve të tensioneve racore.

Demokratët besojnë se ish-nënpresidenti ofron një kontrast ndaj Presidentit Trump në momente të tilla, që i jemi atij (zotit Biden) një avantazh. Ata theksojnë se ndërsa zoti Biden nuk u shfaq në televizion tërë fundjavën, ai foli për vdekjen e afrikano-amerikanit George Floyd para Presdientit Trump dhe tregoi dhembshuri për protestuesit.

Trump ka alternuar midis shprehjes së alarmit për vdekjen e zotit Floyd dhe simpatisë për familjen e tij dhe postimin e mesazeve në Twitter duke antagonizuar protestuesit dhe përçmuar armiqtë e tij politikë.

Dhe në zgjedhjet që ka të ngjarë të jenë një referendum për presidentin e tanishëm, disa ndihmës të zotit Biden thonë privatisht se plani më i mirë mund të jetë që të lejojnë Presidentin Trump që të dëmtojë veten.

Megjithatë ekziston edhe mendimi se Biden duhet të bëjë më shumë sesa thjesht të presë votuesit që mund të mos jenë të kënaqur me zotin Trump. Disa demokratë që e kanë kritikuar zotin Biden në të kaluarën për mungesë të pranisë në publik gjatë fillimit të pandemisë së koronavirusit thanë se ai po bën lëvizjet e duhura tani.

“Jam i sigurt se ata kanë hezitime, të kutpueshme, tani për ta politizuar këtë. Kjo nuk është pjesë e natyrës së tij”, tha strategu demokrat James Carville. “Mund të ketë një kohë për elokuencë, por unë mendoj se thjeshtësia është elokuencë tani”./ VOA

LEXO TE PLOTE