Connect with Us

Kamera e fshehtë/ Mashtrimi me 550 mijë Euro në shitjen e një hoteli

Denoncim

Kamera e fshehtë/ Mashtrimi me 550 mijë Euro në shitjen e një hoteli

Publikuar

-

Xhevdet Bizhdili, pronar i një hoteli 3-katësh në zonën e Malit të Robit tregon se në vitin 2017 vendosi t’ia shesë hotelin për 850 mijë euro Rasim Docit.

Marrëveshja legale u bë te noteri për 300 mijë euro dhe kontrata parashikonte shlyerjen e kësaj shume brenda 6 muajve. Ndërsa 550 mijë euro do të shlyheshin me klering me apartamente.

Pas 6 muajsh Xhevdeti nuk i mori apartamentet, por mori një fletë-thirrje nga Gjykata e Kavajës pasi blerësi Rasim Doci kërkonte lirimin dhe dorëzimin e hotelit

Gjykata e Kavajës i dha të drejtë Rasim Docit dhe ky i fundit, bashkë me avokaten e tij,Lindita Tako, fshehën shumën e 550 mijë eurove, duke përdorur kontratën e noterit ku pasqyroheshin vetëm 300 mijë eurot dhe jo apartamentet.

Prokuroria e Kavajës e klasifikoi këtë mashtrim si konflikt civil, duke mos shtrirë hetimet dhe verifikuar fletën ku Rasim Doci premtonte apartamente në formë pagese për hotelin.

Përmes kamerës së fshehtë, “Stop”arrin të marrë pohimin e Rasimit se i detyrohet Xhevdetit edhe 550 mijë euro me klering.

Madje Rasimi flet edhe për mënyrat, se si këto apartamente të kalojnë pa paguar taksat në shtet, për shkak të dyshimit për burimin e të ardhurave.

Emisioni “Stop” ka mundur të sigurojë të gjithë seancat gjyqësore për konfliktin. Zoti Doci, në të gjithë seancat gjyqësore, por edhe në kërkesëpadia, nuk pranon faktin e borxhit të 550 mijë eurove.

Gjyqtari- E çelim seancën gjyqësore në Kavajë, sot me datën 01/04/2019 ditë e hënë, ora 13:20 minuta në gjykatën e shkallës së parë të rrethit gjyqësor Kavajë. Me trup gjykues të përbërë nga kryetari I seancës gjyqësore Lusha, ndihmuar nga sekretarja Suzana. Sipas deklaratës, ju duhet të paguani më parë lekët, apo duhet të merrni pronën?

Rasim Doci- Jo duhet të marrim pronë. E keni të shkruar në kontratë poshtë. Në fund të kontratës.

Gjyqtari- Të marrësh pronën e pastaj të paguash lekët ëëë..?

Rasim Doci- Jo zotëri! Lekët është noteri garant për këtë punë.

Avokati i blerësit – I nderuar, është kusht kontraktor, për arsye se është një pronë me barrë hipotekore, dhe një pjesë e detyrimit të shumës së shitjes, shkon për të shlyer debitorin. Nga ana e palës paditëse, janë plotësuar të gjitha detyrimet e saj ndaj kontratës. Në 2017-ën ka në kujtesë noteriale, që na kujton për mbushjen e detyrimit kontraktor. Ka rezultuar, që në nëntor të 2018-ës, përfundimisht është paguar edhe 18 milionë të reja dhe është shlyer totalisht detyrimi, sipas kushteve të bëra në kontratën e shit-blerjes së pronës. Aktualisht pala paditëse, nuk ka më asnjë detyrim financiar, lidhur me kontratën e shitjes me kusht.

Gjyqtari- Dhe një herë palës së paditur.

Avokati i shitësit– Fillimisht kishim një pyetje, se nuk e kuptova. Çfarë date e keni paguar ju këstin e fundit? Se thatë dhjetor, se s’isha I qartë.

Avokati i blerësit – Nëntor 2018-ës.

Avokati i shitësit- Po, nënor 2018-ës. Kur ishte afati I fundit, që duhej të shlyhej, sipas kontratës?

Avokati i blerësit – Në këtë moment, unë e kam paguar edhe këstin e fundit, megjithëse këto nuk e kanë përmbushur detyrimin, për ta liruar objektin.

Avokati i shitësit-Po!

Avokati i blerësit – Atëherë, në qoftë se kanë pretendim për vonesën, le të kërkojnë kamatë- vonesën!

Gjyqtari- T’lutem!

Avokati i shitësit-Tani. Ke paguar fillimisht 12 milionë dhe keni paguar në po të njëjtën datë edhe shumën tjetër 58 milionë e 00.

Avokati i blerësit – Detyrimin!

Avokati i shitësit- Në dy banka të ndryshme.

Avokati i blerësit- Detyrimin!

Avokati i shitësit- Kaq kisha!

Gjykata vendosi t’i japë të drejtë blerësit, duke mos marrë parasysh provat dhe faktet për 550 mijë euro, të cilat Doci i mohonte duke iu bazuar kontratës së noterit.

Krahas procesit civil në Gjykatën e Kavajës, paralelisht edhe në Prokurorinë e Kavajës kemi një kallëzim nga Pronari i hotelit, Bizhdili, i cili pretendon se është mashtruar nga Doci.

Gazetari: Sa i përket pjesës së apartamenteve që do të shlyente 550 mijë euro, a bëtë një kontratë tek noteri, se si do t’i jepte?

Xhevdet Bizhdili: Atë kontratë nuk e bëmë se tha janë të gjitha hyrje pa hipotekë, pasi t’i bëjmë hyrjet me hipotekë do t’i kalojmë të gjitha. I kemi shkruajtur në një letër dore, me firmën e atij, me numër telefoni etj.

Në mënyrë absurde, duke mos i shtrirë hetimet, prokurori i Kavajës Durim Bedini ka dalë me vendimin e mosfillimit të këtij kallëzimi penal, duke mos marrë parasysh faktet e dorëzuara nga pronari i hotelit.

Emisioni “Stop” nëpërmjet kamerës së fshehtë, arriti që të mundësojë një takim mes pronarit të hotelit dhe blerësit, Z. Doci, i cili e pranon faktin e 550 mijë eurove, të cilat nuk janë nënshkruar tek një noter, por kanë qenë në marrëveshje verbale me pronarin e hotelit trekatësh.

LEXO EDHE:  500.000 lekë për legalizimin e banesës/ E pëson keq “mashtruesja” 26-vjeçare

Kamera e fshehtë:

Denoncuesi- Sa qenë atëherë?

Rasim Doci- Në Kavajë atëherë qenë 6 hyrje.

Denoncuesi- 6 hyrje? 6 deri në 7 hyrje në Kavajë.

Rasim Doci- Përveç Kavajës.

Denoncuesi- Ku e ke gjet? Ore e di, si është puna? Po mirë pra, ku e ke, që të shkojmë t’i shohim në Tiranë.

Rasim Doci- Në Tiranë. Shiko tashi! Në Tiranë jemi fut në një vend dhe ato vonohen.  Eshtë vend shumë i mirë, por vonon edhe çmimi. Do sistemohemi për të jetu në Kavajë. T’ju sistemojmë. Pastaj doni një variant këtu, p.sh mund të bëhen nja dy apartamente. Do në Golem tek këto pallatet?

Denoncuesi- Jo, mor burrë! Eshtë pallati i madh.

Rasim Doci- Me hipotekë janë. Papafingon të gjithë. Janë 6 papafingo. Si do ia bëjmë me këtë punën e atij?

Denoncuesi- Rasimi të shohë sa hyrje ka, si i formulon, që edhe ne të flasim. Ka edhe në Kavajë. Sa ka? 4 a 5 copë, a 2, a 3. Një në Golem, a këtu, a këtu, që të plotësohet e gjithë shifra, që kemi.

Bizhdili: I kam cuar edhe në prokurori, i kam edhe me audio, zërin e tij dhe letrën, kurse Prokuroria thotë ska prova, se si i rregulloi punët ai. 550 mijë euro e të mos hapësh një hetim? Ça prokurorie?

Rasim Doci- Me e bo bisedën, siç kam qenë gjithmonë unë.

Denoncuesi- Dakord, o dakord!

Rasim Doci- Edhe i qëndroja asaj pune.

Denoncuesi- Rasim! Këto nuk duan hyrje. Sa kohë të presin për lekët?

Rasim Doci- Po s’e di!

Denoncuesi- Një variant, që thotë Bledi, lekë dhe një variant tek Ringu, siç kemi ngel atëherë. Kuptove?

Miku 1 i Rasimit – Ore ti, problemi është këtu. Fus hundët kot unë.

Denoncuesi- Fol o burrë, ça problemi ka, se s’po them gjë. Gjykimin në gjykatë, e ke mbaru punë.

Rasim Doci- Ore, je në terezi?!

Denoncuesi- O Rasimo! Po këto hyrjet o vëlla? Si do i ashtu, se i bie 12 hyrje secili, do i bëjë me vlerë më të vogël te noterja? Se është edhe një çikë keq, se ti e di.

Miku 1 i Rasimit – Këto janë probleme teknike.

Denoncuesi- Po pra, se ne po flasim, o burrë.

Miku 1 i Rasimit – Sa vjen e shtrëngohet ajo.

Rasim Doci- Ne do të vejmë çmime reference, ti nuk pagu taksa, edhe plotësohet vlera.

Denoncuesi- Dakord, ore dakord!

Miku 1 i Rasimit – Puna e parë një herë, bi në ujdi një herë, pasi bi në ujdi, masanej…

Denoncuesi- Mirë  mor, mirë! Po është ajo, se e kanë dhe atë  sikletin, se ti e di muhabetin. Si do i kalojmë ne gjithë këto në të zezë? A t’kujtohet ai muhabet?

Rasim Doci- I ke mor vlla, lekët.

Miku 1 i Rasimit – Sido të jetë, i ke marrë lekët.

Denoncuesi- Po mor xhaxhi, po kontrata u bo 300 milionë e? Po të tjerat si do i deklarosh te hyrjet?

Rasim Doci- Një sekondë!

Denoncuesi- Si do i deklarojmë po them?

Miku 1 i Rasimit – Do merren me noter të gjitha hyrjet. Qysh u merrkan ato në dorë, a si? Ideja është kjo: Kaq lekë ke marrë, ok. Jemi 15 ja dhe 25, u bë shtëpia, u plotësuan këtu?

Denoncuesi- Po!

Miku 1 i Rasimit – Stop ime! Që të merren ato shpia, do kalojnë kaq lekë! Merr këtu ço këtu! Merr ketu leji këtu! Merr këtu çoji këtu! Bëhet me noter, edhe me shtetin je në rregull, edhe me të tjerët, je në rregull. S’është problem fare.

Miku 2 i Rasimit- Po kohën e vet e duan ato. E kupton?

Denoncuesi- Po normale, që do kohën e vet, o burrë!

Miku 1 i Rasimit – Këtë po them pra.

Miku 2 i Rasimit- Ato do i përdorësh për të pastru hyrjen.

Miku 1 i Rasimit – Ato lekë nuk preken. Merr këtu, ço këtu! Merr këtu ço këtu dhe i ke në rregull.

Miku 2 i Rasimit- Ti me ça motivi do i marrësh? Vetëm nëse të bëhet akt-dhurim, mund të bësh 1 ose 2. S’mund të bësh gjithë llogarinë!

Rasim Doci- Ose përshembull, kam një hyrje unë, e ka ky p.sh, dhe një ta bën tjetri, pjesa tjetër bëhet me xhirime.

Miku 1 i Rasimit – Rregullohet nga ana e asaj, se ka rob sa të duash, që merren me atë punë dhe rregullohet ajo punë.

Rasim Doci- S’ka noj gjë. Le të merret me këtë punë ai, se s’…

Miku 2 i Rasimit- Nejse! Një rob e do atje ai, se nuk ta bo kush kaq kollaj. Ai, që do merret me atë punë, ai një kafe e do me patjetër!

Miku 1 i Rasimit – Gjërat do rregullohen. Kemi ne bankën, kemi ne robin tonë, se kanë bërë gjëra më të mëdhaja. Kjo sot është, që ne po abuzojmë me shtetin. /tvklan.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Denoncimi/ Shkojnë të inspektojnë masat anti-covid në fasoneri dhe blihen me rryshfet

Publikuar

-

Nga

Denoncimi/ Shkojnë të inspektojnë masat anti-covid në fasoneri dhe blihen me rryshfet

Ish-kryeministri Sali Berisha ka publikuar denoncimin e një qytetari, i cili shkruan se sot ka patur kontroll në një fasoneri në Bilisht nga inspektorët e Shëndetësisë.

Sipas denoncuesit, vetë inspektorët nuk kanë patur maskë dhe uniformë dhe në fund kanë kërkuar dhe rryshfet nga pronari i fasonerisë.

“Akuzon inspektoret se shkojne per kontroll dhe blihen me ryshfet!

Lexoni mesazhin e qytetarit dixhital. sb

Përshëndetje doktor.Uroj te jesh mire ti dhe familjaret tend.Nepremjet teje dua te bej nje denoncim.Sot ne nje fasoneri ne qytetin e Bilishtit kishte kontroll nga Ministria e Shendetesise ne lidhje me respektimin e masave.Vetem inspektoret nuk kishin asnje mase mbrojtese dhe uniforme.Thjesht kishin kontrolluar ambientin dhe ne fund kishin kerkuar rryshfet materiali nga pronari i fasonerise.Shpresoj ta publikoni kete rast. (anonim ju lutem).”/CNA.al

LEXO TE PLOTE

Denoncim

Paaftësi apo korrupsion?/ MIE miratoi dy kontrata të ndryshme për rrugën Milot-Balldren

Publikuar

-

Nga

Paaftësi apo korrupsion?/ MIE miratoi dy kontrata të ndryshme për rrugën Milot-Balldren

Gazetari dhe eksperti i Ekonomisë Klodian Tomorri, zbulon një skandal brenda zyrave të Ministrisë së Infrastrukturës dhe Energjisë, me rrugën Milot-Balldren. Sipas tij, për koncesionin e kësaj rruge, janë miratuar dy kontrata.

“Skandalet me kontratat koncesionare në Shqipëri nuk kanë të sosur. Ministria e Infrastrukturës dhe Energjisë ka vendosur një precedent botëror, teksa ka miratuar të njëjtën kontratë me dy versione të ndryshme nga njëri-tjetri. Bëhet fjalë për koncesionin e rrugës Milot-Balldren.

Në 7 maj të vitit 2019, Ministria e Infrastrukturës i ka përcjellë për miratim Ministrisë së Financave draftkontratën e koncesionit për ndërtimin e rrugës Milot Balldrenë. Pjesë e draftkontratës ishte dhe modeli financiar, ku përshkruhej se si do të finacohej projekti. Sipas modelit financiar, përveç kredive kompania koncesionare do të financonte 19.5 milionë euro përmes furnitorëve të cilat do të përdoreshin përkatësisht 9.5 milionë euro në vitin e dytë të projektit dhe 10 milionë euro në vitin e tretë.

Pas marrjes së miratimit nga Ministria e Financave, pak ditë më vonë Ministria e infrastrukturës e depoziton draftkontratën e koncesionit për miratim në Kuvend, por me shifra të ndryshme. Në draftkontratën e dërguar në Kuvend financimi nga furnitorët është ndryshurat përkatësisht në 2.5 milionë euro vitin e parë, 3 milionë euro vitin e dytë, 7 milionë euro në vitin e tretë dhe po kaq në vitin e katërt. E njëjta draftkontratë, me të njëjtin numër noterial, e firmosur nga i njëjti njeri, zëvendësministri Artan Shkreli, por me shifra të ndryshme.

LEXO EDHE:  Foto-Para dhe pas tërmetit/ Çfarë ka mbetur nga hoteli “Mira Mare” në Durrës

LEXO EDHE:  Rezervimi 1900 eurosh/ Hoteli në Berlin nxjerr zbuluar Gjonajn

Diferencat në financimin nga furnitorët ndryshojnë të gjithë fluksin e parasë në ciklin e projektit. Kur tabelat e cash floët nuk përputhen atëhere ka dy opsione. Ose shifrat e kostos së koncesionit janë të rreme ose projekti nuk është financiarisht i qëndrueshëm. Rrjedhimisht lind pyetja cili është propozimi i përzgjedhur si fitues nga Ministria e Infrastrukturës, ai i dërguar në Ministrinë e Financave apo ai që i është përcjellë Kuvendit?

Skandali i dy kontratave të ndryshme të Milot Balldren u pikas për herë të parë nga Kontrolli i Lartë i Shtetit gjatë auditimit të drejtorisë së Koncesioneve në Ministrinë e Financave. Kur audituesit e KLSH kërkuan shpjegim zyrtarisht, Ministria e Financave u përgjigj se sqarimi i mospërputhjeve financiare mes dy draftkontratave nuk është kompetencë e saj.

Në fakt Ministria e FInancave ka miratuar vetëm variantin që i është dërguar asaj. Rrugës Ministria e Infrastrukturës miratoi edhe një tjetër variant të ndryshëm, që ja dërgoi Kuvendit. Në këtë pikë lind natyrshëm pyetja; A e dinë tabelën e shumëzimit në Ministrinë e Infrastrukturës apo ndryshimi i modelit financiar të koncesionit Milot-Balldrenë u diktua nga shkaqe më okulte? Për ta thënë më shkurt, pse u miratua një kontratë me dy variante të ndryshme; Paaftësi apo Korrupsion? Megjithatë kjo pak rëndësi ka,. Në të dy skenarët, miratimi i një kontrate më dy versione të ndryshme financiare përbën shkelje të rëndë ligjore”, shkruan Tomorri në rrjetet sociale./CNA.al

LEXO TE PLOTE

Denoncim

Denoncimi/ Merret peng kryetari i bashkisë Vorë

Publikuar

-

Nga

Denoncimi/ Merret peng kryetari i bashkisë Vorë

Ish kryeministri Sali Berisha ka publikuar mesazhin e një qytetari i cili shkruan se Hekuran Brahimaj, kryetar në detyrë i Bashkisë Vorë, është marrë peng mbrëmë nga një person i përfshirë në botën e krimit, i njohur me emrin Alfons Gjoka.

Personi që ka bërë këtë denoncim thotë së është punonjës i policisë bashkiake Vorë, por ngjarja po mbahet e fshehur.

‘Policia fsheh ngjarjen.

Lexoni denoncimin e policit digjital. sb

LEXO EDHE:  Mashtrimi në Astir/ Deputeti: Çfarë pret akoma Prokuroria

LEXO EDHE:  Mashtrimi në Astir/ Deputeti: Çfarë pret akoma Prokuroria

Pershendetie Z berisha mbrem meret Peng per disa ore kryetari ne detyr bashkis vore Z Hekuran Brahimai personi qe e ka Mare Peng quhet Alfonc Gjoka nje person I njohur I botes Krimit Arsya qe esht mar Peng e prones qe preket nga Projekti mafjoz I narkobanditeve. Policia hesht per kete ngjarje. Te lutem anonim Se Jam polic I bashkis vore. Respekte’./CNA.al

 

LEXO TE PLOTE