Connect with Us

100,000 vdekje nga koronavirusi/ Trump: Një moment historik shumë i trishtuar për SHBA

Bota

100,000 vdekje nga koronavirusi/ Trump: Një moment historik shumë i trishtuar për SHBA

Publikuar

-

Presidenti Donald Trump i quajti të enjten vdekjet më të larta në botë nga koronavirusi në Shtetet e Bashkuara “një moment historik shumë të trishtuar”.

Në fillim të vitit, Trump shpesh e minimizonte kërcënimin e koronavirusit, duke thënë se numri i rasteve në ShBA do të zvogëlohej shumë shpejt. Por ai e pranoi numrin e vdekjeve – një shifër më e lartë nga numri i vdekjeve amerikane në luftërat e Vietnamit dhe Koresë të marra së bashku – në një koment në Twitter.

“Për gjithë familjet dhe miqtë e atyre që janë ndarë nga jeta,” tha ai, “dua të shpreh simpatinë dhe dashurinë time nga zemra për të gjitha vlerat që mishëronin dhe përfaqësonin këta njerëz të mëdhenj. Zoti qoftë me ju!”

Me ShBA që kaloi 100,000 vdekje në më pak se katër muaj, një grup senatorësh nga të dyja partitë ripërsëritën thirrjen e tyre për një moment heshtjeje që do të mbahej të hënën për të nderuar të vdekurit.

“Kombi duhet ta kujtojë këtë moment të errët me unitet dhe qartësi,” tha senatori Brian Schatz, një demokrat nga Hauai. “Në këtë kohë dhimbje gati të paimagjinueshme, është thelbësore që të ndalemi për të nderuar çdo jetë të humbur dhe që të ngushëllohemi së bashku”.

“Pandemia” COVID-19 “ka shkatërruar vendin tonë,” tha senatorja republikane Lisa Murkowski nga Alaska. “Shumë familje kanë parë të dashurit e tyre të vuajnë. Për shkak të masave të rrepta të izolimit, shumë prej atyre që kanë humbur dikë nga sëmundja nuk kanë mundur të japin lamtumirën e tyre të fundit në spitale. Shumë gjithashtu nuk kanë qenë në gjendje të kenë ceremoni të duhura për të nderuar njerëzit që kanë humbur. ”

Një propozim tjetër në Dhomën e Përfaqësuesve kërkon një moment të përditshëm heshtjeje sa herë që dhoma të fillojë një seancë, si dhe një ditë kombëtare zie pasi të përfundojë pandemia dhe krijimi i një memoriali kombëtar për viktimat.

Shtetet e Bashkuara kanë parë njëfarë përmirësimi në numrin e përditshëm të vdekjeve, por ky përparim bëri një hap të mprehtë prapa të mërkurën me 1.400 vdekje të reja të raportuara.

Sipas statistikave të Universitetit Johns Hopkins, në të gjithë botën, më shumë se 356,000 njerëz kanë vdekur nga COVID-19. Ka rreth 5.7 milion raste të konfirmuara, me gati 30% në Shtetet e Bashkuara.

Koreja e Jugut raportoi 79 raste të reja të enjten ndërsa vazhdon të punojë për të parandaluar një ringjallje të përhapjes së virusit. Me shumicën e rasteve të reja të vendosura në zonën e Seulit, Ministri i Shëndetësisë Park Neung-hoo u bëri thirrje njerëzve të shmangin tubimet e panevojshme dhe kompanive të mbajnë punëtorët e sëmurë në shtëpi.

Ka shqetësime edhe në shumë vende të Amerikës Latine, ku Programi Botëror i Ushqimit thotë se pandemia mund të lerë 14 milion njerëz të uritur.

“Ne po hyjmë në një fazë shumë të ndërlikuar,” tha Miguel Barreto, drejtori rajonal i WFP për Amerikën Latine dhe Karaibet. “Ne po e quajmë këtë një epidemi urie.”

Brazili ka patur goditjen më të fortë në rajon, me 411,000 rastet e saj, duke u radhitur vetëm pas Shteteve të Bashkuara. Peruja ka parë gjithashtu një rritje të mprehtë të rasteve, përfshirë raportimin e të mërkurës me një rritje rekord ditore prej 6.154 rastesh të reja.

India raportoi një kërcim të ngjashëm të enjten me 6.566 raste të reja, një rekord për vendin që tani renditet e 10 në botë për nga numri i rasteve të konfirmuara./ VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Trump gati urdhrin e ri/ Rishikim i rregulloreve për platformat e rrjeteve sociale

Publikuar

-

Nga

Presidenti amerikan Donald Trump pritet të nxjerrë një urdhër ekzekutiv për rishikimin e një ligji, i cili prej kohësh mbron kompanitë Twitter, Facebook dhe Google që ato të mos mbajnë përgjegjësi për materialin e postuar nga përdoruesit.

Njoftimi vjen pasi kërcënimeve të Presidentit se do të mbyllte faqe të caktuara interneti që ai i akuzon se po mbysin zërat konservatorë.

Dy ditë më parë zoti Trump u përfshi në një debat me kompaninë e rrjeteve sociale Twitter, kur ajo vendosi t’u shtojë shënime tweeteve të Presidentit rreth pretendimeve të tij, të pa mbështetura në fakte, për manipulime në votimin me postë.

Kompania u kishte shtuar tweeteve të presidentit një paralajmërim, ku i nxiste lexuesit të kontrollonin faktet.

Urdhri ekzekutiv do t’i kërkonte Komisionit Federal të Komunikimit të propozojë apo sqarojë disa rregullore të kapitullit 230 në Ligjin për Komunikimin e Qytetëruar, sipas të cilave platformat e internetit nuk mbajnë përgjegjësi ligjore për materialin që postojnë përdoruesit e tyre.

Ndryshime të tilla mund t’i ekspozojnë kompanitë e teknologjisë ndaj padive të reja ligjore.

Në projekt-urdhrin ekzekutiv i kërkohet Komisionit Federal të Komunikimit të shqyrtojë nëse veprimet të cilat lidhen me ndryshimet që kompanitë e mediave sociale vendosin t’i bëjnë përmbajtjes së postuar në platformat e tyre, duhet të çojnë në humbjen e mbrojtjes që ato gëzojnë sipas kapitullit 230 të ligjit.

LEXO EDHE:  Koronavirusi/ Trump nuk heq dorë nga akuzat: Po analizoj mënyra për të ndëshkuar Kinën

Projekt-urdhri i kërkon gjithashtu agjencisë në fjalë të shqyrtojë nëse një platformë e medias sociale përdor praktika mashtruese për të ndryshuar përmbajtjen e postuar dhe nëse këto praktika nuk janë në përputhje me statutin e saj.

Në projekt-urdhër thuhet se Zyra e Strategjisë Dixhitale pranë Shtëpisë së Bardhë do të ngrejë një mekanizëm për të ndihmuar qytetarët të raportojnë raste të censurës në internet.

REAGIMET

Shefi ekzekutiv i firmës Twitter Jack Dorsey tha në faqen e internetit të kompanisë se tweetet e presidentit “mund t’i bëjnë njerëzit të mendojnë gabimisht se ata nuk kanë nevojë të regjistrohen për të marrë një fletëvotimi me postë. Synimi ynë është të sqarojmë deklarimet konfliktuale dhe të japim informacionet për të cilat ka debate, në mënyrë që njerëzit të mund të gjykojnë vetë.”

Steve DelBianco, president i NetChoice, një grup komercial që ka në klientelën e tij edhe kompanitë Twitter, Facebook dhe Google, tha se “presidenti është duke shkelur Amendamentin e Parë të Kushtetutës, duke kërcënuar të drejtat themelore të fjalës së lirë për platformat e mediave sociale”. Ky hap i administratës “i nxit qeveritë e huaja të kontrollojnë lirinë e shprehjes në internet,” tha ai në një deklaratë të enjten./ VOA

LEXO TE PLOTE

Kosova & Rajoni

Dekreti për qeverinë e re/ Kosova në pritje të vendimit të Gjykatës Kushtetuese

Publikuar

-

Nga

Gjykata Kushtetuese pritet që gjatë së enjtes ose së premtes ta publikojë vendimin e saj pro ose kundër, lidhur me dekretin e presidentit për formimin e qeverisë së re të Kosovës.

Ka mbetur vetëm edhe një ditë deri në afatin e fundit (29.05) që ia dha vetes Gjykata Kushtetuese për ta publikuar vendimin e saj nëse ka të drejtë ose jo presidenti i Kosovës që dekretoi Avdullah Hotin nga Lidhja Demokratike e Kosovës LDK, për ta formuar qeverinë e re të Kosovës. Qeveria e Albin Kurtit nga Vetëvendosje që doli e para në zgjedhjet e fundit, u rrëzua me një mocion mosbesimi në parlament nga 2/3 e deputetëve, mocion i inicuar nga LDK, që ishte partnere në koalicion me VV.

Akuza të ndërsjella

Vetëvendosja nuk po pajtohet që dikush tjetër pos partisë që doli e para në zgjedhje ta formojë qeverinë, ndërsa po kërkon zgjedhje të reja. Diskursi politik ndërmjet Vetëvendosjes dhe presidentit ditëve të fundit është ashpërsuar, duke e akuzuar njëri tjetrin për joligjshmëri në veprimet e ndërsjella dhe duke deklaruar secili në mënyrën e vet se Gjykata Kushtetuese do t’i japë të drejtë. Këto deklarime publike Gjykata Kushtetuese i ka quajtur presion ndaj saj dhe i ka kërkuar presidentit Thaçi dhe kryeministrit në detyrë, Albin Kurti, që të mos e paragjykojnë vendimin e saj. “Gjykata Kushtetuese po ndjek me shqetësim diskursin publik kërcënues që po zhvillohet ditëve të fundit nga Presidenti dhe Kryeministri në detyrë, si dhe bartës të tjerë të funksioneve institucionale dhe politike, të cilët duke akuzuar njëri-tjetrin për presion ndaj Gjykatës Kushtetuese nga pala tjetër, po mundohen të ndikojnë apo paragjykojnë vendimmarrjen e Gjykatës Kushtetuese për çështjen e dekretit të Presidentit për caktimin e mandatarit për krijimin e Qeverisë së re”, thuhej në një reagim të mëparshëm të Gjykatës.

Vendimi i Gjykatës Kushtetuese duhet të respektohet

LEXO EDHE:  Thirrja amerikane/ Alarm për drejtësinë kosovare

Shumica e udhëheqësve politikë dhe institucionalë tashmë janë deklaruar se vendimi i Gjykatës Kushtetuese duhet të respektohet cilidoqoftë ai. Në këtë linjë edhe ambasada amerikane në Prishtinë, është deklaruar se vendimi i Gjykatës Kushtetuese duhet të respektohet nga secila parti dhe secili institucion në vend, duke theksuar se “respektimi i vendimeve gjyqësore nuk është opsion, por është çështje kyçe për demokracinë kosovare”. “Ashtu siç edhe ka nënvizuar me parë ambasada, ne besojmë se është kyçe për demokracinë kosovare që të gjitha partitë dhe institucionet të respektojnë vendimet e Gjykatës Kushtetuese”, është deklaruar nga ambasada amerikane në Prishtinë.

Presidenti Thaçi në një takim me ambasadorin amerikan, Philip Kosnet në Prishtinë, (13.02.2019)

Qeveria e Kosovës me kryeministër Albin Kurtin, ku ishte pjesë e saj edhe LDK, u rrëzua me mocion mosbesimi më 25 mars, mocion ky i iniciuar nga vetë LDK, pas përplasjeve dhe mospajtimeve që kishin me Vetëvendosjen dhe liderin e saj Albin Kurti. Ky i fundit, pas rrëzimit të qeverisë së tij në parlament po vazhdon të kërkojë zgjedhje të reja, ndërsa tentimin për krijimin e një qeverie të re pa partinë fituese në këtë rast Vetëvendosjen po e cilëson antikushtetues.

E në pritje të vendimit të Gjykatës Kushtetuese, lëvizja Vetëvendosje për datën 28.05 pasdite, organizon një siç e quajnë ata një “performancë”, në sheshet kryesore të Prishtinës apo një “provë”, për protestë me një pjesëmarrje të paralajmëruar prej 3500 deri në 5000 veta. Ky tubim mundësohet pasi qeveria në detyrë nga sot hoqi kufizimet e liririsë së lëvizjës për gjithë ditën dhe ditëve në vijim, gjithnjë duke kërkuar nga qytetarët që në çdo tubim të respektohen masat siç janë ruajtja e distancës dhe vendosja e maskave mbrojtëse./ DW

LEXO TE PLOTE

Bota

Bilanci tragjik/ Mbi 100 mijë viktima nga COVID-19 në SHBA

Publikuar

-

Nga

Numri i vdekjeve nga pandemia COVID-19 në Shtetet e Bashkuara arriti në 100,000 të mërkurën pasdite, më i larti në botë deri tani dhe gati një e treta e më shumë se 350,000 vdekjeve në të gjithë globin.

Ndërsa SH.B.A. kaloi shifrën ogurzezë, Presidenti Donald Trump mbrojti trajtimin e tij të krizës dhe akuzoi mediat e lajmeve dhe politikanët demokratë për përhapjen e dezinformatave në lidhje me përgjigjen e tij.

“Radikalët e majtë, së bashku me partnerët e tyre, demokratët që nuk bëjnë asgjë, po përpiqen të përhapin një narrativë të re që Presidenti Trump ishte i ngadaltë në reagimin ndaj Covid 19,” tha Trump në një postim në Twitter të mërkurën. “E gabuar, unë isha shumë i shpejtë, madje bëra ndalimin e lëvizjeve me Kinën shumë kohë përpara se dikush ta mendonte si të domosdoshme!”

Referenca e presitetit Trump ndaj Kinës lidhet me vendimin e tij të 31 janarit për të ndaluar qytetarët jo-amerikanë të udhëtojnë nga Kina ndërsa lejoji që qytetarët amerikanë dhe banorët e përhershëm të vazhdonin të vinin në SHBA për sa kohë që i nënshtroheshin vëzhgimit dhe mundësisë së një karantine 14-ditore.

Rreth 1.400 amerikanë kanë vdekur mesatarisht çdo ditë në maj, nga kulmi prej 2,000 vdekshjesh në ditë në prill, sipas të dhënave të shteteve dhe të qarqeve mbi vdekshmërinë nga COVID-19.

Në rreth tre muaj, më shumë amerikanë kanë vdekur nga COVID-19 sesa gjatë Luftës Koreane, Luftës së Vietnamit dhe konfliktit amerikan në Irak nga viti 2003-2011 të marra së bashku.

Sëmundja e re e frymëmarrjes gjithashtu ka vrarë më shumë njerëz sesa epidemia e SIDA-s nga viti 1981 deri në vitin 1989 dhe është shumë më vdekjeprurëse sesa ka qenë gripi sezonal në dekada. Herën e fundit që gripi vrau më shumë njerëz në Shtetet e Bashkuara ishte gjatë sezonin 1957-1958, kur gjetën vdekjen 116,000 vetë.

Rastet e amerikanëve të infektuar me koronavirus janë mbi 1.7 milion me disa shtete jugore që panë shtime të rasteve të reja javën e kaluar, sipas një analize të Reuters bazuar në të dhënat nga Projekti i Gjurmimit të COVID, një përpjekje e drejtuar nga vullnetarë për të ndjekur shpërthimin e virusit në vend.

Në nivel global, rastet e infektimit me koronavirus kanë arritur në 5.6 milion me mbi 350,000 vdekje që kur shpërthimi filloi në Kinë në fund të vitit të kaluar dhe më pas mbërriti në Evropë dhe Shtetet e Bashkuara. Amerika e Jugut tani është duke mbajtur më rëndë barrën e shpërthimit, me Brazilin që ka numrin e dytë të rasteve në botë.

Sipas një raporti të Reuters, nga 20 vendet e prekura më së shumti, Shtetet e Bashkuara renditen në vendin e tetë në bazë të vdekjeve për frymë. Shtetet e Bashkuara kanë tre vdekje në 10,000 njerëz. Belgjika është e para me tetë vdekje për 10,000 njerëz, e ndjekur nga Spanja, Mbretëria e Bashkuar dhe Italia.

Ndërkohë, momenti historik global vjen ndërsa Koreja e Jugut njoftoi të mërkurën numrin më të lartë të rasteve të reja në 49 ditë. Autoritetet u përqëndruan në testimin e punëtorëve të gjigandit i tregtisë elektronike Coupang pasi dhjetëra raste u lidhën me një pikë të kompanisë pranë Seulit.

LEXO EDHE:  Ja kush është e vërteta për kërcënimin që na vjen nga ISIS

LEXO EDHE:  Ylli Rakipi i “nxjerr bojën” Ramës/ Është njeriu më i paturpshëm dhe i pacipë që nga viti 1912

Qendrat e Koresë së Jugut për Kontrollin dhe Parandalimin e Sëmundjeve tha se të gjitha, përveç katër nga 40 rastet e reja të saj ishin në zonën e Seulit.

Vendi ishte një pikë e nxehtë në fillimet e shpërthimit të koronavirusit, por tani renditet në 50 vendet e para për sa i përket infeksioneve të konfirmuara, sipas statistikave të përpiluara nga Universiteti Johns Hopkins.

Dita e zymtë për Brazilin

Brazili është bërë burim kryesor shqetësimi, duke u renditur vetëm Shteteve të Bashkuara për nga numri i infeksioneve. Të martën, ky vend raportoi vdekjet më të larta një-ditore në botë, 1.039, ditën e pestë radhazi në krye të listës së zymtë.

India shënoi rekordin e saj më të lartë prej 6,000 rastesh të reja të mërkurën, duke e çuar totalin e saj në mbi 150,000.

Meksika raportoi gjithashtu përshkallëzime shqetësuese në shpërthimin e koronavirusit, me 501 vdekje në ditë dhe 3,455 raste të reja të konfirmuara.

Si shumë qeveri në të gjithë botën, Meksika po shqyrton urdhrat për qëndrimin në shtëpi dhe distancat sociale përkundrejt dëshirës për të rifilluar aktivitetin ekonomik.

Presidenti Andrés Manuel López Obrador u tha gazetarëve se këshilltarët e tij po diskutonin hapa të mundshëm të rihapjes dhe mund të njoftojë qysh këtë javë planet për të lejuar nxënësit të kthehen në shkollë. Ai gjithashtu tha se kishte planifikuar të vizitonte shtetet e Meksikës dhe të këshillohej me zyrtarët lokalë për të lehtësuar kufizimet.

Në Shtetet e Bashkuara, qeveritarët vazhduan të heqin urdhrat e tyre të mbylljes, përfshirë në Nevada, ku Guvernatori Steve Sisolak njoftoi se kazinotë në Las Vegas mund të rihapnin më 4 qershor. Industria kryesore e këtij shteti është mbyllur për 10 javë.

“Ne i mirëpresim vizitorët nga i gjithë vendi të vijnë këtu, për të kaluar një kohë të mirë, ashtu siç kanë bërë më parë, por ne do të jemi të kujdesshëm,” tha zoti Sisolak.

Zelanda e Re raportoi një moment historik të ri në mëkëmbjen e saj nga koronavirusit, duke thënë se të mërkurën nuk kishte më pacientë me COVID-19 në spitalet e vendit. Zyrtarët e shëndetësisë thanë se kishte vetëm 21 raste aktive në Zelandën e Re, vendi i cili vendosi një bllokim të rreptë pesë-javor përpara se të lehtësonte ngadalë masat në fund të prillit.

Pesha mbi punëtorët

Pandemia ka patur një peshë të rëndë financiare tek punonjësit e rinj në të gjithë botën, sipas agjencisë së OKB-së për punën.

Organizata Ndërkombëtare e Punës tha të mërkurën se më shumë se një në çdo gjashtë punëtorë të rinj kishin ndaluar së punuari gjatë pandemisë, dhe paralajmëroi për pasoja afatgjata që mund të çojnë në krijimin e një “gjeneratei të bllokuar” nëse nuk merren masa për të zbutur krizën.

Sipas statistikave të Universitetit Johns Hopkins, kishte mbi 5.6 milion raste të konfirmuara dhe gati 355,000 vdekje në të gjithë botën që nga e mërkura në mbrëmje./ VOA

LEXO TE PLOTE