LEXO PA REKLAMA!

SHKARKO APP

Spanja kërkon rregulla të përbashkëta për rihapjen e kufijve

26 Maj 2020, 08:34, Kosova & Bota CNA
Spanja kërkon rregulla të përbashkëta për rihapjen e

Spanja ka kërkuar nga partnerët e Bashkimit Evropian që të vendosin rregulla të përbashkëta për rihapjen e kufijve dhe për rikthimin e lëvizjes së lirë në zonën e ashtuquajtur Schengen.

Vendet e BE-së, por edhe të tjerat, i kanë mbyllur kufijtë qysh në mes të muajit mars, për të frenuar përhapjen e koronavirusit.

Me rënien e numrit të rasteve të reja, vendet veç e veç kanë nisur lehtësimin e masave kufizuese, përshirë edhe rihapjen e kufijve.

“Ne duhet të punojmë me partnerët tanë evropianë për të përcaktuar rregullat e përbashkëta që do të na lejojnë rikthimin e lëvizjes së lirë në territorin evropian”, tha ministrja e Jashtme e Spanjës, Arancha Gonzalez, për mediat lokale.

Edhe pse vendet e BE-së kanë caktuar data të ndryshme për rihapjen e kufijve, duhet të ketë parime dhe rregulla të përbashkëta në të gjithë zonën Schengen, shtoi ajo.

Spanja është një nga vendet më të prekura nga koronavirusi në Evropë, ndërsa është e pesta në botë sa i përket numrit të viktimave./CNA.al

Lajmet e fundit nga