Connect with Us

Si mund ta zbardhë Ilir Meta, dosjen e mikut të tij trafikantit të drogës Xhemail Pasmaçiu

Lajme

Si mund ta zbardhë Ilir Meta, dosjen e mikut të tij trafikantit të drogës Xhemail Pasmaçiu

Publikuar

-

Dosja e SPAK: Si i vuri pasuritë Ylli Ndroqi?

Në disa shkrime të publikuara ditët e fundit, CNA.al tregoi me dokumente ekskluzive se pronari i medias Ora News, Ylli Ndroqi ishte një person me emër të ndryshuar. Dhe referuar raportimeve dhe një dosje hetimore të bërë në Turqi, identiteti i vërtetë i mbajtur në momentin e lindjes së Ylli Ndroqit, pra Xhemail Pasmaçiu, ishte një person i arrestuar për trafik droge në Turqi.

Nga momenti i publikimit e deri më sot ndaj nesh vazhdojnë sharje, sulme, akuza, shpifje, ulëritma, britma, thuajse si një grup i strukturuar kriminal, disa persona në media çfarë nuk po thonë, por asnjëherë dhe në asnjë rast nuk e kanë pranuar a është Xhemail Pasmaçiu, një trafikant droge. Megjithëse ata e kanë pranuar se eprori i tyre është një personazh me të dhëna personale të ndryshuara, por nuk pranojnë se ai është një personazh i dënuar.

Dosjet që do të publikojë CNA.al, ashtu siç kemi bërë ditë pas dite në lidhje me të tjera fakte, aq të vërteta sa edhe vetë “ushtarët” e tij do të çuditen.
Por, duke lënë mënjeanë mercenarët po i drejtohemi publikisht presidentit të Republikës, Ilir Meta. Ai njihet si një mik i ngushtë i Zotit Ylli Ndroqi. Janë parë shpesh në shoqërinë e njëri-tjetrit. Ndoshta presidenti i njeh si një pronar televizioni.
Por, në rastin konkret, për shkak edhe të detyrës që ai ka, edhe pse e ka mik, mund t’i bëjë nder opinionit publik, vetes së tij si president, por edhe mikut që e ka si pronar të Ora News.

Se Zoti President mund të thërrasë autoritetet ligjzbatuese dhe t’iu kërkojë dosjen e plotë të shtetasit Xhemail Pasmaçiu dhe shtetasit Ylli Ndroqi. Këtë e bën lehtësisht duke ia kërkuar INTERPOL-it, në Policinë e Shtetit, SHISH, apo edhe ambasadorit turk në Tiranë, i cili mund t’i dorëzojë dosjen e plotë të ngjarjes së ndodhur në dhjetor të vitit 1998, kur Ylli Ndroqi edhe pse me të dhëna të ndryshuara ishte arestuar si Xhemail Pasmaçiu.

LEXO EDHE:  Meta publikon dokumentin/ Sqaron të gjitha arsyet e dekretimit të Marsida Xhaferllarit

Ky do të ishte rasti kur Ilir Meta do të na tregonte se vërtetë “dashuria” e tij ishte Kushtetuta, ligjshmëria dhe opinioni publik duhej të mësonte një herë e mirë se kush trillonte, kush shpifte, kush shantazhonte.


Do të na bënte mirë që ta publikonte në faqen e tij zyrtare të Presidencës, ose dosjen t’ia dërgojë OFL-së. Pra, atë që ofrojnë institucionet shqiptare, sepse atë të Turqisë do ta sjellim nëpërmjet mënyrave dhe formave të tjera në ditët në vijim.

Një këshillë është që miqësisht Zoti President të interesohet po se ka problem edhe në Itali, sepse edhe aty ka pasur një hetim, edhe aty ka pasur një investigim sipas të dhënave konfidenciale që ne kemi dhe avokat në një çështje ka qënë Sekretari i Përgjithshëm i Zotit Rama, Engjëll Agaçi.
Prandaj Zoti President do t’i bënte shumë nder të vërtetës, opinionit publik, duke zbuluar një dosje. Megjithëse ne besojmë dhe mendojmë se Zoti President, Ilir Meta është në dijeni të këtyre fakteve të vërteta./CNA.al

Për të rejat më të fundit behuni pjesë e grupit tonë në facebook : City News Albania

Lajme

Freedom House: Shqipëria rënie me një pikë, penalizojnë protesta për Teatrin dhe vrasja e Klodian Rashës

Publikuar

-

Nga

Organizata Freedom House arriti në përfundimin se në vitin 2020 aktorët autoritarë u bënë më të guximshëm, ndërsa demokracitë më të mëdha përballeshin me problemet e brendshme, duke sjellë si rezultat një rënie për të 15-in vit me radhë në lirinë botërore.

Freedom House nxorri raportin e saj vjetor të vitit 2021 për Lirinë në Botë, sipas së cilit hendeku mes rënieve dhe përmirësimeve në nivelin e lirisë u thellua. Sipas raportit, Shqipëria ka rënë një pikë më poshtë, ndërsa Kosova dy pikë. Maqedonia e Veriut ishte një nga historitë e suksesit me tri pikë përmirësim nga një vit më parë.

Sipas raportit Freedom House, Ballkani është mes rajoneve që kanë pësuar rënie, por ka shënuar edhe disa përparime. Shqipëria dhe Kosova vazhdojnë të mbeten pjesërisht të lira, dhe kanë pësuar një rënie prej një pike dhe dy pikësh respektivisht.

Shqipëria nga 67 pikë vitin e kaluar, ka 66 pikë këtë vit me një pikë rënie në kategorinë e të drejtave të grumbullimit dhe organizimit, lidhur me dy ngjarje.

“Ne pamë rënie në lirinë e grumbullimit, për shkak të dhunës midis protestuesve dhe forcave të sigurisë në maj, gjatë shembjes së ndërtesës së Teatrit Kombëtar. Një tjetër arsye për shqetësim ishte kur në dhjetor policia vrau një qytetar që kishte shkelur urdhrin për orën policore. Këto kontribuuan në rënien në kategorinë e lirisë së grumbullimit”, tha bashkëautorja e raportit Amy Slipowitz.

Kosova pësoi një rënie prej dy pikësh gjithsej nga 56 në 54, që u atribuohen rënieve në kategoritë e procesit elektoral dhe pluralizmit politik.

“Kjo kishte të bënte me miratimin e qeverisë së kryeministrit Hoti nga një shumicë me një vote diferencë të një deputeti që kishte qenë i dënuar”, thotë Amy Slipowitz, bashkëautore e raportit dhe menaxhere për kërkimet në Freedom House.

Parregullsia e këtij procesi solli rënie.

“Ishte gjithashtu edhe rënia në kategorinë për opozitën për shkak se garda e vjetër politike orkestroi rënien e qeverisë së Albin Kurtit të partisë Vetëvendosje”, tha zonja Slipowitz.

Megjithë rënien e rajonit, Mali i Zi dhe Maqedonia e Veriut kanë shënuar rritje, madje me 3 pikë më shumë se vitin e kaluar Maqedonia e Veriut është një nga vendet e përmendura për rritje të konsiderueshme në raport.

“Qeveria reformiste e Maqedonisë së Veriut u rizgjodh dhe institucionet e saj kryesisht e kanë rimarrë veten nga dëmet e shkaktuara nga ish-kryeministri, Nikola Gruevski”, thuhet në raport.

LEXO EDHE:  “O Spiropalist ordiner”/ Rama mbron ministren e tij nga Meta: Mos e mërzit Elisën!

LEXO EDHE:  Manjani apel Metës/ Fillo shpartallimin e Soros

2020-a ishte një vit ku pandemia e koronavirusit mbizotëroi në botë jo vetëm si krizë shëndetësore dhe Shtetet e Bashkuara pësuan një rënie të konsiderueshme në nivelin e demokracisë. Fredoom House thotë se pasojat ndjehen në gjithë botën.

“Kur vendet demokratike pësojnë rënie, ose tregojnë dobësi, kjo u jep aktorëve autoritarë diçka për të përmendur dhe hapësirë për të pretenduar se demokracia është një sistem inferior”, thotë bashkëautorja e raportit, Sarah Repucci, nënpresidente për studime dhe analizë në Freedom House.

Liria në Shtetet e Bashkuara ra me tre pikë dhe në dekadën e fundit ka rënë 11 pikë, një rënie e thellë që tashmë e vendos vendin më pranë shteteve me insitucione të dobëta si Rumania dhe Panamaja.

Dëmi më i madh thotë për demokracinë amerikane thotë zonja Repucci, ishin përpjekjet e Presidentit Trump për të përmbysur vullnetin e votuesve amerikanë dhe pretendimet e tij të pabaza për mashtrime në zgjedhje.

Duke përmendur si shembull ngjarjet e 6 janarit, ekspertët e organizatës Freedom House që ka matur nivelin e lirisë në botë prej dekadash, thonë se propagandistët në botë përdorin pikërisht këtë argument kundër vendeve demokratike.

“Administrata e Presidentit Biden duhet ta bëjë përparësi konsolidimin e demokracisë, ne duhet të riparojmë dobësitë afatgjata dhe jo të përqendrohemi në zgjidhje afatshkurtra”, thotë zonja Repucci.

Megjithatë studiuesit vënë në dukje se fakti që sistemi gjyqësor funksionoi tregoi forcën e demokracisë.

Freedom House përmend si një nga shqetësimet kryesore rolin e Kinës si në fshehjen përmasave të pandemisë, ashtu edhe në përpjekjet për shtrirjen e ndikimit në botë.

Megjithë rënien në nivelin e lirisë, Freedom House arrin në përfundimin se demokracia në shumë pjesë të botës vazhdoi të tregojë aftësinë e saj ripërtëritëse, siç kanë treguar protestat në vende si Malawi, Myanmar dhe Rusia./VOA

LEXO TE PLOTE

Lajme

Platformat më të mira për të mësuar online në 2021

Publikuar

-

Nga

 Në kohët e vështira që jetojmë sot, kemi parë që çdo gjë po rikthehet online. Pjesë e këtij transformimi është padyshim edhe sfera e arsimit, ku edhe pse platforma të të mësuarit online kanë ekzistuar shumë kohë para se pandemia të bëhej pjesë e përditshmërisë sonë, nuk mund të mohojmë faktin që përdorimi i tyre është shumëfishuar gjatë muajve të karantinës si edhe në kohën e tanishme.

Në këtë artikull do të shohim disa nga platformat më të mira të të mësuarit në botë, si edhe në Shqipëri, të cilat i vijnë në ndihmë çdo personi që dëshiron të mësojë, nga studentët, tek gjithë pjesa tjetër.

Khan Academy

Khan Academy është një ndër platformat lider në Shtetet e Bashkuara të Amerikës, e cila përmban mësime online tërësisht falas për të gjithë personat që dëshirojnë të mësojnë duke përdorur këtë platformë. Kjo platformë njihet më tepër për mësimet që posedon në matematikë, sidomos për maturantët amerikanë që duan të përgatiten për provimet SAT.

EdX.org

Platforma EDX.org njihet për kurset falas në nivel universiteti. Kjo platformë është krijuar nga Harvard në bashkëunim me MIT dhe kualiteti i kurseve që përmban kjo platformë është mbreslënës. Në këtë platformë personat e interesuar mund të ndjekin mbi 2,500 kurse të cilat janë me tematika të ndryshme, kështu që gjithnjë do të mund të gjejnë diçka që u intereson.

Udemy

Kjo listë nuk mund të mos përfshinte edhe platformën Udemy, e cila është platforma lider për kurset online në gjithë botën. Dy platformat e lartëpërmendura mund të përdoren falas, ndërkohë që për të përdorur Udemy personat e interesuar duhet të paguajnë për kursin që ata zgjedhin të ndjekin. Kurset në këtë platformë ama janë të kualitetit maksimal dhe për ta vërtetuar këtë ju mund të hapni një kurs dhe të lexoni mijëra vlerësime që kanë dhënë përdoruesit e tjerë që e kanë ndjekur këtë të fundit.

Këto ishin disa nga platformat lider në botë, por edhe në vendin tonë ka disa platforma që mundësojnë të mësuarit online dhe të cilat janë të kualitetit shumë të lartë. Është një aspekt shumë i mirë ky edhe për vendin tonë, pasi jo të gjithë shqip-folësit mund të kuptojnë dhe të komunikojnë në gjuhën angleze, kështu që këto platforma janë një plus me të vërtetë i madh për ne.

Almooc.com

LEXO EDHE:  Meta publikon dokumentin/ Sqaron të gjitha arsyet e dekretimit të Marsida Xhaferllarit

LEXO EDHE:  Mashtrimi i Presidentit me Kushtetutën!

Platforma shqiptare Almooc ofron për përdoruesit Shqiptarë kurse në një sërë disiplinash. Disa nga këto disiplina janë: Anglisht, matematikë, fizikë, programim, TIK, etj. Platforma numëron mbi 63,000 studentë dhe është lider për kurset e programimit në shqip të cilat ofrohen falas.

PortaliStudentor.al

Portali online për nxënësit dhe studentët PortaliStudentor.al, është një portal i krijuar në vitin 2018 dhe që ka gjetur një përdorim masiv nga maturantët të cilët merrnin notat e provimeve të maturës pranë këtij portali.  Arsyeja pse maturantët zgjodhën këtë portal për të marrë notat e tyre është sepse ai i thjeshtësonte punën duke u afishuar maturantëve notat vetëm në bazë të ID së tyre. PortaliStudentor.al numëron më shumë se 6000 studentë dhe nxënës shqiptar të regjistruar, tani që provimet e matures shteterore janë afër, ata mund të përgatiten për provimet, të mësojnë online nëpërmjet materialeve të ndryshme, si edhe të kryejnë provimet e maturës online për t’u praktikuar.

Ky portal ka arritur gjithashtu që të ofrojë kurs gjermanisht online, si edhe kurse programimi online, gjithashtu edhe kurs per maturen shteterore.

Sputnik.al

Platforma sputnik.al është një platformë tjetër shumë e mirë shqiptare e cila ofron kurse në matematikë, informatikë, dhe gjuhë. Platforma gjithashtu mundëson zgjedhje ushtrimesh të ndryshme për lëndët e gjimnazit dhe kjo e bën një platformë të shkëlqyer për pjesën e të mësuarit online.

Platforma ka gjithashtu edhe kanalin e saj ne YouTube, nëpërmjet të cilit përdoruesit mund të mësojnë duke ndjekur video-mësimet që gjenden aty. Nuk ka dyshim që mësimi online është e ardhmja, sidomos të mësuarit nga këto platforma ku çdokush mund të mësojë nga rehatia dhe komforti i shtëpisë së tyre./Igli Hoxha

LEXO TE PLOTE

Lajme

Diell dhe rritje temperaturash/ Parashikimi i motit për sot

Publikuar

-

Nga

Keni bërë plane për ditën e sotme?/ Ky është parashikimi i motit

Dita e sotme do të vijojë me mot të kthjellët në të gjithë vendin tonë.

Sipas MeteoAlb, parashikohet që edhe pasditja dhe nata të vijojnë në të njëjtat kushte për pjesën më të madhe të vendit, ndërsa kalime vranësirash do ketë në Veri-Verilindje dhe Juglindje të vendit.

Temperaturat e ajrit rriten sërisht në vlerat minimale dhe maksimale duke luhatur vlerat ditore nga -1°C mëngjesi deri në 17°C mesdita.

LEXO EDHE:  “Me qetësi dhe dashuri”/ Meta i bën Ramës ftesën e veçantë

LEXO EDHE:  Zbulohen avokatët publikë të ish-trafikantit të drogës

Era do fryjë e lehtë me shpejtësi 35 km/h nga drejtimi veriperëndimor duke krijuar në det dallgëzim 3 ballë./CNA.al

LEXO TE PLOTE