Connect with Us

Teatri Kombëtar/ Paralajmëron Këshilli i Diasporës: Do rikonsiderojmë marrëdhëniet me qeverinë nëse…

Politikë

Teatri Kombëtar/ Paralajmëron Këshilli i Diasporës: Do rikonsiderojmë marrëdhëniet me qeverinë nëse…

Publikuar

-

Shembja e Teatrit Kombëtar ka sjellë reagimin e Kёshillit Koordinues të Diasporёs, i cili e quan të pakuptimtë dhe të papranueshëm aktin e qeverisë.

Kёshilli Koordinues i Diasporёs (KKD), thotë se respektimi i tё drejtave tё shtetasve shqiptarё
dhe i parimeve tё demokracisё ёshtё njё pёrgjegjёsi thelbёsore pёr shtetin shqiptar nё rrugёn drejt antarёsimit nё Unionin Evropian.

Në një deklaratë për mediat, KKD thekson se mёnyra dhe momenti qё u zgjodh nga qeveria pёr tё prishur godinёn, shoqёruar me arrogancёn kundёr atyre me medim ndryshe, i shqetёson pasi vihet seriozisht në diskutim e ardhmja e Shqipёrise si njё shtet demokratik.

“Ështё e pakuptueshme se si nё ҫastet e rёnda tё pandemisё, një nga prioritetet e qeverisё ishte prishja e Teatrit Kombёtar. Shoqёria shqiptare nё kёtё periudhe te paprecedent ka nevojё pёr qetёsi dhe unitet dhe jo veprime tё nxituara dhe konflikte te panevojsheme. Pёr mё shumё, dhuna e ushtruar nga forcat e rendit kundёr protestueve ditën e shembjes sё Teatrit Kombёtar duhet analizuar si akt i shёmtuar dhe aspak demokratik. KKD, edhe pse i miratuar nga qeveria e Shqipёrisё, ёshtё institucion i pavarur.

Shumё prej nesh ndodhen larg atdheut jo vetёm si pasojё e zgjedhjes individuale, por edhe e trajtimeve megallomane dhe shpesh hakmarrёse te qeverive tё ndryshme. Dhe kjo për vendin tonë ka qenё me kosto te lartë, sidomos intelektuale. Ne dёnojmё pa asnjё reservё veprimet e qeverisё pёr shembjen e Teatrit Kombëtar, mungesёn e transparencёs, shkeljet ligjore, dhe nxitimin nё marrjen e vendimeve. Ndёrkohё, u bёjmё thirrje forcave politike nё Shqipёri qё tё zhvillojnё dialogun dhe jo arrogancёn e treguar deri tani. Bёjmё thirrje tё ndalet menjëherё ndjekja penale kundёr personave tё arrestuar e dhunuar nё protestёn e datёs 17 Maj, ndjekje penale ndoshta duhet rezervuar pёr ata qё urdhёruan shёmbjen dhe ushtruan dhunёn”, thuhet në reagim.

LEXO EDHE:  Pamje - Çfarë nuk u pa te Teatri Kombëtar/ Përplasjet e dhunshme të protestuesve me policinë

Më tej, KKD kërkon tё sigurohet vota e emigrantëve në 2021, ose paralajmëron se do të rikonsiderojnë marrëdhëniet me qeverinë.

“KKD e konsideron thelbёsore transparencёn dhe respektin e ligjit nё procesin e vendimmarrjёve tё qeverisё dhe distancohet nga veprimet e nxituara dhe qe karakterizohen nga mungesa e dialogut dhe mosrespektimi i institucioneve tё drejtёsisё. Kërkojmë nga ekzekutivi qё e drejta e popullit pёr protesta tё respektohet dhe qё forcat e rendit tё veprojnё vetem konform ligjit.

Ngjarje tё tilla me karakter tё rrezikshёm pёr demokracinё e vendit e bёjnё edhe mё urgjente marrjen e mendimit tё diasporёs nё qeverisjen e vendit. E drejta e votёs sё shtetasve shqiptarё nё diasporё ёshtё njё e drejtё e garantuar me kushtetutё por qё vazhdon tё mohohet. KKD e konsideron jetike pёr demokracinё nё Shqipёri qё kjo e drejtё thelbёsore t’iu mundёsohet shtetasve shqiptarё nё diasporё dhe i kёrkon shtetit shqiptar dhe gjithё partive politike tё ndёrmarrin tё gjitha veprimet e duhura dhe tё parashikuara me ligj qё diasporёs t’i garantohet pjesёmarrja nё zgjedhjet e planifikuara pёr vitin 2021. Ështё detyrё e parlamentit t’i sigurojё diasporёs tё drejtёn kushtetuese pёr tё votuar ose diaspora do tё ri-konsiderojё marrёdhёniet e saj me qeverinë e vendin amё”, nënvizohet në deklaratë./ CNA.al

Për të rejat më të fundit behuni pjesë e grupit tonë në facebook : City News Albania
1 Koment

1 Koment

  1. Alibeaj jo deputet

    24 Maj, 2020 at 1:18 am

    Si flet ne emer te diaspores!Ky keshill eshte anonim!

Komentoni

Your email address will not be published. Required fields are marked *

Politikë

Efektivët pa numër identifikimi/ Manjani: Kohë e artë për kriminelët, mund të bëjnë kërdinë

Publikuar

-

Nga

ylli manjani

Ish-ministri i Drejtësisë Ylli Manjani, ka reaguar për deklaratën e ministrit të Brendshëm Sandër Lleshaj, lidhur me heqjen e numrit të identifikimit të efektivëve mëngjesin e shembjes së godinës së Teatrit Kombëtar.

Në një postim në rrjetet sociale, Manjani thotë se ky është muhabet kot, pasi punonjësve të policisë mund t’i fiksohet fytyra nëse dikush do të hakmerret personalisht ndaj tyre.

Opozitari deklaron se herët a vonë këta efektivë që heqin numrat identifikues do të mbajnë përgjegjësi para ligjit, ndërsa pretendon se kjo kohë është e artë për kriminelët dhe mashtruesit.

“Është muhabet kot ky i heqjes së numrave dhe identitetit të policisë kur përballet me njerëzit! Policit mund ti heqësh numrin, por jo fytyrën. Kjo e fundit mbahet mend në jetë të jetëve… Nga ana tjetër, drejtuesit e policisë që shkelin ligjin tek i cili janë betuar, kanë emra mbiemra dhe përgjegjësi para ligjit, të ciën nuk e heqin dot. Herët a vonë.

LEXO EDHE:  Kërkesat e studentëve/ Rama: Qeveria nuk është magazinë

LEXO EDHE:   Taulant Muka flet hapur/ Nxjerr të palarat e mbledhjes së Qeverisë

Vizualisht një polici pa identitet ligjor e shtetëror është në fakt më e sinqerta, sepse përfaqëson fytyrën e vërtetë të bandës që sundon. Keni parë ndonjë bandë me numra identifikimi ju?! Unë jo. Ndaj them, që është muhabet kot. Nuk fshihen dot! P.S. kohë e artë për kriminelët e mashtruesit kjo, sepse mund të veshin uniforma policie pa numër e mund të bëjnë kërdinë. Lutem që jo, por e mundshme është…”, shkruan Manjani./ CNA.al

LEXO TE PLOTE

Politikë

Andis Harasani kujton bisedën me Ramën/ Si ndryshoi qëndrim ish-kryetari i Social-Demokratëve në PE për reformimin e PS

Publikuar

-

Nga

Ish-deputeti i Partisë Socialiste, Andis Harasani, ka kujtuar një ngjarje të disa viteve më parë, kur kishte prehur shqetësimin së bashku me ish-kryetarin e Grupit të Social-Demokratëve në Parlamentin Europian Hannes Swoboda, për mos hyrjen në Parlament të fëmijëve dhe anëtarëve të Komunitetit Qendror të Partisë së Punës Shqiptare.

Harasani thotë se Rama ishte indinjuar dhe kishte deklaruar se të fusësh në PS nipërit e mbesat e tyre është njëlloj sikur e majta në Gjermani të përfaqësohet me fëmijët e nazistëve.

“Duke i uruar nga zemra Knutit ngritjen në detyrë, mu kujtua nje sivllai i tij. Një gjigand tjetër po aq intelektual dhe parimor sa Knuti. Quhej Hannes Swoboda. Para shumë vitesh, në kohën e LMN patëm disa takime në BE me përfaqësuar të ndryshëm. Takimi me Hannesin e Sëobodes ishte të enjten mbasdite. Në takim me Hannesin i shprehëm shqetësimin për mos hyrjen në Parlament, për fëmijët e nipërit e ish anëtarëve të KQ të PPSH që Rama kishte futur në poste drejtuese në PS dhe për çështje të tjera.

Pasi na dëgjoi me vëmendje reagoi shumë i indinjuar se si mund të lejoheshin këto gjëra në familjen e internacionales socialiste. Si mund të lejohej një parti që nuk merrte pjesë në Parlament. Etj. Etj. Mbaj mend si sot një fjali prej tij: Të fusësh sot në PS djem, vajza, nipër e mbesa të ish KQ të Enver Hoxhës është njesoj sikur e majta në Gjermani të përfaqësohet me fëmijët e nazistëve”, shkruan ai në rrjetet sociale.

LEXO EDHE:  “Dilni në punë se u fshehët për 3 javë”/ Tabaku: Qeveria ka kopjuar keq propozimet tona

Më tej, ai thekson se kur mbërritën në Tiranë, Hannes Swoboda kishte ndryshuar qëndrim dhe për mediat kishte deklaruar se mbështeste Ramën dhe Rilindjen e tij.

“Pas takimit së bashku me miqtë (s’po i përmend se ndoshta u prish punë sot) u nisëm për Tiranë. Arritëm në Tirane të premten në mëngjes dhe e lamë që të takohemi po atë ditë në orën 3 në një kafe diku pranë shtëpisë sime. U takuam në orën e caktuar dhe e mbaj mend orën sepse sa u ulëm kishim një tv përballe dhe filluan lajmet e Topit. Lajmet u hapën me z.Swoboda që nga dera e PS në Tiranë u shpreh se kishte ardhur të mbështeste Ramën për reformimin e PS dhe marrëdhëniet me Parlamentin. Pamë njëri-tjetrin në sy dhe shijuam kafetë. Ç’të bënim tjetër… Për sa kohë BE do ketë gigilera, hannesa, knuta e Romina – të kam dhjerë në Europë”, nënvizon ish-deputeti, ndërsa shprehet i gatshëm që t’i tregojë ndokujt që është i interesuar se përse e ndryshoi qëndrimin Swoboda./ CNA.al

LEXO TE PLOTE

Politikë

Video/ Rama uron besimtarët për Fiter Bajramin

Publikuar

-

Nga

Besimtarët myslimanë kremtojnë sot Fitër Bajramin. Paqe dhe begati ka uruar dhe kreu i qeverisë Edi Rama.

Pasi publikoi mbrëmë një foto të xhamisë Et’hem Beut në sheshin “Skënderbej” me mbishkrimin “Gëzuar Fitër Bajramin, paqja dhe mëshira e Allahut qoftë me ju”, Rama ka ndarë sot një tjetër video në rrjetet sociale.

LEXO EDHE:  Kërkesat e studentëve/ Rama: Qeveria nuk është magazinë

LEXO EDHE:  “Dilni në punë se u fshehët për 3 javë”/ Tabaku: Qeveria ka kopjuar keq propozimet tona

Nga Xhamia e Namazgjazë, tek ajo e Plumbit në Shkodër, Rama sjell pamje të disa prej xhamive kryesore në qytete të ndryshme të vendit./CNA.al

MIRËMËNGJES ☀️🕌🤲🏻

Gepostet von Edi Rama am Samstag, 23. Mai 2020

LEXO TE PLOTE