Connect with Us

Plas te klubi i Superligës, mbrojtësi i njohur e thotë troç: S’jemi paguar që në dhjetor, nuk kthehemi më në stërvitje

Sport

Plas te klubi i Superligës, mbrojtësi i njohur e thotë troç: S’jemi paguar që në dhjetor, nuk kthehemi më në stërvitje

Publikuar

-

Ndërsa klubi i Bylisit reagonte në kanalin zyrtar duke treguar që Isli Hidi është larguar nga Ballshi për arsye personale dhe shumë shpejt do t’i bashkohej ekipit në stërvitje, në linjë krejt të kundërt ka dalë Ditmar Bicaj.

Qendërmbrojtësi i mallakastriotëve ka zbuluar të vërtetën duke theksuar se disa futbollistë kanë preferuar të qëndrojnë në shtëpi për shkak të rrogave të pamarra prej muajit dhjetor. Në prononcimin e tij për Syri TV, shtatlarti i mallakastriotëve deklaroi:

“Ndryshe nga ekipi i Vllaznisë, jemi 3-4 futbollistë që kemi qëndruar në shtëpi. Arsyet janë shumë madhore, janë mospagesat prej 4 muajsh. Duke parë këto lloj kushtesh edhe për pjesën tjetër të kampionatit, duke parë që nuk kemi gjetur një zgjidhje nga ana ekonomike, kemi menduar të stërvitemi individualisht në Tiranë.

Hapi që ka marrë ekipi i Vllaznisë është kurajoz se çdo futbollist kërkon të drejtën e tij, kërkon respektimin e punës që bëjmë të gjithë. Vllaznia dje ka bojkotuar stërvitjen por probleme ka në të gjithë futbollin shqiptar, probleme që ne nuk mund të bëjmë sikur nuk ka ndodhur asgjë. Është problem shumë madhor, këto duhet të zgjidhen sa më parë me një kontratë kolektive.

Problemet ekonomike nuk janë të varura nga pendemia, ka pasur probleme ndër vite me mospagesat, futbollistët shqiptarë në vend që të paguhen 12 muaj, paguhemi nga 10 muaj. Këtu hiq 3 muajt e fundit që shumë rrallë futbollistët i marrin, pra futbollistët paguhen rreth 6-7 muaj ndërsa në të tjerët nuk marrin asnjë rrogë.

Do të thosha është çmenduri e vërtetë sepse karriera e një futbollisti zgjat 10-12 vite, me përjashtim të ndonjërit që mund të zgjasë 15. E dini vetë mbrapa se çfarë mund të ndodhë me karrierën e ndonjë futbollisti që do të kthehet të kërkojë përsëri një punë se futbolli ky është, nuk mund të bëhen të gjithë trajnerë e drejtues klubi.

Nëpërmjet Sindikatës kemi kërkuar të vihet në dijeni ekipi i Bylisit për rastin tonë, t’i jepet zgjidhje situatës se nuk mund të vazhdohet më kështu. Për sa kohë kemi marrëveshje për një sezon ajo duhet të respektohet para se të shkojmë në gjyqe.

Të gjithë futbollistët të mblidhemi te Sindikata dhe të vendosim mbi të ardhmen tonë se nuk mund të vazhdohet më kështu, ka rregulla loje, ka sigurime shëndetësore e ne nuk kemi asgjë. Shpresoj të bëhët diçka. Personalisht kjam një kontratë me Bylisin deri më 31 maj të këtij viti, do të konsultohem me avokatin dhe do të shohim, nuk dua të shkoj nëpër gjyqe se nuk është e mirë për futbollistin e klubin. Por në fund të fundit çfarë është e shkruar e zeza mbi të bardhë, gjithmonë do të merrene, edhe pse me vonesë. Por do të jetë një periudhë e vështirë.

Jam në takim me ekipin e Vllaznisë bashkë me Lilën, do të takohemi e do të diskutojmë për të ardhmen që kanë vendosur. Futbollistët janë shumë të vendosur të mos dalin në stërvitje dhe duke parë vendosmërinë e tyre u bashkohem kauzës së tyre se jam një nga ata, kauzën e kemi të gjithë të njëjtë. Kështu që shpresoj shumë që jo vetëm bashkia por edhe ekipet e tjera të jenë korrekte me pagesat e futbollistëve dhe të respektohen kontratat deri në fund pa shkuar në gjyqe.

Sa i përket uljes së rrogave gjatë periudhës së pandemisë nuk është diskutuar, normalisht duke parë që edhe presidentët kanë vështirësi ekonomike e mira do të ishte të uleshim e bisedonim, në radhë të pare të përdorim logjikën. Por nuk duhet të bëjmë gjërat sikur ne jemi skllevërit e presidentët padronët, kemi kontrata të firmosura nga të dy palët e duhet të diksutojmë, jemi të hapur për çdo loj diskutimi, sidomos pas kësaj pandemia me krizë globale. E mirëpresim bashkëbisedimin ashtu si lojtarët e Vllaznisë duan të ulen me kryetaren e Bashkisë për të biseduar. Problemi është shumë madhor, është mbartur nga muajt para pandemisë, janë pa u paguar dhjetor, janar, shkurt, shto edhe dy muajt e panemisë e revoltë është shumë e madhe”, ka deklaruar Bicaj.

Në këtë mënyrë, klubi mallakastriot del krejtësisht zbuluar. Siç duket e vërteta rreth Hidit është ndryshe dhe jo ashtu si pretendon klubi ballshiot. Megjithatë vetëm në orët në vazhdim pritet t’i jepet përgjigje kësaj.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sport

“Jemi fajtorë”/Jani Kaçi: Nuk thamë të vërtetën, ja ç’duhet të bëjë Skënderbeu

Publikuar

-

Nga

Jani Kaçi ndihet shumë keq kur shikon se çfarë po ndodh me Skënderbeun. Në një intervistë për “Panorama Sport”, ai deklaron ndër të tjera se në këtë situatë nuk janë fajtorë vetëm ata që drejtojnë klubin prej vitesh. Legjenda e portës korçare është kundër idesë për ndryshimin e emrit të klubit, ndërsa bën një thirrje të ndjerë.

Profesor Kaçi, si e shikoni situatën ku ndodhet Skënderbeu pas lënies në fuqi të dënimit nga UEFA dhe a mendoni se dikush duhet të mbajë përgjegjësi për këtë që ndodhi?

Unë nuk dua të merrem me ata që kanë përgjegjësitë, duke bërë në këtë mënyrë avokatin apo gjyqtarin e tyre, por në këto momente i bëj thirrje edhe vetes sime dhe të gjithë atyre që kanë ndjenjë qytetare, por edhe profesionale, që të jenë të gatshëm për ta ndihmuar këtë Skënderbe. Të jemi të gatshëm ta nxjerrim nga ky kaos që e ka përfshirë. Me apo pa të drejtë, këtë nuk mundem ta them, veçse unë personalisht dua t’i gjendem Skënderbeut dhe Korçës. T’i gjendem edhe presidentit Takaj, që në këtë moment të vështirë e kanë lënë vetëm.

Pse mendoni se e kanë lënë vetëm?

Të gjithë së bashku duhet t’i zgjidhim problemet e Skënderbeut, jo vetëm ai. Kjo, pasi të gjithë jemi fajtorë.

Pse ndiheni fajtorë?



Jemi fajtorë, sepse nuk kemi thënë të vërtetën. Në të kundërt nuk do të kishim arritur këtu, kështu që na del për detyrë që të gjithë ta ndihmojmë Skënderbeun.

Sipas jush, cila do të ishte zgjidhja më e mirë?

Zgjidhja më e mirë për momentin është organizimi me njerëz që kanë ndjenjë dhe profesionalizëm, jo militantizëm. Është diskutuar gjatë për ndryshimin e emrit të klubit dhe për ta nisur gjithçka nga e para.

Si ju duket kjo ide?

Unë kam qenë dhe jam me mendimin që Skënderbeu është dhe do të mbetet i tillë nga viti 1909. Vitin e kaluar ishte 120-vjetori i klubit, paçka se u harrua. U harruan brezat e të rinjve korçarë që kontribuuan në ngritjen e Skënderbeut. Prandaj, unë them që klubi duhet të mbajë atë emër dhe të vazhdojë, sepse ka një histori 120- vjeçare. Mendoj se kjo është një histori e lavdishme. Një gjë të tillë ia kam thënë edhe presidentit Takaj, pra nuk është e udhës që të bëjmë ndryshim emri. Edhe ai vetë ka qenë i këtij mendimi.

LEXO TE PLOTE

Sport

Wolfsburgu merr një lajm tronditës para ndeshjes me Kukësin

Publikuar

-

Nga

Një largim me peshë të madhe nga Volfsburgu para ndeshjes me Kukësin. Dje mesfushori spanjoll, Injacio Kamaço, ka vendosur të braktisë futbollin në moshën 30-vjeçare.

Ai ka varur këpucët në gozhdë pas dëmtimeve të shpeshta.



“Largohem me ndërgjegjen e pastër, pasi kam bërë çdo gjë të mundur për t’u kthyer dhe të bëja atë që dua më shumë”, deklaroi i përlotur Kamaço, i cili luajti për 3 vite me Volfsburgun, ndërsa në të kaluarën ka qenë pjesë e Malagës në Spanjë.

Mesfushori u rezistoi pesë operacioneve në kaviljen e këmbës së majtë.

LEXO TE PLOTE

Sport

Duka i përgjigjet Safet Gjicit: Nuk është president i Kukësit, na përdorin partitë politike

Publikuar

-

Nga

Presidenti i FSHF-së, Armand Duka, i është përgjigjur deklaratave të Safet Gjicit se Koço Kokëdhima po e përdorte politikisht qëndrimin e Ligës. Në “Pressing”, Duka ka bërë ironi me drejtuesin e Kukësit duke aluduar se edhe ai po mundohej të bënte të njëjtën gjë.

“Gjici thote se Koço do të futet në politikë me Ligën? Safeti ndoshta do të fitojë kredo politike me këtë. Ose edhe Koço. Puna është a janë apo nuk janë të drejta kërkesat, a do Safeti një shtrat më të mirë për futbollin apo nuk e do. Ne jemi një vend i vogël dhe patjetër edhe mund të bashkohen me interesa politike. Por Safeti nuk është president i Kukësit, kështu është deklaruar vetë. Ai është kryetar Bashkie, por edhe miku im”, zbuti pastaj tonet Duka.



I pyetur nëse poltika e shfrytëzonte futbollin për interesat e saj, Duka nuk e ka mohuar një gjë të tillë. “Ne nuk e pranojmë, por ka raste që na përdorin partitë. Do mundohemi të na përdorin sa më pak”, ishin fjalët e tij.

LEXO TE PLOTE