Connect with Us

Dy dokumentet që fundosin Ylli Ndroqin dhe disa pyetje publike

Lajme

Dy dokumentet që fundosin Ylli Ndroqin dhe disa pyetje publike

Publikuar

-

Journalists cannot be the shield of the former drug trafficker

Në dy ditë rrjesht, CNA.al ka publikuar dokumente ekskluzive dhe të dhëna të pakontestueshme, në lidhje me faktin se shtetasi Ylli Ndroqi, një personazh i njohur publik. Pronar i  televizionit Ora News, mbajtës i disa licensave publike, është një njëri me gjeneralitete të ndryshuara.

Së pari, dokumentet e publikuara u quajtën se ishin të zakonshme. I pari një dokument ku një bojë ishte derdhur rastësisht. Ndërkohë që qëllimi i publikimit të tij nuk kishte të bënte aspak me kishte apo nuk kishte bojë mbi regjistrin e gjendjes civile.

Dokumenti i dytë tregonte gjeneralitetet, moshën dhe të dhënat e sakta të Zotit Ndroqi, sesi ai e kishte ndryshuar emrin nga Xhemail Pasmaçiu, në vitin 1993.

Në fillim ai ishte bërë Ylli Pasmaçiu dhe në vitin 1997 ishte bërë Ylli Ndroqi, duke marë mbiemrin e komunës ku ai kishte jetuar.

Këto janë të dhëna publike. Ndryshim gjeneralitetesh dhe shqiptarët, duhet t’i dinë.

Pse një person publik ndryshon emrin dhe mbiemrin? Çfarë fsheh ai dhe a kanë të drejtë shqiptarët ta dinë?

Ne treguam me fakte konkrete se emri ishte ndryshuar në vitin 1993 dhe mbiemri në vitin 1997.

Fillimisht na akuzuan si gjobaxhin. Por, a mund t’i vihej gjobë një pronari televizioni dhe pse duhej t’ia vinim këtë gjobë Zotit Ndroqi, kur ne nuk kishim bërë asnjë paralajmërim, por thjeshtë dhe vetëm menjëherë publikuam dokumentet?

U sulmuam, u akuzuam për lidhje me Erion Veliaj, ndërkohë që jemi e vetmja media në “luftë” me kryebashkiakun e Tiranës që ditën e parë që ai ka marë detyrën dhe tani morëm kallëzimin e tij të radhës. Jemi në disa procese gjyqësore, të cilat i kemi fituar. Edhe me ata të Republikës së re të Lulzim Bashës. Edhe me biznesmenë të tjerë afër LSI-së dhe PS-së. Përfshirë këtu edhe pronarë të tjerë mediash.

Por, të gjithë janë të lidhur me biznesin. Të gjithë janë të lidhur me qeverinë.

Në rastin konkret akuzat nuk ishin as për tendera, as për bashkëpunime, as për favorizime, por për gjeneralitete të ndryshuara, të cilat mund të zgjidheshin shumë kollaj.

Zoti Ndroqi e pranonte publikisht ndryshimin e emrin dhe mbiemrit. Ne publikuam gjithashtu një arrestim të tij në vitin 1998, dënimi që kishte bërë me burg dhe gjithçka ishte krejt normale. Zoti Ndroqi e pranonte, mbante dhe përgjegjësitë ligjore se pse në publik është Ylli Ndroqi dhe mban licensat me emrin e tij, ndërkohë që në emrin e vjetër që ka pasur ka një problematikë, që mund të lidhet me dëshminë e penalistetit, e cila e nxjerr të dënuar.

LEXO EDHE:  Tomuschat: Haradinaj rrezikohet vetëm nëse ka akuza të reja

A mund të mbajë një licensë televizive dhe pasuri publike një ish-trafikant droge, këtë e zgjidhin institucionet.

Por, e vërteta është një dhe vetëm një. Zoti Ylli Ndroqi është shtetasi Xhemail Pasmaçiu. Ky i fundit është dënuar për trafik droge në Turqi.

Këtë nuk e kanë pranuar akoma. Kanë pranuar vetëm ndryshimin e emrin nga Xhemail në Ylli.

Na kanë sulmuar, na kanë akuzuar. Ushtarët e tij kanë punën e tyre dhe ne kemi punën tonë. Fakte dhe dokumente konkrete.

Sot po risjellim dokumentet dhe po i drejtojmë edhe disa pyetje publike.

A ka raste të tjera hetimesh apo procedime penale për shtetasin Xhemail Pasmaçiu, Ylli Pasmaçiu apo Ylli Ndroqi?, në shtetet e tjera përveç Turqisë?

Kjo është një pyetje publike që ne po e shtrojmë për sulmuesit dhe akuzuesit.

Më pas do të sjellim faktet tona.

Cilat janë lidhjet e krahut të djathtë të Edi Ramës, Engjëll Agaçi me Ylli Ndroqin?

Përse kanë bashkëpunuar?

Është rasti për të thënë të vërtetat deri në fund. Ne kemi nxjerrë dokumentet. Kemi treguar se kush është shtetasi Ylli Ndroqi. Kemi marrë sulmet.

Tani kemi bërë pyetjet dhe jemi të bindur që do marim sulme të tjera.

Në qoftë se nuk na përgjigjen, do të jemi ne ata që do t’iu përgjigjemi, jo këtyre pyetjeve, por dhe shumë të tjerave që vijnë si informacione apo kërkesa nga lexuesit tanë.

E vërteta është një dhe vetëm një. Emrin e kanë pranuar. Tani presim të pranojnë edhe dënimet dhe jeta vazhdon sërish e qetë. Ku ne si media më në fund zbuluam dhe faktuam me dokumente se një pronar medie në Shqipëri, është një ish-trafikant droge i dënuar në Turqi. Kjo është e vërteta, të cilën presim ta pranojë edhe vetë Zoti Ylli Ndroqi , Ylli Pasmaçiu, apo Xhemail Pasmaçiu./ CNA.al

BOOM-Dokumenti i dytë/ Ylli Ndroqi është trafikanti Xhemail Pasmaçiu

BOOM-Ylli Ndroqi trafikanti i drogës Xhemail Pasmaçiu/ Dokumentet e gjendjes civile

Ilir Demalia: Ylli Ndroqi ndryshoi emrin

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

“Kemi shumë nevojë për bashkëpunim”/  Drejtori i Arsimit në Korçë mesazh të fortë nxënësve dhe mësuesve

Publikuar

-

Nga

“Kemi shumë nevojë për bashkëpunim”/  Drejtori i Arsimit në Korçë mesazh të fortë nxënësve dhe mësuesve

Drejtori Rajonal i Arsimit në Korçë Kristaq Grabocka, ka dhënë një mesazh për fillimin e vitit të ri shkollor.

Grabocka ka uruar të gjithë nxënësit që nesër do të ulen në bankat e shkollës dhe i këshillon ata të bashkëpunojnë me mësuesit për çdo gjë dhe ti pyesin ata për çdo pasiguri.

Ai thekson se në këtë vit shkollor mësuesit kanë nëvojë për bashkëpunim për të përballuar problemet.

Gjithashtu Grabocka jep edhe një mesazh për mësuesit, teksa kërkon që këta të fundit të mbajnë siguri në shkollë.



“Në fillim të vitit të ri shkollor të gjithë ne urojmë, këtij urimi i bashkohet kushdo,  sepse shkollimi është i të gjithëve dhe nga ai përfitojnë të gjithë. Gëzuar Shkollar,  kushdo dhe kudo qofsh, paç një vit të mbarë dhe dalshim faqebardhë të gjithë.

Ti që nesër do ulesh në bankat e shkollës,  të ftoj të ndjekësh yllin tënd,  të mos rreshtësh së bashkëpunuari me të gjithë,  mësuesit të parët,  të mësosh duke luajtur dhe duke përdorur dijet në jetë; të vazhdosh të thuash hapur atë që di,  dhe të mos hezitosh të pyesësh për gjithçka nuk di,  apo nuk ke i sigurt. Kemi ndryshuar shumë dhe jemi krenarë, por kurrë nuk do të ndalemi së punuari që shkollarët tanë, denjësisht të përballen me bashkëmoshatarët europianë.

LEXO EDHE:  Turqia akuza militantit të ISIS për sulmin në Stamboll

LEXO EDHE:  Zëri Amerikës: Kushtetuesja, Meta sulmon ambasadën e SHBA-ve

Të dashur prindër, ne jemi aty, në klasë me fëmijën tuaj, për ta ndihmuar të hapë radhazi dyer e dijes. Por, në këtë vit të veçantë, kemi shumë nevojë për ju, mbi të gjitha edhe për bashkëpunimin tuaj,  bashkë do ja dalim.  Duke qenë bashkë problemet përballen më mirë dhe të tilla nuk do na mungojnë në këtë vit.

Të dashur kolegë, detyra jonë është e shenjtë  dhe ky shenjtërim merr një vlerë të shtuar këtë vit. Të gjithë jeni impenjuar këto ditë për të siguruar çdo gjë, për sigurinë në shkollë për çdo fëmijë.  Na kanë besuar tradicionalisht gjënë më të shtrenjtë fëmijën, jemi kujdesur, e kemi drejtuar,  por këtë vit veç të tjerëve duhet ta ndihmojmë të mbrohet nga virusi i mallkuar.  Unë jam i bindur se, ashtu sikundër jemi ne, fjalëpak dhe punë shumë, edhe këtë vit do ja dalim,  edhe me këto detyra të shtuara”, shkruan ai./ CNA.al

LEXO TE PLOTE

Lajme

Ambasada amerikane: Tre vaksinat e SHBA kundër Covid-19 në hapin e fundit drejt krijimit

Publikuar

-

Nga

Ambasada amerikane: Tre vaksinat e SHBA kundër Covid-19 në hapin e fundit drejt krijimit

Ambasada amerikane në Tiranë ka dhënë detaje për tre vaksinat kundër Covid-19 të financuara nga Shtetet e Bashkuara.

Në një postim në rrjetet sociale, ambasada thekson se vaksinat kanë hyrë në fazën e tretë të testimeve klinike, hapi i fundit drejt krijimit të një vaksine të sigurt dhe efektive para miratimit nga qeveria.



“Tre vaksina kundër Covid-19 të financuara nga Shtetet e Bashkuara kanë hyrë në fazën e tretë të testimeve klinike, hapi i fundit drejt krijimit të një vaksine të sigurt dhe efektive para miratimit nga qeveria. Nderkohë që vaksinave zakonisht iu duhen vite për t’u përfunduar, përmes operacionit Ëarp Speed, administrata po investon miliarda dollarë për të përshpejtuar krijimin, prodhimin dhe shpërndarjen e tyre. Dhjetra mijëra njerëz janë ofruar të testojnë vaksinën në mënyrë vullnetare, për t’u siguruar që ato të jenë të sigurta dhe efektive para se të aprovohen për përdorim të gjerë’, shkruan ambasada./CNA.al

LEXO TE PLOTE

Lajme

Foto-Flakët e zjarr “përpijnë” malin e Moravës

Publikuar

-

Nga

Një zjarr i madh ka përfshirë sot malin e Moravës në Korçë, i cili njihet edhe si mushkëria e qytetit juglindor.

Flakët e zjarrit u favorizuan nga era duke u përhapur në gjithë sipërfaqen ku janë djegur pishat. Zjarrfikëset nuk mundën të shuanin zjarrin i cili vazhdoi të përhapej me shpejtësi.



Nuk dihet shkaku i rënies së zjarrit, ndërsa autoritetet po punojnë për vënien nën kontroll të flakëve./CNA.al

LEXO TE PLOTE