Connect with Us

Befason Marash Kumbulla: Ja çfarë bëra me rrogën time të parë

Sport

Befason Marash Kumbulla: Ja çfarë bëra me rrogën time të parë

Publikuar

-

Marash Kumbulla është kryefjala sa i përket lojtarëve shqiptarë dhe po kërkohet nga shumë ekipe të njohura në Europë. Një intervistë tërësisht të veçantë ka bërë mbrojtësi kuqezi për “SportWeek” duke folur për hapat e parë të karrierës.

Si mbrojtës e ka përmirësuar edhe sulmuesi i njohur, Pazini, duke i dhënë këshilla të vlefshme sesi të ndalojë sulmuesit. Madje aq me vend dhe të duhura kanë qenë, sa Kumbulla arriti të ndalonte edhe Ronaldon në ndeshjen kundër Juventusit. Gjithashtu Kumbulla tregon edhe fiksimin e tij pas “PlayStation”, ku shpeshherë edhe e dashura Greta mërzitet për kohën e shumtë që kalon duke luajtur.

“Kjo pandemi më mësoi të mos e merrja gjithçka si të mirëqenë dhe të kënaqem me gjërat e vogla. Kam qenë në gjendje të kaloj më shumë kohë me familjen dhe gjithashtu mësova të bëja rizoto. Jam argëtuar, megjithëse më mungonte jeta e përditshme, e dashura Greta dhe stërvitja.

Ndihem ende pak si fëmijë, në kuptimin që më pëlqen të argëtohem. Jam shumë i fiksuar për “Play Station”, luaj edhe kur e dashura kërkon vëmendjen time dhe me të drejtë zemërohet.

Kur ??isha katër vjeç, babai im më regjistroi në shkollën e futbollit të Peschiera. Ai donte të më përcillte pasionin e tij tek unë dhe duhet thënë se shkoi mirë (qesh)! Edhe unë isha i lumtur që shkova në stërvitje dhe për të qenë i sinqertë jam akoma: stërvitja është gjithçka për mua. Verona? Unë mendoj se çdo futbollist i ri ëndërron të luajë për ekipin e qytetit të tij: Unë dëgjova për një audicion në Hellas dhe ata më morën. Me pagën time të parë si futbollist, e nxora familjen time për darkë.

Futbolli nuk më ka ndaluar të vazhdoj studimet e mia: tani jam në vitin e fundit të administrimit të financave dhe marketingut. Institucioni ku unë marr pjesë më ndihmon shumë dhe gjithmonë më ka dhënë mundësinë të studioj nga shtëpia, edhe para bllokimit. Më pëlqen të jem mbrojtës: Më pëlqejnë duelet, madje edhe ato ajrore dhe kontakti fizik. Dhe atëherë nuk ka asgjë më të kënaqshme sesa të shpëtoj ekipin si lojtari i fundit..

Në stërvitjen Pazzini më jep shumë këshilla se si të ndaloj sulmuesit: të jap një shembull, duke folur për kundër-lëvizjen, ai më mësoi që të mos jem shumë afër tyre për t’i parandaluar ata të përfundojnë dhe të ikin nga unë. Zgjodha të luaja me Kombëtaren e Shqipërisë sepse e gjithë familja ime dhe unë gjithashtu ndihemi shqiptar. A kanë djemtë shqiptarë një mentalitet tjetër? Është çështje stimuluese: në përgjithësi ato vijnë nga situata më të vështira sesa ato në të cilat rriten fëmijët italianë, dhe për të dalë prej saj ju duhet një uri dhe dëshirë e veçantë”, tha Kumbulla.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sport

Golashënuesi i Kategorisë së Parë transferohet te Partizani

Publikuar

-

Nga

Klodian Nuri nuk do të jetë më pjesë e Elbasanit. Ajo që ishte paralajmëruar prej “Panorama Sport”, ndodhi. Konfirmohet zyrtarisht se “Këpuca e Artë” e Kategorinë e Parë dje ka marrë dokumentacionin nga klubi.

Ai është zyrtarisht një futbollist i lirë dhe gjasat janë që destinacion të ketë Partizanin B. Te të kuqtë është stërvitur edhe në nisje të këtij kampionati, ndaj kjo pistë mbetet ende e hapur. Në dy vite me verdheblutë ai shënoi 20 gola, 17 prej të cilëve vetëm një vit më parë ku edhe doli edhe golashënuesi më i mirë. Tani rrugët midis palëve janë ndarë dhe 25-vjeçari do të vijojë karrierën diku tjetër, pasi nuk i mungojnë ofertat.

Nuri është futbollisti i pestë në këtë merkato dimri që largohet nga elbasanasit, pasi më parë u larguan mbrojtësit Kristian Mataj dhe Viktor Mema, mesfushori Toni Selimi dhe sulmuesi Valentin Baro.

Gjithsesi, thuajse të gjitha daljet janë rikuperuar. Janë bërë po aq afrime deri në këtë fazë të merkatos, duke kompletuar thuajse gjithë ofensivën. E megjithatë, e njëjta gjë nuk mund të thuhet për prapavijën. Ende nuk kanë afruar asnjë mbrojtës dhe këtë shqetësim e ka shprehur vazhdimisht trajneri Anxhelo Suta. Ai ka kërkuar me ngulm ndërhyrje në këtë repart, por drejtuesit nuk po gjejnë dot lojtarë të lirë në treg.

LEXO TE PLOTE

Sport

Video/ Dy ditë nga derbi i kryeqytetit, Tirana “thumbon” Partizanin

Publikuar

-

Nga

Ditën e enjte duke filluar nga ora 18:00, do të luhet ndeshja derbi mes Tiranës dhe Partizanit.

Pritet një ndeshje e luftuar nga të dyja ekipet që do të kërkojnë të marrin fitoren.

Klubi bardheblu në prag të sfidës me rivalët e kryeqytetit, ka postuar një video në faqen zyrtare, gjatë ndeshjes derbi të sezonit të kaluar me korin e tifozëve: “Tirona kampionia”.

Një “thumb” për Partizanin ky, ku kujtohet ajo fitore 5-1, e sezonit të kaluar, që ishte njëkohësisht turpëruese për “demat”.

 

LEXO TE PLOTE

BundesLiga

Ish-sulmuesi i Milanit i befason të gjithë, transferohet te…

Publikuar

-

Nga

Tashmë është zyrtare, Klas-Jan Huntelar rikthehet tek Shalke.

Ish-sulmuesi i Milanit, u transferua tek Ajaksi tri vite gjysëm më parë tek klubi i Ajaksit, dhe sot u zyrtarizua duke u rikthyer përsëri tek klubi i Gelsenkirshenit.

Sulmuesi holandez 37-vjeçar ka firmosur një kontratë deri në fundin e këtij sezoni dhe do të mbajë fanellën me numën me numër 21.

LEXO TE PLOTE